ஹார்ட் பத்திரம் பாஸ்.. கண்ணும் கண்ணும் கொள்ளையடித்தால் விமர்சனம் 4.25/5

ஹார்ட் பத்திரம் பாஸ்.. கண்ணும் கண்ணும் கொள்ளையடித்தால் விமர்சனம் 4.25/5

கதைக்களம்…

துல்கர் சல்மான் & ரக்‌ஷன் ப்ரெண்ட்ஸ்.. இவர்களுக்கு சொல்லி கொள்கிற மாதிரி குடும்பம் இல்லை.

App Developer & Animator என்று பந்தாவாக சொல்லிக் கொண்டு ஆன்லைன் திருட்டு தொழிலில் ஈடுபட்டு வருகின்றனர்.

ஆன்லைனில் லேப்டாப் ஆர்டர் செய்து பொருளை வாங்கிவிட்டு அதிலிருந்து பார்ட்ஸை மாற்றி விட்டு கம்ப்ளைன்ட் கொடுத்து ரிட்டன் செய்வது இவர்களின் வழக்கம்.

மேலும் Break fastku Bavana & Lunchku Lavanya என ஜாலியாக செல்கிறது இவர்களது வாழ்க்கை.

ஒரு கட்டத்தில் ரிது வர்மாவை ஹீரோ துல்கர் சந்திக்க காதல் ❤️ கொள்கிறார். அடுத்து என்ன நீங்களே யூகித்து இருப்பீர்கள்.. ரக்‌ஷன் ரிதுவின் தோழி நிரஞ்சனி மீது காதல் கொள்கிறார்.

இவர்களுக்கும் குடும்பம் கிடையாது.

தீப்பொறி…. திரௌபதி விமர்சனம் 3.25/5

நால்வரும் கோவா சென்று செட்டிலாக நினைக்க, அங்கே வருகிறார் போலீஸ் அதிகாரி கெளதம் வாசுதேவ் மேனன்.

அப்போது சூப்பர் ட்விஸ்ட் வைத்து கதையை ஜெட் வேகத்தில் கொண்டு செல்கிறார் டைரக்டர் தேசிங்கு பெரியசாமி.

அடுத்து என்ன நடக்கிறது? என்பது எல்லாம் கற்பனைக்கு எட்டாத கதை.

கேரக்டர்கள்..

துல்கரை கண்டால் இளம் பெண்களின் மனசு துள்ளும்… துறு துறு நடிப்பில் இதயங்களை கொள்ளை கொல்கிறார்.. ஆக்சன் இல்லை. ஆனால் ரொமான்சிலும் ஏமாறும் போதும் ரசிக்க வைக்கிறார்.

ப்ளான் பண்ணி இவர் செய்யும் ஒவ்வொரு திருட்டும் நம்மை ஆச்சரியப்பட வைக்கும்.. ஆன்லைன் விரும்பிகளை அலர்ட்டும் செய்ய வைக்கும்..

டிவி நிகழ்ச்சிகளில் மட்டுமே நாம் பார்த்த ரக்‌ஷன், இதில் ரெண்டாவது ஹீரோ எனலாம். பிரமாதப்படுத்தியிருக்கிறார்.

இணையத்தை நெளிய வைத்த விக்ரமின் ‘கோப்ரா’; இதான்டா பெஸ்ட் லுக்

டைமிங் காமெடியில் செம கலக்கல்.. சினிமாவில் பெரிய ரவுண்ட் வருவார் ரக்‌ஷன்.

செம்மொழி பூங்காவில் இவர் பேசும் வசனங்கள் சூப்பரூ…

மச்சி ஒரு குவார்ட்டர் சொல் என்பதுபோல.. எனக்கு கால் பண்ணு மச்சி என சொல்லும்போது நீங்களே கை தட்டுவீங்க..

இந்த பொண்ணுங்களே இப்படித்தான்… சிம்பு சொன்னது சரிதான் என கூறும்போது தியேட்டரில் அப்ளாஸ்.

ரிது வர்மா க்யூட் சில காட்சிகளில்.. இவர் ஆண்களுக்கு பிராகெட் போடுவது ஹைலைட்..

எங்க போனாலும் படுக்க கூப்டுறாங்க.. இப்படிதானடா நீங்க எல்லாம்.. பொண்டாட்டி இருந்தாலும் இவங்களுக்கு இன்னொன்னு வேணும் என ரிது சொல்லும் போது பெண்களே கை தட்டுவாங்க..

இவரின் தோழியாக நிரஞ்சனி.. 2வது ஹீரோயின்.. ரக்‌ஷனை இவர் கலாய்க்கும் காட்சிகளில் ஸ்கோர் செய்கிறார்.

போலீஸ் அதிகாரியாக கௌதம் மேனன்.. ஸ்டைலிஷ் லுக்கில் மிரட்டல்.. இவரது ப்ளாஷ்பேக் எதிர்பாராத ட்விஸ்ட்.. அதுவும் அப்ளாஸை அள்ளும்..

பெரிய பணக்கார மனிதர்களுக்கே உள்ள சபல புத்தி ஆசாமியாக வரும் மிட்டலும் செம.. போனில் கிஸ் அடிப்பது எல்லாம் அல்டிமேட் ரகம்.. இவரின் ஹை டெக் கார் & வீடு வாவ் ரகம்..

தொழில்நுட்ப கலைஞர்கள்…

எனை விட்டு எங்கும் போகாத… என்றும் போகாத பாடல் அழகான மெலோடி…

மசாலா காஃபி & ஹர்ஷவர்தன் ரமேஷ்வர் இவர்களது பின்னணி இசை வேற லெவல்… ஒவ்வொரு ட்விஸ்ட் வரும்போதும் ஒலிக்கும் இசை சூப்பர்.

