By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
வீரமுருகன் இயக்கத்தில் ராமலட்சுமி புரொடக்ஷன் சார்பாக கணேஷ் நாகா தயாரிப்பில், ராஜேஸ்வரி சந்திரசேகர் இணைந்து தயாரித்துள்ள படம் ‘கிடுகு’.
இந்த டைட்டில் அருகே ‘சங்கிகளின் கூட்டம்’ என்ற சப் டைட்டில் கேப்ஷனும் உள்ளது.
இதில், கல்லூரி வினோத், பிர்லா போஸ், கொம்பன் இன்பா, மணிமாறன் உள்ளிட்டோர் நடித்துள்ளனர்.
இதன் (கிடுகு) டீசர் கடந்த சில மாதங்களுக்கு முன் வெளியாகி, பரபரப்பை ஏற்படுத்தியது.
இதில் திராவிட மாடலை வெளுத்து வாங்கி இருக்கிறார்கள் என்பதை டீசரை பார்த்தாலே தெரியும்.
இப்பட ஒவ்வொரு வசனங்களும் சர்ச்சையை ஏற்படுத்தும் விதமாக இருந்தது.
ஒரு ஆன்மிகவாதி.. கடவுள் பக்தன்.. திராவிடத்தால் என்னென்ன பாதிப்புகளைச் சந்திக்கிறார்.? என்பதுதான் கதையின் அடிப்படை.
மேலும் ஹிந்து மதத்துக்கு மட்டும் ஏன் இவ்வளவு அடக்குமுறை? என்பதைக் சுட்டிக் காட்டுகிறதாம்.
அதில்…. ‘அந்தப் பய ஜாதிய ஒழிக்கிறேன்னு சொல்லி என் பொண்ணு கழுத்துல தாலி கட்டுவான் சார். அப்புறம் மூட நம்பிக்கையை ஒழிக்கிறேன்னு சொல்லி நடுரோட்டுல வச்சு தாலிய அறுப்பான்’ என ஒரு பெண் பேசுகிறார்.
மேலும்… “‘இந்திய சுதந்திரத்துக்காக போராடுன, சிவகங்கையை ஆண்ட மருது சகோதரர்களுக்கு சிவகங்கையில் சிலை தேவையில்லைன்னு சட்டசபையில சொல்லுதே உங்க திராவிட அரசியல். ஆனா, இந்தியாவுக்கு சுதந்திரம் வேணவே வேணாம்னு சொன்ன ராமசாமிக்கு மட்டும் எதுக்கு சிலை.? போன்ற வசனங்களும் உள்ளது.
விரைவில் ‘கிடுகு’ திரைக்கு வரும் என எதிர்பார்க்கப்படும் நிலையில் சென்சாரில் இந்தப் படத்துக்கு 250 கட் கொடுக்கப்பட்டுள்ளதாம்.
