லால் சிங் சத்தா விமர்சனம்..3.75/5.; புயல் தேசத்தில் வெண் சிறகு

லால் சிங் சத்தா விமர்சனம்..3.75/5.; புயல் தேசத்தில் வெண் சிறகு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

ஹாலிவுட்டில் க்ளாசிக் திரைப்படம் என புகழப்படும் ‘ஃபாரஸ்ட் கம்ப்’ படத்தின் அதிகாரபூர்வ தழுவல். ஆனாலும் சில காட்சிகளும், திரைக்கதையும் மாற்றப்பட்டுள்ளது.

கதைக்களம்..

ஒரு நீண்ட தாடியுடன் முதிர்ச்சியான ஒருவரைப் போல ஒரு ரயிலில் பயணிக்கிறார் அமீர்கான்.. அங்குள்ள சகப் பயணிகளிடம் தன் வாழ்வில் நடந்த ஒவ்வொரு நிகழ்வையும் பகிர்ந்து கொள்கிறார்.

தன் குழந்தை பருவம் முதல் தான் தொழிலதிபரான காலம் வரை அவர் சொல்லும் ஒவ்வொரு காட்சிகளும் ஒவ்வொரு நினைவுகளும் நம்மை முகம் மலரச் செய்கின்றன.

கேரக்டர்கள்…

அமீர்கான்.. அவரின் பள்ளி வாழ்க்கை.. ராணுவ வாழ்க்கை.. சந்தித்த நண்பர்கள்.. உயிருக்கு உயிரான காதலி.. தன் பாசமான அம்மா.. தன் நண்பர்கள்… என தன் கதைக்கேற்ப அவரையும் நம்முடன் அழைத்துச் செல்கிறார்.

கிட்டத்தட்ட 15 வயது முதல் ஒரு 45 வயது வரை தன் நடிப்பையும் தன் உடலையும் அதற்கு ஏற்ப வடிவமைத்து ஒரு மிகச்சிறந்த நடிகராக தன்னை உருவகப்படுத்தி உள்ளார் அமீர்கான். ஆனால், ‘பிகே’ படத்தின் உடல்மொழி அவ்வப்போது எட்டிப்பார்க்கிறது. அதை தவிர்க்க முடியவில்லை.

ஒரு நடிகனுக்கு உடல் மொழி எவ்வளவு முக்கியம் என்பதை ஒவ்வொரு காட்சிகளிலும் உணர்ந்து நடித்துக் காட்டி இருக்கிறார்.

நாக சைதன்யா சிறிது நேரமே வந்தாலும், நடிப்புக்காக முழு உழைப்பைக் கொடுத்திருக்கிறார். இவரின் முடிவு எதிர்பாராத ஒன்று. ஆனால் இவரின் கிராமத்து வாழ்க்கை.. அதற்கான வீர மரண மரியாதை ஆகிய காட்சிகள் ரசிக்கும்படி உள்ளன.

லெஃப்டினென்ட் ஜெனரலாக நடித்திருக்கும் மானவ் விஜ் அசத்தல். அதுபோல நடிகர் ஷாருக்கானின் கெஸ்ட் ரோல் அப்ளாஸ்.

கரீனா கபூர், மோனா சிங் இருவரின் நடிப்பும் போற்றத்தக்கது. முக்கியமாக அமீர்கான் கரீனா இருவரின் குழந்தை பருவ நட்பு முதல் அவர்களின் முதிர்ச்சியான காலம் வரை காட்டப்படும் அவர்களின் அழகான அன்பும் காதலும் பயணிப்பது அழகு.

ஓடு லால் ஓடு… என்ற காட்சிகளும் ஆங்காங்கே சொல்லப்பட்டுள்ள சின்ன சின்ன நகைச்சுவைகளும் நம்மை ரசிக்க வைக்கின்றன.

டெக்னீசியன்கள்…

அதுல் குல்கர்னி திரைக்கதை எழுத, அத்வைத் சந்தன் படத்தை இயக்கியுள்ளார்.