கே எம் பாஸ்கரின் ஒளிப்பதிவு படத்திற்கு மிகப்பெரும் பலம்… ஒரு அழகான சினிமாவை பார்க்க முடிந்தது.

மைனஸ்..

படத்தின் முதல் காட்சியே ஓவர் பில்டப் கொடுத்து பார்ட்டி சாங் வச்சது ஓவர்.. அந்த பாடலும் பெரிதாக கவரவில்லை..

ப்ளஸ்…

ஆன்லைன் திருட்டு விழிப்புணர்வு வரும்..

ஏடிஎம் மெஷின் எண்டர் கீ டெக்னிக்.. விழிப்புணர்வு வரும்.

கார் அன்லாக்.. & சிசிடிவி கேமராவுக்கே Infra red light அடிப்பது.. என நியூ டெக்னிக்கலை சொல்லியிருப்பது..

க்ளைமாக்ஸ் ட்விஸ்ட் வசனங்கள் சூப்பர்..

பசங்கள ஆண்டவன் சோதிப்பான் கைவிட மாட்டான்… பொண்ணுங்களுக்கு ஆண்டவன் நிறைய குடுப்பான் ஆனா கைவிட்டுவான்..

ஏன்.. காதல்னா பசங்க தான் எப்பவுமே தோக்கனுமா?

ஹீரோயின் இன்ட்ரோ சாக்லேட் சீன் & சில்லறை காசு சீன் வசனங்கள் என நிறைய அப்ளாஸ் சீன்ஸ்..

இயக்கம்….

ஒவ்வொரு காட்சியையும் செதுக்கி வைத்திருக்கிறார் இயக்குனர் தேசிங் பெரியசாமி.

இந்த படத்திற்காக கிட்டதட்ட 5 வருடங்கள் போராடி இருக்கிறார்.. நிறைய போராட்டத்திற்கு பிறகு இன்று ரிலீஸ் செய்யப்பட்டுள்ளது.. முதல் பந்திலே சிக்ஸர் அடித்துள்ளார்.

எல்லாம் தரப்பு மக்களும் படம் பார்த்து என்ஜாய் செய்யனும் என்பதை அறிந்து வெயிட்டான ட்ரீட் கொடுத்துள்ளார்.

சரியான திட்டமிடல், சரியான விளம்பரம் செய்தால் பெரியளவில் இப்படம் பேசப்படும்..

தமிழ் சினிமாவில் இளம் ஹீரோக்களுக்கு சேலன்ஞ்ச் செய்துள்ளார் துல்கர் சல்மான்.

ஆக…..

ஹார்ட் பத்திரம் பாஸ்.. கண்ணும் கண்ணும் கொள்ளையடித்தால்..

தீப்பொறி…. திரௌபதி விமர்சனம் 3.25/5

தீப்பொறி…. திரௌபதி விமர்சனம் 3.25/5

பழைய வண்ணாரப்பேட்டை படத்தை இயக்கிய மோகன் ஜி என்பவரின் 2வது படம் இது.

இதன் டிரைலர் வெளியான போதே பெரும் சர்ச்சைகளை ஏற்படுத்திய இந்த படம் அதற்கான தகுதியை பெற்றுள்ளதா? என்பதை பார்ப்போம்.

கதைக்களம்…

தனது மனைவி, மனைவியின் தங்கை ஆகியோரை கொலை செய்த குற்றத்திற்காக சிறையில் அடைக்கப்படுகிறார் நாயகன் ரிச்சர்ட் (ருத்ர பிரபாகர்),

சிறையிலிருந்து ஜாமீனில் வெளிவரும் இவர் யாருக்கும் தெரியாமல் தலைமறைவாக கேன் டீ வித்து சில திட்டங்களை தீட்டுகிறார்.

தன்னை சிறைக்கு அனுப்பியவர்களை பழி தீர்க்க திட்டம் போட்டு ஒவ்வொருவரையும் போட்டுத் தள்ளுகிறார்.

இத்துடன் தன் மனைவி திரௌபதியின் சபதத்தை நிறைவேற்றும் வரை ஓய மாட்டேன் என உறுதியேற்று போராடுகிறார்.

ஹார்ட் பத்திரம் பாஸ்.. கண்ணும் கண்ணும் கொள்ளையடித்தால் விமர்சனம் 4.25/5

அதாவது போலி திருமணம் மற்றும் அதற்கான சான்றிதழ் அதன் பின்னணியில் உள்ள சட்ட ஓட்டை உடைசல்களை ஆகியவற்றை எதிர்த்து போராடுகிறார்.

இறுதியில் என்ன ஆனது? பழி வாங்கினாரா,? திரௌபதி சபதம் நிறைவேறியதா? என்பதே மீதிக்கதை கதை.

கேரக்டர்கள்..

நீண்ட நாட்களுக்கு பிறகு ரிச்சர்ட் ஹீரோவாக நடித்துள்ளார். ஆக்சன், ஆக்ரோஷம், அமைதி என அனைத்து விதமான வெரைட்டிகளிலும் தன் கேரக்டரை சிறப்பாக வெளிப்படுத்தியுள்ளார்.

கதையின் நாயகியே ஷீலா தான். திரௌபதி கேரக்டரில் தீப்பொறி. இவர் பேசும் வசனங்கள் ஒவ்வொன்றும் பெண்களுக்கு தனி மரியாதையை உருவாக்கும்.

ஜேஎஸ்கே கோபி மற்றும் போலீஸ் அருண் (நிசாந்த்) ஆகியோரின் கேரக்டர்கள் நாடகத்தனமாக உள்ளது. கேரக்டர்களில் வலுவில்லை. போலீசுக்கு உரிய கம்பீரம் இருவரிடமும் இல்லை.

