மெல்லவும் முடியாமல் முழுங்கவும் முடியாமல்… சிக்கலில் சிவகார்த்திகேயன்.!

விஜய்யின் சூப்பர் ஹிட் பட ஹிந்தி ரீமேக்கில் நடிக்க ஆர்வம் காட்டும் பாலிவுட் சூப்பர் ஸ்டார்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒரு பக்கம் ஹிந்தி மலையாளம் தெலுங்கு படங்கள் தமிழில் ரீமேக்காகி வருகின்றன.

அதே சமயம் தென்னிந்திய படங்களை ஹிந்தியில் ரீமேக் செய்யவும் பலத்த போட்டிகள் அவ்வப்போது ஏற்படும்.

அதுவும் தமிழில் ஹிட்டான படங்களை ஹிந்தியில் ரீமேக் செய்வதில் அதிக ஆர்வம் காட்டி வருபவர் பாலிவுட் சூப்பர் ஸ்டார் சல்மான் கான்.

இத்துடன் இவர் தமிழ் இயக்குனர் பிரபு தேவா இயக்கத்தில் நடிக்க அதிக ஆர்வமாக இருப்பார்.

இந்த நிலையில் லோகேஷ் கனகராஜ் இயக்கத்தில் விஜய் & விஜய்சேதுபதி நடித்து வெளியான ‘மாஸ்டர்’ பட ஹிந்தி ரீமேக்கில் நடிக்க ஆர்வமாக இருக்கிறாராம் சல்மான்.

இந்த படத்தை ஏற்கெனவே தெலுங்கு, ஹிந்தியில் டப்பிங் செய்து வெளியிட்டுள்ளனர்.

இருந்தபோதிலும் தற்போது ‘மாஸ்டர்’ பட ஹிந்தி ரீமேக் உருவாகவுள்ளதாம்.

விஜய் கேரக்டரில் சல்மான் கானை நடிக்க அணுகியுள்ளனர் எனவும் விஜய் சேதுபதி கேரக்டரில் மற்றொரு முன்னணி பாலிவுட் ஹீரோவை நடிக்க வைக்கவும் பேச்சு வார்த்தைகள் நடக்கிறதாம்.

Salman Khan to star in the Hindi remake of Vijay’s Master

ஆதிவாசி குடும்பங்களுக்கு நடிகர் ராணா கொரோனா கால நிவாரண உதவி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தெலுங்கில் மிக பிரபலமானவர் நடிகர்
ராணா டகுபதி.

‘பாகுபலி’ படத்தில் வில்லனாக மிரட்டியிருந்தார்.

தமிழில் “பெங்களூர் டேய்ஸ்“, “ஆரம்பம்” திரைப்படத்திலும் நடித்து இருந்தார்.

சமீபத்தில் வெளியான பிரபு சாலமனின் “காடன்” திரைப்படத்திலும் நடித்து இருந்தார்.

இந்த நிலையில் தெலுங்கானாவில் உள்ள நிர்மல் மாவட்டத்தைச் சேர்ந்த 400 ஆதிவாசி குடும்பங்களுக்குத் தேவையான அத்யாவசியப் பொருட்களையும் மருந்து பொருட்களையும் கொரோனா கால நிவாரண பொருட்களாக வழங்கி உள்ளார் நடிகர் ராணா.

Actor Rana Daggubati Helps 400 Tribal Families Of Nirmal District During COVID-19 Pandemic

இண்டர்நெட் யூஸ் பண்ணாதவங்க உயிர் வாழ வேண்டாமா.? மோடிக்கு ராகுல் சரியான கேள்வி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

18 வயது முதல் 45 வயதுக்குள் உட்பட்டவர்கள் கொரோனா தடுப்பூசி போட்டுக் கொள்ள இணையதளத்தில் முன்பதிவு செய்ய வேண்டும் என மத்திய மாநில அரசுகள் வலியுறுத்தி வருகின்றன.

பொதுமக்கள் பலரும் முன் பதிவு செய்து தடுப்பூசி போட்டுக் கொண்டு வருகின்றனர்.

