‘வெந்து தணிந்தது காடு’ வெற்றி: சிம்பு – கௌதம் மேனனுக்கு காஸ்ட்லி கிப்ட் கொடுத்த ஐசரி கணேஷ்

‘வெந்து தணிந்தது காடு’ வெற்றி: சிம்பு – கௌதம் மேனனுக்கு காஸ்ட்லி கிப்ட் கொடுத்த ஐசரி கணேஷ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கௌதம் இயக்கத்தில் சிலம்பரசன் நடிப்பில் வெளியான ‘வெந்து தணிந்தது காடு’ படத்தை ஐசரி கணேஷ் தயாரித்திருந்தார்.

இந்த படம் செப்டம்பர் 15ஆம் தேதி வெளியான நிலையில் இந்தப் படத்தின் வெற்றிக்காக பத்திரிகையாளர்கள் சந்தித்து நன்றி தெரிவித்தனர் படக்குழுவினர்.

‘வெந்து தணிந்தது காடு’ படத்தின் இரண்டாம் பாகம் வரும் எனவும், முதல் பாகத்தை விட பிரமாண்டமாக பான் இந்தியா படமாக இருக்கும் எனவும் கூறியிருந்தார் ஐசரி.

இந்த நிலையில் நேற்று செப்டம்பர் 24ல் சென்னை லீலா பேலஸ் நட்சத்திர ஹோட்டலில் படக்குழுவினர் வெ. த. கா. பட வெற்றி விழாவை கொண்டாடினர்.

இந்த விழாவில் நடிகர் சிவகார்த்திகேயன் இயக்குனர் சுந்தர் சி நடிகர் வைபவ் மகத் உள்ளிட்ட பலர் கலந்து கொண்டனர்.

இதனை கொண்டாடும் விதமாக இயக்குனர் கௌதம் மேனனுக்கு புல்லட் பைக் ஒன்றை பரிசாக கொடுத்திருக்கிறார் ஐசரி கணேஜ். இந்த பைக்கின் மதிப்பு இரண்டு லட்சம் இருக்கும் என்கிறார்கள்.

நடிகர் சிம்புவுக்கு 1 கோடி மதிப்பிலான சொகுசு கார் ஒன்றையும் ஐசரி கணேஷ் பரிசாக வழங்கியுள்ளார்.

இந்த புகைப்படங்ள் சமூக வலைத்தளங்களில் டிரண்ட் ஆகி கொண்டிருக்கிறது.

கூடுதல் தகவல்…

‘விக்ரம்’ பட வெற்றியை கொண்டாடும் விதமாக அந்த படத்தின் இயக்குனர் லோகேஷ்க்கு 80 லட்சம் மதிப்புள்ள காரை பரிசளித்தார் கமல்ஹாசன். மேலும் அந்த படத்தின் உதவி இயக்குனர்களுக்கு பைக் பரிசளித்தார் கமல் என்பது குறிப்பிடத்தக்கது.

After the massive success of #VTKBlockbuster Producer @IshariKGanesh has gifted a high-end #ToyotaVellfire luxury car to @SilambarasanTR_ & a motor bike to @menongautham at #VTKSuccessMeet yesterday! 😎🔥
#VendhuThanindhathuKaadu #SilambarasanTR l #filmistreet l @Actor_SimbuFC https://t.co/JbQ7qzPYRp

‘துணிவு’ படத்திற்காக ஜோடியுடன் பாங்காங் பறந்தார் நடிகர் அஜித்

‘துணிவு’ படத்திற்காக ஜோடியுடன் பாங்காங் பறந்தார் நடிகர் அஜித்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

வினோத் இயக்கத்தில் அஜித் நடித்த வரும் ‘துணிவு’ படத்தின் டைட்டில் மற்றும் ஃபர்ஸ்ட் லுக் போஸ்டர்கள் ஓரிரு தினங்களுக்கு முன் வெளியாகி இணையத்தில் ட்ரெண்டானது.