அம்பானி சங்கர், வக்கீல் கர்ணன் மற்றும் அரசியல்வாதி ஆகியோரின் கேரக்டர்கள் படத்திற்கு பலம் சேர்த்துள்ளன.

முக்கியமாக டாக்குமெண்டரி பெண் டைரக்டர், லேடீ டாக்டர் மற்றும் திரௌபதி ஆகியோர் பெண்களுக்கு தனி மரியாதையை கொடுத்துள்ளனர்.

அதிரடி வசனங்கள்…

பெண்களை நிர்வணமாக்கி அல்லது அவர்களது படங்களை மாஃபிங் செய்து விளையாடும் கும்பலுக்கு சாட்டையடி கொடுத்துள்ளார்.

அம்மணம் பெண்களுக்கு மட்டுமல்ல ஆண்களுக்கும்தான் என பேசி திரௌபதி செய்யும் வீர செயல் மரண மாஸ்.

இணையத்தை நெளிய வைத்த விக்ரமின் ‘கோப்ரா’; இதான்டா பெஸ்ட் லுக்

100 நாட்கள் வேலை வாய்ப்பு திட்டத்தில் நடக்கும் தில்லு முல்லுகளை திரௌபதி சுட்டிக் காட்டும்போது சூடு பறக்கிறது. பேன் பார்ப்பது, குறட்டை விட்டு உறங்குவது இதெல்லாம் அரசை ஏமாற்றும் வேலை என பேசுவது நச்.

அதுபோல் பெண் டாக்டர் ஒருவர்.. என்றைக்கு பெண்கள் சானிடரி பேட் வைத்துக் கொள்ள ஆரம்பித்தாமே அப்போதே குழந்தை பிறப்பதை கார்ப்பரேட் காரன் முடிவு செய்துவிடுகிறான் என்பதாகட்டும்…

நாய் வளர்க்குறோம்… மீன் வளர்க்க்குறோம்.. ஆனா யாரும் நாளைய சமுதாயத்திற்காக மரம் வளர்க்கல என பேசுவதாகட்டும்…
ஒரு வாட்டர் கேன் 30 ரூபாய் விற்று சம்பாதிக்கும் முதலாளி வர்க்கத்தை சாடுவதாகட்டும்..

நிலத்தடி நீர்க்காக கிராம பஞ்சாயத்தில் வாத்தியார் பேசும் வசனங்களாட்டும்…

போலி திருமண சான்றிதழ் பெறும் முறையாகட்டும் அதில் நடக்கும் ஊழல்கள் ஆகட்டும் என ஒவ்வொன்றையும் பிரித்து மேய்ந்திருக்கிறார் டைரக்டர்.

வெறுமனே ஆணவக்கொலை கௌரவக் கொலைகளை காட்டாமல் அதையும் மீறி பெண் குழந்தைகளை பெற்றவர்களிடம் பணம் பறிக்கும் முறையை போலி திருமண சான்றிதழ் மூலம் சொல்லியிருப்பதும் புதுசு.

ஒரு கோடியில் கிரவுட் ஃபண்டிங் மூலம் இந்த படத்தை தயாரித்துள்ளனர்.

மைனஸ்…

ஒரு சாதியினரை உயர்த்தி காட்டுவதாக சில காட்சிகள் உள்ளது. இதனால் மற்ற சாதியினர் மனம் புண்பட வாய்ப்புள்ளது. அதை தவிர்த்திருக்கலாம்.

காட்டப்பட்டிருக்கும் காட்சிகள் மற்றும் நபர்கள் ஒரு சில அரசியல் தலைவர்களை சித்தரித்தே வைக்கப்பட்டுள்ளது. இதனால் சலசலப்புகள் ஏற்படலாம்.

ஒரு சில நடிகர்கள் தேர்வு சரியில்லை. அதாவது நடிப்பு எடுபடவில்லை.

பெண்களை இழிவுபடுத்தும் சொற்களை தவிர்த்திருக்கலாம்.

அவள அங்க அங்க தடவி… அப்படியே மாசமாக்கு என்ற வசனம் முதல்..….

பணக்கார பெண்ணை மயக்கி அவர்களை திருமணம் செய்தால் லைஃப் செட்டிலாகி விடலாம் என்ற எண்ணத்தையும் இது சிலருக்கு விதைக்கலாம்.

தொழில்நுட்ப கலைஞர்கள்…

இரண்டு பாடல்கள் இருந்தாலும் இரண்டும் கவரவில்லை. அதிலும் வேல்முருகன் பாடும் கண்ணாமூச்சி பாடல் ஏன்? பழைய வண்ணாரப்பேட்டை படத்தில் உள்ள அதே ஸ்டைலில் பாட்டை வைத்திருக்கிறார் டைரக்டர். அந்தளவு அவரின் கற்பனை பஞ்சமா..?

ஒளிப்பதிவில் குறையில்லை. காட்சிகளை திறம்பட படமாக்கியுள்ளார்.

ஆனால் எடிட்டர்தான் தன் வேலையை சரியாக செய்யவில்லை. தேவையில்லாத பாடலை கட் செய்திருக்கலாம். படத்தின் நீளத்தை குறைத்திருந்தால் மக்களின் கவனத்தை இன்னும் ஈர்த்திருக்கலாம்.

இறுதியாக க்ளைமாக்ஸில் சொல்லப்பட்ட காட்சிகள் செம.

