By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
அஜித் – விஜய்சேதுபதி – தனுஷ் வரிசையில் பிரசாந்த்.; ரசிகர்களுக்கு தியாகராஜனின் இன்ப அதிர்ச்சி.!
ஒரு மாணவனுக்கு ஒரு சப்ஜெக்ட்டில் 100 மதிப்பெண் என்பது சாதாரண விஷயம் அல்ல.. அதுபோல கிரிக்கெட்டில் நூறு ரன்கள் எடுப்பது சாதாரண விஷயம் அல்ல..
அது போல தான் சினிமா துறையிலும் ஒரு கதாநாயகனுக்கு 100 படங்களை தொடுவது கடினமான ஒன்றாகும். ரஜினி கமல் சத்யராஜ் பிரபு கார்த்திக் சரத்குமார் உள்ளிட்ட பல நடிகர்கள் 150 படங்களை கடந்து விட்டனர்.
ஆனால் இன்றைய தலைமுறை நடிகர்களை பொருத்தவரை 50 படங்களை கடப்பதே அவர்களுக்கு பெரும் சாதனையாகவும் சவாலாகவும் இருந்து வருகிறது.
விஜய் நடிப்பில் உருவான சுறா படம் அவருக்கு 50 வது படமானது.. ஆனால் அந்த படம் எதிர்பார்த்த வெற்றியைப் பெறவில்லை.
ஆனால் நடிகர் அஜித்துக்கு 50 வது படமாக அமைந்த மங்காத்தா மாபெரும் வெற்றி படமாக அமைந்தது.
விஜய் சேதுபதியின் மகாராஜா படம் அவருக்கு 50 வது படமாகும்.. அந்த படமும் பெரும் வெற்றியை பெற்றது.. கடந்த வாரம் வெளியான தனுஷின் 50வது படம் ‘ராயன்’ படம் அவருக்கு மாபெரும் வெற்றி படமாக அமைந்து விட்டது.
இந்த நிலையில் தியாகராஜன் இயக்கத்தில் உருவான அந்தகன் படம் நடிகர் பிரசாந்துக்கு 50வது படமாக அமைந்துள்ளது. இந்தப் படத்துக்கு ரசிகர்கள் மத்தியில் பெரும் எதிர்பார்ப்பு உருவாகி உள்ளது.
முன்பு ஆகஸ்ட் 15ஆம் தேதி அந்தகன் வெளியாகும் என அறிவிக்கப்பட்டிருந்த நிலையில் திடீரென ஆகஸ்ட் 9ம் தேதியே அந்தகன் படம் வெளியாகும் என அறிவித்துள்ளனர்.
அதன்படி பிரஷாந்த் ரசிகர்களுக்கு இன்ப அதிர்ச்சி கொடுத்துள்ளார் அவரின் தந்தையும் இயக்குனருமான தியாகராஜன்.
Andhagan 50 Thiagarajan surprise for Prashanth fans
