குக்கூ ஹீரோயினா இவங்க.? கூச்சப்பட வைக்கும் மாளவிகா ஸ்டில்ஸ்

வரலட்சுமி-கேத்ரீன்-ராய் லட்சுமி நடிக்கும் *நீயா2* படத்தில் 22 அடி பாம்பு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஜெய், வரலக்ஷ்மி சரத்குமார், ராய் லக்ஷ்மி மற்றும் காத்ரீனா தெரேசா நடிக்கும் நீயா 2 படத்தின் தமிழ்நாட்டு உரிமத்தை புகழ்பெற்ற தயாரிப்பு நிறுவனமும், விநியோக ஸ்டுடியோவுமான ‘ஸ்கிரீன் சீன் மீடியா எண்டர்டெயின்மென்ட்’ தமிழ்நாட்டின் உரிமத்தை வாங்கியுள்ளது.

1979-ல் வெளியாகி மாபெரும் வெற்றிகண்ட படம் ‘நீயா’.

தற்போது ‘நீயா 2’ படத்தை வேறொரு கதை களத்தில் புதிதாக, உணர்ச்சிபூர்வமாக பிரம்மாண்டபடுத்தியிருக்கிறார் இயக்குநர் எல்.சுரேஷ்.

மேலும், ஜெய், வரலக்ஷ்மி சரத்குமார், ராய் லக்ஷ்மி மற்றும் காத்ரீனா தெரேசா போன்ற மக்களைக் கவரக்கூடிய நடிகர், நடிகைகள் இருப்பது படத்திற்கு கூடுதல் பலம்.

‘நீயா’ படத்தில் அனைவரின் மனதையும் கவர்ந்த ‘ஒரே ஜீவன்’ பாடலை மறுஉருவாக்கம் செய்திருக்கின்றனர்.

அதோடு, ஷபீர் இசை விருந்தாக ‘தொலையுறேன்’ பாடல் ஏற்கனவே வெளியாகி அனைவரின் வரவேற்பையும் பெற்ற நிலையில், ‘இன்னொரு ரவுண்டு’ என்ற பாடல் வெளியிடப்பட்டுள்ளது. இந்தப் பாடலும் இளைஞர்கள் மத்தியில் அமோக வரவேற்பைப் பெற்றுள்ளது.

அதித் தீவிரமான காதல் கதை என்பதால், காட்சியமைப்பில் அதிக கவனம் கொண்டு ‘ஜம்போ சினிமாஸ்’ சார்பில் ஏ.ஸ்ரீதர் தயாரிக்கிறார்.

‘நீயா’ படத்தில் குழந்தைகள் முதல் பெரியவர்கள் வரை அனைவரையும் திகிலில் ஆழ்த்தியது பாம்பு. அதுபோலவே, ‘நீயா 2’விலும், 22 அடி நீளமுள்ள பாம்பு ஒன்று நடித்துள்ளது.

பாண்டிச்சேரி, தலக்கோணம், சென்னை, மதுரை மற்றும் சாலக்குடி போன்ற பகுதிகளில் படப்பிடிப்பு நடத்தப்பட்டது.

எல். சுரேஷ் படத்தை இயக்குவதோடு கதை, திரைக்கதை மற்றும் வசனம் அனைத்தையும் இவரே செய்கிறார். படத்தை டிசம்பரில் வெளியிட முடிவு செய்துள்ளனர்.

Screen Scene Media acquires TN Theatrical Rights Of Neeya2 movie

ரஜினியின் 100% நம்பிக்கையை மக்கள் காப்பாற்றுவார்களா..?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கே.எஸ்.ரவிக்குமார் இயக்கத்தில் ரஜினி, மீனா நடித்து வெளியாகி மாபெரும் வெற்றி பெற்ற படம் முத்து.

கவிதாலயா தயாரித்த இப்படம் 1995ல் தீபாவளிக்கு வெளியானது.

அதன்பின்னர் 3 வருடங்களுக்கு பிறகு சீன மொழியில் டான்சிங் மகாராஜா என்ற பெயரில் வெளியாகி அங்கும் ரஜினி புகழை பாடியது.

இந்நிலையில் 20 வருடங்களுக்கு பிறகு மீண்டும் ஜப்பானில், 4கே மற்றும் 5.1 சவுண்ட் ஒலியமைப்பில் நவ., 23ம் தேதி ரிலீஸாகிறது என்பதை பார்த்தோம்.

