‘பிக் பாஸ்’ தாமரைச் செல்வி அறிமுகமாகும் தமிழ் படம்

எதையெல்லாம் காவியாக்க முடியுமோ அதை செய்றாங்க.; இராஜராஜ சோழன் காலத்தில் ஏது இந்தியா? ஏது இந்து? – கருணாஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விடுதலைச்சிறுத்தைகள் கட்சித்தலைவர் தொல்.திருமாவளவன் அவர்களின் 60வது பிறந்த நாள் விழாவில் இயக்குநர் வெற்றிமாறன் பங்கேற்று பேசியபோது.…

“கலையை இன்று நாம் சரியாக கையாள வேண்டும். இதனை கையாள தவறினால் வெகு சீக்கிரம் நிறைய அடையாளங்கள் பறிக்கப்படும். தொடர்ந்து நம்மிடம் இருந்து அடையாளங்கள் பறித்துக் கொண்டு இருக்கிறார்கள். வள்ளுவருக்கு காவி உடை கொடுப்பது, ராஜராஜ சோழனை இந்து அரசனாக்குவது இப்படி தொடர்ந்து நடந்துகொண்டு இருக்கிறது. இது சினிமாவிலும் நடக்கும்.” என்று பேசினார்.

இந்தக் கருத்து மிக உண்மையானது. சரியானது! இராசராசச் சோழனை இந்து மன்னர் என்று கூறுவது தமிழர் அறத்திற்கே எதிரானது.

இராசராசச்சோழன் காலத்தில் ஏது இந்து? ஏது இந்தியா? இந்தியா என்ற பெயரே ஆங்கிலேயர்கள் வணிகத்திற்காக உருவாக்கியது. இந்து மதத்தையும் அவர்களே உருவாக்கினார்கள்.

ஆகவே இந்தியா என்பது ஒரு தேசமில்லை. அது பல தேசங்களின் ஒன்றியம் இதை இந்திய அரசியலமைப்புச் சட்டமே சொல்கிறது. பல்வேறு தேசிய இனங்கள் இணைந்து வாழும் இந்திய ஒன்றியத்தில் பல்வேறு மதங்கள் இருப்பது இயல்பானது.

அதுதான் வேற்றுமையில் ஒற்றுமை! அதில் ஒற்றை மதம் மட்டும் தலைதூக்கி எல்லாவற்றையும் விழுங்க நினைக்கும் போதுதான் சிக்கல் இங்கே உருவாகிறது.

அந்தக் காலத்தில் இந்துமதமே கிடையாது. சைவம், வைணவம், ஆசிவகம் என பல மதங்கள்.. இராசராசன் சிவனை வழிபட்ட சைவர் என்பதே வரலாறு! ஆனால் இராசராசசோழனை, இராஜேந்திரசோழனை இந்து மத மன்னர்கள் என்று சொல்லுவது அல்லது மாற்ற நினைப்பது வேடிக்கையானது.

காஞ்சி ஸ்ரீசந்திரசேகரேந்திர சரஸ்வதி ஸ்வாமிகள் அவர்கள் தமது தெய்வக்குரல் நூலில்.. “நாம் சைவராகவும், வைணவராகவும், இன்னும் பல்வேறு மதத்தினராகவும் இருந்த நம்மை இந்து என்று நம்மை ஆங்கிலேயர்கள் ஒன்றாக இணைத்ததால் பிழைத்துக் கொண்டோம் என்றார்” அந்தப் ”பிழைத்துக் கொண்டோம்” என்ற வார்த்தையிலிருந்துதான் இன்று அவரை அனைத்தையும் தனதாக்கி பிழைத்துக் கொண்டிருக்கிறார்கள் ஆரிய பிராமணர்கள்.

ஆரியம் எப்போதும் ஒன்றை எதிர்க்கும் அது முடியாது என்று தெரிந்துவிட்டால் அதை தனதாக்கிக் கொள்ளும்., அப்படித்தான் எல்லாவற்றையும் தனக்கானதாகவே மாற்றிக் கொண்டது.

இப்போதும் மாற்றிக் கொண்டிருக்கிறது. இராசராச சோழனை இந்து என்று மாற்றநினைப்பது, மட்டுமா நடந்தது? தமிழை சமற்கிருதத்திலிருந்து தோன்றிய மொழி என்றார்கள்.