இந்த படத்திற்கு ஜிப்ரான் இசையமைக்க நீரவ்ஷா ஒளிப்பதிவு செய்து வருகிறார். போனிகபூர் தயாரித்து வருகிறார்.

சமீபத்தில் சூட்டிங்க்கு ஓய்வு கொடுத்துவிட்டு லடாக் பகுதிகளில் தனது பைக் குழுவினர் சுற்றுப.பயணம் செய்தார் அஜித்.

இது தொடர்பான போட்டோக்கள், வீடியோக்கள் வெளியாகி வைரலானது.

இந்த நிலையில் ‘துணிவு’ படத்தின் இறுதிக்கட்ட படப்பிடிப்புக்காக அஜித், மஞ்சு வாரியர் பாங்காக் புறப்பட்டு சென்றுள்ளனர்.

தற்போது இதுதொடர்பான வீடியோக்களும் வெளியாகி உள்ளன.

பாங்காக் நாட்டில் அதிரடியான பைக் ஸ்டன்ட் காட்சிகளை படமாக்க திட்டமிட்டு இருக்கிறாராம் இயக்குனர் வினோத்.

பாங்காங் ஷூட்டிங் உடன் ‘துணிவு’ படத்தின் ஒட்டுமொத்த படப்பிடிப்பும் முடிவடையும் என கூறப்படுகிறது.

இதன் பின்னர் போஸ்ட் ப்ரொடக்ஷன் பணிகளை துவங்கி அடுத்த 2023 ஆம் ஆண்டு பொங்கல் தினத்தில் படத்தை ரிலீஸ் செய்ய படக்குழு திட்டமிட்டுள்ளது.

விஜய்யின் ‘வாரிசு’ அப்டேட் : சாங் ரெண்டு.. ஃபைட் ரெண்டு.. அவ்ளோதான்.!

விஜய்யின் ‘வாரிசு’ அப்டேட் : சாங் ரெண்டு.. ஃபைட் ரெண்டு.. அவ்ளோதான்.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

வம்சி இயக்கத்தில் தமன் இசையில் விஜய் நடித்து வரும் படம் ‘வாரிசு’

இதில் ராஷ்மிகா மந்தனா, ஷாம், சரத்குமார், யோகிபாபு, பிரகாஷ்ராஜ், குஷ்பு, ஜெயசுதா உட்பட பலர் நடிக்க தில் ராஜு தயாரித்து வருகிறார்.

இந்த படம் ஒரே நேரத்தில் தமிழ் மற்றும் தெலுங்கில் குடும்ப செண்டிமெண்ட் படமாக வளர்ந்து வருகிறது.

‘வாரிசு’ பட சூட்டிங்கின் போது விஜய் ராஷ்மிகா எடுத்த செல்ஃபி இணையத்தில் வைரலானது.

அடுத்த அக்டோபர் மாதத்திற்குள் இப்படத்தின் சூட்டிங் முடிவடைய உள்ளது என்ற தகவலை நாம் ஏற்கெனவே நம் ஃபிலிம் ஸ்ட்ரீட் தளத்தில் பார்த்து இருந்தோம்.

இந்த நிலையில் தற்போது புதிய அப்டேட் கிடைத்துள்ளது.

நாளை செப்டம்பர் 25ஆம் தேதி ‘வாரிசு’ படத்தின் இறுதி கட்டப் படப்பிடிப்பு துவங்கப்பட உள்ளது.

இதில் மீதமுள்ள இரண்டு பாடல் காட்சிகள் மற்றும் இரண்டு சண்டை காட்சிகளையும் முடிக்க படக்குழு திட்டமிட்டுள்ளது.

இத்துடன் ‘வாரிசு’ படத்தில் ஒட்டுமொத்த படப்பிடிப்பும் முடிவடையும் என கூறப்படுகிறது.

இதனையடுத்து அடுத்த வருடம் 2023 பொங்கல் தினத்தில் ‘வாரிசு’ படத்தை திரைக்கு கொண்டு வர திட்டமிட்டுள்ளனர்.