நாம் குழந்தையாக இருக்கும் போது சில வன்முறைகளை நமக்கு பெற்றோர்கள் சொல்லும் போது அது வைரஸ் என்று சொல்லுவர். அது ஒரு குழந்தையின் மனதில் எந்தவிதமான தாக்கத்தை ஏற்படுத்துகிறது என்பதை காட்சிகளில் அழகாக சொல்லி உள்ளனர்.

மத மோதல்களையும், வன்முறைகளையும், உயிரைக் கொல்லும் வைரஸுடன் ஒப்பிட்டுள்ளனர்.

பிரித்தமின் பின்னனி இசையும் பாடல்களும் சிறப்பு. எமோஷனல் காட்சிகளில் மனதை வருடும் இசையை கொடுத்துள்ளார்.

ஒரு ஹீரோவை படம் முழுக்க லூசு பைத்தியம் என்கின்றனர்.. ஆனால் அதை சிரித்தவாறு அவர் கடந்து செல்வதை.. இங்கு உள்ள தமிழ் ஹீரோக்கள் கண்டிப்பாக கவனிக்க வேண்டும்.

படத்தில் இறுதியாக காட்டப்படும் வெண் சிறகு போல நம்மை அழகாக வருடி செல்கிறது இந்த லால் சிங் சத்தா.

Laal Singh Chaddha Stills

Laal Singh Chaddha movie review and rating in tamil

ரஞ்சித் வெங்கட்பிரபு சிம்புதேவன் ராஜேஷ் இயக்கத்தில் VICTIM விக்டிம் விமர்சனம்

ரஞ்சித் வெங்கட்பிரபு சிம்புதேவன் ராஜேஷ் இயக்கத்தில் VICTIM விக்டிம் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

நான்கு கதைகளை மையமாக வைத்து உருவாகியுள்ளது ‘விக்டிம்’ என்ற ஆந்தாலஜி படம்.

இது ஆகஸ்ட் 5-ஆம் தேதி சோனி லைவ் ஓடிடி தளத்தில் வெளியானது.

இந்த 4 கதைகளை ரஞ்சித், வெங்கட்பிரபு, சிம்புதேவன், எம்.ராஜேஷ் ஆகியோர் உருவாகியுள்ளனர்.

இயக்குனர் வெங்கட்பிரபுவின் ப்ளாக் டிக்கெட் கம்பெனி மற்றும் ஆக்ஸஸ் ஃபிலிம் பேக்டரி இணைந்து தயாரித்துள்ளனர்.

இதில், அமலாபால், பிரியா பவானி சங்கர், குரு சோமசுந்தரம், பிரசன்னா, தம்பி ராமையா, கலையரசன், நாசர் உள்ளிட்ட பலர் முக்கிய கதாபாத்திரத்தில் நடித்திருக்கின்றனர்.

இந்த ஆந்தாலஜி படத்தில் இயக்குனர் எம்.ராஜேஷ், ‘மிரேஜ்’ என்ற கதையை இயக்கியுள்ளார்.

‘தம்மம்’ என்ற கதையை ரஞ்சித் இயக்கியுள்ளார். ‘கன்ஃபெஷன்’ என்ற கதையை இயக்கியுள்ளார் வெங்கட்பிரபு.

இயக்குனர் சிம்பு தேவன் ‘கொட்டை பாக்கு வத்தலும் மொட்டை மாடி சித்தரும்’ என்ற கதையை இயக்கியுள்ளார்.

ரஞ்சித்தின் ‘தம்மம்’

குருசோம சுந்தரம், கலையரசன், ஹரி கிருஷ்ணன், பேபி தாரணி, அர்ஜீன் ஆகியோர் இதில் நடித்துள்ளனர்.

அவரது திரைப்படங்களைப் போல இதிலும் தனது வழக்கமான சாதி பிரிவினை & நுணுக்கமான அரசியல் காட்சிகளை உணர்வுப்பூர்வமான வசனங்களால் இயக்கியிருக்கிறார்.

ஒரு காட்சியில்… புத்தர் சிலையில் ஏறி நிற்கும் தன் மகள் பேபி தாரணியிடம் ‘சாமி சிலையில ஏறி நிக்காத’ என கூறுவார் குரு.

