படைப்பாளன் விமர்சனம்.; பயப்படாதவன்

பன்னி குட்டி விமர்சனம்.; மூடநம்பிக்கை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

பன்னிக்குட்டியால் பல பிரச்சினைகளை சந்திக்கிறார் கருணாகரன். அதே பன்னு குட்டியால் தன் வாழ்க்கையில் பெரிய மாற்றம் ஏற்படும் என நம்புகிறார் யோகி பாபு.

பன்னிக்குட்டிக்காக இந்த இருவருக்கும் நடக்கும் பிரச்சினையே படத்தின் ஒன்லைன்.

கதைக்களம்…

ஒரு நடுத்தர குடும்பத்தைச் சேர்ந்தவர் கருணாகரன். இவர் தங்கைக்கு திருமணம் ஆனாலும் புகுந்த வீட்டில் பல பிரச்சினைகள். எனவே அடிக்கடி அம்மா வீட்டுக்கு வந்து செல்கிறார். அப்பா டி பி கஜேந்திரன் குடிகாரர். இதனாலும் பல பிரச்சினைகள்.

கருணாகரனுக்கு பலமுறை முயன்றும் பெண் கிடைக்கவில்லை. அப்போதுதான் ஒரு பெண் இவர் காதலியாக வாழ்வில் நுழைகிறார்.

தன் பிரச்சினைகள் தீர ஒரு நாள் தனது நண்பர் ராமர் மற்றும் தங்கதுரையுடன் சாமியார் திண்டுக்கல் லியோனியை சந்திக்கிறார்.

லியோனி ஒரு திருட்டு பைக் எடுத்துக்கொண்டு நீங்கள் செல்லுங்கள் உங்களுக்கு நல்ல காலம் பிறக்கும் என்கிறார.

ஒரு பைக்கை திருடி கொண்டு செல்லும் போது ஒரு பன்னி மீது மோதி விடுகிறார் கருணாகரன். அப்போது முதல் பல பிரச்சினைகளை சந்திக்கிறார்.

இந்த கதை ஒருபுறம் இருக்க அந்த பன்றி குட்டியை தன் செல்ல பிராணியாக வளர்க்கிறார் யோகி பாபு.

அந்தப் பன்னி குட்டியால் தன் வாழ்வில் மாற்றம் ஏற்படும் என யோகி பாபு காத்திருக்கும் நிலையில் அந்த பன்னிக்குட்டி மீது மீண்டும் விபத்து ஏற்படுத்த முயற்சிக்கிறார் கருணாகரன்.

அதன் பிறகு இவர்கள் இருவருக்கும் என்ன நடந்தது என்பதுதான் மீதிக் கதை.

கேரக்டர்கள்…

கதையின் நாயகனாக கருணாகரன் பெரிதாக அலட்டிக் கொள்ளாத நடிப்பில் கவர்கிறார். ஒரு சராசரி நடுத்தர குடும்பத்து இளைஞனாக நடித்திருக்கிறார்.

பன்னிக்குட்டிக்காக அலையும் கேரக்டரில் யோகி பாபு. தன் பிள்ளையாக வளர்த்து அதன் மேல் அன்பு காட்டுகிறார்.

கருணாகரன் மற்றும் யோகி பாபு காதலிகள் நல்ல தேர்வு. அழகிலும் நடிப்பிலும் நம்மை கவர்கின்றனர்.

ராமர் மற்றும் தங்கதுரை இருந்தும் பெரிதாக சிரிப்பு வரவில்லை. ஆனால் ஓரிரு இடங்களில் ஓகே.

இதே கூட்டணியில் சிங்கம் புலியும் வருகிறார். அவர் தன் குடும்பத்துடன் அமர்ந்து கொண்டு ஹோட்டலில் சாப்பிடும் காட்சிகள் நல்ல நகைச்சுவை.

டிபி கஜேந்திரன் & நளினிகாந்த் ஓரிரு காட்சிகளில் வருகின்றனர். இவர்கள் படத்தில் ஏனோ என்பது புரியவில்லை.

20 வருடங்களுக்குப் பிறகு ஐ லியோனி சினிமாவில் நடித்துள்ளார். அவருக்கு பெரிய காட்சிகள் இல்லை என்றாலும் கொடுத்த காட்சியில் சிறப்பு.

டெக்னீஷியன்கள்…

கிட்டத்தட்ட காமெடி நடிகர்கள் மட்டும் பத்து பேர் இருந்தும் படத்தில் காமெடிக்கு பெரிய பஞ்சம் உள்ளது. காமெடி செய்ய மறுத்துவிட்டார் இயக்குனர் அனுச்சரன்.

