பாங்காங்கில் ‘பனாரஸ்’ பட பாடல்.; இளைஞர்களுக்கான ட்ரோல் சாங்

பாங்காங்கில் ‘பனாரஸ்’ பட பாடல்.; இளைஞர்களுக்கான ட்ரோல் சாங்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஜெயந்திரா இயக்கத்தில், சயத் கான் மற்றும் சோனால் மாண்டெய்ரோ நடித்துள்ள பான் இந்தியா படமான ‘பனாரஸ்’ வருகிற நவம்பர் மாதம் 4ம் தேதி தமிழ், தெலுங்கு, கன்னடா, மலையாளம் மற்றும் இந்தி என ஐந்து மொழிகளில் வெளியாக இருக்கிறது.

இப்போது ‘பனாரஸ்’ படத்தில் இருந்து ட்ரோல் என தலைப்பிடப்பட்டுள்ள புதிய பார்ட்டி பாடல் வெளியாகியுள்ளது.

அஜ்னேஷ் லோக்நாத் இசையமைத்துள்ள இந்த பாடலை ஜெஸ்ஸீ கிஃப்ட் பாடியுள்ளார்.

ஜெஸ்ஸீ கிஃப்ட்டின் கிறங்கடிக்கும் குரல் பார்ட்டி பாடலுக்கு கூடுதல் சிறப்பு சேர்த்துள்ளது. இளைஞர்கள் பார்ட்டியில் நிச்சயம் இந்த பாடலும் இனி இடம் பிடிக்கும். பாடலில் இடம்பெற்றுள்ள ‘பணம் முக்கியமில்லை’ என்ற பன்ச் லைன் இப்போது ரசிகர்கள் மத்தியில் ட்ரெண்டிங்கில் உள்ளது.

’பனாரஸ்’ திரைப்படம் ஒரு புதிரான காதல் கதையை கொண்டது. படத்தின் புரோமோஷன் மற்றும் விளம்பர உத்திகள் மக்களிடையே படம் குறித்தான எதிர்ப்பார்ப்பை ஏற்படுத்தியுள்ளது.

ஏற்கனவே படத்தின் மோஷன் போஸ்டர் மற்றும் இரண்டு பாடல்கள் வெளியாகியுள்ளது.

இந்த நிலையில் தற்போது ட்ரோல் பார்ட்டி பாடல் ‘லஹாரி’ யூடியூப் சேனலில் வெளியாகியுள்ளது.

மேலும் இந்த பாடல் சையத் கானின் நடனத் திறமையை வெளிக்கொண்டு வந்திருப்பதுடன் கேட்பவர்களுக்கும் உற்சாகத்தை ஏற்படுத்தும் வகையில் அமைந்திருக்கிறது.

பாங்காங்கில் ஒரு பெரிய கூட்டத்தில் இளைஞர்களை உற்சாகப்படுத்தும் வகையில் இந்த பாடல் படமாக்கப்பட்டுள்ளது. யூடியூப் தளத்தில் இந்த பாடலுக்கு நல்ல வரவேற்பு கிடைத்து வருகிறது. வரும் நாட்களில் யூடியூப் தளத்தில் நிச்சயம் இந்த பாடல் சாதனை படைக்கும்.

உபேந்திரா – கிச்சா சுதீப் இணைந்த ‘கப்ஜா’ பட டீசரை வெளியிட்ட ‘பாகுபலி’ பிரபலம்

உபேந்திரா – கிச்சா சுதீப் இணைந்த ‘கப்ஜா’ பட டீசரை வெளியிட்ட ‘பாகுபலி’ பிரபலம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கன்னட திரையுலகின் முன்னணி நட்சத்திர நடிகர்களான உபேந்திரா மற்றும் கிச்சா சுதீப் கதையின் நாயகர்களாக நடித்திருக்கும் படம் ‘கப்ஜா’.