இது குறித்து ரஜினி ஒரு வீடியோவில் பேசியுள்ளார்.

அதில்.. நிறையபேருக்கு பிடித்த படம் முத்து. ஜப்பான் மக்களுக்கும் பிடித்திருந்தது மகிழ்ச்சி. இன்னும் நிறைய ஜப்பானியர் பார்க்க வேண்டும் என விரும்புகிறேன். கவிதாலயா நிறுவனம் 4கேவில் மாற்றம் செய்து வெளியிடுகிறது.

ரஹ்மான் பின்னணி இசையை மேம்படுத்தி உள்ளார். மேம்படுத்தப்பட்ட முத்து படத்தை, ஒரிஜினலை விட அதிகமாக ரசிப்பீர்கள் என 100% நம்புகிறேன்” என அதில் பேசியுள்ளார்.

இந்த டான்சிங் மகாராஜாவின் நம்பிக்கையை ஜப்பானியர்கள் காப்பாற்றுவார்கள் என நம்புவோம்.

மலையாளத்தில் அர்ஜுன் அறிமுகம்; திலீப்க்கு வில்லனாகிறார்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழ், தெலுங்கு, கன்னடம் என தென்னிந்திய மொழிகளில் 37 வருடங்களாக நடித்து வருகிறார் அர்ஜுன்.

ஆனால் இதுவரை மலையாள படத்தில் நேரிடையாக நடிக்கவில்லை.

மாதரம்’ என்ற படத்தில் மம்முட்டியுடன் இணைந்து நடித்திருந்தாலும் இப்படம் 2 மொழிகளில் உருவானது.

தற்போது முதன்முறையாக மலையாள சினிமாவில் நடிக்க ஒப்புக் கொண்டுள்ளார்.

நடிகர் திலீப் நடிக்கும் ஜாக் டேனியல் என்ற பெயரிடப்பட்டுள்ள படத்தில் வில்லனாக நடிக்கிறாராம்.

அறிமுக இயக்குனர் எஸ்.எல்.புரம் ஜெயசூர்யா இப்படத்தை இயக்குகிறார்.

இப்படத்தின் சண்டை காட்சிகளை ஸ்டண்ட் மாஸ்டர் பீட்டர் ஹெய்ன் வடிவமைக்கிறார்.

கஜா புயல்: நிவாரண தொகை பட்டியலை அரசு வெளியிட சிம்பு யோசனை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கஜா புயல் தாக்கியதால் நாகை, தஞ்சை, திருவாரூர், வேதாரணயம், புதுக்கோட்டை, திருச்சி, திண்டுக்கல், பட்டுக்கோட்டை உள்ளிட்ட பல பகுதிகள் கடுமையாக பாதிக்கப்பட்டுள்ளது.

எனவே மக்கள் இயல்பு வாழ்க்கைக்கு திரும்ப பலரும் நிவாரண நிதி அளித்து வருகின்றனர்.

நடிகர்கள் சிவகுமார், சூர்யா குடும்பம், ரஜினிகாந்த், விஜய், விக்ரம், விஜய்சேதுபதி, சிவகார்த்திகேயன், ஜிவி. பிரகாஷ் உள்ளிட்ட பலரும் நிதியுதவி அளித்துள்ளனர்.

மேலும் பல நடிகர்கள் தங்களது ரசிகர் மன்றங்கள் மூலமாக நிவாரண பொருட்களை அனுப்பி உதவி செய்து வருகின்றனர்.

இந்நிலையில், நடிகர் சிம்பு வீடியோ மூலம் டெல்டா மக்களுக்கு உதவ செல்போன் நெட்வொர்க் மூலமாக உதவ புதிய யோசனை ஒன்றை தெரிவித்துள்ளார்.

அந்த வீடியோவில் அவர் கூறியுள்ளதாவது…

டெல்டா பகுதி மக்களுக்கு பலரும் நிவாரணங்களை அளித்து வருகின்றனர். ஆனால் அந்த தொகை சரியாக சென்று சேர்கிறதா? என்பதை கவனிக்க வேண்டும்.

மேலும் சாமானியன் ஒரு பத்து ரூபாயைக் கொடுக்க வேண்டும் என்று நினைத்தால், என்ன செய்வார்? இதற்கு ஒரு வழி இருக்கிறது. நாம் அனைவரும் செல்போன் உபயோகம் செய்கிறோம். காலர் டியூன் பயன்படுத்த அதற்கு பணம் கொடுக்கிறோம்.