ஒளிப்பதிவு படத்திற்கு பலம் சேர்த்துள்ளது.

பின்னணி இசையும் பாடல்கள் பெரிதாக கை கொடுக்கவில்லை என்றாலும் ரசிக்கலாம்.

ஆக மொத்தம் இந்த பன்னிக்குட்டி… மூடநம்பிக்கையின் உச்சம்

Panni Kutty movie review in Tamil

கிராண்மா விமர்சனம்.. பயமுறுத்தும் பாட்டி!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்..

கிராண்ட் மதர் என்பதின் சுருக்கம் தான் ‘கிராண்மா’. தமிழில் சொன்னால் பாட்டி.

இந்த படத்தில் விமலா ராமன் அவருடைய மகள் பௌர்ணமி ராஜ் அவரின் பாட்டியாக சர்மிளா.

கதைக்களம்..

பேய் படம் என்றாலே ஓர் அடர்ந்த காட்டுக்குள் யாருமே எளிதில் செல்ல முடியாத அளவிற்கு ஒரு பங்களா ஒன்று இருக்கும் தானே. அது இந்த படத்திலும் உண்டு. இந்த படத்தில் அந்த வீடு மட்டும் தான் கதைக்களம் கதை எல்லாமே.

பசுமையான மரங்கள் அடர்ந்திருக்கும் ஒரு காட்டுக்குள் ஒரு வீடு.

வழக்கறிஞர் விமலாராமனும் அவருடைய மகள் பௌர்ணமியும் வசிக்கின்றனர்.

இரண்டாம் வகுப்பு படிக்கிற சிறுமி ஆகிய இருவர் மட்டும் உள்ளனர். வீட்டில் ஒரு வாய் பேச முடியாத வேலைக்காரி இருக்கிறாள். ஆனால் அவர் இரவில் அங்கு தங்குவதில்லை.

அந்த இரண்டாம் வகுப்பு படிக்கும் சிறுமிக்கு பாடம் நடத்த ஆசிரியராக வருகிறார் சோனியா அகர்வால்.

எங்கள் பாட்டி இந்த வீட்டில் தான் ஆன்மாவாக வாழ்ந்து கொண்டிருக்கிறார் என்கிறாள் அந்த சிறுமி. இதுவரை எந்த ஆசிரியரும் இந்த வீட்டில் தங்குவதில்லை. பேய்க்கு பயந்து உடனே ஓடி விடுவார்கள் என சொல்லி சோனியாவை மிரட்டுகிறார்.

அதன் பிறகு சோனியா என்ன செய்தார்.? சோனியாவை அந்த பாட்டி ஆவி என்ன செய்தது? அந்த வீட்டில் என்ன என்ன நடந்தது? என்பதுதான் நீதி கதை.

கேரக்டர்கள்..

நீண்ட நாட்களுக்கு பிறகு சோனியா அகர்வால் தமிழ் சினிமாவில் நடித்துள்ளார். விதவிதமான ஆடைகளை போட்டு வருகிறார். ஏற்கனவே அவரது முகம் சற்று தூங்கி எழுந்தது போல் தான் இருக்கும். அதுவும் இந்த படத்தில் பயமுறுத்து காட்சிகளில் அது அப்படியே அவருக்கு பொருந்தி உள்ளது .

விமலா ராமன் வீட்டிற்கு கெஸ்ட் போல வந்து செல்கிறார். சிறுமியை பாலியல் பலாத்காரம் செய்த எதிராளிகளிடம் தைரியமாக சிங்க பெண்ணாக துணிச்சலான வக்கீலாக நடந்து கொள்கிறார்.

சிறுமி பௌர்ணமி நிறையவே கண்டிப்பாக நடந்து கொள்கிறார். நிக்கி வேடத்தில் தயாரிப்பாளர் ஜெயராஜின் மகள் பௌர்ணமி ராஜ் நடித்திருக்கிறார்.

அவரது பாட்டியாக வரும் சர்மிளா தலையில் விக் வைத்தது போல வருகிறார். மேக்கப்பில் இன்னும் கூடுதல் கவனம் செலுத்தி இருக்கலாம்.