சிந்துவெளிநாகரிகமான தமிழர் நாகரிகத்தில் இடம்பெற்ற காளையை குதிரையாக திரித்தார்கள், முப்பாட்டன் முருகனை சுப்ரமணியனாக மாற்றினார்கள். முப்பால் யாத்த வள்ளுவப் பெருந்தகைக்கு காவியும் பூணூலும் அணிவித்தார்கள். தஞ்சைப் பெரியகோயிலை பிரகதீஸ்வரர் ஆலயம் என்று மாற்றினார்கள். எங்கெல்லாம்.. எதையெல்லாம் காவியாக்க முடியுமே அதையெல்லாம் மாற்றமுற்படுவார்கள்.

கடைசியில் அது கலைத்துறைக்கும் வரும்; வந்துகொண்டிருக்கிறது என்ற எச்சரிக்கையை தற்காப்பு உணர்ச்சியை ஊட்டும் உரையாக இயக்குநர் வெற்றிமாறன் பேசியுள்ளார். அது மிகச்சரியானது. நாம் இனியாவது விழிப்புணர்வை அடையவேண்டும்.

தமிழர் பண்பாட்டு அடையாளங்களை, தமிழர் கோயில்களை, ஊர்ப் பெயர்களை, இப்படி பல்வேறு தளங்களில் இந்தி – சமற்கிருத – காவி அடையாங்களாக மற்றுவதற்கான ஆரிய நுண்ணரசியல் பலகாலம் தொட்டு நடந்தேறுகிறது. அது அண்மைக்காலமாக வேகமெடுத்துள்ளது. அதை நாம் முறியடிக்கவேண்டும்.

அதன் ஒரு கூறுகத்தான்.. ஆர்.எஸ்.எஸ். பேரணி.. இதற்குமுன் வேல்யாத்திரை, இராமராஜ்ய ரதயாத்திரை எல்லாம் தமிழ்நாட்டில் நடந்தது.

இந்தியாவை ‘பாரத்’, ‘பாரத் வர்ஷா” என்று மாற்றுவதற்குரிய சட்ட வேலைகளை பா.ஜ.க.முன்னெடுக்கிறது.. மிகவிரைவில் இந்தியா பாரத் ஆக மாறும். இந்து மதம் என்னவாக மாறும் என்பதும் அவர்கள் மனுதர்மபடிதான் நடக்கும்!

ஆகவே நாம் விழிப்புணர்வு பெறவேண்டும். கலை மக்களுக்கானது! கலைப்பண்பாட்டு அடையாளங்கள் அந்தந்த மண்ணுக்குரியது அதை மாற்ற நினைப்பதும், அதை தனதாக்கிக் கொள்ள நினைப்பதும் மானுட அறத்திற்கே எதிரானது. தமிழர் அடையாளங்களை பறிக்க நினைத்தால் தமிழர் இனம் வேடிக்கைப் பார்த்துக் கொண்டிருக்காது சரியானதை யார் பேசினாலும் அதை ஆதரிப்பது தமிழர் அறம்!
————-
இங்ஙனம்
சேது. கருணாஸ்

karunas on raja raja cholan hindu issue

தெலுங்கு ரசிகர்கள் எப்போதும் தெலுங்கு அல்லாத ஹீரோக்களை ஏற்றுக்கொள்கிறார்கள்: நெட்டிசன்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘பொன்னியின் செல்வன்-ஐ’ தெலுங்கு ரசிகர்கள் தொடர்ந்து ‘பாகுபலி’யுடன் ஒப்பிட்டு வருகின்றனர்.

தெலுங்கு திரையுலகினர் ‘ PS1’ படத்திற்கு எதிராக உள்ளனர், ஏனெனில் இது தெலுங்கு அல்லாத நடிகர்களைக் கொண்ட ஒரு தமிழ் திரைப்படத் தயாரிப்பாளரால் தயாரிக்கப்பட்டது.

ஆனால், தெலுங்கு பார்வையாளர்கள் எப்போதுமே பெரிய மனதுடன் இருப்பவர்கள் என்று விமர்சகர்களுக்கு நெட்டிசன்கள் நினைவுபடுத்தி வருகின்றனர்.

தமிழ் நடிகர்களான ரஜினிகாந்த், கமல்ஹாசன், சூர்யா, விக்ரம், அஜித், கார்த்தி, விஜய் போன்ற நடிகர்கள் எந்த முன்பதிவுமின்றி தெலுங்கு ரசிகர்களால் ஏற்றுக்கொள்ளப்பட்டுள்ளனர்.

‘துணிவு’ படத்தில் அஜித்குமாருடன் நடிக்கும் பிரபல காதலர்கள்?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அஜித்தின் 61வது படமான ‘துணிவு’ படத்தின் படப்பிடிப்பு இறுதிகட்டத்தை எட்டியுள்ளது.