செல்போன் நெட் ஒர்க் மூலமாக அனைவரும் பணம் செலுத்த வாய்ப்பு இருக்கிறது. இதற்கு அனைத்து நெட்வொர்க்கும் இணைந்து செயல்பட வேண்டும்.

யார் எவ்வளவு பணம் கொடுத்திருக்கிறார்கள் என்கிற மொத்த பட்டியலையும் அரசாங்கம் வெளியிட வேண்டும். நாம் அனைவரும் இதற்காக கரம் கோர்க்க முடியும்.

இது சாத்தியம் என நினைத்து செயல்பட விரும்பினால், #UniteForHumanity, #UniteForDelta என்ற ஹேஷ்டேக்கில் இதைக் கொண்டு சேருங்கள். இறைவன் இருக்கிறான். நல்லதுதான் நடக்கும்.” என சிம்பு பேசியுள்ளார்.

Simbus new idea to help Delta people who affected by Gaja Cyclone

சுசீந்திரனின் *கென்னடி கிளப்* படம் 2 கோடிக்கு சீனாவில் விற்பனை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒரு நல்ல திரைப்படத்திற்கு மொழிகள் கடந்து எல்லைக் கடந்து வரவேற்பு இருக்கும். அந்த வகையில் ‘டங்கல்’ மற்றும் ‘பாகுபலி’ போன்ற இந்திய படங்களுக்கு சீன சந்தையில் மிகுந்த வரவேற்பு இருந்தது.

அதேபோன்று தமிழ் திரைப்படத்துறைக்கு மிகப்பெரிய அளவில் வரவேற்பும், எப்போதும் முன்மாதிரியாக விளங்கும் என்ற உண்மை ‘Content is King’ மூலம் நிரூபணமாகியிருக்கிறது.

சுசீந்திரன் இயக்கித்தில் வெளியாகவுள்ள படம் சீனமொழியில் டப்பிங் செய்யப்படுகிறது. இப்படத்தின் டப்பிங் உரிமம் 2 கோடி ரூபாய்க்கு வாங்கப்பட்டுள்ளது.

விளையாட்டு, தடைகளை முறியடிப்பது, சாதனைகள் புரிவது, போன்ற படங்கள் அனைவரையும் ஈர்க்கும். அப்படி ஈர்க்கப்பட்டு தான் சீனாவில் இவ்வளவு பெரியத் தொகைக்கு விற்பனையாகியுள்ளது.

இப்படம் நிஜ வாழ்க்கையில் பெண்களுக்கான கபடி போட்டியில் நடக்கும் சம்பவங்களை மையமாக வைத்து எடுக்கப்பட்டுள்ளது.

இப்படத்தில் மூத்த இயக்குநர் பாரதிராஜா மற்றும் சசிகுமார் இருவரும் முன்னணி கதாபாத்திரத்தில் நடிக்கின்றனர்.

பாரதிராஜா-சசிகுமார்-சுசீந்திரன் கூட்டணியில் உருவாகும் இப்படத்திற்கு தமிழ் திரையுலகம் மட்டுமல்லாது சர்வதேச சந்தையிலும் மிகுந்த எதிர்பார்ப்பை ஏற்படுத்தியிருக்கிறது.

மிகப்பெரிய நடிகர் பட்டாளத்தைக் கொண்டு உருவாகியுள்ளது ‘கென்னடி க்ளப்’. சமுத்திரக்கனி, சூரி, முனீஷ்காந்த், ‘புதுவரவு’ மீனாக்ஷி, காயத்ரி, நீது, சௌம்யா, ஸ்ம்ரிதி, சௌந்தர்யா மற்றும் பலர் நடிக்கின்றனர்.

R.B.குருதேவ் ஒளிப்பதிவு செய்யும் இப்படத்தை D.இமான் இசையமைக்கிறார். கலை – B.சேகர்.

நல்லுசாமி பிக்சர்ஸ் சார்பில் தாய் சரவணன் தயாரிக்கும் இப்படம் 2019-ம் ஆண்டு தமிழ் புத்தாண்டு அன்று உலகம் முழுவதும் வெளியாகும்.

Director Susienthirans Kennedy Club Speaks Chinese Now