தடைகளை உடைத்து (எச்சரிக்கையுடன்) மெர்சல் அரசன் வர்றான்

புரியாத புதிருக்கு தீபாவளியன்று விடை தரும் தனுஷ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சிம்பு நடித்த அச்சம் என்பது மடமையடா’ படத்துக்குப் பின் தனுஷ் நடிக்கும் ‘எனை நோக்கி பாயும் தோட்டா’ படத்தை தொடங்கினார் கெளதம் மேனன்.

இதில் நாயகியாக மேகா ஆகாஷ் நடித்துள்ளார்.

இப்படத்தின் நடுவே விக்ரம் நடிக்கும் ‘துருவ நட்சத்திரம்’ படத்தையும் தொடங்கினார் கவுதம்.

இந்நிலையில் ‘எனை நோக்கி பாயும் தோட்டா’ படத்தின் பாடலை வெளிட்ட கவுதம் இசையமைப்பாளர் யார்? என்பதை சொல்லவில்லை.

அதற்கு பதிலாக மிஸ்டர்.எக்ஸ் என்று கூறிவந்தனர்.

‘மறுவார்த்தை பேசாதே’ மற்றும் ‘நான் பிழைப்பேனோ’ என்ற இருபாடல்கள் வெளியிட்டு பரபரப்பை ஏற்படுத்தினார்.

இந்நிலையில், மிஸ்டர்.எக்ஸ் என்ற புதிருக்கு தீபாவளியன்று (நாளை அக். 18) விடை தெரியும் என படக்குழுவினர் அறிவித்துள்ளனர்.

மேலும் ‘மறுவார்த்தை பேசாதே’ பாடலின் மற்றொரு வெர்ஷன் தீபாவளி அன்றே வெளியாகும் என தெரிவித்துள்ளது குறிப்பிடத்தக்கது.

Enai Noki Paayum Thota movie music composer updates

கேஎஸ்.ரவிக்குமார் இயக்கத்தில் அரவிந்த்சாமி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சுதீப் நடித்த முடிஞ்சா இவன புடி படத்தை தொடர்ந்து தெலுங்கு படத்தை இயக்கி வருகிறார் கே.எஸ். ரவிக்குமார்.

இதனையடுத்து அரவிந்த்சாமி நடிக்கும் படத்தை இயக்கவிருக்கிறாராம்.

இப்படத்தை ஹர்சினி மூவிஸ் நிறுவனம் தயாரிக்கவுள்ளதாக கூறப்படுகிறது.

இதுகுறித்த அறிவிப்பு விரைவில் வெளியாகவுள்ளது.

பாஸ்கர் ஒரு ராஸ்கல், வணங்காமுடி, சதுரங்க வேட்டை 2 ஆகிய படங்களும் அரவிந்த் சாமி நடிப்பில் உருவாகியுள்ளது குறிப்பிடத்தக்கது.

கருப்பு ராஜா வெள்ளை ராஜா சூட்டிங் நிறுத்தத்திற்கு விஷால்-கார்த்திதான் காரணமா..?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழ்நாடு புதுமுக நடிகர்கள் சங்கம் உறுப்பினர்கள் அடையாள அட்டை வழங்கும் விழா சென்னையில் நடைபெற்றது.

இதில் டத்தோ ராதாரவி, மயில்சாமி, சிநேகன், எஸ்வி. சேகர், தயாரிப்பாளர் கே. ராஜன் உள்ளிட்டவர்கள் பலர் கலந்துக் கொண்டனர்.

இதில் கலந்துக் கொண்ட மிஸ்டர் இந்தியா ராஜேந்திரன் சங்கத்தை வாழ்த்தி பேசினார்.

எம். ராஜேந்திரன் பேசியதாவது…

ஐசரி தான் என்னை முதன்முதலில் சினிமாவுக்கு அழைத்து வந்தார். அப்போது டில்லியில் இருந்த எம்.ஜி.ஆரை தொலைபேசியில் தொடர்பு கொண்டார்.

முதன்முறையாக ஐசரி தலைமையில் தான் உண்ணாவிரத போராட்டம் நடைபெற்றது. அதனைத் தொடர்ந்து 3 மாதத்தில் நடந்த தேர்தலில் ராதாரவி வெற்றி பெற்றார்.

