தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ரஜினிகாந்த் நடிப்பில் சிவா இயக்கிய அண்ணாத்த திரைப்படம் தீபாவளியை முன்னிட்டு அன்றைய தினம் நவம்பர் 4ல் ரிலீசானது.
பெண்களையும் குழந்தைகளையும் ரஜினி ரசிகர்களை கவர்ந்த இந்த படம் பெரியளவில் உலகளவில் வசூல் வேட்டையாடி வருகிறது.
படம் ரிலீசாகி 10 நாட்கள் ஆன நிலையில் ரூ. 250 கோடி வசூலை நெருங்கியுள்ளதாக கூறப்படுகிறது.
மற்றொரு புறம் இந்த படத்திற்கு பல நெகட்டிவ் விமர்சனங்களும் வந்த வண்ணம் உள்ளன.
இந்த நிலையில் தன் மகள் சௌந்தர்யா அறிமுகம் செய்த HOOTE செயலி மூலம் அண்ணாத்த படத்தை ஒப்புக் கொண்டது எப்படி என ரஜினி தனக்கே உரிய பாணியில் பேசியுள்ளார்.
அவர் பேசியதாவது…
“காலா, கபாலி படங்களில் வயதான கெட்டப்பில் நடித்தேன். ஆனால் பேட்ட படத்தில் என்னை இளமையாக ஸ்டைலிஷ் ஆக காட்டியிருந்தார் டைரக்டர் கார்த்திக் சுப்புராஜ். படம் மிகப்பெரிய வெற்றி.
பேட்ட ரிலீசான அதே நாளில் அஜித் நடித்த விஸ்வாசம் படமும் ரீலீசானது. அந்த படமும் சூப்பர் ஹிட்டாச்சு.
உடனே எனக்கு விஸ்வாசம் படம் பார்க்க தோனுச்சி. அதன்படி பார்க்க ஆரம்பித்தேன். இடைவேளையும் வந்தது. விஸ்வாசம் படத்துல என்ன இருக்கு? எப்படி இது ஹிட்டாச்சுன்னு நினைச்சிட்டே இருந்தேன்.
படம் இடைவேளைக்கு பிறகு போக போக சூப்பரா இருந்துச்சி. க்ளைமாக்ஸ் சூப்பர். உடனே சிவாவை கூப்பிட்டு பாராட்ட தோனுச்சி.
என் வீட்டுக்கு அழைத்தேன். பாராட்டினேன். அவரு பார்க்கத்தான் பெரிய உருவம். சின்ன குழந்தை மாதிரிதான் பேசுவார்.
எனக்கும் கதை இருந்தா சொல்லுங்க என்றேன். பேட்ட மாதிரி ஹிட் கொடுக்கனும்னு சொன்னேன். சார் நீங்க இருந்தா ஹிட்தான்னு சொன்னாரு.
அண்ணாமலை, பாட்ஷா, தளபதி படங்கள்ல நல்ல கதை இருந்துச்சி. நீங்களும் இருந்தீங்க. படம் சூப்பர் ஹிட்.
ஒரு கிராமத்து பின்னணி.. நல்ல கதை.. இதுபோல இருந்தா.. ஹிட் கொடுக்கலாம்ன்னு சொன்னாரு.
அப்புறம் 2 வாரம் கழிச்சி நல்ல கதையோடு வந்தாரு. கதை சொன்னாரு. குடிக்க தண்ணி வேனும்னு கேட்டாரு. (தண்ணின்னா சாதாரண தண்ணிதாங்க.. நீங்க நினைக்கிற மாதிரி தண்ணி இல்ல…) தண்ணி குடிச்சிட்டே கதை சொன்னாரு. நான் கண் கலங்கிட்டேன்.
அவ்வளவு அருமையான கதை. சொல்லி அடிச்ச வெற்றி அண்ணாத்த படம். மாபெரும் வெற்றி கிடைச்சிருக்கு. அனைவருக்கும் நன்றி.”
என பேசியுள்ளார் ரஜினிகாந்த்.
Rajini talks about Annatthe success and Viswasam movie