தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ரஞ்சித் இயக்கத்தில் ரஜினிகாந்த் நடித்துள்ள காலா படத்தை தனுஷ் தயாரித்துள்ளார்.
இப்படத்தின் டீசர் இன்று மார்ச் 2ஆம் தேதி காலை 10 மணிக்கு வெளியாகும் என அறிவித்திருந்தார் தனுஷ்.
இதனால் இரவு நேரம் முன்பே உறங்கி காலையில் எழுந்து டீசரை பார்த்துக் கொள்ளலாம் என நினைத்திருந்தனர் ரசிகர்கள்.
ஆனால் எவரும் எதிர்பாரா வகையில் மார்ச் 2 தொடங்கும் நேரத்தில் இரவு 12.05 மணிக்கு எல்லாம் காலா டீசர் லீக்காகிவிட்டது.
இதனையடுத்து சில நிமிட இடைவெளியில் வேறு வழியில்லாமல் அதிகாரப்பூர்வமாக தன் ட்விட்டரில் வெளியிட்டுவிட்டார் தனுஷ்.
இதனால் ரஜினி ரசிகர்கள் பலரும் கடுப்பில் உள்ளனர். எப்படி இது லீக்கானது..? இதை செய்தவர் யார்? அவர்கள் மீது நடவடிக்கை எடுக்க வேண்டும் என கோரிக்கை வைத்துள்ளனர்.
மேலும் இந்த டீசரை முன்பு அறிவித்தப்படி நேற்று மார்ச் 1ஆம் தேதியே வெளியிட்டு இருக்கலாம். அப்படி செய்திருந்தால் இந்த லீக் பிரச்சினை ஏற்பட்டிருக்காது எனவும் தங்கள் கருத்துக்களை தெரிவித்து வருகின்றனர்.
Kaala Teaser leaked Rajinikanth fans disappointed