தமிழ் சினிமா அப்டேட்ஸ் களை உடனுக்குடன் தெரிந்து கொள்ள
Filmi Street App - ஐ டவுன்லோட் செய்யுங்கள்
தமிழ் மலையாளம் தெலுங்கு உள்ளிட்ட தென்னிந்திய மொழிகளில் 200க்கும் மேற்பட்ட படங்களில் நடித்தவர் சரத்பாபு.
தமிழில், ‘நிழல் நிஜமாகிறது’, ‘உதிரிப்பூக்கள்’, ‘நெஞ்சத்தைக் கிள்ளாதே’, ‘முள்ளும் மலரும்’, ‘அண்ணாமலை’, ‘முத்து’, ‘சலங்கை ஒலி’, ‘கஜேந்திரா’, ‘வேலைக்காரன்’ உள்ளிட்ட பல படங்களில் நடித்துள்ளார்.
இந்த நிலையில் நேற்று மே 22ஆம் தேதி உடல்நல குறைவால் சிகிச்சை பலனின்றி நடிகர் சரத்பாபு காலமானார்.
அவருக்கு திரையுலகினரும் ரசிகர்களும் இரங்கல் தெரிவித்து வருகின்றனர்.
நடிகர் ரஜினிகாந்த் தன்னுடைய ட்விட்டர் பதிவில் தன் இரங்கலை உருக்கமாக தெரிவித்துள்ளார்.
“என்னுடைய நெருங்கிய நண்பர், அருமையான மனிதர் சரத்பாபுவை நான் இழந்திருக்கிறேன்.
இது ஈடுகட்ட முடியாத இழப்பு.
அவருடைய ஆத்மா சாந்தியடையட்டும்.
#SarathBabu
என தெரிவித்திருந்தார்.
இந்த நிலையில் இன்று மே 23ஆம் தேதி சென்னை தி-நகரில் வைக்கப்பட்டுள்ள சரத்பாபு உடலுக்கு ரஜினிகாந்த் நேரில் சென்று அஞ்சலி செலுத்தினார்.
அஞ்சலி செலுத்திய பின் செய்தியாளர்களிடம் ரஜினி பேசியதாவது..
“நான் சினிமாவுக்கு வருவதற்கு முன்பே எனக்கு சரத்பாபு உடன் பழக்கம் இருந்தது.
ரொம்ப நல்ல நண்பர்.. அருமையான மனிதர். என்னுடைய நலனில் அதிக அக்கறை கொண்டவர் சரத்பாபு.
நான் சிகரெட் பிடிப்பது அவருக்கு சுத்தமாக பிடிக்காது. ரஜினி இந்த பழக்கம் வேண்டாம் என அடிக்கடி சொல்லுவார். நீங்க ரொம்ப நாள் நல்ல ஆரோக்கியமா இருக்கணும் என்பார்.
எனவே அவர் முன்பு சிகரெட் பிடிக்க மாட்டேன். உங்க எல்லாருக்கும் தெரியும் சரத்பாபு நானும் இணைந்து நடித்த படங்கள் அனைத்தும் சூப்பர் ஹிட்.
வேலைக்காரன் முள்ளும் மலரும் முத்து அண்ணாமலை பல படங்கள் நடித்திருக்கிறோம். அண்ணாமலை படத்தில் ஒரு காட்சியில் நண்பன் சரத்பாவுக்கு நான் சவால் விடுவதாக ஒரு காட்சி இருக்கும்.
அந்த காட்சியில் 15 முறை நடித்தும் டேக் ஓகே ஆகவில்லை. அப்போது என் அருகில் இருந்த சரத்பாபு.” ரஜினி இங்க வா சிகரெட் பிடி என்று கூறி சிகரெட் கொடுத்தார். ரிலாக்ஸ் பண்ணு என்றார்.
அப்போது சிகரெட் அடித்த பிறகு அந்த காட்சி ஓகே ஆனது.. இதை எதற்கு சொல்கிறேன் என்றால்… அவர் அடுத்தவர் காட்சி நன்றாக வர வேண்டும் என ஒத்துழைக்கும் நடிகர். நல்லவர். அவர் அவரின் ஆன்மா சாந்தி அடையட்டும்” என பேசினார் நடிகர் ரஜினிகாந்த்.
சரத்பாபு உடலுக்கு நடிகர்கள் சூர்யா கார்த்தி சரத்குமார் மற்றும் ராதிகா உள்ளிட்டோர் நேரில் சென்று அஞ்சலி செலுத்தியுள்ளனர்.
https://youtube.com/shorts/fpMiZqCU1L0?feature=share4 நண்பனை இறுதியாக பார்க்க வந்த ரஜினி – Rip Sarathbabu | #SarathBabu #ripsarathbabu
https://youtube.com/shorts/dFynZMkS5P4?feature=share4 Bhagyaraj Sarathkumar & Radika Sarathkumar Paid There Last Respect to Sarathbabu #ripsarathbabu
https://youtu.be/N29LWoo1yQo எங்க Friendship ஜாஸ்தி வெளிய தெரியாது 💔 Y.Gee. Mahendran | RIP Sarath Babu | #ripsarathbabu
Rajinikanth shared his working experience with sarath babu





