பிருந்தாவன மேடை… கவித்துமான செட்டப்.. மைக்கை வீசிய பார்த்திபன்… ‘இரவின் நிழல் விழா ஹைலைட்ஸ்

பிருந்தாவன மேடை… கவித்துமான செட்டப்.. மைக்கை வீசிய பார்த்திபன்… ‘இரவின் நிழல் விழா ஹைலைட்ஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பார்த்திபன் ஒருவர் மட்டுமே நடித்து இயக்கி மிகவும் பரபரப்பாக பேசப்பட்டு தேசிய விருதை வென்ற படம் ‘ஒத்த செருப்பு’.

பார்த்திபனின் இந்த முயற்சிக்கு ’ஸ்பெஷல் ஜூரி’ தேசிய விருது, ரசூல் பூக்குட்டிக்கும் சிறந்த ஆடியோகிராபிக்கான தேசிய விருது வழங்கப்பட்டது.

இந்தப் படத்தைத் தொடர்ந்து பார்த்திபன் இயக்கவுள்ளதாக அறிவித்தப்படம் ‘இரவின் நிழல்’.

இந்த படம் நான் லீனியர் முறையில் ஒரே ஷாட்டில் உருவாகியுள்ளது.

இந்த படத்தில் பார்த்திபன் நாயகனாக நடித்துள்ளார். அவருடன் வரலட்சுமி, பிரிகிடா (பவி டீச்சர்) உள்ளிட்டோர் முக்கிய வேடங்களில் நடித்துள்ளனர்.இந்த படத்திற்கு ஏ.ஆர்.ரஹ்மான் இசையமைத்துள்ளார்.

இதன் மோஷன் போஸ்டர் சமீபத்தில் வெளியாகி ரசிகர்களின் கவனம் ஈர்த்தது.

இப்படத்தின் இசை வெளியீட்டு விழா ஜீன் 5ஆம் தேதி மிகப்பிரம்மாண்டமான முறையில் நடைபெறவுள்ளது.

இந்த நிலையில் இன்று மே 1 உழைப்பாளர் தினத்தில் சென்னையில் இப்படத்தின் சிங்கிள் ட்ராக்கை திரையுலக பிரபலங்கள் முன்னிலையில் வெளியிட்டனர். இயக்குனர் கரு பழனியப்பன் நிகழ்ச்சியினை தொகுத்து வழங்கினார்.

இவ்விழாவில் முன்னாள் நீதியரசர் சந்துரு, இயக்குநர்கள் சசி, எழில், சமுத்திரக்கனி, சுரேஷ் காமாட்சி, ஞானவேல் எழுத்தாளர் ராமகிருஷ்ணன் உள்ளிட்ட பலர் பிரபலங்கள் கலந்துக் கொண்டு வாழ்த்தினர்.

இந்த படத்தை ஏற்கெனவே பார்த்த பிரபலங்கள் பார்த்திபன் மற்றும் ஏஆர். ரஹ்மானை பாராட்டி பேசினர்.

மேடை அழகாக அலங்கரிப்பட்டு இருந்தது. அழகான பூங்கா போல சேர்கள் போடப்பட்டு இருந்தன. பாடல் ஒலிக்கும்போது கவித்துவமான அலங்காரம் செய்யப்பட்டு இருந்தன.

ஆனால் ஒரு தொழில்நுட்ப கோளாறு காரணமாக சிறு டென்ஷனில் தான் வைத்திருந்த கைக்கை வீசி எறிந்தார் பார்த்திபன். இதனைப் பார்த்த ஏஆர். ரஹ்மான் கொஞ்சம் ஷாக்காகி போனார்.

‘இரவின் நிழல்’ படத்தின் முதல் சிங்கிள் பாடலான மாயவா மாயவா என்று தொடங்கும் பாடலை ஸ்ரேயா கோஷல் பாடியிருக்கிறார். அந்த பாடலை வெளியிட்டனர். த்வானி நிறுவனம் சார்பில் இப்பாடல் வெளியிடப்பட்டது.

இந்த பாடலில் பார்த்திபன் மற்றும் பிரிகிடா காதல் ஜோடிகளாக நடித்துள்ளனர்.

இந்த விழாவில் ரஹ்மானுக்கு அவரது தந்தை, தாய் உருவம் பதித்த நினைவுப் பரிசை பார்த்திபன் வழங்கினார்.