அதற்கு, ‘சாமியே இல்லன்னு புத்தர் சொல்லிருக்காரு. அவர போய் சாமின்னு சொல்ற’ என்பார் மகள்.. இப்படியாக காட்சி நகர்கிறது.

கலையரசன் அருமையான நடிப்பை கொடுத்துள்ளார். சாதி என்று வந்துவிட்டால் மக்களிடம் பழிவாங்கும் எண்ணமே மேலோங்கி நிற்கிறது.

ஒருவனின் உயிரை விட சாதியை பெரிதாக நினைக்கிறார்கள் என்பதை அப்பட்டமாக எடுத்துரைத்திருக்கிறார் ரஞ்சித்.

முக்கியமாக படத்தின் ஒளிப்பதிவை பாராட்ட வேண்டும்.. அந்த சிறுமி மீன்பிடிக்கும் காட்சிகளும்… கலையரசன் கொல்லப்படும் காட்சிகளும்… தண்ணீரில் கலக்கும் ரத்தமும் என காட்சிகளை சிறப்பாக காட்டியிருக்கின்றனர். தென்மாவின் இசையும் சிறப்பு.

————

எம்.ராஜேஷ் இயக்கிய ‘மிரேஜ்’ (Mirrage):

நட்டி & பிரியா பவானி சங்கர் நடித்துள்ளனர்.

ஒரு ரிசார்ட்டுக்கு வரும் பிரியா அங்கு வேலைக்காரன் நட்டியை சந்திக்கிறார்.

அந்த வீட்டில் நடக்கும் அமானுஷ்யமான நிகழ்வுகளால் பிரியா பாதிக்கப்படுகிறார். அது தான் படத்தின் கதை.

பிரியா பவானி சங்கரை விட நட்டி நடிப்பில் மிரட்டி இருக்கிறார். லோக்கல் பாஷையிலும் உடல் மொழியிலும் சூப்பர்.

——–

சிம்பு தேவனின் ‘கொட்டை பாக்கு வத்தலும், மொட்டை மாடி சித்தரும்’

கரோனா லாக்டவுன் காலத்தில் தனது வேலையை தக்க வைக்க நினைக்கிறார் பத்திரிகையாளர்.

எனவே ஒரு தவம் செய்து ஒரு சித்தரை வரவழைக்கிறார். அவர்தான் நாசர்.

நாசர், தம்பி ராமையா, விக்னேஷ் காந்த் உள்ளிட்ட மூவர் மட்டுமே முக்கிய கேரக்டர்களில் நடித்துள்ளனர்.

தம்பி ராமையா சிறந்த நடிகர் என்றாலும் சில நேரங்களில் ஓவர் ஆக்டிங். நாசர் கச்சிதம். 3 – 4 என நிறைய க்ளைமாக்ஸ் ஆப்சன் கொடுத்துள்ளனர்.

வெங்கட் பிரபுவின் கன்ஃபெஷன் (Confession):

வெங்கட்பிரபு இயக்கியிருக்கும் இப்படத்தில் அமலாபால், பிரசன்னா இருவரும் நடித்துள்ளனர்.

பெரிய அபார்ட்மென்டில் தனியா வசிக்கிறார் அமலாபால். இவரை கொல்ல திட்டமிடுகிறார் பிரசன்னா.

அதிலிருந்து அமலா எப்படி மீண்டார்? பிரசன்னா அவரை கொன்றாரா.? என்பது தான் கதை.

இருவரும் நடிப்பில் கச்சிதம். க்ளைமாக்ஸ் ட்விஸ்ட் எதிர்பாராத ஒன்று.

ஆக… இதில் ரஞ்சித் இயக்கிய தம்மம் படம் முதன்மை பெறுகிறது.

VICTIM movie review and rating in Tamil

லாஸ்ட் சிக்ஸ் அவர்ஸ் விமர்சனம் 3/5.; அந்த ஆறு மணி நேர இரவில்…

லாஸ்ட் சிக்ஸ் அவர்ஸ் விமர்சனம் 3/5.; அந்த ஆறு மணி நேர இரவில்…

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

2016-ல் வந்த ‘டோன்ட் ப்ரீத்’ பட சாயலுடன் வெளிவந்திருக்கும் படம் இது.