பணத்தை பார்த்தால் அலையும் நாய்கள் போல அரசு அதிகாரிகள் இருப்பதால் ஏற்படும் சமுதாய சீர்கேட்டையும் அரசு வக்கீல் இறுதிவரை பாய்ண்ட் பை பாய்ண்ட்டாக பேசும் வசனங்களும் சிந்திக்க வைக்கின்றன.

மணப்பெண்ணே இல்லாமல், பெற்றோர் இல்லாமல் போலியாக நடத்தப்படும் திருமண சான்றிதழ் பதிவுகளை அப்பட்டமாக காட்டியிருப்பது அரசாங்க அதிகாரிகளின் ஊழலை தோலுரித்துள்ளது.

இனி ரிஜிஸ்டர் மேரேஜ் நடக்கும் போது நிச்சயம் சிசிடிவி கேமராவில் பதிவு செய்யப்பட வேண்டும் என்ற உத்தரவை கோர்ட் போடும்போது சபாஷ் போட வைக்கிறது.

நாடக காதலால் ஏற்படும் விளைவுகளை சொன்ன விதத்தில் இளம் பெண்களுக்கு நல்ல பாடம் கற்பிக்கப்பட்டுள்ளது.

ஆங்காங்கே நிறைய சாதி கட்சி சார்ந்த குறியீடல்கள் உள்ளது. அதை தவிர்த்து இருக்கலாம்.

இந்த படத்தை சாதி கண்ணோத்துடன் பார்க்காமல் வெறும் படமாக மட்டுமே பார்த்தால் படத்தை ரசிக்கலாம்.

ஆக.. அரசு அதிகாரிகளின் அலட்சியம், வக்கீல்களின் விதண்டாவாதம், உள்ளிட்ட பல சீர்கேட்டை மோப்பம் முடித்து அதற்கு ஒரு தீர்வையும் சொல்லியிருக்கிறார் மோகன்.

தீப்பொறி.. திரௌபதி

கல்தா யாருக்கு? ரசிகனுக்கே…. கல்தா விமர்சனம் 2.5/5

கல்தா யாருக்கு? ரசிகனுக்கே…. கல்தா விமர்சனம் 2.5/5

கதைக்களம்…

நாம் அன்றாடம் கடந்து போகும் குப்பை மேடுகள் நமக்கே எமனாக மாறும் கதை… அதிலும் பணம் பார்த்து அரசியல் நடத்தும் விஷகிருமிகளின் மற்றொரு முகத்தை சொல்கிறது இந்த படம்.

தன்னிலங்காடு… தமிழக எல்லையோரம் உள்ள கிராமம்.

அண்டை மாநிலமான கேரள மாநிலத்தில் இருந்து வரும் மருத்துவ மற்றும் மாமிச கழிவுகளை அந்த கிராமத்தில் கொட்டுகின்றனர்.

மக்களுக்கு என்ன நோய் வந்தால் என்ன? இதனால் அவர்களுக்கு எந்த பிரச்சினை இருந்தால் என்ன? நம் பொழப்பு சரியா ஓடுகிறதா? என லட்சணக்கணக்கில் பணத்தை பெற்றுக் கொண்டு கவுன்சிலர், எம்எல்ஏ மற்றும் காவல்துறை அதிகாரிகள் என அலட்சியம் காட்டுகின்றனர்.

ஒரு கட்டத்தில் இவர்களின் அலட்சிய போக்கை கண்டித்து அந்த பகுதியில் குணா, அவரின் மனைவி, அவரது தம்பி உள்ளிட்ட இளைஞர்கள் போராட்டத்தில் குதிக்கின்றனர்.

இறுதியில் மக்கள் போராட்டம் வென்றதா? அதிகார வர்க்கம் வென்றதா? என்பதே படத்தின் மீதிக் கதை.

கேரக்டர்கள்…

விஜய்சேதுபதி தயாரித்த மேற்கு தொடர்ச்சி மலை படத்தில் கதையின் நாயகனாக நடித்த ஆண்டனி இதில் குணா என்ற கேரக்டரில் நடித்துள்ளார்.

ஊருக்காக உழைக்கும் எண்ணம், மக்களுக்கான புரட்சி, மனைவியுடன் ரொமான்ஸ் என யதார்த்தமாக கொடுத்துள்ளார். இவரின் மனைவியாக திவ்யா. கொஞ்சம் நேரம் என்றாலும் கொஞ்சும் நேரம் ரசிக்க வைக்கிறது.

மற்றொரு நாயகன் சிவ நிஷாந்த். நல்ல உயரம். நல்ல ஆக்சன் என கொடுத்துள்ளார். ஆனால் சென்டிமெண்ட் மற்றும் எமோசன் சுத்தமாக ஒர்க் அவுக் ஆகவில்லை.

இவரை ஒருவர் கத்தியால் குத்தியபோது குத்தியவர் கொடுக்கும் ஆவேசம் கூட இவரது முகத்தில் இல்லை. அதுபோல் கஜராஜ் மரணிக்கும் போது இவரின் அழுகை பத்தவில்லை.

இரண்டு நாயகியகள் திவ்யா மற்றும் அய்ரா. ஆனால் அய்ராவின் கேரக்டர் படத்துடன் ஒன்றவில்லை.

காமெடி செய்த அப்புகுட்டி இது வில்லத்தனம் செய்ய முயற்சித்துள்ளார். ஏன் பாஸ்? அது எல்லாம் நமக்கு ஒர்க் அவுட் ஆகுமா? விடுங்க ஜீ. கஜ்ராஜ் கேரக்டர் ரசிகர்களை கவரும்.

இன்னும் சில இதர கேரக்டர்கள் இருந்தாலும் பெரிதாக எடுப்படவில்லை.

தொழில்நுட்ப கலைஞர்கள்…

ஒளிப்பதிவாளர் வாசுவின் கை வண்ணத்தில் காட்சிகள் கண்களுக்கு விருந்து.