கிராமப்புற மற்றும் நகரப்புறங்களிலும் கூட இண்டர்நெட் பயன்படுத்தாதவர்கள் ஆண்ட்ராய்டு போன் இல்லாதவர்கள் பலர் உள்ளனர்.

இதை எல்லாம் குறித்து கவலைப்படாத புரிந்துக் கொள்ளாத அரசாங்கம் COWIN இணைய தளத்தில் பதிவு செய்தால் மட்டுமே தடுப்பூசி போடப்படும் என உத்தரவிட்டுள்ளது்

இதுகுறித்து ராகுல் காந்தி தன் டிவிட்டர் பக்கத்தில்..

“தடுப்பூசிக்கு இணையதளப் பதிவு தேவையற்றது. இணையதளத்தை அணுக முடியாதவர்களுக்கும் உயிர் வாழ்வதற்கான உரிமை உள்ளது.

கோவிட் தடுப்பூசி செலுத்திக்கொள்ள கோவின் இணையதளப் பதிவைக் கட்டாயமாக்கக் கூடாது. தடுப்பூசி மையம் வரும் அனைத்து மக்களுக்கும் கோவிட் தடுப்பூசி செலுத்த வேண்டும்.”

இவ்வாறு ராகுல் காந்தி மத்திய அரசிடம் வலியுறுத்தியுள்ளார்.

Rahul Gandhi slams PM Modi

அங்கீகாரம் இல்லாத தனியார் பள்ளிகள் & அரசு உதவி பெறும் பள்ளிகளுக்கு ஆபத்து.; தமிழக அரசு அதிரடி மூவ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழகத்தில் அங்கீகாரம் இல்லாமல் செயல்படும் தனியார் பள்ளிகளை மூட தமிழக அரசு உத்தரவிட்டுள்ளது.

மேலும் அங்கீகாரம் இல்லாமல் செயல்படும் அரசு உதவி பெறும் பள்ளிகளையும் மூட அரசு உத்தரவிட்டுள்ளது.

இது தொடர்பாக தமிழக தொடக்கக் கல்வி இயக்குநர் பிறப்பித்துள்ள அறிக்கை உத்தரவில்…

“தொடக்க கல்வி இயக்கத்தின் கீழ் செயல்படும், அரசு நிதியுதவிபெறும் தொடக்க மற்றும் நடுநிலை பள்ளிகள், சுயநிதியில் செயல்படும் தொடக்க மற்றும் நடுநிலை பள்ளிகள், மழலையர் மற்றும் தொடக்கப் பள்ளிகள் மற்றும் இளம் மழலையர் பள்ளிகள் ஆகியவை சார்பாக தொடக்க அனுமதி, அங்கீகாரம் மற்றும் தொடர் அங்கீகாரம் பெறாமல் செயல்படும் பள்ளிகள் சார்பாக விவரங்களை அனுப்புமாறு அனைத்து மாவட்ட முதன்மை கல்வி அலுவலர்களுக்கு தெரிவிக்கப்படுகிறது.

அங்கீகாரம் பெறுவதற்குரிய முழுமையான வடிவில் கருத்துரு அளிக்க இயலாத பள்ளிகளை உடனடியாக இக்கல்வி ஆண்டுடன் மூடுதல் சார்ந்து உரிய விதிமுறைகளின்படி அப்பள்ளியில் பயலும் மாணவ, மாணவிகளை வேறு பள்ளியில் சேர்க்கவும் நடவடிக்கை எடுக்க வேண்டும்.

துவக்க அங்கீகாரம் மற்றும் தொடர் அங்கீகாரம் இல்லாமல் செயல்படும் அனைத்து இளம் மழலையர் பள்ளிகள், நர்சரி மற்றும் பள்ளிகள், சுயநிதி தொடக்க, நடுநிலை பள்ளிகள், உதவிபெறும் தொடக்கநிலை பள்ளிகளை மூடுதல் சார்ந்து விதிமுறைகளின்படி, நடவடிக்கை மேற்கொள்ள வேண்டும்.