பார்வையற்ற ஒருவரின் வீட்டில் நுழையும் கொள்ளையர்கள் ஆறு மணி நேரத்திற்குள் கொள்ளையடித்து சென்றார்களா? என்பது தான் கதை.

கதைக்களம்…

கடற்படையில் பணியாற்றிய ஷான் (பரத்) பார்வையிழந்தவர். ஒரு தனிமையான சூழலில் பங்களா வீட்டில் தனியாக வசிக்கிறார்.

ஒரு நாள் இரவு பரத் வீட்டில் கொள்ளையடிக்க 4 பேர் கொண்ட கும்பல் நுழைகிறது. பரத் பார்வையற்றவர் என்றாலும் சில முன்னெச்சரிக்கை நடவடிக்கைகளை மேற்கொள்கிறார்.

எனவே திருடர்கள் கொள்ளை அடித்தார்களா? பரத்திடம் சிக்கிக் கொண்டார்களா? அந்த ஆறு மணி நேரத்திற்குள் அந்த வீட்டில் நடந்தது என்ன? என்பதுதான் படத்தின் கதை.

கேரக்டர்கள்…

நல்ல உடல் கட்டுடன் கம்பீரமாக இருக்கிறார் பரத். சிக்ஸ் பேக் உடலை காட்டி ரசிகர்களையும் திருடர்களையும் மிரள வைக்கிறார்.

தன் வீட்டில் திருடர்கள் இருப்பதை உணர்ந்த பரத் செய்யும் செயல்கள் ரசிகர்களுக்கு விருந்து.

முதல் பாதியில் திருடர்களின் வாழ்க்கையை சித்தரிக்கிறது கதை.

எலிசபெத் , ரேச்சல் என 2 பெயர்களுடன் விவியாவின் நடிப்பு சிறப்பு. இவருடன் அனூப் காலித், அடில் இப்ராஹிம், அனு மோகன் ஆகியோர் தங்களுக்கு கொடுக்கப்பட்ட கேரக்டர்களில் கச்சிதம்.

டெக்னீஷியன்கள்…

ஒரே வீட்டில் ஒரே இரவில் அதுவும் ஆறு மணி நேரத்தில் நடக்கும் கதை என்பதால் சவுண்ட் காட்சிகள் முக்கியத்துவம் பெறுகிறது.. அருண் ராமவர்மாவின் சவுண்ட் மிக்சிங்கும் கவனம் பெறுகிறது.

கைலாஸ் மேனன் பின்னணி இசையும், சினு சித்தார்த் ஒளிப்பதிவும் காட்சிகளுக்கு திகில். வெறும் இருட்டு தான் என்றாலும் அதற்கும் தனித்தனி லைட்டிங் கொடுத்து நம்மை போரடிக்காமல் செய்திருக்கிறார் ஒளிப்பதிவாளர்.

சில சில சறுக்கல்கள் இருந்தாலும் ஒரு சஸ்பென்ஸ் திரில்லரை ரசிக்கும்படி கொடுத்திருக்கிறார் டைரக்டர் சுனிஷ்குமார்.

Last Six hours movie review and rating

MOVIE NAME : LAST SIX HOURS

ARTISTS : Bharath | Anoop Khalid | Viviya Santh

Directed by Sunish Kumar

Produced by Anoop Khalid

Music: Kailas Menon

DOP: Sinu Sidharth

Edit: Praveen Prabhakar

Action : Dinesh Kasi

Sound Design : Arun Rama Varma

Bharath as Shaan
Anoop Khalid as Luke
Viviya Santh as Rachel
Adil Ibrahim as Rahul
Anu mohan as Shameer

வட்டகரா விமர்சனம் 3.25/5..; ரசிகர்களை வட்டமடிக்கும்

வட்டகரா விமர்சனம் 3.25/5..; ரசிகர்களை வட்டமடிக்கும்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

காசு துட்டு மணி என நிறைய பெயர்கள் பணத்திற்கு உண்டு.. கிட்டத்தட்ட 1000 – 2000 ஆண்டுகளுக்கு முன்னர் வட்டகரா என்ற ஒரு பெயரும் பணத்திற்கு உண்டு.

