தமிழ் சினிமா அப்டேட்ஸ் களை உடனுக்குடன் தெரிந்து கொள்ள
மனிதர்கள் தங்களுக்குள் ஒளித்து வைத்திருக்கும் கோர முகத்தை சில நேரம் வெளிப்படுத்துவார்கள்.. இந்த கோர முகத்தை காட்டும் முகம் தான் ‘அதோ முகம்’.
ஸ்டோரி
ஊட்டியில் ஒரு தனி பங்களாவில் தன் மனைவி சைதன்யாவுடன் வசிக்கிறார் சித்தார்த்.
மனைவிக்கு தெரியாமல் அவளை சந்தோஷப்படுத்த நினைத்து கணவன் செய்த ஒரு விஷயம் அவனுக்கும் அவள் மனைவிக்கும் சங்கடத்தை ஏற்படுத்தி விடுகிறது.. அது என்ன.?
தனது மனைவியின் நடவடிக்கைகளை செயல்களை கண்காணிக்க அவளுக்கே தெரியாமல் அவளது மொபைல் போனில் ஒரு ஆப்பை இன்ஸ்டால் செய்கிறார் கணவன்.. இதனால் இவர்கள் வாழ்வில் ஏற்படும் பிரச்சனைகள் அவன் சந்திக்கும் பிரச்சனைகள் சவால்கள் சந்தேகங்கள் என்ன என்ன என்பதுதான் படத்தின் மீதி கதை.
கேரக்டர்ஸ்…
முதலில் அப்பாவியாக காணப்படுகிறார் இந்த கணவன் நாயகன் சித்தார்த்.. முதலில் மனைவியை நேசிப்பது அவளின் செய்கைகளை ரசிப்பது என மெல்ல மெல்ல நகரும் கதை பின்னர் மனைவியை வெறுப்பது அவள் மீது எரிச்சலை காட்டுவது என வெரைட்டி காட்டியிருக்கிறார் சித்தார்த்.
நாயகி சைதன்யா இந்த கேரக்டருக்கு அச்சு அசலாக பொருந்திவிட்டார்.. ஒரு கட்டத்தில் அவரது அபாய முகம் காட்டும் போது அடடா நமக்கு ஆபத்து என்ற எண்ணம் தோன்றுகிறது. கொஞ்சம் மிரள வைத்திருக்கிறார்..
சித்தார்த்தின் நண்பனாகவும், முதலாளியாகவும் வரும் ஆனந்த் நாக் மிகையில்லாத நடிப்பை கொடுத்திருக்கிறார்.
இவர்களுடன் மேத்யூ வர்கீஸ், ஜே.எஸ்.கவி, பிபின் குமார் உள்ளிட்டோரும் உண்டு.. தங்கள் கேரக்டர் கதைக்கு ஏற்ப இவர்கள் பயணித்துள்ளனர்..
எவரும் எதிர்பாராத கிளைமாக்ஸ் கேரக்டரில் அருண் பாண்டியன்.. நாயகன் சித்தார்த்துக்கு நம்பிக்கை நம்பிக்(கை) கொடுத்து கதைக்கு உதவி இருக்கிறார்.
டெக்னீசியன்ஸ்…
அதோ முகத்தின் இரண்டாம் பாகத்திற்காகவே இந்த படத்தில் கொஞ்சம் பாகத்தை மிச்சம் வைத்து விட்டார் இயக்குனர் சுனில் தேவ்.. அதை இந்த பாகத்தில் முடித்திருந்தால் இன்னும் திரைக்கதைக்கு சுவாரசியம் கூடியிருக்கும்..
மணிகண்டன் முரளியின் இசையில் பாடல்களும், சரண் ராகவனின் பின்னணி இசையும் உறுத்தாமல் இருக்கிறது.. இரண்டும் நேர்த்தி..
அருண் விஜயகுமாரின் ஒளிப்பதிவில் அதோ முகம் பிரகாசிக்கிறது.. படத்தொகுப்பு – விஷ்ணு விஜயன்.. கலை இயக்குனர் – சரவணா அபிராமன் இருவரும் தங்கள் பணிகளில் கச்சிதம்..
இயக்குனர் சுனில் தேவ் படத்தை இயக்கியிருக்கிறார்.. எந்த ஒரு குடும்பம் ஆனாலும், எந்த ஒரு உறவு ஆனாலும் நாம் மிக ஆழமாக சென்றால் ஆபத்தை சந்திக்க நேரிடும் என்பதை உணர்த்தி திரைக்கதை அமைத்திருக்கிறார்.
ரீல் பெட்டி நிறுவனம் இந்த படத்தை தயாரித்து இருக்கிறது..
Atho mugam movie review and rating in tamil