சீனுராமசாமியின் ‘கண்ணே கலைமானே’ படத்தில் உதயநிதி-தமன்னா

சீனுராமசாமியின் ‘கண்ணே கலைமானே’ படத்தில் உதயநிதி-தமன்னா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Udhayanidhi stalin romance with Tamannah for Kanne Kalaimane movieசீனு ராமசாமி இயக்கிய ‘நீர்ப்பறவை’ படத்தை தயாரித்தவர் உதயநிதி ஸ்டாலின்.

தற்போது இவர்கள் மீண்டும் இணையவுள்ளனர்.

இந்த முறை உதயநிதி நாயகனாக இணைய, சீனுராமசாமி படத்தை இயக்கவிருக்கிறார்.

இப்படத்திற்கு ‘கண்ணே கலைமானே’ என தலைப்பு வைக்கப்பட்டுள்ளதாக தகவல்கள் வந்துள்ளன.

இப்படத்தில் நாயகியாக நடிக்க தமன்னாவிடம் பேச்சுவார்த்தை நடந்து வருகிறதாம்.

தர்மதுரை படத்தில் தமன்னாவுக்கு நல்ல பெயரை வாங்கி கொடுத்தவர் சீனுராமசாமி என்பது குறிப்பிடத்தக்கது.

ஒளிப்பதிவாளராக ஜலந்தர் என்பவர் அறிமுகமாகிறார். இவர் ஒளிப்பதிவாளர் எஸ்.ஆர்.கதிரிடம் பணிபுரிந்தவர் என்பது குறிப்பிடத்தக்கது.

இவர்களுடன் சூரி, ஆர்.கே.சுரேஷ் ஆகியோர் இணையவுள்ளதாகவும் உதயநிதி விவசாயி ஆக நடிக்கவுள்ளதாக கூறப்படுகிறது.

விஜய்சேதுபதியை வைத்து ‘மாமனிதன்’ என்ற படத்தை இயக்கி வரும் சீனுராமசாமி இந்த படத்தை 2018 ஜனவரி 19ல் தொடங்கவிருக்கிறார்.

Udhayanidhi stalin romance with Tamannah for Kanne Kalaimane movie

விக்ரம்-சூர்யா மோதல் களத்தில் குதிக்கும் அரவிந்த்சாமி-பிரபுதேவா

விக்ரம்-சூர்யா மோதல் களத்தில் குதிக்கும் அரவிந்த்சாமி-பிரபுதேவா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Arvind Samy and Prabu deva clash with Suriya and Vikram in Pongal 2018வருடத்திற்கு எத்தனை பண்டிகை வந்தாலும் பெரும்பாலான படங்கள் பொங்கல் தினத்தை குறிவைக்க தவறுவதில்லை.

இதற்கு முக்கிய காரணம் தொடர்ந்து 4,5 நாட்கள் விடுமுறை வருவதே.

அடுத்த ஆண்டு 2018 பொங்கல் அன்று வெளியாக உள்ளதாக சில படங்கள் ஏற்கெனவே அறிவிக்கப்பட்டுள்ளன.

சூர்யா நடித்துள்ள ‘தானா சேர்ந்த கூட்டம்’, விக்ரம் நடிக்கும் ‘ஸ்கெட்ச்’, பிரபுதேவா நடிக்கும் ‘குலேபகாவலி’, அனுஷ்கா நடிக்கும் ‘பாக்மதி’ ஆகிய படங்கள் பொங்கல் வெளியீடாக வரவுள்ளன.

தற்போது இந்த மோதல் களத்தில் அரவிந்த்சாமி நடித்துள்ள ‘பாஸ்கர் ஒரு ராஸ்கல்’ படமும் இணைந்துள்ளது.

இத்துடன் இன்னும் சில படங்கள் இணைந்தாலும் ஆச்சரியப்படுவதற்கில்லை.

Arvind Samy and Prabu deva clash with Suriya and Vikram in Pongal 2018

சிவகார்த்திகேயன் படத்திற்கு பதிலாக சந்தானம் படம்; பிரபல தியேட்டர் அறிவிப்பு

சிவகார்த்திகேயன் படத்திற்கு பதிலாக சந்தானம் படம்; பிரபல தியேட்டர் அறிவிப்பு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

santhanam and sivakarthikeyanகிறிஸ்துமஸ் பண்டிகையை முன்னிட்டு வருகிற டிசம்பர் 22ஆம் தேதி சிவகார்த்திகேயன் நடித்துள்ள வேலைக்காரன் மற்றும் சந்தானம் நடித்துள்ள சக்க போடு போடு ராஜா திரைப்படங்கள் ரிலீஸ் ஆகிறது.

இந்த இரு படங்களுக்கும் பலத்த எதிர்பார்ப்பு உள்ளதால், படத்தை வெளியிட தியேட்டர்களிடையே போட்டி நிலவுகிறது.

