தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கேஎஸ் ரவிக்குமார் இயக்கத்தில் சரத்குமார், குஷ்பூ, மீனா, விஜயகுமார், மனோராமா உள்ளிட்டோர் நடித்து சூப்பர் டூப்பர் ஹிட்டான படம் ’நாட்டாமை’.
இந்த படத்தில் குழந்தை நட்சத்திரமாக அறிமுகமானவர் மகேந்திரன். அன்று முதல் மாஸ்டர் மகேந்திரன் என்றே அழைக்கப்பட்டு வருகிறார்.
பின்னர் ரஜினியுடன் படையப்பா படத்திலும் குழந்தை நட்சத்திரமாக நடித்திருந்தார்.
வளர்ந்து வாலிபனாக ஆன பின்னர் ஓரிரு திரைப்படங்களில் ஹீரோவாகவும் நடித்திருந்தார். நம்ம ஊருக்கு என்னதான் ஆச்சு உள்ளிட்ட படங்களிலும் நாயகனாக நடித்துள்ளார்.
கடந்த வருடம் 2021ல் வெளியான விஜய்யின் மாஸ்டர் திரைப்படம் இவருக்கு பெரும் பெயரை பெற்றுத் தந்தது,
இதில் சிறுவயது விஜய்சேதுபதியாக பவானி கேரக்டரில் மிரட்டியிருந்தார்.
இந்த நிலையில் தற்போது குட்டி பவானிக்கு பெரிய பவானி கரம் கொடுக்கிறார்.
மகேந்திரன் நடித்து வரும புதிய படத்திற்கு ‘கரா’ என்று தலைப்பிட்டுள்ளனர்.
இந்த படத்தை பவானி எண்டர்டெய்ன்மெண்ட் நிறுவனம் தயாரிக்கிறது.
இந்த படத்தின் பர்ஸ்ட் லுக் போஸ்டரை நாளை ஜனவரி 23ஆம் தேதி மாலை 3.20 மணிக்கு விஜய்சேதுபதி வெளியிடவுள்ளதாக அறிவிக்கப்பட்டுள்ளது.
இப்படத்தை அவதார் என்பவர் இயக்க ராஜேஷ் குமார் என்பவர் தயாரிக்கவுள்ளார். அச்சு ராஜாமணியின் இசையில், வில்லியம்ஸ் ஒளிப்பதிவில், கிரேசன் படத்தொகுப்பை பணிகளை செய்கின்றனர்.
கூடுதல் தகவல்.. : கடந்த 2021ல் டிசம்பர் மாதம் ப்ளாக்ஹோல் பிக்சர்ஸ் நிறுவனம் தயாரிக்கும் புதிய படத்தில் மாஸ்டர் மகேந்திரன், சந்தோஷ், மைக்கேல் உள்ளிட்டோர் நடிக்கும் புதிய படத்தின் பூஜை நடைபெற்றது.
குறும்பட இயக்குநர் ஏ.ஆர்.ஸ்டீபன் இயக்கும் இப்படம் ஹைப்பர்லிங்க் க்ரைம் த்ரில்லர் பாணியில் உருவாகி வருகிறது.
இதில் வைஷ்ணவி, ராஜேஷ், லிவிங்ஸ்டன், சூப்பர் சுப்பராயன், கூல் சுரேஷ் உள்ளிட்டோர் முக்கியப் பாத்திரங்களில் நடிக்கின்றனர். மதன் கிறிஸ்டோபர் ஒளிப்பதிவு செய்ய, ஸ்ரீவத்சன் எடிட்டிங் பணிகளை மேற்கொள்கிறார்.
Vijay Sethupathi will release Mahendran’s new movie first look poster