ஆச்சிரியப்படுத்திய பாப் சிங்கர் ஹிதா

ஆச்சிரியப்படுத்திய பாப் சிங்கர் ஹிதா

New Projectகலிபோர்னியாவில் புகழ் பெற்ற பாப் பாடகியான ஹிதா தன் இசையின் மூலம் கலிபோர்னிய மக்களை தன் வசம் வைத்துள்ளார். இந்திய வம்சாவளியை சேர்ந்தவரான இவரின் பூர்விகம் கர்நாடகம் ஆகும் . 14 வயதான இவருக்கு முக்கியமாக இவரின் குரலுக்கு கலிபோர்னிய மக்கள் அடிமை என்றே சொல்லலாம்.
இவரின் பாடல்களை வலைதளத்தில் கண்டு ரசித்த குவியம் மீடியா ஒர்க்ஸ் யோகேந்திரன் ஹிதாவை அணுகி சென்னையில் ஒரு பாப் இசை நிகழ்ச்சி நடத்தி தருமாறு கோரிக்கை வைக்தார்.அதை ஏற்று கொண்டு
இவர் கடந்த ஆகஸ்ட் 3ம் தேதி சென்னையில் மகேந்திர சிட்டி பின்னால் உள்ள மகரிஷி ஸ்கூல் கிரவுண்டில் தனது நிகழ்ச்சியை “INSPIRED BY HITHA “ என்ற பெயரில் நடத்தினார். இந்தியாவிற்கு அறிமுகமில்லாத இவரை ரசிகர்கள் எப்படி ஏற்கப்போகிறார்கள் என்று பெரிய சந்தேகமே இருந்தது. இந்த நிகழ்ச்சிக்கு நுழைவு கட்டணம் கட்டி பார்க்கும் வகையில் ஏற்பாடு செய்யப்பட்டிருந்தது மேலும் அவர்களுக்கு அச்சத்தை ஏற்படுத்தியது.
ஆனால் யாரும் எதிர்பாராத வகையில் ரசிகர்கள் கூட்டம் நிரம்பி வழிந்தது.

இரண்டாயிரத்துக்கும் அதிகமானோர் அங்கு இசை நிகழ்ச்சியை காண கூடி இருந்தனர். ஹிதா அறிமுகம் இல்லாதவர் என்றாலும் ரசிகர்கள் இவரது பாப் இசை பாடல்களுக்கு மயங்கினர்
மேலும் இவர் பாட ஆரம்பித்த முதல் பாடலில் இருந்து முடியும் வரை ரசிகர்கள் ஆரவாரத்துடன் இருந்தது குறிபபிடத்தக்கது. கடைசியாக பாடிய 4 பாடல்களுக்கு குழந்தைகள் ஆட்டம் போட தொடங்கிவிட்டனர்.

இவரின் நிகழ்ச்சி முடியும் தருவாயில் அனைவரும் எழுந்து நின்று கிட்ட தட்ட 10 நிமிடம் கைதட்டி கொண்டிருந்தது பாப் இசை கலைஞர் ஹிதாவை பெரும் மகிழ்ச்சி கடலில் ஆழ்த்தியது. மேலும் இந்த நிகழ்ச்சி மூலம் தமிழ் மற்றும் தெலுங்கில் பிரபலமான இசையமைப்பாளரின் இசையில் பாட வைப்பதற்கான முயற்சிகள் நடைபெற்று வருகிறது.

விவேக்கை கமல்ஹாசனுடன் இணைத்து வைத்த ஷங்கர்

விவேக்கை கமல்ஹாசனுடன் இணைத்து வைத்த ஷங்கர்

For the first time ever Vivek team up with Kamal in Indian21987ஆம் ஆண்டு வெளியான சுஹாசினியின் ‘மனதில் உறுதி வேண்டும்’ என்ற படத்தில் காமெடி நடிகராக விவேக்கை அறிமுகப்படுத்தியர் கே. பாலசந்தர்.

ரஜினி முதல் விஜய், அஜித், சூர்யா, தனுஷ், சிம்பு வரை எல்லாருடனும் நடித்து விட்டார் விவேக்.

