கல்வி துறையை சிறப்பாக்க சூர்யா அரசியலுக்கு வரவேண்டும் – சௌந்தரராஜா விருப்பம்

அப்பாவின் இழப்பை ஒவ்வொரு நாளும் உணர்வேன்..; தந்தை மரணம் குறித்து பில்கேட்ஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

உலகத்தின் மிகப்பெரிய நிறுவனங்களில் ஒன்று மைக்ரோசாஃப்ட் நிறுவனம்.

இதன் இணை நிறுவனரும் உலகப்புகழ் பில்கேட்ஸின் தந்தையுமான வில்லியம் ஹெச்.கேட்ஸ் செப்டம்பர் 14ல் காலமானார்.

அல்ஸைமர் நோயால் (Alzheimer’s disease) பாதிக்கப்பட்டிருந்த அவருக்கு வயது 94.

வழக்கறிஞராகவும் இருந்த வில்லியம் பல சமூக சேவைகளை செய்துள்ளார்.

தந்தையின் மரணம் குறித்து பில்கேட்ஸ் உருக்கமாக பதிவிட்டுள்ளார்.

அதில்… “என் தந்தையின் பணிவு, ஞானம், இரக்கம் ஆகியவை மக்களுக்கு நல்ல தாக்கத்தை ஏற்படுத்தியுள்ளது.

எனக்கு வயது கூட கூட எனது செயல்களில் அப்பாவின் தாக்கம் இருப்பதை உணர்ந்தேன்.

மைக்ரோசாஃப்ட்டின் முக்கியமான கட்டங்களில் சட்டரீதியான ஆலோசனைகளை அப்பாவிடம் கேட்பேன்.

பில் அண்ட் மெலிண்டா கேட்ஸ் அறக்கட்டளை அப்பா இல்லாமல் சாத்தியமில்லை.

புதிய விஷயங்களைக் கற்றுக் கொள்ள எப்போதும் ஆர்வம் காட்டினார். அவரின் மகனாக இருந்த அனுபவம் மிகவும் அற்புதமான ஒன்று.

என் அப்பாவின் இழப்பை ஒவ்வொரு நாளும் உணர்வேன்” என பில்கேட்ஸ் உருக்கமாக தெரிவித்துள்ளார்.

I never stopped learning from his wisdom – Bill gates about his father

புதுச்சேரி மாநில மாணவர்களுக்கு மதிய உணவுக்கு பதிலாக உதவித்தொகை & அரிசி தானியங்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

புதுச்சேரி, காரைக்கால், மாகே, ஏனாம் ஆகிய நான்கு பிராந்தியங்களும் ஒன்றிணைந்தது தான் புதுச்சேரி.

தற்போது கொரோனா தொற்று பரவல் தடுப்பு காரணமாக பள்ளிகள் மூடப்பட்டுள்ளது.

பள்ளிகளை எப்போது திறக்கலாம் என தெரியாமல் மத்திய & மாநில அரசுகளே திண்டாடி வருகிறது.

இந்த சூழ்நிலையால் மாணவர்களுக்கு மதிய உணவு வழங்க முடியவில்லை.

இதனால் பள்ளிகள் மூலம், பெற்றோர்களிடம் அரிசி மற்றும் உதவித்தொகை நேரடியாக நேற்று செப்டம்பர் 15 முதல் வழங்க அரசு உத்தரவிட்டது.

தேசிய உணவு பாதுகாப்பு சட்டப்படி.. ஒன்றாம் வகுப்பு முதல் 8ம் வகுப்பு வரை படிக்கும் அனைத்து மாணவர்களுக்கு சமைக்கப்பட்ட உணவுக்கு பதிலாக தானியங்கள், உதவித்தொகை வழங்கப் படுகிறது.

ஒன்றாம் வகுப்பு முதல் 5 ம் வகுப்பு வரை பயிலும் மாணவர்களுக்கு 4 கிலோ அரிசி, ரூ.290 ரொக்கமும், 6ம் வகுப்பு முதல் 8ம் வகுப்பு வரை பயிலும் மாணவர்களுக்கு 4 கிலோ அரிசி, ரூ.390 ரொக்கமும் வழங்கப்படுகிறது.

அந்தந்த பள்ளிகளில் படிக்கும் மாணவர்களின் பெற்றோர்கள் பள்ளிக்கு சென்று இதனை பெற்றுக்கொள்ளலாம்

Pudhucherry govt provides 4kg rice to school students

வித்தியாசமான காமெடி, காதல், கலந்த ஹாரர் படம் ” மாய மாளிகை ” K.N.பைஜூ இயக்குகிறார்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தேவா கிரியேஷன்ஸ் மற்றும் நவகிரஹா சினி ஆர்ட்ஸ் என்ற இரண்டு பட நிறுவனங்களும் இணைந்து தயாரித்துள்ள படம் ” மாயமாளிகை ”

K.N.பைஜூ கதை, திரைக்கதை எழுதி,இயக்கி கதாநாயகனாக நடிக்கிறார்.நாயகிகளாக இரண்டு புதுமுகங்கள் நடிக்க உள்ளனர். மற்றும் முக்கிய கதாபாத்திரத்தில் ரியாஸ்கான், கேசவ தேவ், கஞ்சா கருப்பு, சம்பத்ராம், முத்துக்காளை ஆகியோர் நடித்துள்ளனர். மற்றும் இவர்களுடன் ஏராளமான நட்சத்திரங்கள் நடிக்கிறார்கள்

