‘யாத்திசை’-யை ஓடிடியில் பார்த்து யாருப்பா இவங்கன்னு மிரள ரெடியா.?!

சமந்தா – தேவ் மோகன் நடித்த ‘சாகுந்தலம்’ ஓடிடி ரிலீஸ் தேதி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

குணசேகர் இயக்கத்தில் சமந்தா நடிப்பில் வெளியான படம் ‘சாகுந்தலம்’.

இப்படத்தில் மலையாள நடிகர் தேவ் மோகன் முன்னணி கதாபாத்திரத்தில் நடிக்க, அதிதி பாலன், கவுதமி, பிரகாஷ் ராஜ் உள்ளிட்ட பலர் நடித்துள்ளனர்.

இப்படத்திற்கு மணிசர்மா இசையமைத்துள்ளார்.

ஆரம்பத்தில் 3டி தொழில்நுட்பம் இல்லாமல் இப்படத்தின் ரிலீஸ் தேதி அறிவிக்கப்பட்டது.

பிறகு 3டி தொழில்நுட்பத்தில் படத்தை மாற்றுவதற்காக அந்த ரிலீஸ் தேதி தள்ளிவைக்கப்பட்டது.

இறுதியாக, ‘சாகுந்தலம்’ படம் தமிழ், தெலுங்கு, மலையாளம், கன்னடம், இந்தி போன்ற 5 மொழிகளில்
கடந்த ஏப்ரல் 14ஆம் தேதி திரையரங்குகளில் வெளியானது.

இயக்குநர் குணசேகருடன் இணைந்து இப்படத்தை தில் ராஜு தயாரித்திருந்தார்.

கிட்டத்தட்ட ரூ.58 கோடி பட்ஜெட்டில் உருவான இப்படம் ஒட்டுமொத்தமாக ரூ.12 கோடியை மட்டுமே வசூலித்ததாக கூறப்படுகிறது.

இந்த நிலையில், ‘சாகுந்தலம்’ படம் மே 12-ம் தேதி நாளை முதல் அமேசான் ஓடிடி தளத்தில் வெளியாகவுள்ளதாக போஸ்டர் வெளியிட்டு படக்குழு அறிவித்துள்ளது.

இப்படத்தை அமேசான் ப்ரைம் நிறுவனம் ரூ.35 கோடிக்கு வாங்கியுள்ளதாக கூறப்படுகிறது.

மேலும், இப்படத்தின் தயாரிப்பாளர் தில் ராஜு சமீபத்திய பேட்டி ஒன்றில் “என் 25 ஆண்டு சினிமா பயணத்தில் ‘சாகுந்தலம்’ படம் பெரும் தோல்வி” என தெரித்திருந்தார் என்பது குறிப்பிடத்தக்கது.

Samantha’s shaakuntalam is streaming amazon prime

மீண்டும் இணைந்த சரத்குமார் – கௌதம் மேனன்.; ‘ஹிட் லிஸ்ட்’ ரெடி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இயக்குனர் கே.எஸ்.ரவிக்குமாரின் தயாரிப்பு நிறுவனமான ஆர்கே செல்லுலாய்ட்ஸ், ஏற்கனவே தெனாலி மற்றும் கூகுள் குட்டப்பா ஆகிய படங்களை தயாரித்திருந்த நிலையில் தற்போது ‘ஹிட்லிஸ்ட்’ என்கிற படத்தை தயாரித்து வருகிறது.

பிரபல இயக்குனர் விக்ரமனின் மகன் விஜய் கனிஷ்கா கதாநாயகனாக அறிமுகமாகும் அவரது முதல் படமாக இது உருவாகி வருகிறது.

இயக்குனர் கே.எஸ்.ரவிக்குமாரிடம் உதவி இயக்குனர்களாக பணியாற்றிய சூரியகதிர் மற்றும் கார்த்திகேயன் இருவரும் இணைந்து இந்த படத்தை இயக்கி வருகின்றனர்.

நடிகர் சரத்குமார் இந்த படத்தில் ஒரு முக்கியமான கதாபாத்திரத்தில் நடிக்கிறார்.