டெக்னீஷியன்கள்…

ஒரே வீட்டுக்குள் நடக்கும் கதை என்பதால் கேமராவை மறந்துவும் கூட வெளிய வைக்கவில்லை. சில காட்சிகளில் மட்டும் ட்ரோன் பயன்படுத்தி வீடு மற்றும் காட்டு பங்களாவை காட்டுகின்றனர்.

ஒளிப்பதிவாளர் யஷ்வந்த் பாலாஜி பறவைப் பார்வையில் அந்த வீட்டைக் காட்டியிருப்பது அழகு.

இசையமைத்திருக்கும் சங்கர் ஷர்மாவின் பின்னணி இசை கதைக்கேற்ப ஓட்டியிருக்கிறார்.

கதை எழுதி படத்தை இயக்கியிருக்கிறார் சிஜின்லால். இறுதியாக ஒரு முக்கியமான விஷயத்தை சொல்லி இருக்கிறார் இயக்குனர்..

எல்லா படங்களிலும் பேய்கள் மனிதனை பயமுறுத்தும்.. மனிதனை கொன்றுவிடும். ஆனால் இந்த படத்தில் பேய்களால் மனிதனை ஒன்றுமே செய்ய முடியாது என்று விளக்கம் கொடுத்துள்ளார் அதை நிச்சயமாக பாராட்டலாம்..

Grandma Movie Review in Tamil

ஃபாரின் சரக்கு விமர்சனம்..; வேலையில்லா மூளைக்காரன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அறிமுக இயக்குநர் விக்னேஷ்வரன் கருப்புச்சாமி எழுதி இயக்கியிருக்கும் படம் ‘ஃபாரின் சரக்கு’.

அறிமுக நடிகர்கள் கோபிநாத், சுந்தர், உசேன், சுரேந்தர் சுந்தரபாண்டியன், அஃப்ரினா, ஹரினி, இலக்கியா ஆகியோர் நடித்திருக்கும் இப்படத்தை நெப்டியூன் செய்லர்ஸ் புரொடக்‌ஷன்ஸ் சார்பில் கோபிநாத் தயாரித்துள்ளார்.

சஸ்பென்ஸ் ஆக்‌ஷன் திரைப்படமாக உருவாகியுள்ள இப்படம் ஜூலை 8 ஆம் தேதி திரையரங்குகளில் வெளியாகிறது.

ஒன்லைன்..

ஃபாரின் சரக்கு என்பதால் இந்த படத்தில் தண்ணி அடிக்கும் காட்சிகள் இருக்கும் என்று எதிர்பார்த்தால் அதற்கு ஏமாற்றமே.
ஃபாரினில் இருந்து வரும் பொருட்களை கூட நாம் சரக்கு என்று சொல்வோம் அல்லவா அதுதான் இந்த ஃபாரின் சரக்கு.

கதைக்களம்…

குஜராத் அமைச்சர் ஒருவரின் மகன் ரகசியமாக தமிழகத்துக்கு வருகிறார். அப்படி என்றாலே அதில் ஏதோ ஒரு விஷயம் இருக்கிறது என்பது அர்த்தம் தானே..

எனவே தமிழக அமைச்சர் ஒருவரின் ஏற்பாட்டின் மூலம் அவரை சில நாட்களுக்கு பாதுகாப்பாக வைத்திருக்க வேண்டிய பொறுப்பு உசேன் தலைமையிலான ரவுடி கும்பலிடம் ஒப்படைக்கப்படுகிறது.

இதுஒரு புறம் நடந்தாலும் மறுபுறம் குஜராத் அமைச்சரின் மகனை சில கும்பல்கள் துரத்துகின்றன.

இறுதியில் அவரை கண்டுபிடித்தார்களா? இல்லையா?, அவர்கள் யார்? குஜராத்

அமைச்சரின் மகன் எதற்காக தமிழகத்தில் ரகசியமாக தங்க வைக்கப்படுகிறார்? என்பதை ட்விஸ்டுகளோடும் சொல்லியிருக்கிறார்கள்.

கேரக்டர்கள்…

நடிகர், நடிகைகள், இயக்குநர், ஒளிப்பதிவாளர் உள்ளிட்ட படக்குழுவினர் அனைவரும் புதுமுகங்களாக இருந்தாலும், படத்தின் ஆரம்பத்தில் சொல்லப்படும் சில யுக்திகள் நம்மை ஆச்சரியப்பட வைக்கின்றன.

