தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
‘கும்கி’ படத்தின் மூலம் திரையுலகில் அறிமுகமானார் சிவாஜி பேரன் விக்ரம் பிரபு.
இப்பட வெற்றியை தொடர்ந்து அரிமா நம்பி, மற்றும் சிகரம் தொடு என ஹாட்ரிக் வெற்றிகளை கொடுத்தார்.
ஆனால் அதன்பின்னர் என்ன ஆனதோ.. அவரது பல படங்கள் தோல்வியை தழுவியது.
வெள்ளைக்கார துரை, வாகா, பக்கா, வீரசிவாஜி, நெருப்புடா, துப்பாக்கி முனை, அசுரகுரு ஆகிய படங்கள் சொல்லிக்கொள்கிற அளவில் ஓடவில்லை.
வானம் கொட்டட்டும், புலிக்குத்தி பாண்டி ஆகிய படங்கள் சுமாரான வெற்றியை பெற்றது.
தற்போது விக்ரம் பிரபு கைவசம் ‘பாயும் புலி நீ எனக்கு’, ‘டாணாக்காரன்’ மற்றும் ’பொன்னியின் செல்வன்’ ஆகிய படங்கள் உள்ளது.
இந்த நிலையில் தற்போது விக்ரம்பிரபு ஹீரோவாக நடிக்கும் அடுத்த படத்தின் டைட்டில் ’டைகர்’ என அறிவிக்கப்பட்டுள்ளது.
இந்த படத்தின் பூஜை இன்று நடந்தது
கார்த்திக் என்பவர் இந்தப் படத்தை இயக்குகிறார்.
இதில் விக்ரம் பிரபு ஜோடியாக ஸ்ரீதிவ்யா நடிக்க உள்ளார்.
இந்த ஜோடி ஏற்கனவே ’வெள்ளைக்கார துரை’ படத்தில் இணைந்துள்ளனர் என்பது தங்களுக்கு நினைவிருக்கலாம்.
நடிகர் சக்தி வாசு வில்லனாக நடிக்கும் இந்த படத்தில் அனந்திகா மற்றொரு கதாநாயகியாக நடிக்கிறார். ரிஷி (எனும்) அட்டு, டேனியல் (எனும்) டேனி முக்கியமான கதாபாத்திரங்களில் நடிக்கிறார்கள்.
சாம் CS இசையமைக்க, கதிரவன் ஒளிப்பதிவு செய்கிறார், வீரமணி கலைத் துறையை கவனிக்கிறார். மற்ற தொழில்நுட்ப வல்லுநர்களில் மணிமாறன் (எடிட்டிங்), முருகன் (ஸ்டில்ஸ்), பாபா பாஸ்கர் (நடன அமைப்பு), கணேஷ் மாஸ்டர் (ஸ்டண்ட்), மற்றும் S. வினோத் குமார்-தம்பி M பூபதி (நிர்வாகத் தயாரிப்பு) பணிகளை கவனிக்கின்றனர்.
Vikram Prabhu and Sri Divya joins for a new film