ஜெய் க்ரிஷின் இசையில் பாடல்கள் கவனத்தை ஈர்க்கவில்லை.

வைரமுத்து மற்றும் வித்யாசாகர் வரிகளுக்கு ஏற்ப பாடல்கள் அமையவில்லை.

மருத்துவ மற்றும் இறைச்சி கழிவுகளால் உண்மாகும் தீமைகளை சொல்லியுள்ளார் டைரக்டர். அதிலும் அரசியல்வாதிகளை நினைத்தால் இந்த நாட்டையே விற்றுவிடுவார்கள். நம்மிடம் இருக்கும் ஓட்டு மை வைத்து தான் அவர்கள் முகத்தில் கரி பூச வேண்டும் என்பதை உணர்த்தியிருக்கிறார் டைரக்டர்.

ஆனால் அதை சொன்ன விதத்தில் கோட்டை விட்டுள்ளார். இதற்கான தீர்வு என்ன என்பதை சொல்லவில்லை. மக்கள் போராட்டம் வீண்.. நாம் அரசியல் பழகும் வரை அரசியல்வாதிகளை ஒன்றும் செய்ய முடியாது என்பது போல சொன்னாலும் அதிலும் பழிவாங்கும் கதை போல முடித்துவிட்டார்.

Galtha movie review rating

STYLISH MAKING… மாஃபியா விமர்சனம் 2.5/5

STYLISH MAKING… மாஃபியா விமர்சனம் 2.5/5

கதைக்களம்…

நாடெங்கும் போதை பொருள் சப்ளை செய்யும் மிகப்பெரிய டான் திவாகர் குமரன் (பிரசன்னா) அரசு அதிகாரிகள் முதல் போலீஸ் வரை இவரது கைப்பாவையாக செயல்படுகிறது.

இதனால் இளைஞர்கள் போதைக்கு அடிமையாகி பாதிக்கப்படுகின்றனர்.

இந்த நிலையில் Narcotics Control Bureau (போதை பொருள் கட்டுபாடு துறை)யில் பணிபுரியும் அருண் விஜய் மற்றும் பிரியா பவானி சங்கர் உள்ளிட்டவர்கள் போதை சப்ளை செய்யும் பிரசன்னா கும்பலை தேடி அலைகின்றனர்.

அதற்குள் பிரசன்னா பலரை கொலை செய்துவிட விவேகம் எடுக்கும் அருண்விஜய் பல கோடி மதிப்புள்ள போதை பொருள் வைத்திருக்கும் லாரியை கொண்டு செல்கிறார்.

ஒரு கட்டத்தில் பிரசன்னாவை நெருங்கும் நேரத்தில் அருண்விஜய்யின் குடும்பத்தையே கடத்தி விடுகிறார்.

அப்பாவி அப்பா… காட்ஃபாதர் விமர்சனம் 3/5

அந்த போதை பொருள்களை கொடுத்தால் குடும்பத்தை ஒப்படைப்பதாக மிரட்டுகிறார்.

இதனால் அருண்விஜய் அண்ட் பிரியா என்ன செய்தனர்? பிரசன்னாவின் பின்புலம் என்ன? போதை பொருள் என்னானது? என்பதே மீதிக்கதை.

கேரக்டர்கள்..

அருண்விஜய் அண்ட் பிரசன்னா இருவருக்கும் இடையில் நல்ல போட்டி. யார் ஸ்மார்ட்? யார் ஸ்டைலிஷ்? என ஒவ்வொரு பிரேமிலும் ஸ்கோர் செய்கின்றனர்.

அலட்டிக் கொள்ளாத நடிப்பு. இருவரும் சந்திக்கும் காட்சிகளில் பின்னணி இசை தெறிக்கவிட்டுள்ளது. க்ளைமாக்ஸ் ட்விஸ்ட் எதிர்பாராத ஒன்று.

மாஃபியா சாப்டர் 2 படத்திற்காகவே அந்த க்ளைமாக்ஸ் வைத்துள்ளதாக தெரிகிறது.

பிரசன்னா பல படங்களில் ஹீரோவாக நடித்திருந்தாலும் இவ்வளவு பில்டப் சாங் இருக்காது. இதில் மாஸ் இன்ட்ரோ கொடுக்கப்பட்டுள்ளது.

அருண்விஜய்யின் அறிமுகமும் அசத்தல். ஆனால் திரும்ப திரும்ப பில்டப் மியூசிக் வரும்போது நம்மால் தாங்கமுடியல.

FIRST ON NET காதலர் மாடம்… கன்னி மாடம் விமர்சனம் 4/5

பல படங்களில் பாவாடை தாவணி, சேலை என பார்த்த பிரியா பவானி சங்கரை இதில் பேன்ட், சர்ட்டில் பார்க்கலாம். வெறுமனே வந்து செல்லும் ஹீரோயினாக இல்லாமல் ஆக்சனில் இறங்கியிருப்பது சூப்பர்.

இவர்களை தவிர படத்தில் பல போலீஸ், கேங்ஸ்டர் டீம், குடும்பம் என இருந்தாலும் இவர்களை சுற்றியே கதை பின்னப்பட்டுள்ளது.

முகிலன் கேரக்டரில் தலை வாசல் விஜய் நடித்துள்ளார். பக்குவப்பட்ட நடிப்பு.

படத்தின் ப்ளஸ்..

ஸ்டைலிஷ் அண்ட் ஷார்ப் மேக்கிங்

ஒவ்வொரு ப்ரேமும் கண்களுக்கு விருந்தளிக்கின்றன.