இந்நிலையில் சென்னையில் உள்ள பிரபலமான ரோகினி தியேட்டரில் வேலைக்காரன் படத்தை வெளியிட மாட்டோம் என அதிரடியாக அறிவித்துள்ளனர்.

விநியோகஸ்தர்களிடையே ஏற்பட்ட கருத்து வேறுபாட்டால் இந்த முடிவை எடுக்க வேண்டியுள்ளதாக அவர்கள் தெரிவித்துள்ளனர்.

மற்றொரு ட்விட்டர் பதிவில் சந்தானம் நடித்துள்ள சக்க போடு போடு ராஜா படத்தை திரையிட உள்ளதாக அறிவித்துள்ளனர்.

Nikilesh Surya‏ @NikileshSurya

Actor @Siva_Kartikeyan #Velaikkaran will not see a release @RohiniSilverScr due to distributor non cooperation. #Aruvi continues with 4sh!

Nikilesh Surya‏ @NikileshSurya

Nikilesh Surya Retweeted Nikilesh Surya

Schedule for all other releases will go live shortly. Santhanam starrer #SPPR will play in the main screen now!

ஷங்கர்-கமல் கூட்டணியில் இணைந்த அனிருத்-முத்துராஜ்

ஷங்கர்-கமல் கூட்டணியில் இணைந்த அனிருத்-முத்துராஜ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

anirudh and muthurajஷங்கர் இயக்கத்தில் ஏஎம் ரத்னம் தயாரித்த படம் இந்தியன்.

கமல்ஹாசன் இரு வேடங்களில் நடித்திருந்த இப்படத்திற்கு ஏஆர். ரஹ்மான் இசையமைத்திருந்தார்.

இந்நிலையில் இதன் இரண்டாம் பாகம் தற்போது உருவாகவுள்ளது.

இப்படத்தை பிரபல தெலுங்கு தயாரிப்பாளர் தில் ராஜூ தயாரிக்கவுள்ளதாக கூறப்படுகிறது.

இந்நிலையில் இப்படத்திற்கு அனிருத் இசையமைக்கவுள்ளதாக தகவல்கள் வந்துள்ளன.

மேலும் பிரபல ஆர்ட் டைரக்டரான முத்துராஜ் அவர்களும் இதில் இணைந்துள்ளாராம்.

இவர் வேலைக்காரன் படத்திலும் பணியாற்றியுள்ளார் என்பது குறிப்பிடத்தக்கது.

ராபின் வில்லியம்ஸிற்கு அஞ்சலி செலுத்தும் ஜுமாஞ்சி; டிசம்பர் 29ல் ரிலீஸ்

ராபின் வில்லியம்ஸிற்கு அஞ்சலி செலுத்தும் ஜுமாஞ்சி; டிசம்பர் 29ல் ரிலீஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Jumanji Welcome to the Jungle release on 29th December 2017Joe Johnston-இன் நேர்த்தியான இயக்கத்தில், 1995 ஆம் ஆண்டு வெளியாகி வசூலில் ஒரு புதிய புரட்சியையே உருவாக்கிய ஜுமாஞ்சி எனும் திரைப்படம் நினைவிருக்கலாம்.

Chris Van Allsburg, 1981-ஆம் ஆண்டு எழுதி வெளியாகிய குழந்தைகளுக்கான ஒரு நாவலை மையமாக வைத்து உருவாக்கப்பட்டிருந்த திரைப்படமது!

அப்படம் வெளி வருவதற்கு சற்று முன்னர் இறந்து விட்ட அப்படத்தின் விசேட காட்சிகளின் சிருஷ்டிகர்த்தா Stephen L.Price-இன் நினைவாக அப்படம் அர்ப்பணிக்கப்பட்டது குறிப்பிடத்தக்கது.

2005இல், ஏறக்குறைய அதே கதைக்களத்தில், ‘Zathura – A Space Adventure’ வெளியானது. 1995 படத்தில் நடித்த, மறைந்த மாபெரும் நடிகர் ராபின் வில்லியம்ஸ், Alam Parrish என்கிற கதாபாத்திரத்தில் நடித்திருந்தார்.

JUMANJI – Welcome to the Jungle என்கிற இப்புதிய பதிப்பு, 2014 ஆம் ஆண்டு இறந்து விட்ட ராபின் வில்லியம்ஸிற்கு அஞ்சலி செலுத்தும் வகையில் உருவாக்கப்பட்டுள்ளது என்பது குறிப்பிடத்தக்கது.

Dr. Smolder Bravestone என்கிற ஒரு கதாபாத்திரத்தில் Dwayne Johnson நடித்துள்ள இப்படத்தில், Spencer Miller-ஆக Alex Wolff, Shelly Oberon ஆக Jack Black, Bethany White ஆக Madison Iseman மற்றும் Franklin Finbar வேடத்தில் Kevin Hart ஆகியோர் நடித்துள்ளனர்.

