தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
1991-ம் ஆண்டு வெளியான ‘பவுனு பவுனுதான்’ என்ற பட மூலம் தமிழ்த் திரையுலகிற்கு அறிமுகமானார் போண்டா மணி.
அதனைத் தொடர்ந்து பல்வேறு படங்களில் காமெடியனாக நடித்து புகழ் பெற்றார்.
‘சுந்தரா டிராவல்ஸ்’, ‘மருதமலை’, ‘வின்னர்’, ‘வேலாயுதம்’ உள்ளிட்ட படங்கள் இவர் பெயர் சொல்லும்.
கடந்த சில நாட்களாக உடல் நலக்குறைவால் மருத்துவமனையில் அனுமதிக்கப்பட்டு சிகிச்சை பெற்று வருகிறார்.
இது பற்றிய தகவலை இவரின் சக நடிகர் பெஞ்சமின் ஒரு வீடியோ பதிவிட்டு திரையுலகினர் போண்டா மணிக்கு உதவ வேண்டும் என கோரிக்கை விடுத்திருந்தார்.
சென்னை ஓமந்தூரார் அரசு மருத்துவமனையில் சிகிச்சை பெற்ற இவரை தமிழக மக்கள் நல்வாழ்வுத் துறை அமைச்சர் மா.சுப்ரமணியன் நேரில் சந்தித்து நலம் விசாரித்தார்.
மேலும் முழு செலவையும் முதல்வர் மருத்துவ காப்பீட்டு திட்டத்தின் மூலம் ஏற்கப்படும் என உறுதியளித்துள்ளார் அமைச்சர்.
நடிகர் வடிவேலு தன்னால் இயன்ற உதவியைச் செய்வேன் என உறுதியளித்துள்ளார்.
நடிகர் விஜய்சேதுபதி ரூ.1லட்சம் கொடுத்து போண்டாமணிக்கு உதவியிருந்தார்.
இந்த நிலையில் போண்டா மணிக்கு ரூ.1 லட்சம் கொடுத்துள்ளார் நடிகர் தனுஷ்.
இதற்கும் நன்றி தெரிவித்து வீடியோ வெளியிட்டுள்ளார் போண்டா மணி.
‘படிக்காதவன்’ படத்தில் தனுஷ் விவேக் உடன் இணைந்து நடித்திருந்தார் போண்டா மணி என்பது குறிப்பிடத்தக்கது.