ஷூ மண் தட்டிவிடுவது முதல் துப்பாக்கி தோட்டாக்கள் பாய்ந்து செல்லும் காட்சிகள் வரை துல்லியமாக படமாக்கப்பட்டுள்ளது.

பொதுவாக சம்பவம் நடைபெறும் இடம்? என்பதை சின்னதாக போட்டு காட்டுவார்கள். ஆனால் இதில் ஸ்கிரின் முழுவதும் காண்பிப்பது புதுசு.

படத்தின் மைனஸ்..

ஒவ்வொரு டயலாக்கிற்கும் கிட்டதட்ட 10/15 நொடிகள் வரை இடைவெளி உள்ளது. அந்த கேப்பில் நாம் மொபைல் எடுத்து ஒரு மெசேஜ் அனுப்பிடலாம் போல…

யாரும் வெறுமனே காரணம் இல்லாமல் கொலை செய்யமாட்டார்கள். நிச்சயம் உள்நோக்கம் இருக்கும். ஆனால் இந்த படத்தில் பிரியா பவானி சங்கர் சொல்லும் அந்த டயலாக் நிச்சயம் சிரிப்பை வரவழைக்கும்.

இந்த கொலையை பார்த்தா சாதா கொலை மாதிரி தெரியல. ஏதோ மோடிவ் இருப்பது தெரிகிறது என்பார்.. (ஹி…ஹி…). ஒரு போதைபொருள் தடுப்பு அதிகாரி இப்படி பேசுவாரா..?

இடைவேளை வரை வெறும் பின்னணி இசையும் ஓவர் பில்டப் மட்டுமே உள்ளது. இடைவேளைக்கு பிறகு படத்தை பார்த்தால் கூட புரிந்துவிடும்.

தொழில்நுட்ப கலைஞர்கள்…

இசை ஜேக்ஸ் பிஜாய், ஒளிப்பதிவு கோகுல் பினாய். படத்தை பார்க்க இவர்கள் இருவரும் முக்கிய காரணம்.

அருண்விஜய்யும் சரி பிரசன்னாவும் சரி நல்ல நடிகர்கள். அவர்களை நிறையவே வேலை வாங்கியிருக்கலாம். ஆனால் நிறைய நேரங்களில் பாடியை ஃபிட்டாக வைத்துக் கொண்டு நடப்பது சிரிப்பது மிரட்டுவது கோபமாக பேசுவது என ஓவர் பில்டப்.

துருவங்கள் 16 படத்தில் ரசிகர்களை கவனிக்க வைத்த கார்த்திக் நரேன் இதில் தன் கவனத்தை சிதறவிட்டுள்ளார்.

ஏ கிளாஸ் ஆடியன்ஸை நம்பியே படம் எடுத்துள்ளார். அதிலும் முழுமையாக செயல்படவில்லை.

க்ளைமாக்ஸ் ட்விஸ்ட் மாஃபியா அடுத்த சாப்டருக்கு ஒர்க் அவுட் ஆகும்.

ஆக மாஃபியா.. ஸ்டைலிஷ் மேக்கிங்குக்காக பார்க்கலாம்.

அப்பாவி அப்பா… காட்ஃபாதர் விமர்சனம் 3/5

அப்பாவி அப்பா… காட்ஃபாதர் விமர்சனம் 3/5

கதைக்களம்…

சென்னையில் உள்ள ஒரு மிகப்பெரிய அடுக்குமாடி குடியிருப்பில் தன் மனைவி அனன்யா, மகன் அஷ்வத்துடன் வசிக்கிறார் நட்டி நட்ராஜ்,

எந்த ஒரு பிரச்சினைக்கு செல்லாமல், தான் உண்டு தன் குடும்பம் உண்டு என அப்பாவியாக இருக்கிறார் நட்ராஜ்.

இவரின் பகுதியில் உள்ள மிகப்பெரிய டான் லால். இவருக்கு ஒரே மகன். தவமிருந்து பெற்ற குழந்தை என்பதால் மிகவும் பாசமாக இருக்கிறார்.

தன் மகனுக்கு இதய நோய் இருப்பதால் அதே குரூப் ரத்தம் மற்றும் அதே வயதில் உள்ள சிறுவன் வேண்டும் என டாக்டர் கூறுகிறார்.

அப்போதுதான் அஷ்வத்தின் விவரம் தெரிய வருகிறது. எனவே அவனை கொன்று தன் மகனை காப்பாற்ற திட்டம் போடுகிறார்.

இதனையறிந்த அப்பாவி அப்பா நட்ராஜ் என்ன செய்தார்? காப்பாற்றினாரா? எப்படி காப்பாற்றினார்? என்பதே மீதிக்கதை.

STYLISH MAKING… மாஃபியா விமர்சனம் 2.5/5

கேரக்டர்கள்…

பல படங்களில் அதிரடி நாயகனாக வந்த நட்ராஜ் இதில் மிகவும் அப்பாவியாக நடித்துள்ளார். இதே போல விதவிதமான கேரக்டர்களை எடுத்தால்தான் சினிமாவில் நிலைக்க முடியும் என்பதை உணர்ந்திருக்கிறார்.

பொறுப்பான கணவர், அப்பாவி அப்பா, பாசமான தந்தை என வெரைட்டி காட்டியிருக்கிறார்.

இவரது உடலும் இவரது உயரமும் அப்பாவி கேரக்டருக்கு எதிராக இருந்தாலும் அதையும் சரியாக கையாண்டுள்ளார். சபாஷ் நட்டி ப்ரோ.

அன்பான அதே சமயம் அன்பான அம்மாவாக அனன்யா. நீண்ட நாட்களுக்கு பிறகு திரையில் தோன்றியுள்ளார்.