தன்னை எதிர்த்து தோல்வி அடைந்த ஐசரியை தனது காரில் ஏற்றிச் சென்ற பண்பை கொண்டவர் ராதாரவி. அவரை நடிகர் சங்கத்திலிருந்து இடைநீக்கம் செய்தது கண்டிக்கத்தக்கது.

சங்கத்து வரலாற்றைப் பற்றி தெரியுமா? விஜயகாந்த் இருந்த வரை நன்றாக இருந்தது. சரத்குமார் தலைவராக இருந்தபோது நிதி உதவி கேட்டு வரும் கடிதங்களை படித்து அவர்களுக்கு தேவையான உதவிகளை அனைவரும் அவரவர் பங்குக்கு செய்திருக்கிறோம்.

சங்கத்தை சரத்குமாரும், ராதாரவியும் கட்டிக் காப்பாற்றினார்கள். உறுப்பினர்களில் யாராவது இறந்துவிட்டால் இறுதி வரை உடனிருப்பார்கள்.

ஆனால் இப்போது அப்படியில்லை. 4 முறை வைத்துக் கல்லையே வைக்கிறார்கள். சங்கத்து உறுப்பினர்கள் தவறு செய்தால் நிரந்தரமாக நீக்காமல் அவர்கள் தவறை உணரும் வகையில் இடைநீக்கம் செய்யலாம். S.V. சேகர் தனக்கு சரியென்று பட்டதை கூறிவிடுவார்.

புதுமுக நடிகர்கள் வேலையில்லாமல் துன்பப்படுகிறார்கள். ஒரு நாளுக்கு 500, 1,000 கிடைத்தால் அவர்களின் அன்றாட தேவைகள் பூர்த்தியாகும். அடுத்த வருடம் எங்கள் கூட்டணி தான் வெற்றி பெறும்.

நாங்கள் நடிக்கும் கறுப்பு ராஜா வெள்ளை ராஜா படத்தில் வரும் சம்பளத்தை நடிகர் சங்கத்திற்கு கட்டிடத்திற்கு கொடுப்போம் என விஷாலும், கார்த்தியும் கூறினார்கள்.

ஆனால் படத்தில் தங்கள் கேரக்டர் சரியில்லை என்று இப்போது சூட்டிங்கையே நிறுத்திவிட்டார்கள்.” என்று எம்.ராஜேந்திரன் பேசினார்.

தமிழக ரசிகர்களை மிரளவைக்கும் கேரளா விஜய் ரசிகர்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விஜய் நடிப்பில் அட்லி இயக்கியுள்ள மெர்சல் திரைப்படம் நாளை மறுநாள் தீபாவளிக்கு ரிலீஸ் ஆகிறது.

இப்படத்திற்கு தமிழகத்தில் மட்டுமல்லாது கேரளாவிலும் நல்ல எதிர்பார்ப்பு எழுந்துள்ளது.

கடந்த சில ஆண்டுகளாகவே கேரளாவில் விஜய்யின் மார்கெட் அதிகளவில் உயர்ந்து வருகிறது.

கேரளா திரையுலகினரே ஆச்சரியப்படும் வகையில் உயர்ந்து வருகிறது.

இந்நிலையில் கேரளாவில் உள்ள விஜய்யின் ஆண்கள் மற்றும் பெண் ரசிகர்கள், பொது இடத்தில் மெர்சல் கட் அவுட்களை வைத்து விஜய்யின் பாடலுக்கு ஆட்டம் போட்டுள்ளனர்.

அந்த வீடியோ இணையத்தளத்தில் வைரலாகி வருகிறது.

இவர்களை விட்டால் நம்மளையே மிஞ்சிவிடுவார்களே என தமிழக விஜய் ரசிகர்கள் ஆச்சயர்த்துடன் பார்த்து வருகிறார்களாம்.

கமல்-ஷங்கர் இணையும் இந்தியன் 2 கைவிடப்பட்டதா..?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்தியன் படம் வெற்றிப் பெற்றதையடுத்து அதன் இரண்டாம் பாகத்திற்காக மீண்டும் கமல் ஷங்கர் இணையவுள்ளனர் என்பதை பார்த்தோம்.

இப்படத்தை பிரபல தெலுங்கு தயாரிப்பாளர் தில் ராஜு தயாரிக்க உள்ளார்.

இந்நிலையில் இப்படம் கைவிடப்பட்டதாக செய்திகள் வந்தன.

ஆனால் தயாரிப்பு நிறுவனம் இந்த வதந்திகளை மறுத்துள்ளது.