இந்த படத்தின் டீசர் வெளியாகி இருக்கிறது. ரியல் ஸ்டார் உபேந்திராவின் பிறந்த நாளை முன்னிட்டு, இப்படத்தின் டீசரை ‘பாகுபலி’ படப் புகழ் நடிகர் ராணா டகுபதி வெளியிட்டிருக்கிறார்.

வெளியான குறுகிய கால அவகாசத்தில் பெரும் வரவேற்பைப் பெற்றிருக்கிறது.

கன்னட திரையுலகிலிருந்து ‘கே ஜி எஃப் 1 & 2 ‘, ‘777 சார்லி’, ‘விக்ராந்த் ரோணா’ என பிரம்மாண்டமான பட்ஜெட்டில் தயாரான படைப்புகள் வெளியாகி, கோடிக்கணக்கிலான வசூலை குவித்து வருவதால் ஒட்டுமொத்த இந்திய திரையலகின் கவனமும் தற்போது கன்னட திரையுலகின் மீது திரும்பி இருக்கிறது.

இங்கு நட்சத்திர நடிகர்களாக ரசிகர்களின் பேராதரவுடன் உலா வரும் நடிகர்கள் உபேந்திரா மற்றும் கிச்சா சுதீப் இணைந்து நடிக்கும் ‘கப்ஜா’ படத்திற்கு இந்தியா முழுவதும் பெரும் எதிர்பார்ப்பு எழுந்திருக்கிறது.

அதற்கேற்ற வகையில் இந்த திரைப்படம் கன்னடத்தில் மட்டும் அல்லாமல் தமிழ், தெலுங்கு, இந்தி, மலையாளம், மராத்தி, ஒரியா என ஏழு இந்திய மொழிகளில் பிரம்மாண்டமாக வெளியாகிறது.

கேங்ஸ்டர் வித் ஆக்சன் திரில்லர் ஜானரில் தயாராகியிருக்கும் இந்த படத்தை ஸ்ரீ சித்தேஸ்வரா எண்டர்பிரைசஸ் எனும் பட நிறுவனம் சார்பில் தயாரிப்பாளர் ஆர் சந்திரசேகர் பிரம்மாண்டமான பொருட்செலவில் தயாரித்திருககிறார்.

இந்த படத்தில் நடிகர்கள் உபேந்திரா மற்றும் கிச்சா சுதீப்புடன் நடிகை ஸ்ரேயா சரண், நடிகர்கள் முரளி ஷர்மா, ஜான் கொக்கேன், நவாப் ஷா, பிரகாஷ் ராஜ் , ஜகபதி பாபு, கோட்டா சீனிவாச ராவ், கபீர் துஹான் சிங், பொமன் இரானி, சுதா, தேவ் கில், எம். காமராஜ் உள்ளிட்ட பலர் நடித்திருக்கிறார்கள்.

ஏ. ஜெ. ஷெட்டி ஒளிப்பதிவு செய்திருக்கும் இந்த படத்திற்கு கே. ஜி எஃப் படப்புகழ் இசையமைப்பாளர் ரவி பஸ்ரூர் இசையமைத்திருக்கிறார். படத் தொகுப்பு பணிகளை மகேஷ் ரெட்டி கவனிக்க, சண்டைக்காட்சிகளை ரவி வர்மா, விஜய், விக்ரம் மோர், வினோத் என நான்கு சண்டைப் பயிற்சி இயக்குநர்கள் இயக்கியிருக்கிறார்கள்.

கன்னட திரை உலகின் முன்னணி இயக்குநரான ஆர். சந்துரு இயக்கத்தில் தயாராகி இருக்கும் ‘கப்ஜா’ திரைப்படத்தின் டீசர், நடிகர் உபேந்திராவின் பிறந்தநாளையொட்டி இணையத்தில் வெளியிடப்பட்டது.

இதனை நடிகர் உபேந்திராவின் ரசிகர்களும், நடிகர் கிச்சா சுதீப்பின் ரசிகர்களும், கன்னட திரையுலக ரசிகர்களும் இணையத்தில் கொண்டாடி வருகிறார்கள்.