அழிந்துபோன அந்த தமிழ் சொல்லை இந்தப் படத்தின் மூலம் உயிர் கொடுத்து இருக்கிறார் இயக்குனர் பாரதி கண்ணன்

கதைக்களம்…

(1) தன் பேத்தியின் சிகிச்சைக்காக பணம் தேவைப்படும் ஒரு நபர்.. (2) ஒரு விபத்தில் கண்களை இழந்த அங்காடித்தெரு மகேஷ்… (3) காதலியின் குடும்பத்தால் புறக்கணிக்கப்பட்ட ஒரு இளைஞன்.. (4) விவசாயத்திற்காக உயிரை விட்ட ஒரு தந்தையின் மகன்.. என நான்கு நபர்கள் ஒரு காரில் சந்தர்ப்ப சூழ்நிலையால் சந்திக்கின்றன.

அவர்கள் அதில் பயணிக்கும் போது எல்லாருக்கும் பணம் உடனடி தேவையாக இருப்பதை உணர்கின்றனர். எனவே அறிமுகமில்லாத இவர்கள் இதுவரை செய்யாத கொள்ளையடிக்கும் திட்டத்தை போடுகின்றனர்.

அதில் ஜெயித்தார்களா என்பதே படத்தின் கதை.

கேரக்டர்கள் & டெக்னீஷியன்கள்…

சரனேஷ் குமார், கண்ணன் மாதவன், ஹுமாய், டாக்டர் சீனிவாசன், சம்பத் ராம், கஜராஜ், ஆர்எஸ். சிவாஜி, போராளி திலீபன், பெஞ்சமின் ஆகியோர் நடித்துள்ளனர்.

எவருமே மிகை இல்லாத நடிப்பை தந்துள்ளனர். பெஞ்சமின் மட்டும் ஒரு சில காட்சிகளில் நகைச்சுவை என்ற பெயரில் ஓவர் ஆக்டிங் செய்துள்ளார். அதை குறைத்து இருக்கலாம்.

பிளாஷ்பேக் காட்சியில் வரும் மலர் என்ற பெண்ணும் தன் பங்களிப்பை சிறப்பாக செய்துள்ளார்.

தாஜ்நூர் இசையில் 2 பாடல்கள் அருமை… உன்னிடம் ஒன்று சொல்ல நினைக்கிறேன் என்ற காதல் பாடல் ரசிகர்களை கவரும்.

அம்மாவுக்கு நிறைய பாடல்கள் இருக்கிறது. அப்பாவுக்கு பாடல் இல்லையே என்ற ஏங்கியவர்களுக்கு அப்பா பாடல் ஒரு வரப்பிரசாதம். தந்தைக்கு ஒரு கோயில் இல்லை என்ற பாடல் வரிகள் சிறப்பு.

பாடல்களை சினேகன் & இளையகம்பன் நிமேஷ். எழுதியுள்ளனர்.

கே.பாரதி கண்ணன் என்பவர் இயக்கியிருக்கிறார். பணத்தேவை என்பது எல்லாருக்கும் ஒரு அவசியமான ஒன்று. அதை சிலர் நல்ல வழியிலும் சில தீய வழியிலும் சம்பாதிக்கின்றனர்.

அதை மையமாக வைத்து கதையை பயணிக்க வைத்திருப்பது சிறப்பு. சிறிய பட்ஜெட் படம் என்பதால் படத்தின் தரம் குறைவாக உள்ளது.

ஒளிப்பதிவு – ஜேசன் வில்லியம்.

நால்வர் சந்திப்பது அவர்கள் பின்னணி என சில காட்சிகள் சற்று சோர்வை தருகின்றன. ஆனால் படத்தின் கிளைமாக்ஸ் ஒரு எதிர்பாராத ஒன்றுதான்.

