தமிழ் சினிமா அப்டேட்ஸ் களை உடனுக்குடன் தெரிந்து கொள்ள
இப்போது ஜூனியர் ஆர்ட்டிஸ்ட் எனப்படும் சினிமா துணை நடிகர்களின் வாழ்வியலை மையமாக வைத்து கூத்தன் என்ற படம் தயாராகி வருகிறது.
நீல்கிரீஸ் ட்ரீம் என்ற நிறுவனத்தின் சார்பில் முருகன் தயாரிக்கிறார். ஏ.எல்.வெங்கி இயக்குகிறார்.
ராஜ்குமார், ஸ்ரிஜிதா, சோனாஸ், கீரா என்ற புதுமுகங்கள் நடிக்கிறார்கள். இவர்களுடன் பிரபுதேவாவின் தம்பி நாகேந்திர பிரசாத், பாக்யராஜ், ஊர்வசி, மனோபாலா ஸ்ரீரஞ்சனி, ராம்கி, கலா மாஸ்டர் உள்பட பலர் நடிக்கிறார்கள்.
பாலாஜி இசையமைக்கிறார், மாடசாமி ஒளிப்பதிவு செய்கிறார்.
படம் பற்றி இயக்குனர் வெங்கி கூறியதாவது:
பளபளப்பான சினிமா உலகில் ஜூனியர் ஆர்ட்டிஸ்ட்டுகளின் வாழ்க்கை மிகவும் கடுமையானது. வாய்ப்புகள் கிடைப்பது, கிடைத்த வாய்ப்புக்கு கூலி கிடைப்பது என அவர்கள் சந்திக்கும் பிரச்சினைகள் ஏராளம்.
எல்லா ஜூனியர் ஆர்ட்டிஸ்டுகளுமே சினிமாவில் ஹீரோ, ஹீரோயின்களாக வேண்டும் என்கிற கனவுகளோடு வந்தவர்கள் தான்.
அவர்களின் வாழ்வியலை சொல்லும் படம் இது. சினிமா பற்றி நிறைய படங்கள் இதற்கு முன் வந்திருந்தாலும் இது முற்றிலும் மாறுபட்டதாக இருக்கும். என்றார்.
Koothan movie based on Story about Junior Artist and their life