Parthibans Single shot movie Iravin Nizhal single track launch

‘தோட்டா’ ஆல்பம்…; ரீல்ஸ் ரசிகர்களுக்கு ரம்யா பாண்டியன் கோரிக்கை

‘தோட்டா’ ஆல்பம்…; ரீல்ஸ் ரசிகர்களுக்கு ரம்யா பாண்டியன் கோரிக்கை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

NOISE and GRAINS வழங்கும், ரியோ ராஜ், ரம்யா பாண்டியன் நடிப்பில் “தோட்டா” ஆல்பம் பாடல் வெளியீடு !*

இளம் திறமையாளர்களை, அவர்களின் திறமைகளை பொது வெளியில் பிரபலப்படுத்தும் வகையில், சுயாதீன கலைஞர்களை ஊக்குவிக்கும் வகையில், Noise and Grains புதிய இளம் திறமையாளர்களின் உருவாக்கத்தில் ஆல்பம் பாடல்களை உருவாக்கி வருகிறது.

Noise and Grains தயாரிப்பில் ரியோ ராஜ் நடிப்பில் “கண்ணம்மா என்னம்மா” ஆல்பம் பாடலின் பிரமாண்ட வெற்றிக்கு பிறகு அந்நிறுவனம் தயாரித்திருக்கும் அடுத்த ஆல்பம் பாடல் “தோட்டா”. இப்பாடலை பிரேம்ஜி, நித்யஶ்ரீ பாடியுள்ளனர்.

இப்பாடலில் ரியோ ராஜ் மற்றும் ரம்யா பாண்டியன் நடிக்க, தேவ் பிரகாஷ் இசையில் இப்பாடலை பிரிட்டோ JB இயக்கியுள்ளார்.

நேற்று இப்பாடலின் வெளியீட்டு விழா, சின்னத்திரை பிரபலங்கள், திரை நட்சத்திரங்கள், கலந்துகொள்ள, பத்திரிகையாளர்கள் முன்னிலையில் கோலாகலமாக நடைபெற்றது.

இவ்விழாவினில் படக்குழுவினருடன் பிக்பாஸ் புகழ் ராஜு, அபிராமி, ஜூலி, சக்ரவர்த்தி, கேப்ரியல்லா, உட்பட பல பிரபலங்கள் கலந்து கொண்டு படக்குழுவினரை வாழ்த்தினர்.

இயக்குநர் பிரிட்டோ பேசியதாவது..*

கண்ணம்மா பாடல் ஹிட்டான பிறகு இந்த பாடல் செய்யலாம் என முடிவெடுத்த போது முதலில் ரியோ தான் செய்ய வேண்டும் என நினைத்தேன். அவரிடம் ரம்யா இந்த பாடலை செய்தால் நன்றாக இருக்குமென்று சொன்னேன். அவர் ஒப்புக்கொள்வார் என்றால் ஓகே என்றார்.

ரம்யா ஒப்புக்கொண்டு பணியாற்றி தந்ததற்கு நன்றி. என்னை நம்பி கடுமையாக உழைத்த என் குழுவினருக்கு நன்றி. இந்த பாடலை அட்டகாசமாக பாடி தந்த பிரேம் ஜி மற்றும் நித்யஶ்ரீ இருவரும்கும் நன்றி. இந்த பாடலையும் பெரிய அளவில் வெளியிடும் Noise & Grains அவர்களுக்கு நன்றி.

*நடிகர் பிக்பாஸ் பிரபலம் ராஜு பேசியதாவது…*

நானும் ரியோவும் வாய்ப்பு தேடிய காலத்திலிருந்தே மிகவும் நெருங்கிய நண்பர்கள். அவர் எப்போதும் சின்ஸியராக இருப்பார். அவர் ரொம்பவும் திறமைசாலி. இந்த பாடலில் நடனம் அற்புதமாக இருந்தது. ரம்யாவின் ரசிகன் நான், அவருக்காகவே பலமுறை பாடல் பார்த்தேன்.

திரைப்பட பாடல் வெளியீட்டு விழா தான் இவ்வளவு பெரிதாக நடக்கும் இந்த பாடலுக்கு நடப்பதை பார்க்க மகிழ்ச்சியாக இருக்கிறது. ரியோவுக்கும் குழுவினருக்கும் வாழ்த்துகள்.