ஆக இந்த ‘வட்டகரா’.. ரசிகர்களை வட்டமடிக்கும்.

வட்டகரா

Vattagara movie review and rating

சீதா ராமம் விமர்சனம் 4.25/5.; காதலிக்காதவர்களையும் காதலிக்க செய்யும்!

சீதா ராமம் விமர்சனம் 4.25/5.; காதலிக்காதவர்களையும் காதலிக்க செய்யும்!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

1960 காலக் கட்டங்களில் நடந்த கடிதம் மூலம் உருவான காதல். கிட்டத்தட்ட ‘காதல் கோட்டை’ படம் போல ஆரம்பித்து பின்னர் காதல் ரோஜா-வாக மாறிய களம்.

கதைக்களம்..

பாகிஸ்தான் நாட்டின் முன்னாள் பிரிகேடியர சச்சின் கடேகர். இவரின் பேத்தி (அஃப்ரின்) ராஷ்மிகா… சில காரணங்களால் இந்தியாவையே வெறுக்கும் கேரக்டர் ராஷ்மிகாவுக்கு.

ஆனால் ஒரு கட்டத்தில் தன் தாத்தாவின் நிறைவேறாத ஆசைக்காக நிறைவேற்ற 1985ல் இந்தியாவுக்கு வருகிறார் ராஷ்.

ஒரு காதல் கடிதத்துடன் ஒரு பெட்டகத்தை இந்தியாவில் உள்ள சீதா மகாலட்சுமி என்ற பெண்ணிடம் சென்று சேர்க்கும்படி இறப்பதற்கு முன் சொல்லி இருக்கிறார்.

முகவரியே இல்லாத யார் அந்த சீதா.? என தன் நண்பருடன் தேடி அலைகிறார்.

அந்தப் பயணத்தில் ராம் & சீதா இடையே ஏற்ப்பட்ட காதலை அறிகிறார்.

அந்த பெட்டகத்தில் என்ன உள்ளது.? அந்த கடிதத்தில் என்ன இருக்கிறது.? ராம் பின்னணி என்ன.? சீதா யார்.? எப்படி காதலித்தார்கள்? 1965ல் என்ன நடந்தது.?என்பமே மீதிக் கதை.

கேரக்டர்கள்..

லவ்வர் பாய் என்று சொன்னால் அது துல்கர் சல்மானுக்கு 100% பொருத்தமான ஒன்றுதான். இந்த படத்திற்கு பிறகு அவரை காதல் மன்னன் / இளவரசன் என்று கூட அழுத்திச் சொல்லலாம்.

சீதா எழுதும் கடிதத்தில் முகவரி இல்லாத காரணத்தினால் சீதாவுக்கு பதில் அனுப்ப முடியாமல் தவிக்கும் ராம ஆகட்டும்.. இந்திய ராணுவத்தில் லீவு எடுத்துக் கொண்டு அவர் சீதாவை தேடி அலைவதாகட்டும் ஒவ்வொன்றும் காதலின் வலியை உணர்த்தும்..

அதுபோல சீதா & ராம் இருவரும் சந்திக்கும் அந்த முதல் ரயில் பயணம்.. அடடடா அதற்காகவே படத்தை மீண்டும் ஒரு முறை பார்க்கலாம்.

சீதா மகாலட்சுமி என்ற ஐதராபாத் இளவரசி நூர்ஜகான் ஆக மிருணாள் தாக்கூர் நடித்துள்ளார். ஹிந்து பெண்ணாக இருக்கும் போதும்.. முஸ்லிம் பெண்ணாக இருக்கும் போதும்.. தன்னுடைய உடல் மொழிகளில் கூட கவனம் செலுத்தி நடித்திருக்கிறார். இவருக்கு ஆடைகளை வடிவமைத்த காஸ்ட்யூமர் ஷீத்தல் ஷர்மாவை நிச்சயம் பாராட்டியாக வேண்டும். அவ்வளவு நேர்த்தியாக ஒவ்வொரு உடையும் செதுக்கி இருக்கிறார் என்று சொல்லலாம்.

