தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நடிகராக வலம் வந்த வெங்கட்பிரபு ‘சென்னை 600028’ படம் மூலம் சூப்பர் ஹிட் இயக்குனர் ஆனார்.
தற்போது இயக்கி வரும் இதன் இரண்டாம் பாகத்தில், ஜெய், சிவா, பிரேம்ஜி அமரன், நிதின் சத்யா, விஜய் வசந்த், வைபவ், மகத், விஜயலட்சுமி உள்ளிட்டோர் நடித்து வருகின்றனர்.
யுவன்ஷங்கர் ராஜா இசையமைத்து வரும் இதன் படப்பிடிப்பு இறுதிக்கட்டத்தை எட்டியுள்ளது.
இந்நிலையில் இப்படத்தில் ஐந்து இயக்குனர்கள் சிறப்பு தோற்றத்தில் நடித்துள்ளதாக செய்திகள் வந்துள்ளன.
‘கனிமொழி’ பட இயக்குனர் ஸ்ரீபதி, ‘நவீன சரஸ்வதி சபதம்’ பட இயக்குனர் சந்துரு, ‘காவல்’ பட இயக்குனர் நாகேந்திரன், ‘நளனும் நந்தியும்’ பட இயக்குனர் வெங்கடேஷ், மற்றும் ‘வடகறி’ பட இயக்குனர் சரவணா ஆகியோர் நடித்துள்ளனர்.
அதாவது வெங்கட்பிரபு உடன் சேர்த்து ஆறு டைரக்டர்கள் இணைந்துள்ளது குறிப்பிடத்தக்கது.
தனது சொந்த நிறுவனமான பிளாக் டிக்கெட் கம்பெனி சார்பாக இப்படத்தை தயாரித்து வருகிறார் வெங்கட் பிரபு.