*நடிகர் ரியோ ராஜ் பேசியதாவது…*

கண்ணம்மா பாடல் ஒரு மொட்டை மாடியில் எதேச்சையாக உருவானது. அது மிகப்பெரிய ஹிட்டானது. இந்த பாடல் பற்றி Noise & Grains அவர்களிடம் தெரிவித்தவுடன் ஓகே சொல்லிவிட்டார்கள். அவர்களுக்கு தான் பெரிய நன்றி சொல்ல வேண்டும்.

மாதேஷ் மாணிக்கம் பெரிய பெரிய படங்களுக்கு ஒளிப்பதிவு செய்பவர் எங்கள் டீமில் அவர் மட்டும் தான் பெரிய ஆள், அவர் இந்த பாடலை செய்து தந்ததற்கு நன்றி. பிரிட்டோ மிக அற்புதமாக இயக்கியுள்ளார். அவர் இன்னும் பெரிதாக வளர்வார். பிக்பாஸில் சண்டை போட்டுக்கொண்டாலும் நானும் ரம்யாவும் நண்பர்கள் அவர் இதில் நடித்தது மகிழச்சி. எங்களை பாராட்ட வந்த அனைவருக்கும் நன்றி.

*நடிகை ரம்யா பாண்டியன் பேசியதாவது…*

நான் இதுவரை எந்த ஆல்பம் பாடலும் செய்ததில்லை. பிரிட்டோ சொன்ன ஐடியா பிடித்திருந்தது. உடனே ஒப்புக்கொண்டேன் இந்த டீம் ஜாலியான டீம். இப்பாடலில் வேலை பார்த்த அனுபவம் மிக சந்தோசமாக இருந்தது. இந்த பாடல் உங்கள் அனைவருக்கும் பிடிக்கும். ரீல்-ஸில் எங்கள் நடனத்தை ஆடி இப்பாடலை ஹிட் செய்யுங்கள் அனைவருக்கும் நன்றி

இயக்கம் – பிரிட்டோ JB
இசை – தேவ் பிரகாஷ்
பாடல்கள் – A S தாவூத்
பாடியவர்கள் – பிரேம் ஜி , நித்யஶ்ரீ
நடனம் – அபு & சால்ஸ்
ஒளிப்பதிவு – மாதேஷ் மாணிக்கம்
படத்தொகுப்பு – கிருஷ்ணா குமார் கிரியேட்டிவ் டைரக்டர் – கார்த்திக் ஶ்ரீனிவாஷ்
பிஸினஸ் டைரக்டர் – மஹாவீர் அசோக்
மக்கள் தொடர்பு – நிகில் முருகன்

Rio Raj and Ramya Pandiyan launch Album song Thotta

தூய்மைப் பணியாளர்களின் வாழ்வை 4 மொழிகளில் சொல்லும் ‘விட்னஸ்’

தூய்மைப் பணியாளர்களின் வாழ்வை 4 மொழிகளில் சொல்லும் ‘விட்னஸ்’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நாம் கண்டும், காணாது, கடந்து போகும் தூய்மைப்ப ணியாளர்களின் வாழ்வை பேசுகிற படமாக வெளிவரவிருக்கிறது ‘விட்னஸ்’ திரைப்படம்.

தமிழ் தெலுங்கு, இந்தி , கன்னட மொழிகளில் வெளியாகவிருக்கும் விட்னஸ் படத்தின் பர்ஸ்ட் லுக் இன்று வெளியிடப்பட்டிருக்கிறது.“விட்னஸ்”

நகரத்தில் நடைபெறும் பல தினசரிக் குற்றங்களில் ஒன்று தான் இதுவும். இதற்கு முன் பலமுறை நடந்திருந்தாலும் ஒரு சிறிய அதிர்வைக் கூட இது ஏற்படுத்தியதில்லை.

ஆனால் இம்முறை, பல்வேறு காரணங்களால் இதை அவ்வளவு எளிதாக மறைத்துவிட முடியவில்லை. இதன் தொடர்ச்சியாக நடக்கும் விசாரணையில், பல கண்ணியமான மனிதர்களின் உண்மை முகம் வெளிச்சத்திற்கு வருகிறது.

தூய்மைப் பணியாளர்களின் உலகத்தை மையமாகக் கொண்டிருக்கும் இந்த “விட்னஸ்” திரைப்படம், பெருநகரங்கள் குறித்து நாம் இதுவரை கண்டிராத உண்மைகளையும், கண்ணுக்குப் புலப்படாத வகையில் அங்கே செயல்படும் அதிகார மையங்களையும் நம்மிடம் கொண்டு வந்து சேர்க்கிறது.