மேலும் இந்த படத்தில் சித்தாரா, முனீஸ்காந்த், ஐஸ்வர்யா தத்தா, ஸ்மிருதி வெங்கட், பாலசரவணன், ரெடின் கிங்ஸ்லி, அபிநயா, கேஜிஎஃப் புகழ் கருடா ராமச்சந்திரா மற்றும் அனுபமா குமார் உள்ளிட்ட பலர் முக்கிய கதாபாத்திரங்களில் நடிக்கின்றனர்.

இயக்குனர் கவுதம் வாசுதேவ் மேனன் பயங்கரமான வில்லனாக நடிப்பதன் மூலம் இந்தப்படத்தின் நட்சத்திர பட்டியலில் தற்போது இணைந்துள்ளார். அவர் நடித்த சில முக்கியமான காட்சிகள் சமீபத்தில் படமாக்கப்பட்டன.

இந்த படத்தின் ஒளிப்பதிவை ராம்சரண் கையாள, படத்தொகுப்பை ஜானும் கலை இயக்கத்தை அருணும் கவனிக்கின்றனர்.

ஒரு முழுமையான குடும்ப பொழுதுபோக்கு படத்திற்கு தேவையான கமர்சியல் அம்சங்கள் நிறைந்த ஆக்சன் திரில்லராக இந்த படம் இருக்கும். கிட்டத்தட்ட முடிவுறும் தருவாயில் இருக்கும் இந்த படத்தின் பணிகள் தற்போது இறுதிக் கட்டத்தை எட்டியுள்ளன.

கூடுதல் தகவல்…

கௌதம் மேனன் இயக்கிய ‘பச்சைக்கிளி முத்துச்சரம்’ என்ற படத்தில் சரத்குமார் நடித்திருந்தார். தற்போது கௌதம் – சரத்குமார் இருவரும் இணைந்து பணியாற்ற உள்ளனர் என்பது குறிப்பிடத்தக்கது.

அதுபோல கே எஸ் ரவிக்குமார் இயக்கிய பல படங்களில் சரத்குமார் நடித்திருந்தார் என்பது தங்களுக்கு நினைவிருக்கலாம்.

Sarath Kumar and gautham Menon joins for hitlist

லோகேஷ் கனகராஜூடன் இணைந்த ஆர்.ஜே.பாலாஜி.; வைரலாகும் போட்டோ

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நகைச்சுவை நடிகராக இருந்து ஹீரோவாக மாறியவர் ஆர்.ஜே.பாலாஜி.

ஆர்.ஜே.பாலாஜி தற்போது கதாநாயகனாக நடித்து வரும் படம் ‘சிங்கப்பூர் சலூன்’.

இந்த படத்தை ‘ரவுத்திரம்’, ‘இதற்குத்தானே ஆசைப்பட்டாய் பாலகுமாரா’, ‘காஷ்மோரா’ உள்ளிட்ட படங்களை இயக்கிய கோகுல் இயக்குகிறார்.

ஆர்.ஜே.பாலாஜியுடன் நடிகர் ஜீவா, இயக்குனர் லோகேஷ் கனகராஜ் இருவரும் ‘சிங்கப்பூர் சலூன்’ படத்தில் கேமியோ ரோலில் நடித்துள்ளார்கள்.

இந்த படத்தை வேல்ஸ் பிலிம் இண்டர்நேஷனல் பட நிறுவனம் சார்பில் ஐசரி கே கணேஷ் தயாரிக்கிறார்.

இந்நிலையில், லோகேஷ் கனகராஜுடன், ஆர்.ஜே.பாலாஜி எடுத்துக் கொண்ட புகைப்படமும் ஒன்றை இணையத்தில் பதிவிட்டுள்ளார்.

மேலும், லோகேஷ் கனகராஜ், ஆர்.ஜே.பாலாஜி புகைப்படம் தற்போது இணையத்தில் வைரலாகி வருகிறது.

Lokesh Kanagaraj cameo role in ‘Singapore Saloon’

21 Years of Dhanush.; ஜூன் – ஜூலையில் ‘கேப்டன் மில்லர்’ ட்ரீட்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தனுஷ் தற்போது அருண் மாதேஸ்வரன் இயக்கத்தில் ‘கேப்டன் மில்லர்’ படத்தில் நடித்து வருகிறார்.