ஒரு பள்ளியில், சில மாணவர்கள், சுத்தப்பணியில் ஈடுபடும் போது, ஓர் அறையில் Jumanji என்கிற ஒரு வீடியோ கேமின் வழியாக ஒரு காட்டுப் பகுதியைச் சென்றடைகின்றனர்!

அக்காட்டினில் அவர்களது அனுபவங்களும் அவற்றின் மூலமாக அவர்கள் அடையப் பெறும் படிப்பினைகளுமே படத்தின் சாரம்!

இருபது வருடங்களுக்கு முன்னர் வெளியாகிய JUMANJI படத்தில் ஒரு விளையாட்டும், அதை விளையாடுபவர்கள் எதிர்கொள்ளும் அனுபவங்களுமே அடிப்படை.

அவ்விளையாட்டு, இதில் புதியதொரு அனுபவமாக ஒரு வீடியோ கேமாக (Video Game) சித்தரிக்கப்பட்டுள்ளது. இவ்விளையாட்டில் ஈடுபட்டவர்கள் இறுதி வரை பங்கேற்க வேண்டும்! அதுவே விளையாட்டின் விதிமுறை!

Henry Jackman இசையமைத்துள்ளார். Gyula Pados ஒளிப்பதிவு செய்துள்ளார். Sony Pictures-இன் உருவாக்கம் இப்படம்.

Jumanji Welcome to the Jungle release on 29th December 2017

jumanji

என் படத்தையும் மீம்ஸால் கலாய்ப்பது சந்தோஷம்தான்… வெங்கட்பிரபு

என் படத்தையும் மீம்ஸால் கலாய்ப்பது சந்தோஷம்தான்… வெங்கட்பிரபு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Meme Marathon 21000 memes created within 3 hoursசென்னையில் நடைபெற்ற மீம்ஸ் மாரத்தான் போட்டியில் மூன்று மணி நேரத்தில் 21,619 மீம்ஸ்களை உருவாக்கி சாதனை படைக்கப்பட்டுள்ளது.

அச்சு ஊடகங்களான பத்திரிகைகளில் வெளியாகும் கேலிசித்திரங்களுக்கு என சென்ற தலைமுறையில் தனி வாசகர் வட்டமும், ரசிகர் கூட்டமும் இருந்தது.

இன்றைய டிஜிட்டல் யுகத்தில் கேலிசித்திரங்கள், மீம்ஸ்கள் என பெயர்மாற்றம் பெற்று உலா வருகிறது.

இதற்கென தனிஅடையாளமும், ஏராளமான லைக்குகளும் கிடைத்து வருகிறது. இதனை ஆயிரக்கணக்கான இளைய தலைமுறையினர் உருவாக்கி, இணையப் புரட்சியையும், சமுதாயப் புரட்சியையும் செய்து வருகிறார்கள்.

இந்நிலையில் இவர்களை ஒன்றிணைத்து, சாதனையாளர்களாக மாற்றவேண்டும் என்ற எண்ணம் ‘த சைட் மீடியா ’ என்ற தனியார் நிறுவனத்தை நடத்தி வரும் லோகேஷ் என்பவருக்கு உருவானது.

இவரின் அரிய முயற்சியால் ‘மீம்ஸ் மாரத்தான் ’ என்ற பெயரில் போட்டி ஒன்று சென்னையில் நடைபெற்றது.

இது குறித்து இந்த போட்டியின் ஒருங்கிணைப்பாளரான லோகேஷ் பேசும் போது,‘ மீம்ஸ்கள் இன்றைய இளைஞர்களின் மனக்குரல். சென்னையை வெள்ளம், வர்தா புயல் என எத்தகைய இயற்கை பேரிடர் பாதிப்புகள் வந்தாலும் அல்லது ஜல்லிக்கட்டு போன்ற கலாச்சார ரீதியிலான உரிமைக்காக போராட்டம் நடைபெற்றாலும் அது குறித்த நேர்மறையாகவும், பொறுப்புணர்வுடனும் மீம்ஸ்களை உருவாக்கி இதனை வெற்றிப் பெற செய்ததில் இவர்களுக்கும் பங்கிருக்கிறது.

அத்துடன் இவர்களுக்கும் உலக அளவில் சாதனையாளர்கள் என்ற அங்கீகாரம் கிடைக்கவேண்டும் என்று விரும்பியதால் உருவானது தான் ‘மீம்ஸ் மாரத்தான்’ என்ற எண்ணம்.

இதனை சாதாரணமாகத்தான் நாங்கள் நினைத்து தொடங்கினோம். இது குறித்த விளம்பரம் ஒன்றையும் வெளியிட்டோம்.