தெலுங்கு மற்றும் கன்னடத் திரைத்துறைகளில் மாபெரும் வெற்றிப்படங்களைத் தயாரித்து வெளியிட்ட ‘தி பீப்பிள் மீடியா பேக்டரி’, ஒரு அழுத்தமான, அதே சமயம் உணர்வுபூர்வமான திரைப்படத்தின் வாயிலாக தமிழ்த் திரையுலகில் காலடி எடுத்து வைக்கிறது.

“தி பீப்பிள் மீடியா பேக்டரி” என்ற பேனரின் கீழ் இந்தப் படத்தைத் தயாரித்திருப்பவர் டி.ஜி.விஷ்வபிரசாத். அவருடன் இணைந்து இதைத் தயாரித்திருப்பவர் விவேக் குச்சிபோட்லா.

இத்திரைப்படத்தை இயக்கி, ஒளிப்பதிவு செய்திருப்பவர் தீபக். திரைக்கதை எழுதியவர்கள் முத்துவேல் மற்றும் ஜே.பி. சாணக்யா.

படத்தொகுப்பு செய்திருப்பவர் பிலோமின் ராஜ். இசையமைப்பு செய்திருப்பவர் இரமேஷ் தமிழ்மணி.

ஷ்ரத்தா ஶ்ரீநாத், ரோகிணி, அழகம்பெருமாள், சண்முகராஜா, ஜி. செல்வா, சுபத்ரா ராபர்ட், இராஜீவ் ஆனந்த் மற்றும் எம்.ஏ.கே.இராம் இதில் நடித்துள்ளனர்.

தமிழில் நேரடியாக வெளியாகவிருக்கும் இத்திரைப்படம், தெலுங்கு, கன்னடம் மற்றும் இந்தி மொழிகளிலும் டப்பிங் செய்யப்பட்டுள்ளது.

விரைவில் வெளியாகவிருக்கிறது ‘விட்னஸ்’.

Witness movie story based on Cleanliness workers

சனிக்கிழமைன்னாலே பார்ட்டிதான்…; சிவகார்த்திகேயன் தந்த பிரைவேட் பார்ட்டி

சனிக்கிழமைன்னாலே பார்ட்டிதான்…; சிவகார்த்திகேயன் தந்த பிரைவேட் பார்ட்டி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சிபி சக்கரவர்த்தி இயக்கத்தில் சிவகார்த்திகேயன் மற்றும் பிரியங்கா அருள்மோகன் இணைந்துள்ள படம் ’டான்’.

இவர்களுடன் எஸ்ஜே சூர்யா, பாலசரவணன், சூரி உள்ளிட்டோர் நடித்துள்ளனர்.

அனிருத் இசையில் உருவாகியுள்ள இந்த படத்தை லைகா நிறுவனம் சார்பாக சுபாஸ்கரன் தயாரித்து உள்ளார். சிவகார்த்திகேயனும் கோ புரொடியூசராக இணைந்துள்ளார்.

உதயநிதி ஸ்டாலினின் ரெட் ஜெயன்ட் மூவிஸ் இந்த படத்தை தமிழகம் முழுவதும் ரிலீஸ் செய்கிறது.

இந்த படம் மே 13ஆம் தேதி வெளியாக உள்ளது.

எனவே இப்படத்தின் புரமோஷன் பணிகளில் படக்குழுவினர் ஈடுபட்டு வருகின்றனர்.

ஏற்கெனவே ஜலபுல ஜங், பே உள்ளிட்ட இரண்டு பாடல்கள் வெளியாகி ரசிகர்களின் வரவேற்பை பெற்ற நிலையில் இப்படத்தின் 3வது பாடலான பிரைவேட் பார்ட்டி பாடலை படக்குழுவினர் இன்று சனிக்கிழமை வெளியிட்டுள்ளனர்.

அதன்படி ’சனிக்கிழமை என்றாலே பார்ட்டிதான், எனவே சனிக்கிழமை டான்’ படத்தின் ’பிரைவேட் பார்ட்டி’ என்ற பாடல் மாலை 5 மணிக்கு வெளியாகும் என சிவகார்த்திகேயன் பதிவிட்டு இருந்தார்.

அதன்படி இன்று சற்றுமுன் அந்த பாடல் வெளியாகியுள்ளது.

இந்த பாடல் வீடியோ தற்போது வைரல் ஆகி வருகிறது.