தான் ஒரு முன்னணி நடிகை என்ற போதும் அதில் தனக்கு ஹீரோயின் கேரக்டர் இல்லை என்று தெரிந்த போதும் நடிக்க ஒப்புக் கொண்ட ராஷ்மிகாவை நிச்சயம் பாராட்ட வேண்டும். துல்கர் – மிருணாள் காதலை அறிந்து கொள்ள இவர் எடுக்கும் ஒவ்வொரு முயற்சியும் நம்மை சீட்டு நுனியில் உட்கார வைக்கும்.

மேஜர் ஆக கவுதம் மேனன், துல்கரை வெறுக்கும் சக ராணுவ அதிகாரியாக சுமந்த் நடித்துள்ளனர்.

டெக்னிஷியன்கள்…

நீண்ட நாட்களுக்குப் பிறகு தென்றல் போல இசை கொடுத்திருக்கிறார் விஷால் சந்திரசேகர்.. அனைத்து பாடல்களும் நம்மை வருடி செல்கின்றன.

1960களில் மக்கள் இப்படித்தான் இருந்திருப்பார்கள் என்பதை நம் கண் முன்னே கொண்டு வந்து நிறுத்தி உள்ளனர். அது போல அந்த காலகட்டத்தில் உள்ள கார்கள் உடைகள் என அனைத்தையும் பார்த்து பார்த்து செய்திருக்கிறார் கலை இயக்குனர்.

ஆனால் 1980களில் ராஷ்மிகா அணிந்துள்ள உடை தான் சற்று நெருடலாக உள்ளது. 2000 ஆண்டுகளில வந்த ஆடை போலவே இருக்கிறது. மேலும் 1980களில் பெண்கள் அவ்வளவு அழகாக லூஸ் ஹேர் விடுவதில்லை. அதுவும் முஸ்லிம் மதத்தில் ஏகப்பட்ட கட்டுப்பாடுகள் இருந்திருக்கும். ராஷ்மிகாவை இன்றைய பெண்ணை பார்ப்பது போலவே உள்ளது.

இந்திய காரை அடித்து நொறுக்கும் ராஷ்மிகாவை காணும் போது நமக்கு கோபம் வருகிறது. அது படத்தின் காட்சிக்காக வைக்கப்பட்டிருந்தாலும் இந்தியாவை அவமானப்படுத்துவதாக உள்ளது.

அதைப் பார்க்கும்போது இந்தியர்களை உணர்வு எப்படி இருக்கும் என்பதை உணர்ந்து காட்சிகளை அமைத்திருக்கலாம்.

ஒளிப்பதிவாளர்கள் வினோத், ஷ்ரேயாஸ் கிருஷ்ணா, கலை இயக்குனர் வைஷ்ணவி ரெட்டி, பைசல் அலிகான் ஆகியோர் தங்கள் பணிகளை மிகவும் நேர்த்தியாக கையாண்டுள்ளனர்.

பெரும்பாலும் இயக்குனர்கள் கதைகளில் கவனம் செலுத்துவார்கள். ஆனால் அதை காட்சிகளில் கொண்டு வர சிரமப்படுவார்கள். ஆனால் ஒவ்வொரு பிரேமிலும் காட்சி அமைப்பிலும் தன் முழு கவனத்தையும் செலுத்தி ஒரு அழகான காதல் கதையை கொடுத்துள்ளார் இயக்குனர் ஹனு ராகவபுடி.

தயாரிப்பு – வைஜெயந்தி மூவீஸ். படம் 2 மணி நேரம் 45 நிமிடம் ஓடுகிறது. முதல் பாதியில் பத்து நிமிடங்களை வெட்டி இருக்கலாம்.

இது தெலுங்கு படம் என்றாலும் எங்கேயுமே தெலுங்கு வாசனை இல்லை. கடிதத்தில் காட்டப்படும் எழுத்துக்களும் தமிழிலே உள்ளன. வசனங்களும் தமிழ் வார்த்தைக்கு ஏற்ப உதட்டசைவுகளாக இருப்பதால் நம்மால் படத்துடன் ஒன்றி காதலிக்க முடிகிறது.