சிறுவனான அஸ்வத். பயந்து ஓடும் காட்சிகளில் தவிக்கவிட்டுள்ளார். வில்லன்களிடம் இருந்து தப்பிக்க அவர் மறைக்கப்படும் காட்சிகள் திகிலூட்டுகின்றன.

அப்பார்ட்மெண்ட் வாசிகளும் தங்கள் கேரக்டர்களில் கச்சிதம்.

FIRST ON NET காதலர் மாடம்… கன்னி மாடம் விமர்சனம் 4/5

வில்லனாக லால். தன் மகனுக்காக எதையும் செய்யும் வில்லன். ஆனால் மிரட்டல் பத்தவில்லை. தலையில் விக் வைத்துள்ளாரோ என்னவோ? பழைய தோற்றம் அவரிடம் இல்லை.

போலீஸாக மாரிமுத்து. கேரக்டரில் வலுவில்லை.

தொழில்நுட்ப கலைஞர்கள்..

கதவு லென்ஸ் வழியே நட்ராஜ் பார்க்கும் காட்சிகள் நிஜமாகவே சூப்பர். அவ்வளவு உயரமான அப்பார்ட்மெண்ட் பார்த்தாலே அப்படியொரு பயம். நிறைய ஆங்கிள்கள் வைத்து விளையாடியிருக்கிறார் ஒளிப்பதிவாளர் சண்முக சுந்தரம்.

இவரும் நவின் ரவீந்தரனின் பின்னணி இசையும் படத்துக்கு பெரிய பலத்தை கொடுத்துள்ளது. பின்னணி இசை நிறைய இடங்களில் மிரட்டியுள்ளது..

ஒளிப்பதிவும் பின்னனி இசையும் இல்லை என்றால் காட்ஃபாதரை யாராலும் காப்பாற்ற முடியாது எனலாம். (ஒளிப்பதிவாளர் நட்டி பயிற்சி கொடுத்திருப்பாரோ?)

ஜெகன் ராஜசேகர் என்பவர் இயக்கியிருக்கிறார். வில்லன் தன் மகன் மீது அதிக பாசம் வைத்துள்ளார் அதை காட்சிகளாக கொடுத்திருக்கலாம். நம்மால் கேரக்டரில் திடீரென ஒன்ற முடியவில்லை.

குறும்படமாக படத்தை எடுத்திருக்கலாம். நிறைய காட்சிகள் வீணடிக்கப்பட்டுள்ளன. வில்லன் அடியாட்கள் மிரட்டலாக வருவதை அடிக்கடி காட்டியிருக்கிறார். அதை எடிட்டர் கவனித்திருக்கலாம்.

கடைசியாக வரும் வசனம் நிச்சயம் கைதட்டலை அள்ளும். உனக்கு நிறைய ஆட்கள் இருக்கலாம். ஆனால் இது என் வீடு என நட்ராஜ் பேசும்போது தான் அவர் செய்துள்ள பக்கா ப்ளான் தெரிகிறது. அப்போது காட்டப்படும் காட்சிகள் சிறப்பு.

மற்றபடி சொல்லவந்த விஷயத்தில் மட்டுமே கவனத்தை செலுத்தியுள்ள ஜெகன் ராஜசேகரை நிச்சயம் பாராட்டலாம்.

ஆக.. இந்த காட்ஃபாதர்.. அப்பாவி அப்பா

FIRST ON NET காதலர் மாடம்… கன்னி மாடம் விமர்சனம் 4/5

FIRST ON NET காதலர் மாடம்… கன்னி மாடம் விமர்சனம் 4/5

கதைக்களம்…

ஹீரோ ஸ்ரீராம், ஆடுகளம் முருகதாஸ், வெலினா உள்ளிட்டவர்கள் தந்தை பெரியார் ஆட்டோ ஸ்டாண்டின் ஆட்டோ ஓட்டுனர்கள்.

ஸ்ரீராம் ஒரு பிரச்சினையால் ஊரை விட்டு வந்து சென்னையில் ஆட்டோ ஓட்டி சம்பாதிக்கிறார். இவரின் தந்தை ஜெயிலில் இருக்கிறார். எனவே சொல்ல முடியாத சோகத்தில் வாழ்கிறார்.

ஒரு நாள் ஸ்ரீராம் ஆட்டோவில் ஊரை விட்டு ஓடி வந்த காதலர்கள் விஷ்னு மற்றும் சாயா தேவி (காயத்ரி மலர்) சவாரிக்கு வருகின்றனர்.

அவர்களுக்கு யாரும் ஆதரவில்லை என்பதால் அவர்களுக்கு உதவியும் செய்கிறார்.

ஒரு கட்டத்தில் நாயகி தனிமைப்படுத்தப்படுகிறார். ஏன் அவரின் கணவர் என்ன ஆனார்? அதன்பின்னர் ஹீரோ என்ன செய்தார்? ஹீரோவின் அப்பா ஏன் ஜெயிலில் இருக்கிறார்? என்ன பிரச்சினை? என்பதே மீதிக்கதை.

STYLISH MAKING… மாஃபியா விமர்சனம் 2.5/5

கேரக்டர்கள்..

ஆடுகளம் முருகதாஸ், சூப்பர் குட் சுப்ரமணி உள்ளிட்ட ஒரு சிலரே நமக்கு தெரிந்த முகங்கள். மற்றவர்கள் புதுமுகங்களே.. ஆனால் நடிப்பில் அசத்தல் அறிமுகங்கள்..

ஸ்ரீராம் மற்றும் சாயாதேவி (காயத்ரி) இருவரும் சிறந்த நடிப்பை கொடுத்துள்ளனர். கேரக்டரை உள்வாங்கி உணர்வுபூர்வமான நடிப்பை கொடுத்துள்ளனர்.