Private party song from Sivakarthikeyan’s Don is released

அஜித்துக்கு வில்லனாக விஜய்சேதுபதி..; விக்னேஷ்சிவன் விளக்கம்

அஜித்துக்கு வில்லனாக விஜய்சேதுபதி..; விக்னேஷ்சிவன் விளக்கம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விக்னேஷ் சிவன் இயக்கத்தில் உருவான ’காத்துவாக்குல ரெண்டு காதல்’ என்ற படம் ஏப்ரல் 28ல் வெளியானது.

இதனையடுத்து லைகா தயாரிப்பில் அஜித் நடிக்கவுள்ள ’அஜித் 62’ படத்தை இயக்கவுள்ளார் விக்னேஷ் சிவன்.

இந்த நிலையில் அஜித்துக்கு வில்லனாக விஜய்சேதுபதி நடிப்பதாக தகவல்கள் வந்தன.

ஏற்கெனவே ‘பேட்ட’ படத்தில் ரஜினிக்கும் ‘மாஸ்டர்’ படத்தில் விஜய்க்கும் ‘விக்ரம்’ படத்தில் கமலுக்கும் வில்லனாக நடித்திருத்தார் விஜய்சேதுபதி.

எனவே முன்னணி நடிகரான அஜித்துக்கும் வில்லனாக விஜய்சேதுபதி நடிப்பாரா? என்ற சந்தேகம் ரசிகர்களிடையே எழுந்துள்ளது.

இது குறித்த கேள்விக்கு விக்னேஷ் சிவன் பதிலளித்துள்ளதாவது… ‘என்னுடைய ஹீரோவை நான் வில்லனாக பார்க்க மாட்டேன், அது நடக்கவே நடக்காது’ என தெரிவித்துள்ளார்.

விக்னேஷ் சிவன் இயக்கிய ’நானும் ரவுடிதான்’ மற்றும் ’காத்துவாக்குல ரெண்டு காதல்’ ஆகிய இரண்டு படங்களிலும் விஜய் சேதுபதிதான் ஹீரோவாக நடித்துள்ளார் என்பது குறிப்பிடத்தக்கது.

Vignesh Shivan drops a major update on AK 62

ஹிந்தியை எதிர்த்து பொய் வேஷமிடும் பிரபலங்கள்..; மோகன் ஜீ சாடல்

ஹிந்தியை எதிர்த்து பொய் வேஷமிடும் பிரபலங்கள்..; மோகன் ஜீ சாடல்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரிச்சர்ட் நடித்த ‘திரௌபதி’ மற்றும் ‘ருத்ரதாண்டவம்’ ஆகிய இரு படங்களை இயக்கியவர் மோகன்ஜி.

இவர் அடுத்து ‘பகாசூரன்’ என்ற படத்தை இயக்கி வருகிறார்.

இதில் இயக்குனர் செல்வராகவன், நடிகர் நட்டி நடராஜன் ஆகியோர் இணைந்து நடிக்கின்றனர்.

இதன் முதற்கட்ட படப்பிடிப்பு தற்போது நிறைவடைந்துள்ளது.

இந்த நிலையில் ஹிந்தி தேசிய மொழி என்ற சர்ச்சை குறித்தும் அதில் பிரபலங்கள் போடும் இரட்டை வேஷம் குறித்து அவர் பேசியுள்ளார்.

இயக்குனர் மோகன்ஜி கூறியதாவது… ‛‛ஹிந்தியை படிக்க மாட்டோம். ஆனால் ஹிந்தி படங்களை இயக்க துடிப்போம். ஹிந்தி புடிக்காது. ஆனால் ஹிந்தி நடிகர்கள், நடிகைகளை தமிழில் நடிக்க வைப்போம்.

ஹிந்தி பேச பிடிக்காது. ஆனால் தமிழ் படங்களை ஹிந்தியில் மொழிபெயர்த்து லாபம் அடைவோம். தமிழின் பெயரை சொல்லி ஏழை மக்களை ஏமாற்றுவதை நிறுத்துங்கள்.

இப்படி பேசும் எந்த சினிமா பிரபலமும் தங்கள் பிள்ளைகளை தமிழ் மொழி வழி பாடத்தில் படிக்க வைப்பதில்லை. அப்படி படிக்க வைப்பவர்கள் இதை பேசட்டும். அவர்களுக்கு நாம் ஆதரவு தரலாம்” என ஓப்பனா தெரிவித்துள்ளார் மோகன்ஜி.

Mohan g criticized celebritities in hindi language issue

More Articles
Follows