ஆக… சீதா ராமம்… காதலிக்காதவர்களையும் காதலிக்க செய்யும்!

Sita Ramam

Sita Ramam movie review and rating in Tamil

காட்டேரி விமர்சனம் – 2/5.; செம கடுப்பேறி

காட்டேரி விமர்சனம் – 2/5.; செம கடுப்பேறி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

யாமிருக்க பயமேன் என்ற படத்தை இயக்கிய டிகே இயக்கியுள்ள படம் ‘காட்டேரி’.

இதில் வைபவ், ஆத்மிகா, வரலட்சுமி, சோனம் பஜ்வா, கருணாகரன் மைம்கோபி ரவி மரியா உள்ளிட்ட நட்சத்திர பட்டாளம் நடித்துள்ளது.

காமெடி- திகில்-திரில்லர் பாணியில் இந்த படம் உருவாகியிருக்கிறது.

இந்த படத்தை ஞானவேல் ராஜாவின் ஸ்டுடியோ கிரீன் நிறுவனம் தயாரிக்க எஸ்.என். பிரசாத் இசையமைக்க பி எஸ் வினோத் ஒளிப்பதிவு செய்திருக்கிறார்.

ஒன்லைன்…

வழக்கமாக பேய் பிசாசு கதைகளை போல் அல்லாமல் இதில் காட்டேரிகளை காட்டி நம்மை பயமுறுத்த முயற்சித்துள்ளனர்.

கதைக்களம்…

ஒரு புதையலை தேடி நாயகன் மற்றும் நாயகி தங்கள் நண்பர்களுடன் ஒரு கிராமத்திற்கு செல்கின்றனர். ஆனால் அந்த கிராமமே பேய் மயமாக உள்ளது. பேயாக மாற என்ன காரணம் என்பதை படத்தின் கதை.

கேரக்டர்கள்…

வைபவ்வின் முதல் இரவில் இருந்தே கதை ஆரம்பிக்கிறது. இவருடன் கருணாகரன் ரவி மரியா ஆகியோரின் காமெடியும் காம நெடியும் கலந்து பயணிக்கிறது.

மைம் கோபி வரலட்சுமி ஆகியோரின் பிளாஷ்பேக் கதை படத்திற்கு உயிர் ஊட்டும் வகையில் உள்ளது. அதன் மூலம் ஊர் எப்படி பேயாக மாறுகிறது என்பது காட்டப்படும் காட்சிகளும் ஓகே.

ஆத்மிகா & சோனம் பாஜ்வா ஆகிய இருவரும் ஆங்காங்கே கொஞ்சம் கவர்ச்சிக்கு தேவைப்பட்டுள்ளனர். இவர்களை கருணாகரன் ரவி மரியா ஊறுகாய் போல தொட்டு கொள்கின்றனர்.

குட்டி கோபியின் நகைச்சுவைக்கு சிரிப்பு வரவில்லை.

ஜான் விஜய், லொல்லு சபா மனோகர், பொன்னம்பலம் என அனைவரின் கதாபாத்திரமும் வலுவாக இல்லை.

டெக்னீசியன்கள்…

பி.எஸ். வினோத்தின் ஒளிப்பதிவு படத்திற்கு பிளஸ். எஸ்.என். பிரசாத்தின் இசை ஓகே. பிரவீன் கே.எல் எடிட்டிங் சொல்லும் அளவிற்கு இல்லை.

யாமிருக்கே பயமேன் எனும் ஹிட் படத்தை கொடுத்த இயக்குனர் டிகே. இந்த காட்டேரியில் நம்மை கடுப்பேற்றி உள்ளார்.

பெரிதாக திகிலும் இல்லை பயமும் இல்லை. ஆனால் இந்த சற்று வித்தியாசமாக காட்டேரிகளை காட்டியுள்ளது சிறப்பு. பல நடிகர்களுக்கு காட்டேரி போல மேக்கப் போட்டு நடிக்க வைத்துள்ளதை ரசிக்கலாம்.

ஆக.. இந்த காட்டேரி.. செம கடுப்பேறி..

Kaatteri movie review and rating in Tamil

More Articles
Follows