தமிழ் சினிமா அப்டேட்ஸ் களை உடனுக்குடன் தெரிந்து கொள்ள
ஒன்லைன்…
நாம் பார்த்து ரசித்து கொண்டாடிய ராஜதந்திரம், சதுரங்க வேட்டை ஆகிய படங்களின் வரிசையில் வந்திருக்கும் மற்றொரு திரைப்படம் லாக்கர்
கதைக்களம்…
ஆடம்பர வாழ்க்கைக்கு ஆசைப்பட்டு இலட்சக்கணக்கில் கொள்ளையடிக்கும் கும்பல் தலைவன் நாயகன் விக்னேஷ் சண்முகம். இவருக்கு இரண்டு நண்பர்கள்.. அவர்களின் உதவியுடன் கொள்ளையடித்து வருகிறார்
ஒருநாள் நாயகனையே ஏமாற்றி விடுகிறார் நாயகி. அட.. இவள் நம் இனம் தானே என்கிற ரீதியில் நாயகி நிரஞ்சனா மீது காதல் கொள்கிறார் விக்னேஷ்.
ஒரு கட்டத்தில் அட்வைஸ் செய்த காதலிக்காக திருந்தி வாழ நினைக்கிறார் விக்னேஷ். ஆனால் திருடர்களிடமிருந்து கொள்ளை அடித்தால் அது தப்பே இல்லை என நவீன நாயகியாக அட்வைஸ் செய்கிறார் நிரஞ்சனா.
எனவே மீண்டும் தன்னுடைய பழைய பாதைக்கு திரும்புகிறார் விக்னேஷ். நாயகி திடீரென மனம் மாற என்ன காரணம்? அவரின் சூழ்ச்சி என்ன? காதலிக்காக கொள்ளையடித்தாரா நாயகன்? அவர்களின் திட்டம் என்ன என்பதே மீதிக்கதை.
கேரக்டர்ஸ்..
விக்னேஷ் சண்முகம், நிரஞ்சனி அசோகன், நிவாஸ் ஆதித்தன், சுப்பிரமணியன் மாதவன், தாஜ்பாபு, பெனட், ஆறுமுகம் ஆகியோர் நடித்துள்ள படம்.
திருடன் என்றாலும் ஸ்மார்ட் ஆகவே காணப்படுகிறார் நாயகன்.. விக்னேஷ் கூடுதல் மெனக்கெட்டு ரொமான்ஸ் செய்திருக்கலாம்.. அளவான தேகம் நல்ல உயரம் என சினிமாவில் வலம் வர வாய்ப்பு இருக்கிறது.
நிறை காட்சிகளில் இவரது பாடி லாங்குவேஜ் சதுரங்க வேட்டை நட்டியை நினைவு படுத்துகிறது குரலும் கூட அவரது குரலுக்கு ஒத்துப்போகிறது.. அடுத்த நட்டி.?
நாயகி நிரஞ்சனா நிறைவான நடிப்பை கொடுத்திருக்கிறார். இவருக்கு கிளாமரும் வரும் என்கிற ரீதியில் முதல் படத்திலேயே சிறப்பான நடிப்பு. நாயகனின் நண்பர்களாக வரும் இருவரும் கொஞ்சம் சிரிக்க வைக்க முயற்சித்துள்ளனர்.
வில்லன் சக்கரவர்த்தியாக நிவாஸ் நடித்திருக்கிறார். இவரும் ஹீரோவை போலவே படு ஸ்மார்ட்டாக இருக்கிறார். ஆனால் வில்லத்தனத்தில் கம்பீரம் இல்லை. ரேமாண்ட் டிரெஸ் போட்ட மாடல் போல வந்து செல்கிறார்.
டெக்னீசியன்ஸ்…
தமிழில் நீண்ட இடைவெளிக்குப் பின் ராஜசேகர்.என் மற்றும் யுவராஜ் கண்ணன் என்கிற இரட்டையர்கள் இணைந்து இயக்கியுள்ளார்கள்.
திரைப்படக் கல்லூரி மாணவர் தணிகை தாசன் ஒளிப்பதிவு செய்துள்ளார் வைகுந்த் ஸ்ரீனிவாசன் இசையமைத்துள்ளார்.
வரிகளை கார்த்திக் நேத்தா, விஷ்ணு இடவன் என இரு பாடலாசிரியர்கள் எழுதி உள்ளனர். படத்தொகுப்பு ஸ்ரீகாந்த் கண பார்த்தி.
இப்படத்தை நாராயணன் செல்வம் புரொடக்சன்ஸ் தயாரித்திருக்கிறது.
வைகுந்த் ஸ்ரீனிவாசன் இசையமைத்துள்ளார். பாடல்களும் பின்னணி இசையும் கதைக்கு ஏற்ப பயணித்துள்ளது கூடுதல் கவனத்தை பெறுகிறது.
தங்க கட்டிகளை கொள்ளை அடிக்கும் காட்சி மிகவும் திருப்புமுனையான காட்சி. ஆனால் அதில் போதுமான சுவாரசியம் இல்லை.
முக்கியமாக தங்க கட்டிகள் வைத்திருக்கும் லாக்கர் அறையில் எந்த சிசிடிவி கேமரா கூட இல்லையா? நாயகன் முகமூடி கூட இல்லாமல் திருடி விட்டு செல்வாரா? என்பதெல்லாம் மில்லியன் டாலர் கேள்வி.
இரட்டை இயக்குனர்களாக இருந்தாலும் ஒருவரை ஒருவர் புரிந்து கொண்டு நல்லதொரு படைப்பை கொடுக்க முன்வந்துள்ளனர். சின்ன படம் சின்ன பட்ஜெட் என்று தெரியாத அளவிற்கு ஒளிப்பதிவும் படத்தொகுப்பும் நேர்த்தியாக உள்ளது.
ஆக ரசிகர்களுக்கு லாக்கர் என்ற பெயரில் நல்ல ஓபனிங் கொடுக்கும் திரைப்படமாக இதை கொடுத்திருக்கின்றனர். இந்த படத்தை பிரபல விநியோகஸ்தர் ஜெனிஸ் வெளியிடுகிறார்.
Locker movie review and rating in tamil