——–
#Varisu / #Vaarasudu last schedule starts tomorrow. 2 action sequences & 2 songs left for the wrap. 🥳👍🏼

Gear up for a grand #VarisuPongal 2023

@actorvijay @directorvamshi @SVC_official
@iamRashmika @MusicThaman @realsarathkumar @prakashraaj #Prabhu
@JSKapoor1234 @khushsundar https://t.co/EdxQP0PdZh

‘காபி வித் காதல்’ படத்தின் லவ் சாங்ஸ் & டேஸ்டி டிரைலர் ரிலீஸ் அப்டேட்

‘காபி வித் காதல்’ படத்தின் லவ் சாங்ஸ் & டேஸ்டி டிரைலர் ரிலீஸ் அப்டேட்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சுந்தர்.சி இயக்கத்தில் காதல் மற்றும் காமெடி கலந்த குடும்ப படமாக உருவான படம் ‘காபி வித் காதல்’.

குஷ்புவின் அவ்னி சினி மேக்ஸ் பிரைவேட் லிமிடெட் மற்றும் பென்ஸ் மீடியா நிறுவனங்கள் இணைந்து தயாரித்துள்ளது.

இப்படத்திற்கு யுவன் சங்கர் ராஜா இசையமைத்துள்ளார்.

இந்த படத்தில் ஜீவா, ஜெய், ஸ்ரீகாந்த் ஆகியோர் ஹீரோக்களாக நடிக்கின்றனர்.

மாளவிகா சர்மா, அம்ரிதா ஐயர், ரைசா வில்சன், ஐஸ்வர்யா தத்தா ஆகியோர் ஹீரோயின்களாக நடிக்கின்றனர்.

இந்த காதல் பட்டாளத்துடன் யோகி பாபு, ரெடின் கிங்ஸ்லி, பிரதாப் போத்தன், விச்சு விஸ்வநாத், சம்யுக்தா ஷண்முகம், திவ்யதர்ஷினி, அருணா பால்ராஜ், பேபி விர்த்தி உள்ளிட்டோரும் இணைந்துள்ளார்கள்.

இப்படத்தின் பர்ஸ்ட் லுக் மற்றும் சிங்கிள் பாடல் வெளியாகி ரசிகர்களிடம் பெரும் வரவேற்பை பெற்றது.

இப்படத்தின் தமிழக திரையங்க வெளியீட்டு உரிமையை உதயநிதியின் ரெட் ஜெயண்ட் மூவிஸ் நிறுவனம் பெற்றுள்ளது.

இந்த நிலையில் காபி வித் காதல் படத்தின் டிரைலர் மற்றும் பாடல்கள் செப்டம்பர் 26 ஆம் தேதி வெளியாகும் என படக் குழுவினர் அறிவித்துள்ளனர்

Coffee with Kadhal songs and Trailer release updates

பெற்றோரே உலகம்.. சினிமாவே உயிர்.; நடிகைகளின் குரல் ரவீனா ரவி அறிக்கை

பெற்றோரே உலகம்.. சினிமாவே உயிர்.; நடிகைகளின் குரல் ரவீனா ரவி அறிக்கை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நாம் திரையில் பல முன்னணி நடிகைகளின் நடிப்பையும் அழகையும் பார்த்து ரசித்தாலும் அந்த நடிகைகளுக்கு பின்னணி குரல் கொடுப்பவர் டப்பிங் கலைஞர்தான்.

இப்படியாக தன் சினிமா பயணத்தை தொடங்கியவர் ரவீனா ரவி. பல முன்னணி நடிகைகளுக்கு இவரே குரல் கொடுத்து வருகிறார்.

மேலும் நிறைய படங்களில் கதையின் நாயகியாகவும் நடத்து வருகிறார்.

சில மாதங்களுக்கு முன் வெளியான ராக்கி வீரமே வாகை சூடும் உள்ளிட்ட படங்களில் முக்கிய கேரக்டரில் நடித்திருந்தார்.