இசை – அஜெய் ஸரிகமா

பாடல்கள் – சினேகன்

கலை – பிஜு தாஸ்

துணை இயக்கம் – ஜெயராஜ்

இணை இயக்கம் – வி.பி.சுந்தர்
மக்கள் தொடர்பு – மணவை புவன்

தயாரிப்பு – A.P.கேசவ தேவ்

கதை, திரைக்கதை, இயக்கம் – K.N.பைஜூ

படம் பற்றி நாயகனும், இயக்குனருமான K.N.பைஜூ கூறியதாவது…

காதல், காமெடி, கலந்த ஹாரர் படம். திருமணமான நாயகன், நாயகி இருவரும் தேனிலவுக்கு மலை பிரதேசத்தில் தங்களுக்கு சொந்தமான 10 ஏக்கரில் உள்ள பங்களாவிற்கு செல்கிறார்கள்.
அங்கே போனவுடன் சில திடுக்கிடும் சம்பவங்கள் நடக்கின்றன.
அங்கே இருக்கும் பேய் அந்த தம்பதிகளிடம் 40 வருடங்களுக்கு முன்பு நடந்த ஒரு உண்மைச் சம்பவத்தை சொல்கிறது. அந்த சம்பவத்திற்கும் இவர்களுக்கும் என்ன தொடர்பு என்பதே படத்தின் திரைக்கதை.
முதல் பாதி முழுக்க முழுக்க காமெடி கலாட்டாவாகவும், இரண்டாவது பாதி காதல் கலந்த ஹாரராகவும் இருக்கும். வழக்கமான பேய் படங்களை போல் இல்லாமல் ஒரு வித்யாசமான முயற்சியை இந்த படத்தில் கையாண்டிருக்கிறார்கள். அது படம் வெளியான பிறகு மக்களிடையே பெரிய வரவேற்பைப் பெரும். முதன் முறையாக ரியாஸ்கான் இந்த படத்தில் பக்கா காமெடியனாக நடித்துள்ளார்.
முழுக்க முழுக்க பங்களாவிற்குள்ளேயே நடக்கும் கதை இது.

KN Baijus new film titled Maya Maaligai

‘அண்ணாத்த’ ரஜினிகாந்தை மிரட்ட வரும் விஜய் பட வில்லன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரஜினிகாந்த் நடிப்பில் சன் பிக்சர்ஸ் தயாரிக்கும் படம் ‘அண்ணாத்த’.

இப்படத்தில் ரஜினியுடன் நயன்தாரா, குஷ்பு, மீனா, கீர்த்தி சுரேஷ், சூரி, சதீஷ் உள்ளிட்டோர் நடித்து வருகிறார்கள்.

சிவா இயக்கி வரும் இப்படத்திற்கு வெற்றி ஒளிப்பதிவு செய்ய டி.இமான் இசையமைத்து வருகிறார்.

இதில் பிரபல தெலுங்கு நடிகர் கோபிசந்த் வில்லனாக நடிப்பார் என கூறப்பட்டது.

இந்த நிலையில் வில்லனாக ஜாக்கி ஷராஃப் நடிக்க இருப்பதாக புதிய தகவல் வெளியாகியுள்ளது.

பிரபல பாலிவுட் நடிகரான இவர் விஜய்யுடன் ‘பிகில்’ படத்தில் நடித்திருந்தார்.

கொரோனா அச்சுறுத்தல் காரணமாக நிறுத்தப்பட்ட படப்பிடிப்பு தற்போது அரசு அனுமதி அளித்ததைத் தொடர்ந்து விரைவில் தொடங்கவுள்ளது.

ரஜினி நடிக்கும் காட்சிகளை 2021 ஜனவரியில் படமாக்கி 2021 ஏப்ரலில் படத்தை ரிலீஸ் செய்ய முடிவு செய்துள்ளதாம் படக்குழு.

Bollywood actor Jackie Shroff to play the main villain in Rajinikanth’s Annaatthe

பிக்பாஸ் 4 நிகழ்ச்சியில் சனம் ஷெட்டி ரியோ ராஜ் ஷாலு ஷம்மு அம்ரிதா & ரக்‌ஷன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விரைவில் விஜய் டிவியில் கமல்ஹாசன் தொகுத்து வழங்கும் பிக்பாஸ் 4 சீசன் தொடங்கவுள்ளது.

இதில் ரம்யா பாண்டியன், சுனைனா உள்ளிட்டோர் பங்கேற்க இருப்பதாக தகவல் வெளியானது.

ஆனால் இருவரும் அந்த தகவலை மறுத்தனர்.

ஆனால் சனம் ஷெட்டி, ரியோ ராஜ், ஷாலு ஷம்மு, அம்ரிதா ஐயர் ஆகியோரர் கலந்து கொள்ள உள்ளனர் என கூறப்படுகிறது.

இவர்கள் யாரும் இத்தகவலை மறுக்கவில்லை.

இந்த நிலையில் ‘கலக்கப்போவது யாரு’ தொகுப்பாளரும் கண்ணும் கண்ணும் கொள்ளையடித்தால் பட நடிகருமான ரக்‌ஷன் பிக்பாஸ் நிகழ்ச்சியில் கலந்து கொள்ள இருப்பதாக தகவல்கள் தெரிவிக்கின்றன.

Bigg Boss 4 Tamil contestants list here