தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நடிகர்கள் : அர்ஜீன், ஷாம், மனீஷா கொய்ராலா, அக்ஷா பட் மற்றும் பலர்.
இசை : இளையராஜா
ஒளிப்பதிவு : கிருஷ்ணஸ்ரீராம்
படத்தொகுப்பு : கிருஷ்ண ரெட்டி
இயக்கம் : ஏஎம்ஆர். ரமேஷ்.
பிஆர்ஓ: மௌனம் ரவி
தயாரிப்பாளர் : ரூபாதேஷ் ராஜ்ராய்
கதைக்களம்…
ஒரே இரவில் நடக்கும் கதைதான் இப்படம்.
மல்ட்டி மில்லியனர் மனீஷா கொய்ராலா கொலை செய்யப்படுகிறார். அவருடைய உடல் ‘போஸ்ட் மார்ட்டம்’ செய்ய வைக்கப்பட்டுள்ளது.
பலத்த போலீஸ் பாதுகாப்பு இருந்தும், உடல் காணாமல் போய்விடுகிறது. எனவே போலீஸின் சந்தேக பார்வை மனீஷாவின் கணவர் ஷாம் மீது விழுகிறது.
மிடுக்கான போலீஸ் அதிகாரி அர்ஜுன் அவரை தன் கட்டுப்பாட்டிற்குள் கொண்டு வந்து ஒன்றன் பின் ஒன்றாக உண்மைகளை வெளிச்சத்து கொண்டு வருகிறார்.
ஆனால் க்ளைமாக்ஸ் யாரும் எதிர்பாராத ஒன்று.
கதாபாத்திரங்கள்…
எத்தனை நடிகர்கள் போலீஸ் வேடத்தில் நடித்தாலும் அர்ஜுனுக்கு இந்த கேரக்டர் ஒரு வரப்பிரசாதம்தான்.
கிரிமினலை விட இவர் ஒவ்வொன்றாக திட்டம் தீட்டுவது ரசிக்க வைக்கிறது.
ஆனால் பைட் எதுவும் இல்லாமல் அமைதியாக வந்து அசத்தியிருக்கிறார்.
எந்த நடிகரும் ஏற்காத வேடத்தை ஷாம் செய்துள்ளார். சாக்லெட் பாயாக வந்த இவர் சமீபகாலமாக சவாலான பாத்திரங்களை தேர்ந்தெடுத்து வருகிறார்.
டாய்லெட்டில் பேப்பரை போட்டுவிட அது உள்ளே செல்லாமல் இருக்கையில் அதை தின்பது என கேரக்டராக மாறியிருக்கிறார் ஷாம். பார்க்கும் நமக்கே உவ்வே… என தோன்றும்.
தன்னை விட மூத்த மனிஷா கொய்ராலாவை ஷாம் ஏன் திருமணம் செய்தார்? என்பதே இப்படத்தை பார்க்க வைக்கும்.
நீண்ட நாட்களுக்கு பிறகு மனீஷா கொய்ராலா. வயதான கேரக்டர் என்பதால் ஓகே. ஆனால் அதிலும் தன் கணவருக்கு தன் மீது காதல் இல்லையோ? என ஏங்குவது ரசிக்க வைக்கிறது.
ஷாமின் காதலியாக அக்ஷா பட் கொஞ்சம் நடிக்கவும் செய்திருக்கிறார்.
படத்தின் இயக்குனர் A.M.R.ரமேஷும் அர்ஜீனுடன் விசாரணை அதிகாரியாக நடித்துள்ளார். இனி அவருக்கு நடிப்புக்கான வாய்ப்புகள் வரும்.
தொழில்நுட்ப கலைஞர்கள்…
இளையராஜாவின் இசையில் பின்னணி மிரட்டல். படத்திற்கு பலம்.
ஒளிப்பதிவாளர் கிருஷ்ணஸ்ரீராம் மற்றும் எடிட்டர் கிருஷ்ண ரெட்டியும் தங்கள் பணியை சிறப்பாக செய்துள்ளனர்.
படத்தின் ப்ளஸ்…
- ஆரம்பம் மற்றும் க்ளைமாக்ஸ் ட்விஸ்ட்
- ஷாமின் மாறுபட்ட நடிப்பு
படத்தின் மைனஸ்…
- அருமையாக திட்டம் போட்டு மனைவியை கொலை செய்யும் ஷாம், போலீஸ் விசாரணையில் அலட்சியமாக இருப்பது ஏன்..? துளிகூட முகத்தில் சோகம் இல்லையே?
மனைவி இறந்த துக்கமே இல்லாமல் இருந்தால் போலீஸ்க்கு சந்தேகம் வரும் என இவருக்கு தெரியாதா? இயக்குனர் கவனிக்கவில்லையா?
மொத்தத்தில் ‘ஒரு மெல்லிய கோடு’ – நிச்சயம் பார்க்கலாம்.