டீசருக்கு கிடைத்து வரும் பேராதரவை கண்டு உற்சாகமடைந்த படக்குழுவினர், ‘கப்ஜா’ படத்தின் வெளியீட்டு தேதி விரைவில் அறிவிக்கப்படும்’ என தெரிவித்திருக்கிறார்கள்.

படத்தைப் பற்றி இயக்குநர் பேசுகையில்…

“ 1947 ஆம் ஆண்டில் இந்திய சுதந்திர போராட்ட வீரர் ஒருவர் கொடூரமாக தாக்கப்படுகிறார். அவருடைய மகன் தவிர்க்கமுடியாத காரணங்களால் மாஃபியா கும்பலிடம் சிக்கிக் கொள்கிறார்.

அதன் பிறகு என்ன நடந்தது? என்பதை விறுவிறுப்பாக சொல்லியிருக்கும் பிரம்மாண்டமான படைப்பு தான் ‘கப்ஜா’. இந்த படத்திற்கு ‘தி ரைஸ் கேங்ஸ்டர் இன் இந்தியா’ எனும் டாக் லைனும் இணைக்கப்பட்டிருக்கிறது.

அதாவது இந்தியாவில் சுதந்திரத்திற்கு பிறகு குற்றச்சம்பவங்களுக்கான சட்டவிரோத நிழல் உலக தாதாக்கள் உதயமான வரலாற்றையும் இதில் பேசியிருக்கிறோம். ” என்றார்.

‘கே ஜி எஃப் 1 & 2 படத்தின் வெற்றிக்கு இசையமைப்பாளர் ரவி பஸ்ரூரின் பங்களிப்பும் ஒரு காரணம். இந்நிலையில் ‘கப்ஜா’ படத்திற்கும் ரவி பஸ்ரூர் இசையமைத்திருப்பதால், ரசிகர்களின் எதிர்பார்ப்பு பன்மடங்கு அதிகரித்திருக்கிறது.

‘கே ஜி எஃப்’ படத்தின் வெற்றிக்குப் பிறகு கன்னட திரையுலகம் புதிய வீரியத்துடன் வித்தியாசமான படைப்புகளை இந்திய அளவில் வழங்கி வருகிறது.

Kabzaa Movie Teaser Released

Rana Daggubati has come forward to release the teaser of ‘Kabzaa’ on the occasion of Kannada star Upendra’s Birthday!

The intense epic about Rise of Gangsters in India. Meet the dashing heroes @nimmaupendra & @KicchaSudeep amuse you with their charisma in #Kabzaa releasing in Kannada, Hindi, Tamil, Telugu, Malayalam, Oriya and Marathi.

Directed by @rchandru_movies

A @RaviBasrur Musical

#KabzaaTeaser is out now.

#SriSiddeshwaraEnterprises @MTBNagaraj @shriya1109 @aanandaaudio @SillyMonks @digitallynow @PRO_SVenkatesh @vamsikaka @UpadhyayHema @ProSrivenkatesh @vvipink

2 சூப்பர் ஹீரோயின்ஸுடன் ‘காதல் கொஞ்சம் தூக்கலா..’ கலக்கும் காளிதாஸ்

2 சூப்பர் ஹீரோயின்ஸுடன் ‘காதல் கொஞ்சம் தூக்கலா..’ கலக்கும் காளிதாஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சித்தார்த் அமலா பால் ஜோடியாக நடித்த ‘காதலில் சொதப்புவது எப்படி?’ படத்தின் மூலம் இயக்குநராக அறிமுகமானார் பாலாஜி மோகன்.

இதன்பின்னர் துல்கர் சல்மான் நடித்த ‘வாயை மூடிப் பேசவும்’ என்ற படத்தை இயக்கினார்.

இந்தப் படங்களுக்குப் பிறகு தனுஷை வைத்து இயக்கிய மாரி மற்றும் மாரி 2 ஆகிய படங்கள் பாலாஜி மோகனுக்கு பெரிய அடையாளத்தை கொடுத்தது.