ஆனால் நாங்கள் எதிர்பார்க்காத வகையில் சுமார் ஆறாயிரம் பேர் இதற்காக தங்கள் பெயரை பதிவு செய்து கொண்டனர். நாங்கள் இந்த போட்டிக்காக சில நிபந்தனைகளையும் விதித்திருந்தோம்.

அதையும் ஏற்றுக் கொண்டு, கிட்டத்தட்ட 4,300 பேர் இந்த சாதனை மாரத்தானில் பங்கேற்றார்கள். இதில் 2,500 பேர் முழுமையாக மூன்று மணி நேரமும் மீம்ஸ்களை கற்பனை வளத்துடன் தயாரித்து அளித்துக்கொண்டேயிருந்தார்கள்.

இவர்களின் அயராத உழைப்பால் நாங்கள் எதிர்பார்த்ததை விட அதிகமாக 21,619 மீம்ஸ்களை உருவாக்கி ஏசியா புக் ஆஃப் ரெக்கார்ட்ஸ் சாதனை படைத்திருக்கிறார்கள். இந்த சாதனையாளர்கள் அனைவரையும் நாங்கள் பாராட்டுகிறோம். எங்களுக்கு ஆதரவளித்த அனைவருக்கும் நன்றி தெரிவிக்கிறோம்.’ என்றார்.

இந்த மீம்ஸ் மாரத்தான் போட்டித் தொடர்பாக நடைபெற்ற விழாவில் இயக்குநர் வெங்கட்பிரபு சிறப்பு விருந்தினராக கலந்துகொண்டு ஏசியா புக் ஆஃப் ரெக்கார்ட்ஸ் வழங்கிய சாதனை பத்திரத்தை, இதனை முன்னின்று நடத்திய ‘த சைட் மீடியா ’நிறுவனத்தாரிடம் வழங்கினார்.

இவ்விழாவில் இயக்குநர் வெங்கட்பிரபுடன் பார்ட்டி படக்குழுவைச் சேர்ந்த நடிகர் கயல் சந்திரன், நடிகை சஞ்சிதா ஷெட்டி ஆகியோரும், சென்னை டூ சிங்கப்பூர் படக்குழுவினருடன் அதன் தயாரிப்பாளரும் இசைமைப்பாளருமான ஜிப்ரான், நடிகர் ஆர் ஜே பாலாஜி, மீம்ஸ் கிரியேட்டர்களாக புகழ் பெற்ற கோபு மற்றும் சுதாகர், திரைப்பட விமர்சனர் பிரசாந்த் ஆகியோரும் கலந்து கொண்டனர்.

இயக்குநர் வெங்கட்பிரபு பேசுகையில்…

‘மீம்ஸ் கிரியேட்டர்கள் தங்களின் சமூக பொறுப்பை உணர்ந்து செயல்படுகிறார்கள். இதற்காக அவர்களை மனதாரப் பாராட்டுகிறேன். அவர்களின் சிந்தனை வேகம் என்னை ஆச்சரியப்படவைக்கிறது.

என்னுடைய அடுத்தப்படத்தில் அவர்களையும் கலாய்க்க எண்ணியிருக்கிறேன். என்னுடைய பார்ட்டி பட டிரைலரை மீம்ஸ் கிரியேட்டர்கள் கலாய்த்து இங்கு திரையிட்டதை நான் சந்தோஷமாக ஏற்றுக் கொள்கிறேன்.’ என்றார்.

நடிகர் ஆர் ஜே பாலாஜி பேசுகையில்,‘இன்றைய தேதியில் கையில் ஒரு மொபைல் இருந்தால் போதும். என்ன வேண்டுமானாலும் செய்யலாம். அதிலும் மீம்ஸ் கிரியேட்டர்களால் ஒரு சமுதாயத்தில் மாற்றம் உருவாக்க முடியும்.

அதே சமயத்தில் மீம்ஸ் கிரியேட்டர்கள் தனி மனித தாக்குதலை விடுத்து, பொதுவான விசயங்களில் தங்களின் எண்ணத்தை கற்பனையுடன் இணைத்து ஆரோக்கியமான மீம்ஸ்களை உருவாக்கவேண்டும் என்று கேட்டுக்கொள்கிறேன்.’ என்றார்.

விழாவில் ஏசியா புக் ஆஃப் ரெக்கார்ட்ஸ் நிறுவனத்தின் பிரதிநிதியான விவேக் அவர்கள் மீம்ஸ் மாரத்தானில் நிகழ்த்தப்பட்ட சாதனை குறித்த அறிவிப்பை புள்ளிவிவரங்களுடன் வெளியிட்டார்.

Meme Marathon 21000 memes created within 3 hours

meme marathon

More Articles
Follows