தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ் சினிமாவின் சகலகலா வல்லவர் டி.ராஜேந்தர்.
இவரின் இளைய மகன் குறளரசனுக்கு திருமணம் ஆகிவிட்டது.
ஆனால் மூத்த மகனும் நடிகருமான சிம்புவுக்கு கடந்த சில ஆண்டுகளாக திருமண பேச்சுவார்த்தை நடைபெற்று வருகிறது.
பல இடங்களில் பெண் பார்த்து வருகின்றனர்.
பல காரணங்களால் அவருடைய திருமணம் தள்ளிக் கொண்டே போகிறது.
இந்த நிலையில் சிம்புவின் தூரத்து உறவினர் பெண் ஒருவரை சிம்பு மணக்கவுள்ளதாக சில முன்னணி இணையத்தளங்களிலேயே செய்திகள் வெளியானது. (நம் தளத்தில் அப்படியொரு தவறான செய்தியை பதிவிடவில்லை)
இந்த நிலையில் சிம்புவின் தந்தை டிஆர் அவர்கள் சற்றுமுன் சூடான அறிக்கை ஒன்றை வெளியிட்டுள்ளார். அதில்…
எங்கள் மூத்த மகன் சிலம்பரசன் திருமணம் பற்றி பத்திரிக்கைகளிலும் இணையதளங்களிலும் தவறான செய்திகள் வெளியாகி வருகின்றன. இப்படி வரும் செய்திகள் யாவும் உண்மை தன்மை அற்றவை.
எங்கள் மகன் சிலம்பரசனின் ஜாதகத்திற்கு பொருத்தமான பெண்னை பார்த்துக் கொண்டிருக்கிறோம். பெண் அமைந்ததும் சிலம்பரசன் திருமணம் பற்றிய நற்செய்தியை முதலில் பத்திரிக்கை வாயிலாக உங்கள் அனைவருக்கும் சந்தோஷத்துடன் அதிகாரப்பூர்வமாக நாங்களே அறிவிப்போம். அதுவரை வதந்திகளை நம்ப வேண்டாம் என்று கேட்டுக்கொள்கிறோம்.
நன்றி.
இப்படிக்கு,
டி.ராஜேந்தர் M.A
உஷா ராஜேந்தர்
அதுபோல கொரோனா ஊரடங்கில் வழிபாட்டு தலங்கள் மூடிக்கிடக்க நயன்தாரா மற்றும் விக்னேஷ் சிவன் இருவரும் கோயிலில் எளிமையாக திருமணம் செய்துவிட்டதாக சில செய்திகள் வெளியானது. (இதையும் நாம் பதிவிட்வில்லை)
இவையாவும் உண்மையல்ல. யார்? எதற்காக இப்படியொரு செய்தியை பதிவிடுகிறார்கள்? என்பதுதான் புதிராகவே உள்ளது.
Simbu and Nayanthara marriage fake news