ஹீரோயின் கண்களும் சரி உதடுகளும் சரி பேசும் பாஷை புதிது.

இருவருக்கும் இனி நிறைய வாய்ப்புகள் வரும். கண்களாலேயே இருவரும் பல மொழி பாஷைகளை பேசியுள்ளனர்.

அதுபோல் 2வது ஹீரோவாக வரும் விஷ்னுவும் ஷாப்ட்டான நடிப்பை கொடுத்திருக்கிறார். இவரின் முடிவு எதிர்பாராத ஒன்று.

ஜாதியை மீறி கரம்பிடித்த காதலியை இவர் பார்த்துக் கொள்ளும் விதம் அருமையும் கூட.

இனி ஆடுகளம் முருகதாஸ் தனியாக காமெடி செய்யலாம். படத்தில் இவரது காமெடி நிச்சயம் பேசப்படும்.

அப்பாவி அப்பா… காட்ஃபாதர் விமர்சனம் 3/5

ரோபோ சங்கரின் மனைவி ப்ரியா. கவுன்சிலர் & வீட்டின் முதலாளி வேடத்தில் கலக்கி எடுத்துள்ளார்.

இவருக்கு ஆடுகளம் முருகதாசுக்கும் செமயாய் காமெடி ஒர்க் அவுட் ஆகியிருக்கிறது. அக்கா.. 20 வருசமா நீங்க வாயும் வயிறுமா இருந்தீங்களா? உங்க தியாகி புருசன் எங்க அக்கா? என அவரை கிண்டல் செய்யும் போதெல்லாம் தியேட்டரில் அப்ளாஸ்.

அதுபோல் சூப்பர் குட் சுப்ரமணி நடிக்க சான்ஸ் கேட்டு அலையும் நபராக அசத்தல். ரஜினி அரசியலுக்கு போறாரு. ரோபோட் 3 படத்தை என்னைய வச்சுதான் ஷங்கர் எடுக்க போறாரு என காமெடி செய்வதிலும் வயசாச்சு ஊருக்கு போறேன் என கலங்கும் இடத்திலும் சிறந்த நடிப்பை கொடுத்துள்ளார்.

ஹீரோ ஸ்ரீராமின் அப்பவாக கஜராஜ். சில காட்சிகள் என்றாலும் ஜாதி வெறி பிடித்த அப்பாவாக நெஞ்சில் நிறைகிறார். க்ளைமாக்ஸில் இவரும் ஹீரோவும் சந்திக்கும் காட்சிகள் செம ட்விஸ்ட். அதை சொன்னால் கன்னி மாடம் கவனம் சிதறிவிடும்.

ஆட்டோ ஓட்டும் பெண்ணாக வரும் ஸ்டெல்லா (வெலினா) கண்களாலேயே காதல் பேசியிருக்கிறார். இவரின் திருமண காட்சிகள் ரசிக்க வைக்கிறது.

தொழில்நுட்ப கலைஞர்கள்…

ஹரிஷ் சாய் இசையமைத்துள்ளார். 3 காலு வாகனம் பாடல் ரசிக்க வைக்கிறது. மெலோடி பாடலும் இவருக்கு கைகொடுக்கிறது. பின்னணி இசையும் சிறப்பு.

ஒளிப்பதிவாளர் இனியனை எவ்வளவு பாராட்டினாலும் இனிக்கும். முக்கியமாக 2வது ஹீரோ (விஷ்னு) மற்றும் நாயகி இருவரும் படுக்கையில் தனிமையில் இருக்கும் அவர் வைத்துள்ள கேமரா ஆங்கிள் செம. நாயகி முகம் பாதி.. நாயகனின் முகம் பாதி என லைட்டிங்கில் மிரட்டியுள்ளார்.

அதுபோல் க்ளைமாக்ஸின் போது ரத்தம் தரையில் ஓடும்போது அதில் நாயகியின் முகம் காட்டப்படும் காட்சிகள் ரத்த வெறி ஒளிப்பதிவு.

ரிஷல் ஜெய்னி எடிட்டிங் செய்துள்ளார். முதல் பாதியில் அடுத்தடுத்து வரும் பாடல்கள் தேவையில்லை. ஒரு பாட்டை கட் செய்திருக்கலாம். மேலும் முதல்பாதியில் கொஞ்சம் கத்திரி போட்டு இருந்தால் விறுவிறுப்பு இருந்திருக்கும்.

நடிகராக ஜொலித்த போஸ் வெங்கட் இந்த படம் மூலம் இயக்குனராக அவதாரம் எடுத்துள்ளார். முதல் படத்திலேயே (பந்திலேயே) சிக்ஸர் அடித்துள்ளார். இனி இவர் இரட்டை குதிரை சவாரி தாராளமாக செய்யலாம்.

சினிமாவில் வருவதற்கு முன் ஆட்டோ டிரைவராக இருந்தவர் போஸ் வெங்கட். அப்போது அவர் வாழ்வில் நடந்த சில சம்பவங்களை அப்படியே திரையில் கொண்டு வந்துள்ளார். காட்சிகளை கவிதையாக்கியுள்ளார்.

இடைவேளை மற்றும் க்ளைமாக்ஸ் இரண்டும் எதிர்பாராத ட்விஸ்ட். காதலையும் ஜாதியை சொல்லி அதற்கு பாடமும் எடுத்துள்ளார் போஸ் வெங்கட்.

ரூபி பிலிம்ஸ் சார்பாக ஹஷீர் இப்படத்தை உருவாக்கியுள்ளார்.

ஆக இந்த கன்னி மாடம்.. சாதியற்ற காதலர் மாடம்

More Articles
Follows