இந்நிலையில் தற்போது இப்படத்தில் பிரபல ஜோடி ஒன்று இணைந்துள்ளதாக தகவல் வெளியாகியுள்ளது.
விஜய் டிவி அமீர் மற்றும் பாவ்னி கமல்ஹாசன் தொகுத்து வழங்கிய ‘பிக் பாஸ் தமிழ் சீசன் 5’ இல் கலந்துகொண்ட பிறகு புகழ் பெற்றனர்.

‘பிபி ஜோடிகள் சீசன் 2’ இல் ஜோடி சேர்ந்து டைட்டிலையும் வென்றனர்.

இந்நிலையில் இந்த ஜோடி அஜித்தின் துணிவு படத்தில் இணைந்துள்ளதாக தகவல் வெளியாகியுள்ளது.

தனது அடுத்த படம் பற்றி சூப்பர் அப்டேட் கொடுத்த ஹிப் ஹாப் ஆதி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பாடகர், பாடலாசிரியர், இசையமைப்பாளர், ஹீரோ, இயக்குனர் என பன்முக திறமை கொண்டவர் ஹிப் ஹாப் ஆதி.

மீசைய முறுக்கு என்ற படத்தின் மூலம் நாயகனாக உருவெடுத்து நட்பே துணை, நான் சிரித்தால் உள்ளிட்ட படங்களில் நடித்திருந்தார்.

நாயகனாக உயர்ந்தாலும் மற்ற ஹீரோக்களின் படங்களுக்கும் இசையமைத்து வந்தார்.

இவரது நடிப்பில் இறுதியாக வெளியான சிவகுமாரின் சபதம், அன்பறிவு ஆகிய படங்கள் படுதோல்வியை சந்தித்தன.

தற்போது மரகத நாணயம் பட இயக்குனர் ARK சரவணன் இயக்கும் படத்தில் ஹீரோவாக நடித்து வந்தார் ஹிப் ஹாப் ஆதி. இந்த படத்தையும் சத்யஜோதி பிலிம்ஸ் தயாரித்து வருகிறது.

தற்போது இப்பட ஷூட்டிங் நிறைவடைந்துள்ளது எனவும் போஸ்ட் ப்ரொடக்ஷன் பணிகள் நடந்து வருவதாக ஹிப்ஹாப் ஆதி தனது சமூகவலைத்தள பக்கத்தில் தெரிவித்துள்ளார்.

Hip hop Aadhi next movie update is here

மெகா பர்த்டே ட்ரீட்.; 11 படங்கள் ரிலீஸ்.. 80 வயதில் அசத்தும் அமிதாப்பச்சன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

1970 – 80களில் இந்திய சினிமாவின் சூப்பர் ஸ்டாராக விளங்கியவர் நடிகர் அமிதாப்பச்சன்.

நடிகர் ரஜினிகாந்த், அமிதாப் உடன் இணைந்து ஓரிரு ஹிந்தி படங்களில் நடித்துள்ளார்.

சில வருடங்களுக்கு முன்பு அமிதாப்பச்சனுடன், எஸ் ஜே சூர்யா இணைந்து நடிப்பதாக ‘உயர்ந்த மனிதன்’ என்ற படம் அறிவிக்கப்பட்டது. இது அமிதாபச்சனின் நேரடி தமிழ் படம் எனவும் அறிவிக்கப்பட்டது.

ஆனால் அந்த படம் டிராப்பாகிவிட்டதாக கூறப்படுகிறது.

இந்த நிலையில் அமிதாப்பச்சனின் 80வது பிறந்தநாள் அக்டோபர் 11ம் தேதி கொண்டாடப்பட உள்ளது.

இதனை முன்னிட்டு PVR சினிமாஸ் அமிதாப்பின் 11 சூப்பர் ஹிட் படங்களை மீண்டும் திரையிடுகிறது.

அக்டோபர் 8 முதல் 11ஆம் தேதி வரை இந்தியாவில் உள்ள 17 நகரங்களில் திரையிட முடிவு செய்துள்ளது.

20க்கும் மேற்ப்பட்ட தேர்ந்தெடுக்கப்பட்ட திரையரங்குகளில் திரையிடப் போவதாக PVR அறிவித்துள்ளது.

அதில்… அபிமான், தீவார், மிலி, சட்டை பே சத்தா, தாதா, காலா பட்டர், கலியா, கபி கபி , அமர் அக்பர் அந்தோணி, நமக் ஹலால், சுப்கே சுப்கே ஆகிய சூப்பர் படங்கள் இடம் பெற்றுள்ளன.

மற்ற விவரங்கள் வரும் நாட்களில் வெளியாகும் எனத் தெரிகிறது.

Mega Treat for Amitabh Bachchan fans 11 super hit movies release