தமிழ் சினிமா அப்டேட்ஸ் களை உடனுக்குடன் தெரிந்து கொள்ள
இவர்களுக்கான ஊதிய உயர்வு மற்றும் விதிமுறைகள் அமைத்து செயல்படும் அமைப்பே பெப்சி.
தயாரிப்பாளர்களுக்கும் தென்னிந்திய திரைப்பட தொழிலாளர் சங்கத்துக்கும் (பெப்சி) இடையே, 3 ஆண்டுக்கு ஒரு முறை புதிய சம்பளம் நிர்ணயிப்பது வழக்கம்.
ஆனால் கடந்த முறை நியமித்த புதிய சம்பள விகிதம் குறித்து ’பெப்சி’யில் உள்ள சில சங்கங்களுக்குள் பிரச்னைகள் நிலவி வருகிறது.
எனவே அவ்வப்போது சில படங்களின் சூட்டிங்கின் போது படப்பிடிப்புகள் திடீரென நிறுத்தப்படும்.
பின்னர் சமாதானம் ஆகி சூட்டிங் நடைபெற்று வருவது வாடிக்கையானது.
ஆனால் இப்பிரச்சினை விவகாரங்கள் விஸ்வரூபம் எடுக்கவே தயாரிப்பாளர்களின் அவசரக் கூட்டம் சங்கத் தலைவரும் நடிகருமான விஷால் தலைமையில் நடைபெற்றது.
கூட்டம் முடிந்தபின்னர் விஷால் கூறியதாவது…
’ஊதிய பிரச்சினையை காரணம் காட்டி சூட்டிங்கை நிறுத்த பெப்சி ஊழியர்களுக்கு அதிகாரம் இல்லை.
ஊழியர்கள் மீது எப்போதும் மரியாதை உள்ளது. ஆனால் தயாரிப்பாளர்களை அவமானப்பட அனுமதிக்க மாட்டோம்.
எனவே பெப்சி அமைப்பில் இல்லாத தொழிலாளர்களை வைத்து இனி சூட்டிங்கை நடத்திக் கொள்ள தயாரிப்பாளர்கள் சங்கம் முடிவு செய்துள்ளது’ என்று தெரிவித்தார்.
தயாரிப்பாளர் சங்கத்தின் இந்த முடிவால் திரையுலகில் பரபரப்பு தொற்றிக் கொண்டுள்ளது.
Producer Council President Vishal decision on FEFSI