ஆனால் உலகநாயகன் கமல்ஹாசனுடன் ஒரு படத்தில் கூட நடிக்கவில்லை.

அவருடன் நடிப்பது என் வாழ்நாள் கனவு என பலமுறை தெரிவித்திருக்கிறார் விவேக்.
தற்போது அவரைது கனவை நிறைவேற்றியுள்ளார் டைரக்டர் ஷங்கர்.

கமல்ஹாசன் நடிப்பில் உருவாகும் இந்தியன் 2 என்ற படத்தில் விவேக் முக்கிய கேரக்டரில் நடிக்கிறார்.

நடிகர்கள் சித்தார்த், காஜல் அகர்வால் உள்ளிட்டோரும் நடிக்கின்றனர்.

லைகா தயாரிக்கும் இப்படத்திற்கு அனிருத் இசையமைத்து வருகிறார்.

For the first time ever Vivek team up with Kamal in Indian2

நிலச்சரிவில் சிக்கிய தனுஷ் பட நாயகி.; முதல்வர் உத்தரவால் மீட்பு!

நிலச்சரிவில் சிக்கிய தனுஷ் பட நாயகி.; முதல்வர் உத்தரவால் மீட்பு!

Dhanushs Asuran movie heroine Manju Warrier stuck in floodகடந்த சில நாட்களாகவே வடமாநிலங்களை மழை அச்சுறுத்தி வருகிறது.

உத்தரகாண்ட், இமாச்சலப் பிரதேசம் உள்ளிட்ட பல மாநிலங்களில் பெய்த கனமழையினால் வெள்ளம் பெருக்கெடுத்துள்ளது.

மேலும் ஆங்காங்கே நிலச்சரிவும் ஏற்பட்டு வருகிறது. இதனால் தொலை தொடர்பு சாதனங்கள் செயல் இழந்துள்ளன.

பாதிக்கப்பட்ட பகுதிகளில் விமானப்படையினர் மீட்புப் பணியில் ஈடுபட்டு வருகின்றனர்.

இந்த நிலையில், சத்ரா பகுதியில் கயாட்டம் என்ற மலையாள படக்குழுவைச் சேர்ந்த 30 பேர் சிக்கியுள்ளனர். இதில் நாயகியாக மஞ்சு வாரியர் நடித்து வருகிறார்.

இவர் தான் தற்போது தனுஷ் நடித்து வரும் அசுரன் படத்தில் நாயகியாக நடித்து வருகிறார். இவர் தனுஷை விட வயது மூத்தவர் என்பது குறிப்பிடத்தக்கது.

நடிகை மஞ்சுவாரியர் சேட்டிலைட் தொலைபேசி மூலம் தனது சகோதரரை தொடர்பு கொண்டு நடந்த விவரங்களை கூறினாராம்.

இதனையடுத்து அவரது சகோதரர் கேரளாவை சேர்ந்த மத்திய மந்திரி முரளிதரனுக்கு தகவல் கொடுத்துள்ளார்.

அவர் இமாச்சலப் பிரதேச முதல் மந்திரி ஜெய்ராம் தாகூருக்கு தகவல் கூற தற்போது படக் குழுவினரை மீட்டுள்ளனர்.

நிலைமை சீரானதை தொடர்ந்து மீண்டும் படப்பிடிப்பை தொடங்கி நடத்தி வருகின்றனர்.

Dhanushs Asuran movie heroine Manju Warrier stuck in flood

ஆறே நாட்களில் 25 கோடியை அள்ளிய ‘கோமாளி’ நடிகர்

ஆறே நாட்களில் 25 கோடியை அள்ளிய ‘கோமாளி’ நடிகர்

Jayam Ravis Comali collected Rs 25c in 6 daysஜெயம் என்ற படத்தின் மூலம் அறிமுகமாகி தற்போது 25 படங்களை நெருங்கி கொண்டிருக்கிறார் ரவி.

தரமான கதைகளை தேர்ந்தெடுத்து அதில் தன் திறமையான நடிப்பை கொடுத்து அனைத்து தரப்பு ரசிகர்களையும் கவர்ந்து வருகிறார்.