துவக்க அங்கீகாரம், தொடர் அங்கீகாரம் இல்லாமல் பள்ளிகள் செயல்படுமானால் , வட்டார கல்வி அலுவலர், மாவட்ட கல்வி அலுவலர் மற்றும் முதன்மை கல்வி அலுவலரே பொறுப்பேற்க நேரிடும்.

எனவே, அங்கீகாரமின்றி செயல்படும் பள்ளிகள் மீது பள்ளி வாரியாக மேற்கொள்ளப்பட்ட நடவடிக்கை விவரத்தினை ஜூன் 20க்குள் இவ்வியக்கத்திற்கு அனுப்புமாறு அனைத்து மாவட்ட முதன்மை கல்வி அலுவலர்களுக்கு தெரிவிக்கப்படுகிறது.”

இவ்வாறு அறிக்கையில் தெரிவிக்கப்பட்டுள்ளது.

TN govt ordered to shut schools without recognition

கொரோனா நிவாரண நிதியாக ரூ 1 கோடி வழங்கினார் ‘தூங்காவனம்’ & ‘பழசிராஜா’ படத்தயாரிப்பாளர்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சென்னையை தலைமையிடமாகக் கொண்டு இயங்கி வரும் பிரபல சிட் ஃபண்ட் நிறுவனம் ‘ஸ்ரீ கோகுலம் சிட் பண்ட் & பைனான்ஸ்’ நிறுவனம். இதன் நிறுவனர் ‘கோகுலம்’ கோபாலன்.

இந்த நிறுவனம் தவிர தமிழ்நாடு உட்பட பல இடங்களில் கல்வி நிறுவனங்களையும், ஹோட்டல்களையும், மருத்துவமனைகளையும் நிர்வகித்து வரும் ‘கோகுலம்’ கோபாலன் ஒரு திரைப்பட தயாரிப்பாளரும் கூட ஆவார்.

தமிழில் வெளியான ‘தூங்காவனம்’, ‘தனுசு ராசி நேயர்களே’ மலையாளத்தில் வெளியான ‘பழசிராஜா’, ‘காயங்குளம் கொச்சுண்ணி’ உள்பட பல படங்களை தயாரித்தவர் ‘கோகுலம்’ கோபாலன்.

சென்னையில் இயங்கி வரும் ‘ஸ்ரீ கோகுலம் ஸ்டுடியோஸ்’ என்ற சினிமா நிறுவனத்தின் அதிபரும் இவரே.

இப்படி பல்வேறு துறைகளில் கால் பதித்து சிறந்த ஒரு தொழிலதிபராக விளங்கி வரும் ‘கோகுலம்’ கோபாலன் பேரிடர் காலங்களில் மக்களுக்கு உதவி செய்வதிலும் கவனம் செலுத்தி வருபவர் ஆவார்.

இப்போது நம் நாட்டில், அதிலும் குறிப்பாக தமிழ்நாட்டில் கொரோணா எனும் கொடிய தொற்று நோயின் இரண்டாம் அலைவரிசை காரணமாக மக்கள் பெரிதும் பாதிக்கப்பட்டுள்ளனர்.

இப்படி பாதிக்கப்பட்டுள்ள மக்களுக்கு உதவும் வகையில் தமிழ்நாடு முதலமைச்சரின் நிவாரண நிதிக்காக ‘கோகுலம்’ கோபாலன் 1 கோடி ரூபாய் நிதி வழங்கியுள்ளார்.

இதற்கான காசோலையை இன்று (10-6-2021) தலைமைச் செயலகத்தில் முதலமைச்சர் மு.க.ஸ்டாலின் அவர்களை சந்தித்து ‘கோகுலம்’ கோபாலன் வழங்கினார்.

அப்போது அவருடன் ‘கோகுலம் சிட் பண்ட்’ நிறுவனத்தின் எக்சிக்யூட்டீவ் டைரக்டர் பைஜு கோபாலன், ‘Director Operations’ பிரவீன் ஆகியோரும் இருந்தனர்.

Gokulam gopalan of Sri Gokulam studios donated Rs 1 crore to corona relief fund