இந்த நிலையில் அவர் தன் சினிமா பயணம் குறித்து நன்றி தெரிவித்து ஒரு அறிக்கை வெளியிட்டுள்ளார்..

அனைவருக்கும் வணக்கம் ,

இந்த செப்டம்பர் 2022

திரைத்துறையில் பல முன்னணி கதாநாயகிகளுக்கு பின்னணி குரல் கலைஞராக என் பத்து வருடங்கள் நிறைவடைகிறது…
இந்த திரை பயணத்தில் எனக்கு பக்கபலமாக இருந்த அனைவருக்கும் என் நெஞ்சார்ந்த நன்றிகளை கூற கடமை பட்டிருக்கிறேன்..

ரவீனா ரவி

கடவுளுக்கு என் முதற்கண் நன்றி

சிறுவயதுமுதல் இன்று வரை எல்லா படிகளிலும் எனக்கு துணை நிற்கும் பெற்றோரின் அளவுகடந்த அன்பிற்கு நன்றி…என்னை எப்போதும் ஊக்குவிக்கும் என் தந்தை இன்று என்னோடு இல்லை…ஆனால் என்மீது எல்லையற்ற பெருமிதம் கொள்வார் என நம்புகிறேன்..

மாதா பிதா குரு தெய்வம் என்று சொல்வார்கள்…என் அம்மாவே என் குரு , ஸ்ரீஜா ரவி அவர்கள்..இன்று வரை இரண்டாயிரத்திற்கும் மேற்பட்ட திரைப்படங்களில் பணிபுரிந்ததுடன் , ஐந்து மாநில விருதுகள் பெற்று நாற்பத்தைந்து வருடங்களுக்கும் மேலாக திரைத்துறையிலிருக்கிறார்..
என் உயிர், என் உலகம் எல்லாமே என் பெற்றோர் ரவீந்திரநாதன் மற்றும் ஸ்ரீஜா ரவி அவர்கள் தான்..

என் நண்பர்கள் , என் உற்றார் உறவினர்கள் , என் மீது அன்புள்ளம் கொண்டு துணைநிற்கும் அனைவருக்கும் மீண்டும் ஒரு முறை என் நெஞ்சார்ந்த நன்றிகளை தெரிவித்து கொள்கிறேன்… இது தொடரும் என நம்புகிறேன்..

இதுவரை 104 இயக்குனர்களிடம் நான் பணிபுரிந்திருக்கிறேன்…அவர்கள் அத்தனை பேரும் ஒரு கலைஞராக என்னை மேம்படுத்திக்கொள்ள உதவியிருக்கிறார்கள்…

ரவீனா ரவி

நான் பணியாற்றிய அனைத்து தயாரிப்பாளர்களுக்கும் , உதவி இயக்குனர்களுக்கும் , ஒளிப்பதிவு கலைஞர்களுக்கும் , ஒலிப்பதிவு தொழில்நுட்ப கலைஞர்களுக்கும் உள்ளம் கனிந்த நன்றிகள்… என் பயணத்தில் அவர்கள் பங்களிப்பு ஈடுஇணையற்றது…

இந்த நன்றி மடல் நான் குரல் கொடுத்த கதாநாயகிகளுக்கு நன்றி கூறாமல் நிறைவடையாது…வெள்ளிதிரையில் அவர்கள் குரலாக ஒலிப்பதில் கிடைக்கும் ஆனந்தத்திற்கு அளவே இல்லை…

ஒவ்வொரு திரைப்படத்தின் வாய்ப்பு வரும்பொழுதும் அதை எனக்கு தெரியப்படுத்தும் பின்னணி குரல் சங்கத்தின் பிரதிநிதிகளுக்கு இந்த தருணத்தில் நன்றிகளை கூறிக்கொள்கிறேன்.
இரண்டு வயதில் தொடங்கிய இந்த பயணத்தின் மிகப்பெரிய தூண்
“SICTADAU” சங்கம்

ஊடக நண்பர்கள் அளித்த தொடர் ஆதரவு ஒரு நடிகையாகவும் நான் வெள்ளித்திரையில் தோன்ற உறுதுணையாக நின்றது..