இப்படத்தில் பிரியங்கா மோகன், சிவராஜ்குமார், சந்தீப் கிஷன், ஜான் கொக்கன் மற்றும் நிவேதிதா சதீஷ் நடித்துள்ளனர்.

இப்படத்திற்கு ஜிவி பிரகாஷ் குமார் இசையமைத்துள்ளார்.

சத்ய ஜோதி பிலிம்ஸ் தயாரிப்பில் தொடரி, மாறன், பட்டாஸ் படங்களைத் தொடர்ந்து 4வது முறையாக தனுஷ் நடிக்கிறார்.

இப்படம் தமிழ், தெலுங்கு, இந்தி ஆகிய மொழிகளில் உருவாகி வருகிறது.

இந்நிலையில், சத்ய ஜோதி பிலிம்ஸ் தனது ட்விட்டர் பக்கத்தில் ‘கேப்டன் மில்லர்’ படத்தின் ஃபர்ஸ்ட் லுக் மற்றும் டீசர் தேதியை அறிவித்துள்ளது.

‘கேப்டன் மில்லர்’ படத்தின் ஃபர்ஸ்ட் லுக் வரும் ஜூன் மாதம் வருவதாகவும், படத்தின் டீசர் வரும் ஜூலை மாதம் வரும் என கூறப்பட்டுள்ளது.

மேலும், தனுஷ் திரைத்துறையில் 21 ஆண்டுகளை நிறைவு செய்ததை தனுஷ் ரசிகர்கள் இன்று கோலாகலமாகக் கொண்டாடி வருகிறார்கள் என்பது குறிப்பிடத்தக்கது.

captain miller first look and teaser release date announced

தமிழகம் முழுவதும் சிறந்த மாணவ – மாணவிகளை தேர்ந்தெடுக்கும் விஜய்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழக பள்ளிகளில் 10 மற்றும் 12ஆம் வகுப்பு தேர்வுகள் முடிவடைந்துள்ளன. அதில் 12ஆம் வகுப்பு தேர்வு முடிவுகள் ஓரிரு தினங்களுக்கு முன் வெளியாகின.

10 வகுப்பு தேர்வு முடிவுகள் இன்னும் வெளியாகவில்லை.

இதில் 12ம் வகுப்பு பொதுத்தேர்வில் 600க்கு 600 மதிப்பெண் பெற்று வரலாற்று சாதனை படைத்தார் திண்டுக்கல் மாணவி நந்தினி.

இதனையடுத்து ஆளுநர், முதல்வர் உள்ளிட்ட பலரும் இவரை பாராட்டி வருகின்றனர்.

மேலும் நந்தினிக்கு விருது வழங்கி கௌரவித்தார் தமிழக ஆளுநர் ஆர்.என்.ரவி.

இந்த நிலையில் தமிழக மாவட்ட வாரியாக அதிக மதிப்பெண் பெற்ற மாணவர்களின் பட்டியலை தயார் செய்ய நடிகர் விஜய் உத்தரவிட்டுள்ளதாக தகவல்கள் வெளியாகியுள்ளன.

12 மற்றும் 10 ஆம் வகுப்பு தேர்வில் அதிக மதிப்பெண்கள் பெறும் மாணவர்களை மாவட்ட வாரியாக தேர்வு செய்து உதவிகளை வழங்க திட்டமிட்டுள்ளாராம் விஜய்.

அதற்காக மாணவ – மாணவிகளின் தேர்வு மதிப்பெண் சான்றிதழ், ஆதார் சான்றிதழ் மற்றும் வங்கி கணக்கு ஆவணங்களை தயார் செய்து விஜய் மக்கள் இயக்கத்தின் தலைமை அலுவலகத்திற்கு அனுப்ப மாவட்ட இயக்கங்களுக்கு உத்தரவிடப்பட்டுள்ளதாக தகவல்கள் வந்துள்ளன.

விரைவில் சிறந்த மாணவர்களை சந்தித்து விஜய் இன்ப அதிர்ச்சி அளிக்கவுள்ளார்.

Vijay selects the best students across Tamil Nadu