கோபிநாத், சுந்தர் ஆகியோருக்கு முதல் படம் என்றாலும் கதாப்பாத்திரத்திற்கு ஏற்றபடி நடித்திருக்கிறார்கள். ஆனால் அவர்கள் மேக்கப்பில் சரியாக கவனம் செலுத்தவில்லை

மகாலிங்கம் என்ற கேரக்டரில் வில்லனாக நடித்திருக்கும் உசேன் அசத்தியிருக்கிறார். சுரேந்தர் சுந்தரபாண்டியனும் கச்சிதம்.

அஃப்ரினா, ஹரினி, இலக்கியா ஆகியோருக்கு பெரிதாக வேலை இல்லை ஆனாலும் ஆக்ஷன் காட்சிகளில் அசத்தியிருக்கிறார்கள்.

பிரவீன் ராஜ் இசையில் பாடல்கள் கதை ஓட்டத்திக்கு உதவியுள்ளது.

பின்னணி இசை இரைச்சலை கொடுத்துள்ளது ஆனால் ஆக்‌ஷன் காட்சிகளில் ஓகே.

ஒளிப்பதிவாளர் சிவநாத் ராஜனின் கேமரா படத்திற்கு மிகப்பெரிய பலம். ஆனால் படத்திற்கு வெளிச்சத்திற்காக வைக்கப்பட்ட லைட் செட்டிங் கருவிகள் காட்சிகளில் தெரிவது ஏன்? ஒரு முக்கியமாக இடைவேளைக்கு வரும் பிறகு வரும் சண்டை காட்சியில் தெருவிளக்கு மட்டும் இருந்தால் போதும். மற்ற செட் ஸ்டாண்ட் விளக்குகளும் தெரிகிறது.. அதை இயக்குனர் கவனிக்கவில்லையா? அல்லது ஒளிப்பதிவாளர் கவனிக்கவில்லையா?

எடிட்டர் பிரகாஷ்ராஜ் விறுவிறுப்பாக காட்சிகளை நகர்த்தியிருப்பது பலம்.

’ஃபாரின் சரக்கு’ என்ற தலைப்பை வைத்துவிட்டு படத்தில் மது அல்லது புகை காட்சிகளை வைக்காமல் சொன்னது சூப்பர்.

இயக்குநர் விக்னேஷ்வரன் கருப்புச்சாமி, இளைஞர்களுக்கான மெசஜோடு படத்தை நிறைவு செய்கிறார்.

படிக்காதவனே நிறைய தவறுகளை செய்யும்போதும் அதிகாரத்தில் இருந்து சில தவறுகளை செய்யும்போது படித்த புத்திசாலிகள் என்னென்ன செய்வார்கள் என்பதை இயக்குநர் சொல்லி இருப்பது சிறப்பு.

குறைந்த பட்ஜெட் காரணமாக சிறு சிறு குறைகள் காணப்படுகிறது.

மொத்தத்தில், ‘ஃபாரின் சரக்கு’ ஒருமுறை பருகலாம்

Foreign Sarakku movie review in Tamil

அன்யாஸ் டுட்டோரியல் விமர்சனம் 2/5

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்..

கொரோனா லாக்டவுன் சமயத்தில் ஒரு வீட்டிற்குள் மாட்டிக்கொண்ட ஒரு இளம் பெண்ணின் கதை. அந்த வீட்டிற்குள் அவரை சுற்றி நடக்கும் அமானுஷ்ய சக்திகளின் கதை தான் இப்படம்.

7 அத்தியாயங்களைக் கொண்ட இந்த தொடர் ஆஹா (Aha) ஓடிடி.யில் பார்க்கக் கிடைக்கிறது. #AnyasTutorialOnAHA Screaming from July 1st

கதைக்களம்…

ரெஜினா கஸன்ட்ராவும் நிவேதிதா சதீஷும் அக்கா தங்கை.

ஒரு கட்டத்தில் தன் அம்மாவிடமும், அக்கா ரெஜினாவிடமும் கோபித்துக்கொண்டு வீட்டைவிட்டு வெளியேறி தனியாக ஒரு வீட்டில் தங்கியிருக்கிறார் நிவேதிதா.

அப்போது கொரோன லாக்டவுன் காலகட்டம் ஆரம்பிக்கிறது. இதனால் வீட்டை விட்டு எவரும் வெளியே வர முடியாத சூழ்நிலை.

அந்த சூழ்நிலையில் அக்காவும் தங்கையும் வீடியோ காலில் பேசிக் கொள்வதை வழக்கமாக வைத்துள்ளனர்.