பிறகு பாலிவுட்டில் கிளிக் சங்கர் என்ற த்ரில்லர் படத்தை இயக்கி அங்கு அறிமுகமாகிறார் பாலாஜி மோகன் என அறிவிப்பு வெளியானது.

இந்த நிலையில் தற்போது மீண்டும் தன் முதல் பட நாயகி அமலா பால் உடன் இணைந்துள்ளார் பாலாஜி மோகன்

அமலா, காளிதாஸ், துஷாரா நடிக்கும் ‘காதல் கொஞ்சம் தூக்கலா’ என்ற படத்தை இயக்கி வருகிறார் பாலாஜி மோகன்.

தர்புகா சிவா இசையமைத்து வருகிறார் இதன் படப்பிடிப்பு தற்போது லண்டனில் நடைபெற்று வருகிறது.

இந்த படத்தை நடிகை ஷர்மிளா மந்த்ரே தயாரித்து வருகிறார்.

‘கிருஷ்ண விருந்தா விஹாரி’ படத்திற்காக பாதயாத்திரை செல்லும் படக்குழுவினர்

‘கிருஷ்ண விருந்தா விஹாரி’ படத்திற்காக பாதயாத்திரை செல்லும் படக்குழுவினர்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்தியத் திரையுலகில் முதல் முறையாக – ‘கிருஷ்ணா விருந்தா விஹாரி’ படத்தின் விளம்பரப் பணிகள் “பாத யாத்ரா” மூலம் நடந்து வருகிறது.

நடிகர்கள் தங்கள் திரைப்படங்களை விளம்பரப்படுத்துவதில் அதிக ரிஸ்க் எடுப்பதில்லை, இருப்பினும் அவர்கள் வழக்கமான அல்லது தனித்துவமான விளம்பர நிகழ்வுகளில் பங்கேற்கிறார்கள்.

ஆனால், இம்மாதம் 23ஆம் தேதி திரையரங்குகளில் வெளியாகும் தனது ‘கிருஷ்ண விருந்தா விஹாரி’ படத்திற்கு மிகப்பெரிய மைலேஜ் தர வேண்டும் என்று ரிஸ்க் எடுக்க முடிவு செய்துள்ளார் நாக சௌர்யா.

திருப்பதியில் இருந்து விசாகப்பட்டினம் வரை மொத்தம் 7 நாட்கள் சுற்றுப்பயணம் மேற்கொள்ள படக்குழு திட்டமிட்டுள்ளது.

அவர் எடுத்த ரிஸ்க் ஆந்திராவில் மாநிலம் தழுவிய பாதயாத்திரை. இது திருப்பதியில் ஆரம்பித்து இப்போது விஜயவாடாவை (நாள் 3) அடைந்துள்ளது.

மழை பெய்தாலும் நாக சௌர்யா ஓய்வு எடுக்கவில்லை. பார்ப்பவர்கள், ‘சௌர்யா, என்ன ஒரு அர்ப்பணிப்பு!’ என்கிறார்கள்.

ஐரா கிரியேஷன்ஸ் சார்பில் உஷா முல்பூரி தயாரித்துள்ள இப்படத்தை அனிஷ் ஆர் கிருஷ்ணா இயக்கியுள்ளார். ஷெர்லி செட்டியா கதாநாயகியாக நடித்துள்ளார்.

விரைவில் இந்த படம் வெளியாக உள்ளது.

Krishna Vrinda Vihari

Krishna Vrinda Vihari

Krishna Vrinda Vihari

VERTIGE வெப் சீரிஸ் அஞ்சலி சோனியா SPB சரண் நடிப்பில் FALL ஆனது

VERTIGE வெப் சீரிஸ் அஞ்சலி சோனியா SPB சரண் நடிப்பில் FALL ஆனது

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

டிஸ்னி+ ஹாட்ஸ்டார் புதிதாக வரவிருக்கும் ஹாட்ஸ்டார் ஸ்பெஷல் தொடரான ‘ஃபால்’ (Fall) வெப் சீரிஸின் ஃபர்ஸ்ட் லுக்கை வெளியிட்டுள்ளது.