இவரது பெரும்பாலான படங்கள் அனைத்தும் தயாரிப்பாளருக்கு லாபத்தையே கொடுத்துள்ளது.

பேராண்மை, மிருதன், தனி ஒருவன், சந்தோஷ் சுப்ரமணியம், போகன், நிமிர்ந்து நில், அடங்கமறு என வெற்றிப் படங்களை கொடுத்து வந்த இவரது வரிசையில் தற்போது இணைந்துள்ள படம் கோமாளி.

இந்த படம் ஆகஸ்ட் 15ஆம் தேதி வெளியானது. தற்போது வரை 6 நாட்களில் ரூ. 25 கோடியை வசூலித்துள்ளதாக அறிவித்துள்ளனர்.

பிரதீப் ரங்கநாதன் இயக்கிய இப்படத்தை ஹசரி கணேஷ் தயாரிக்க, ஹிப்ஹாப் ஆதி இசையமைத்திருந்தார்.

இதில் ஜெயம் ரவியுடன் காஜல் அகர்வால், யோகிபாபு, சாரா, சம்யுக்தா உள்ளிட்டோர் நடித்திருந்தனர்.

Jayam Ravis Comali collected Rs 25c in 6 days

இந்திய கால்பந்து அணியின் பொற்காலத்தை அடிப்படையாகக் கொண்ட மைதான்

இந்திய கால்பந்து அணியின் பொற்காலத்தை அடிப்படையாகக் கொண்ட மைதான்

New Project (2)இந்த ஆண்டு தேசிய விருது வென்ற கீர்த்தி சுரேஷ் நடிக்க ஒப்பந்தம் ஆகியுள்ளார். இன்று இப்படத்தின் படப்பிடிப்பு தொடங்கி 2020 இல் வெளியாகும் என்று எதிர்பார்க்கப்படுகிறது.

இப்படத்தை ZEE ஸ்டுடியோஸ் மற்றும் போனி கபூர் இணைந்து வழங்குகின்றனர.

தேசிய விருது பெற்ற படமான ‘பாதாய் ஹோ’வின் அமித் ரவீந்தர்நாத் சர்மா இப்படத்தை இயக்கயுள்ளார். திரைக்கதை சைவின் குவாட்ரோஸ் மற்றும் வசனங்களை ரித்தேஷ் ஷா எழுதியுள்ளனர். “மைதான்” போனி கபூர், ஆகாஷ் சாவ்லா மற்றும் அருணாவா ஜாய் சென்குப்தா ஆகியோர் தயாரிக்கின்றனர்.

சூப்பர் ஸ்டார்களின் பாராட்டு மழையில் பார்த்திபனின் ஒத்த செருப்பு

சூப்பர் ஸ்டார்களின் பாராட்டு மழையில் பார்த்திபனின் ஒத்த செருப்பு

New Project (1)உலக திரைப்பட சாதனை முயற்சியாக ராதாகிருஷ்ணன் பார்த்திபனால் உருவாக்கப்பட்டிருக்கும் ஒத்த செருப்பு படத்துக்கு சூப்பர் ஸ்டார்களின் பாராட்டு குவிந்து வருகிறது.
நமக்கு நெருக்கமான ரஜினிகாந்த், கமல்ஹாசன், இயக்குநர் ஷங்கர் மட்டுமின்றி ஆமீர்கான், சிரஞ்சீவி, மம்மூட்டி, மோகன்லால்
மற்றும் யாஷ் ஆகியோரும் இப்படத்தைத் தயாரித்து இயக்கியதுடன், தனியொரு மனிதனாகத் தோன்றி, முழுப் படத்தையும் தன் தோளில் சுமந்திருக்கும் பார்த்திபனின் வானளாவிய சாதனையை வாயார வாழ்த்திப் புகழ்கின்றனர்.
சூப்பர் ஸ்டார் ரஜினிகாந்த் அனுப்பிய வாழ்த்துச் செய்தியில் பார்த்திபனின் அபாரமான இந்த முயற்சி, உலக அளவில் அங்கீகாரம் பெற வேண்டும். எனவே சப் டைட்டிலுடன் படத்தை ஆஸ்கார் விருது தேர்வுக்கு அனுப்ப வேண்டும் என்று குறிப்பிட்டிருக்கிறார்.
உலக நாயகன் கமல்ஹாசன் தன் வாழ்துச் செய்தியில்,ஏற்கெனவே ஒற்றைப் பாத்திரமாக படம் முழுவதும் வந்த ராபர்ட் ரெட்ஃபோர்ட், டாம் ஹார்டி ஆகிய ஹாலிவுட் நட்சத்திரங்களின் வரிசையில் பார்த்திபனும் இணைந்து விட்டது நிதர்சனமாகத் தெரிகிறது என்று கூறியிருக்கிறார்.
மெகா ஸ்டார் சிரஞ்சீவி, நண்பர் பார்த்திபனின் தனித்துவம் மிக்க திரைப்பட சோதனை முயற்சி இது என்று தெரிவித்திருக்கிறார்.
இந்தி நடிகர் ஆமிர்கான், வழக்கத்துக்கு மாறான மிகப் புதிய முயற்சி இது. இதைப்பற்றி பேசுவதற்கே பரவசமாக இருக்கிறது என்று சொல்கிறார்.

