தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழகத்தைப் போலவே புதுச்சேரியிலும் ஏப்ரல் 6ல் தேர்தல் நடைபெற உள்ளது.
தற்போது புதுச்சேரியில் ஜனாதிபதி ஆட்சியே நடைமுறையில் உள்ளது.
எனவே ஆட்சியை கைப்பற்ற அங்கும் தேர்தல் களம் அனல் பறக்கிறது.
அதிமுக. & பாஜக.வுடன் என்ஆர் காங்கிரஸ் கூட்டணி அமைத்திருந்தது.
தொகுதி பங்கீடு மற்றும் ரங்கசாமியை முதல்வர் வேட்பாளராக அறிவிப்பது உள்ளிட்ட பல விவகாரத்தில் கட்சிகளுக்கு இடையே இழுபறி நீடித்தது.
(அதாவது… ’முதல்வர் பதவி’ தருகிறோம் என்ற வாக்குறுதியுடன் காங்கிரஸ் கட்சியில் இருந்த முன்னாள் அமைச்சர் நமச்சிவாயத்தை பா.ஜ.க-வுக்கு அழைத்து வந்தனர்.)
தற்போது பேச்சுவார்த்தையில் சுமூக முடிவு ஏற்பட்டு கூட்டணி உறுதியானது.
இந்த கட்சிகளின் கூட்டணி உறுதி செய்யப்பட்டு என்ஆர் காங்., தலைவர் ரங்கசாமி, புதுச்சேரி மாநில பா.ஜ., தலைவர் சாமிநாதன் ஆகியோர், பா.ஜ.,மேலிட பொறுப்பாளர் நிர்மல் குமார் சுரானா ஆகியோர் முன்னிலையில், ஒப்பந்தம் கையெழுத்து ஆனது.
இதனையடுத்து தேசிய ஜனநாயக கூட்டணி உறுதியாகிவிட்டது.
அதன்படி என்ஆர் காங்கிரஸ் 16 தொகுதிகளில் போட்டியிடுகிறது. பாஜக-வுக்கு 14 தொகுதி என ஒதுக்கப்பட்டுள்ளது.
பாஜகவுக்கு ஒதுக்கப்பட்டுள்ள 14 தொகுதியிலிருந்து அதிமுகவுக்கு பிரித்து வழங்கப்படவுள்ளது.
இதில் 4-5 தொகுதிகள் மட்டுமே அதிமுகவுக்கு ஒதுக்கப்படும் எனத் தெரிய வந்துள்ளது.
முதல்வர் வேட்பாளராக ரங்கசாமி தலைமையில் புதுச்சேரி தேர்தலை இந்த கூட்டணி சந்திக்கிறது.
NR Congress-BJP-AIADMK seal alliance for Pondicherry Elections 2021