அதோடு சமூக வலைதள நண்பர்கள் அனைவருக்கும் மிக்க மிக்க நன்றி…உங்கள் பாராட்டுக்களும் விமர்சனங்களும் என்னை மெருகேற்றிக்கொள்ள துணை நிற்கிறது…
நன்றி நன்றி நன்றி நெஞ்சார்ந்த நன்றி

பின்னணி குரல் அளிப்பதில் ஆத்ம திருப்தி…என் மனதிற்கு நெருக்கமான இந்த தொழிலை தொடர்ந்து செய்ய உங்கள் ஆதரவே முக்கியமான காரணம்… எனக்கு மட்டுமில்லை செய்யும் தொழிலிற்கு உண்மையாக இருந்தால் எல்லோருக்கும் கடின உழைப்பிற்கு தகுந்த பலன் கிடைத்தே தீரும்…

இப்படிக்கு
ரவீனா ரவி
நடிகை – டப்பிங் கலைஞர்

ரவீனா ரவி

Dubbing Artist Actress Raveena Ravi thanks note

‘சொப்பன சுந்தரி’ சூட்டிங்கை நிறைவு செய்த ஐஸ்வர்யா ராஜேஷ்

‘சொப்பன சுந்தரி’ சூட்டிங்கை நிறைவு செய்த ஐஸ்வர்யா ராஜேஷ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகை ஐஸ்வர்யா ராஜேஷ் நகைச்சுவை நாயகியாக நடித்திருக்கும் ‘சொப்பன சுந்தரி’ படத்தின் படப்பிடிப்பு நிறைவடைந்ததாக பட குழுவினர் அதிகாரப்பூர்வமாக அறிவித்திருக்கிறார்கள்.

வெளிநாடுகளில் பல இந்திய திரைப்படங்களை விநியோகம் செய்த முன்னணி நிறுவனமான ஹம்சினி என்டர்டெய்ன்மென்ட் எனும் நிறுவனம், ஹியூபாக்ஸ் ஸ்டுடியோஸ் எனும் நிறுவனத்துடன் இணைந்து தமிழில் தயாரித்திருக்கும் முதல் திரைப்படம் ‘சொப்பன சுந்தரி’.

சொப்பன சுந்தரி

இதில் நடிகை ஐஸ்வர்யா ராஜேஷ் உடன் நடிகைகள் லட்சுமி பிரியா, தீபா ஷங்கர், தென்றல் நடிகர்கள் கருணாகரன், ரெடின் கிங்ஸ்லி, மைம் கோபி, சுனில் ரெட்டி, அகஸ்டின், பிஜான் உள்ளிட்ட பலர் நடித்திருக்கிறார்கள்.

பாலமுருகன் மற்றும் விக்னேஷ் ராஜகோபாலன் ஒளிப்பதிவு செய்திருக்கும் இந்த திரைப்படத்திற்கு பின்னனி இசையை விஷால் சந்திரசேகர் கவனித்து கொள்ள பாடல்களை அஜ்மல் இசையமைத்திருக்கிறார்.

டார்க் காமெடி ஜானரில் தயாராகி இருக்கும் இந்த திரைப்படத்தை ‘லாக்கப்’ படத்தை இயக்கிய எஸ். ஜி. சார்லஸ் இயக்கியிருக்கிறார்.

சொப்பன சுந்தரி

ஏற்கனவே இந்த படத்தின் ஃபர்ஸ்ட் லுக் வெளியாகி பெரும் வரவேற்பை பெற்றுள்ளது.

தற்போது இந்த படத்தின் இறுதி கட்டப் பணிகள் தொடங்கி இருக்கின்றன.

விரைவில் டீசர் மற்றும் சிங்கிள் ட்ராக் வெளியாகும் என எதிர்பார்க்கப்படுகிறது.

சொப்பன சுந்தரி

Aishwarya Rajesh completes Soppana Sundari movie shoot

More Articles
Follows