தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
இந்த தலைப்பை பார்த்தால் நிச்சயம் ரஜினி ரசிகர்கள் கோவப்படுவார்கள் எனத் தெரியும். ஆனால் இந்த செய்தி உண்மைத்தான் தெரியுமா..?
உண்மையைத் தெரிந்து கொள்ள இன்னும் படியுங்கள்.
ரஜினிகாந்த் நடித்துள்ள காலா திரைப்படம் தமிழ், தெலுங்கு, ஹிந்தி ஆகிய 3 மொழிகளில் வருகிற ஜீன் 7ஆம் தேதி வெளியாகவுள்ளது.
ரஜினியின் அரசியல் அறிவிப்புக்கு பின்னர் இந்த படம் வெளிவருவதால், தமிழகத்தில் பெரும் எதிர்பார்ப்பு எழுந்துள்ளது.
கேரளாவில் தமிழ் மொழியிலே வெளியாகவுள்ளது. அங்கு 300க்கும் மேற்பட்ட தியேட்டர்களில் வெளியாகிறது.
கர்நாடகாவில் வெளியிட அங்குள்ள அமைப்புகள் சில தடை விதித்துள்ளன. எனவே அங்கு ரிலீஸ் ஆவதில் சிக்கல் நீடிக்கும் எனத் தெரிகிறது.
மற்றபடி ஹிந்தியில் பிரச்சினையில்லை. மேலும் பல ஹிந்தி நட்சத்திரங்கள் நடித்துள்ளதால் அங்கு பலத்த எதிர்பார்ப்பு எழுந்துள்ளது.
அப்படியென்றால் எங்குதான் பிரச்சினை என்கிறீர்களா?
ஆந்திரா மற்றும் தெலுங்கானாவில்தான் காலா படத்தை திரையிட வேண்டாம் என ரசிகர்கள் போர்க்கொடி உயர்த்தியுள்ளனர்.
ஏனென்றால்.. லிங்கா படத்திற்கு பிறகு ஆந்திராவில் எந்த ரஜினி படத்திற்கும் விழா அங்கு எடுக்கப்படவில்லை.
காலா இசை தமிழகத்தில் மிகப்பிரம்மாண்டமாக வெளியிடப்பட்டது. ஆனால் ஆந்திராவில் பெயருக்கு கூட விழா இல்லை.
ஆந்திராவில் காலா Pre-Release நிகழ்ச்சி நடத்தப்படும் என அறிவிக்கப்பட்டது.
ஆனால் தமிழத்தில் ஸ்டெர்லைட் ஆலை துப்பாக்கிச் சூடு விவகாரத்தால் அந்த நிகழ்ச்சி வேண்டாம் என ரஜினி மறுத்துவிட்டாராம்.
கபாலி படத்திற்கு மலேசியா மற்றும் இந்தியாவே வியக்கும் அளவுக்கு விளம்பர யுக்திகளை கையாண்டார் கலைப்புலி தானு.
விமானம் முதல் சாக்லேட் வரை அனைத்திலும் கபாலி மயமாக இருந்தது. கபாலி படம் பார்க்கவில்லை என்றால் அது பெரிய குற்றமாக பார்க்கப்படும் என்ற ரேஞ்சுக்கு பெரிய விஷயமாக 2016ஆம் ஆண்டில் பார்க்கப்பட்டது
ஆனால் காலா படத்தை தனுஷ் எந்த விதத்திலும் சரியாக புரோமோட் செய்யவில்லை.
இப்படி தொடர்ந்து ஆந்திராவை புறக்கணித்து வருகிறார்.
தமிழகத்தில் ஸ்டெர்லைட் ஆலை பிரச்சினை தெரிந்த ஒன்றுதான். ஆனால் அதற்காக தமிழர்கள் ஐபிஎல் பைனல் மேட்ச்சை கொண்டாடவில்லையா..?
அப்படியிருக்கையில் எதற்காக ஆந்திராவில் எந்த விழாவும் எடுக்கவில்லை.
இப்படி செய்வதால் பேசாமல் படத்தை இங்கு ரிலீஸ் செய்ய வேண்டாம் என ஆவேசத்துடன் கூறி வருகின்றனர்.
இந்த பேச்சுக்கள் ரசிகர்கள் மத்தியில் பெரும் சர்ச்சையை ஏற்படுத்தியுள்ளது.
தயாரிப்பாளர் தனுஷ் இதை கவனத்தில் கொண்டு வரும் நாட்களில் சரி செய்வாரா? என்பதை பார்ப்போம்.
We dont want Kaala release says Rajinikanth fans