இதனடையில் தங்கை நிவேதிதா இன்ஸ்டாகிராம் பக்கத்தில் அன்யா டுடோரியல் என்ற ஒரு பக்கத்தை நடத்திக் கொண்டிருக்கிறார்.

அதில் அழகு கலை குறிப்புகளை தன் பார்வையாளர்களுக்கு சொல்லி வருகிறார்.

அப்போது அவர் தங்கியிருக்கும் வீட்டில் பல அமானுஷ்ய சக்திகளின் நடமாட்டம் உள்ளது.

இதனை வீடியோ காலில் பார்க்கும் அக்கா ரெஜினா என்ன செய்தார்? தன் தங்கையை எப்படி காப்பாற்றினார்? என்பதை படத்தின் மீதிக்கதை.

கேரக்டர்கள்…

வீடியோ காலில் 20 வார்த்தையே ரெஜினா பேசினால் அதில் பத்து வார்த்தை FCUK என்பதாகவே உள்ளது. ஓடிடி தளங்களில் ரிலீசாகும் படங்களுக்கு சென்சார் இல்லை என்பதால் எத்தனை முறை வேண்டுமானாலும் கெட்ட வார்த்தை பயன்படுத்தலாம் என்பது விதிமுறையா என்னவோ.? அந்த வார்த்தைகள் முகம் சுழிக்கும் வகையில் உள்ளது.. மற்றபடி வழக்கம்போல ரெஜினா வருகிறார்.

மாடர்ன் மங்கையாக நிவேதிதா சதீஷ். சில நேரங்களில் பேய்களே பயன்படுத்தும் அளவிற்கு அரைக்கால் டவுசரில் வந்து போகிறார்.

மற்றபடி இன்னும் சில கேரக்டர்கள் வந்து போகின்றன.

டெக்னீஷியன்கள்..

பின்னணி இசை சில இடங்களில் மிரட்டுகிறது. கலை இயக்குநரின் மெனக்கெடல் தொடருக்கு பலம் சேர்த்துள்ளது.

ஒரே வீட்டிற்குள் நடக்கும் கதை என்பதால் ஒளிப்பதிவாளர் அதை உணர்ந்து தன் பணியை திறம்பட செய்துள்ளார்.

இரு பெண்களை கதையின் நாயகிகளாக்கி தொடரை இயக்கியிருக்கிறார் ஒரு பெண் இயக்குநர் பல்லவி கங்கிரெட்டி.

முதல் பாகத்தில் காட்சிகள் ஆமை வேகத்தில் நகருவதால் நமக்கு சோதனைதான். இரண்டாம் பாதியில் கொஞ்சம் விறுவிறுப்பு கூடியுள்ளது.

இருந்தாலும் சொல்ல வந்த ஒரு விஷயத்தை சுற்றி வளைக்காமல் சொல்லி இருந்தால் படத்தை ரசிகர்கள் ரசித்திருப்பார்கள்.

ஆக அன்யாஸ் டுடோரியல்… தேர்ச்சிக்காக காத்திருக்கும் மாணவர்கள்..

Anya’s Tutorial movie review in tamil

டி ப்ளாக் விமர்சனம்.; சிறுத்தைப் பெண்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்..

அடர்ந்த காட்டுக்குள் இருக்கும் ஒரு லேடிஸ் ஹாஸ்டலில் நடக்கும் தொடர் கொலைகளே இப்படத்தின் ஒன் லைன்.

கதைக்களம்…

கோவை பகுதியில் அடர்ந்த காட்டுப் பகுதியில் ஓர் இன்ஜினியரிங் கல்லூரி செயல்படுகிறது. அந்த கல்லூரி பெண்கள் விடுதியில் ஏகப்பட்ட நிபந்தனைகள்.

மாலை ஆறு மணிக்கு மேல் மாணவிகள் வெளியே வரக்கூடாது.. 9 மணிக்கு மேல் மொட்டை மாடிக்கு செல்லக்கூடாது. அறையில் விளக்குகள் எரியக்கூடாது என ஏகப்பட்ட கண்டிசன்கள்.

இதை மீறி செயல்படும் பல மாணவிகள் கொல்லப்படுகிறார்கள். இதற்கு காரணம் சிறுத்தை தான் என கல்லூரி மேனேஜ்மென்ட் சொல்கிறது.

பெண்களை மட்டும் குறி பார்த்து ஒரே மாதிரி சிறுத்தை கொலை செய்கிறதா.? என்ற கேள்வி நாயகன் மனதில் தோன்றுகிறது.