இந்த புதிய வெப் சீரிஸில், தமிழ் திரையுலகின் முன்னணி நட்சத்திர நடிகர்கள் பலர் நடித்துள்ளனர்.

நடிகை அஞ்சலி, எஸ்பிபி சரண், சோனியா அகர்வால், சந்தோஷ் பிரதாப், நமிதா கிருஷ்ணமூர்த்தி, தலைவாசல் விஜய் மற்றும் பூர்ணிமா பாக்யராஜ் உள்ளிட்ட பல முன்னணி நட்சத்திரங்கள் இத்தொடரில் நடித்துள்ளனர்.

திவ்யா என்ற இளம் பெண்ணிற்கு தான் தற்கொலைக்கு முயன்ற 24 மணி நேர சம்பவங்கள் மட்டுமே ஞாபகத்தில் உள்ளது.

யாரையும் நம்ப முடியாத சூழ்நிலையில் இருக்கும் அவள், உண்மையில் என்ன நடந்தது என்பதையும், தன் நண்பர்கள் உறவினர்கள் பற்றிய உண்மைகளையும் தேடுகிறாள்.

மேலும், அவளின் மறந்து போன நினைவுகளிலிருந்து முழுமையான நிகழ்வுகளை கண்டுபிடிக்க முயல்கிறாள்.

‘ஃபால்’ (Fall) தொடரை இயக்குவதுடன் ஒளிப்பதிவும் செய்கிறார் இயக்குநர் சித்தார்த் ராமசாமி. அஜேஷ் இசையமைக்க, படத்தொகுப்பை கிஷன் C செழியன் கவனிக்கிறார்.

‘ஃபால்’ தொடர் ITV company நிறுவனமான Armoza Formats விநியோகம் செய்த, Productions Pixcom Inc நிறுவனத்தால் தயாரிக்கப்பட்டு, மைக்கேல் ஆலன் எழுத்தில், விருது பெற்ற “வெர்டிஜ்” எனும் கனடிய வெப் சீரிஸின் அதிகாரப்பூர்வ ரீமேக்காகும்.

‘வெர்டிஜ்’ (Vertige) என்ற விருது பெற்ற கனடிய மினி வெப் சீரிஸின் அதிகாரப்பூர்வ ரீமேக்கை, பனிஜய் ஆசியா தயாரித்துள்ளார்

‘வெந்து தணிந்தது காடு’ படத்தின் இரண்டு நாள் வசூல் இத்தனை கோடியா?

‘வெந்து தணிந்தது காடு’ படத்தின் இரண்டு நாள் வசூல் இத்தனை கோடியா?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

எழுத்தாளர் ஜெயமோகன் எழுதிய கதையை தழுவி எடுக்கப்பட்ட படம் ‘வெந்து தணிந்தது காடு’.

உடல் எடையை குறைத்து வித்தியாசமான தோற்றத்தில் சிம்பு நடித்திருந்த இந்த படத்தை கௌதம் வாசுதேவன் மேனன் இயக்கியிருந்தார்.

சித்தி இத்னானி நாயகியாக நடிக்க ராதிகா, மலையாள நடிகர் சித்திக், அப்புக்குட்டி உள்ளிட்ட பலரும் நடித்துள்ளனர்.

இந்த படம் ரூ.30 கோடி பட்ஜெட்டில் உருவானதாக சொல்லப்படுகிறது.

இப்படத்திற்கு ஏ.ஆர்.ரஹ்மான் இசையமைக்க ஐசரி கணேசன் தயாரித்து இருந்தார்.

செப்டம்பர் 15 நேற்று முன்தினம் திரையரங்குகளில் இப்படம் வெளியானது.

இந்நிலையில், முதல் நாளில் ரூ.11 கோடி வசூலை ஈட்டியதாகவும் 2வது நாளில் ரூ.8 கோடி வசூலித்துள்ளதாகவும் கூறப்படுகிறது.

More Articles
Follows