கன்னட சூப்பர் ஸ்டார் யாஷ், யாருமே பயணப்படாத புதிய பாதையில் பயணப்படுவது பார்த்திபனுக்கு கைவந்த கலை. எங்களைப் போன்ற நடிகர்கள் செய்ய பயப்படுவதை அவர் எளிதாகச் செய்திருக்கிறார் என்று கூறியிருக்கிறார்.
இயக்குநர் ஷங்கர், இதுதான் தனி மனித சாதனை. ஓத்த செருப்பு சைஸ் 7 என்ற தலைப்பே ஆர்வத்தைத் தூண்டுகிறது. அந்த செருப்பு யாருடையது என்பதைத் தெரிந்து கொள்ள முயலும்போது ஆர்வம் அதிகரிக்கிறது என்றார்.
ஆஸ்கர் விருதுக்கு முழு தகுதியுள்ள இந்தப் படத்திற்கு ஏற்கெனவே ஆஸ்கர் விருதை வென்ற புரொடக்ஷன் டிசைனர் ரசூல் பூக்குட்டியும் தன் பாராட்டுக்களையும் வாழ்த்துக்களையும் தெரிவித்திருக்கிறார்.

ராம்ஜி ஒளி்ப்பதிவு இயக்குநராகப் பணியாற்றியிருக்கும் ஓத்த செருப்பு சைஸ் 7 படத்துக்கு சந்தோஷ் நாராயணன் இசையமைத்திருக்கிறார். சி.சத்யா பின்னணி இசைக் கோர்பு செய்திருக்கிறார். சுதர்சன் படத்தொகுப்பு செய்திருக்கும் இப்படத்துக்கு அகடமி விருது வென்ற ரசூல் பூக்குட்டி கலை இயக்குநராகவும், அம்ரித் ப்ரீத்தம் சவுண்ட் டிசைனராகவும் பொறுப்பற்றிருக்கின்றனர். பாடல்களை விவேகா எழுதியிருக்கிறார். இதர தொழில் நுட்பக் கலைஞர்கள்
புகைப்படங்கள் – விஷ்ணு
இணை இயக்கம் – கிருஷ்ணமூர்த்தி
பப்ளிசிட்டி டிசைனர்- டி.கண்ணதாசன்
மக்கள் தொடர்பு சுரேஷ் – சந்திரா-ரேகா (D’one)
IGENE- (D.I)
Whitee Lottus- (VFX)

பயாஸ்கோப் ஃபிலிம் ஃபிரேம்ஸ் சார்பில் ராதாகிருஷ்ணன் பார்த்திபன் தயாரித்து இயக்கியிருக்கும் இப்படம் இம்மாதம் 30ஆம் தேதி உலகெங்கும் திரைக்கு வருகிறது.
மேலும் ஆகஸ்ட் 30 முதல் செப்டம்பர் 7வரை சிங்கப்பூரில் நடக்கும் தெற்கு ஆசிய சர்வதேச திரைப்பட விழாவிலும் கலந்து கொள்வது குறிப்பிடத் தக்கது.

More Articles
Follows