அப்படி என்றால் கொலையாளி யார்? அதற்கான காரணம் என்ன? பின்னணி என்ன என்பதே படத்தின் கதை.

கேரக்டர்கள்…

காலேஜ் பையனாக ஸ்மார்ட்டாக வருகிறார் அருள்நிதி. வழக்கம் போல எங்கும் அலட்டி கொள்ளாத நடிப்பை கொடுத்திருக்கிறார்.

அருளின் நண்பர்களாக ஆதித்யா கதிரும், படத்தின் இயக்குநர் விஜய்யும் நடித்துள்ளனர். கதிரின் காமெடி சில இடங்களில் ஓகே.

நாயகியாக வரும் அவந்திகா மிஸ்ரா அழகு. நடிக்க பெரிதாக வாய்ப்பில்லை போல. இவரின் தோழியாக வரும் பெண்ணுக்கு உருண்ட குண்டு விழிகள்.. அதுவே திகில் காட்சிகளில் பயத்தை கொடுக்கிறது.

வில்லனாக வருபவர் ஒரு சைக்கோ என காட்டப்படுகிறார். அதற்கு சில பிளாஷ்பேக் காட்சிகளை வைத்துள்ளனர்.

பிரின்சிபால் தலைவாசல் விஜய், செக்யூரிட்டி ரமேஷ் கண்ணா, ஹாஸ்டல் வார்டன் உமா ரியாஸ் என சீனியர் ஸ்டார்கள் படத்தில் உள்ளனர். இதில் ரமேஷ் கண்ணாவின் நடிப்பு நம்மை கலங்க வைக்கிறது.

‘வாம்மா மின்னல்’ என்ற வேகத்தில் வருறார் கரு.பழனியப்பன். இவரால் படத்தில் பெரிய திருப்புமுனை ஏற்படும் என்று நாம் எதிர்பார்த்து இருந்தால் அந்த ஒரு காட்சியோடு போய்விடுகிறார். ஆனால் தனக்கே உரித்தான நக்கலுடன் காடுகளை அழித்த சாமியார்களை கிண்டல் செய்துவிட்டு செல்கிறார்.

டெக்னீஷியன்கள்..

கோயம்புத்தூர் பகுதிகளில் பல கல்லூரிகள் அடர்ந்த காட்டுக்கு நடுவே அமைக்கப்பட்டுள்ளது தான் அது நமக்கு தெரிந்த ஒன்றுதான்.

இந்த படத்தைப் பார்க்கும் கல்லூரி மாணவர்களின் பெற்றோர்களுக்கு இந்த படம் தங்கள் பிள்ளைகளின் பாதுகாப்பு பற்றிய பயத்தை ஏற்படுத்தும்.

ஒளிப்பதிவு ஓகே ரகம். கௌசிக் கிரிஷின் பின்னணி இசை சில இடங்களில் திகிலைக் கூட்டுகிறது.

முதல்பாதியில் வருகை பதிவேடில் கையெழுத்து போட ஹீரோ ஒரு காட்சியில் ஹீரோயின் உதவியை நாடுகிறார். ஆனால் அதன் பிறகு அது சம்பந்தமான காட்சிகள் எதுவுமே இல்லை. இந்த காட்சிகளை எடிட்டர் கணேஷ் சிவா வெட்டி இருக்கலாம். எடிட்டிங்கில் இன்னும் கூடுதல் கவனம் செலுத்தியிருக்கலாம்.

கல்லூரிக்கு நடக்கும் திகில் கதையை சொல்ல முயற்சித்துள்ளார் இயக்குனர். யூட்யூப் தளங்களில் பிரபலமாகி இந்த படத்தின் மூலம் சினிமாவில் அறிமுகம் ஆகியுள்ளார் இயக்குனராக விஜயகுமார் ராஜேந்திரன். (எருமசாணி விஜய்)

அவருடைய முதல் முயற்சிக்கு நாம் வரவேற்பு கொடுக்கலாம். ஆனால் அதே சமயத்தில் திரைக்கதையை இன்னும் சுவாரசியம் ஆக்கி இருக்கலாம்.

கிளைமாக்ஸ் காட்சியில் கல்லூரி பெண்களே சிங்கப்பெண்களாக சாரி சாரி சிறுத்தைப் பெண்களாக மாறி அதகளம் செய்து ஆக்ஷனில் இறங்கியுள்ளது சிறப்பு.

ஆக டி ப்ளாக்.. சிறுத்தைப் பெண்கள்

D Block movie review in Tamil