அருவி நாயகி அதிதி அன்பாக பழகினார்… நெகிழும் திருநங்கை அஞ்சலி

அருவி நாயகி அதிதி அன்பாக பழகினார்… நெகிழும் திருநங்கை அஞ்சலி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

transgender anjaliஅருவி படம் அண்மையில் வெளியாகி அனைத்து தரப்பு மக்களையும் கவர்ந்துள்ளது.

இதில் அருவி கேரக்டர் உடன் திருநங்கை எமிலி கேரக்டரில் அஞ்சலி என்பவர் நடித்துள்ளார். அவர் தன் பட அனுபவங்கை இங்கே பகிர்கிறார்.

நானும் (திருநங்கை அஞ்சலி) இன்னொரு திருநங்கையும் அருவி திரைப்படத்தின் நடிகர் – நடிகையர் தேர்வுக்கு (ஆடிசன்) சென்றிருந்தோம்.

இருவரையும் நடித்து காட்ட சொன்னார்கள் நடித்து காட்டினோம். ஒரு மாதம் கழித்து நீங்கள் தான் இந்த படத்தில் நடிக்க தேர்வாகியுள்ளீர்கள் என்று சொன்னார்கள்.

ரொம்ப சந்தோஷமாக இருந்தது அதே சமயம் கொஞ்சம் பயமாகவும் இருந்தது.

ஒவ்வொரு மாதமாக என் கதாப்பாத்திரத்திற்கு ஏற்றது போல் எனக்கு பயிற்சி கொடுத்தார்கள். பட பிடிப்பு தளத்தில் நான் திருநங்கை என்ற பாகுபாடு பார்க்காமல் அனைவரும் நட்பாக பழகினார்கள்.

சில காட்சிகளில் எனக்கு நடிப்பு வரவில்லை அதை இயக்குநர் ஒரு முறைக்கு பத்து முறை முயற்சி பண்ணுங்கள் என்று தட்டி கொடுத்தார். கேரளா போன்ற வெளியிடங்களிலும் படப்பிடிப்பு நடந்தது ரொம்ப மகிழ்ச்சியாக இருந்தது.

படத்தின் கதாநாயகி என்னை சகமனுஷியாக நினைத்து என்னிடம் ரொம்ப அன்பாக பழகினார். இந்த படத்தில் நான் எமிலி என்ற கதாப்பாத்திரத்தில் நடித்திருக்கின்றேன்.

இயக்குநர் என் கதாப்பாத்திரம் பற்றி கூறும் போது வித்தியாசமாக தான் இருந்தது. எனக்கும் நடிப்புக்கும் சம்பந்தமே இல்லை ஆனால் எப்படி தேர்வாகினேன் என்று தெரியவில்லை.

இந்த கதாப்பாத்திரம் கிடைத்ததில் ரொம்ப சந்தோஷம் திருநங்கை என்ற பாகுபாடு இல்லாமல் படம் முழுவதும் வருவது போல் காட்சி உள்ளது. ஒரு பெண்ணோடு என்னையும் சேர்த்து ஒரு கதாப்பாத்திரமாக தான் கொண்டு வந்தார்கள்.

ஒரு திருநங்கையும், ஒரு பெண்ணும் எப்படி நட்பு ரீதியாக பழகிக்கொள்கிறார்கள் தன்னுடைய சந்தோஷம், துக்கம் என எல்லாவற்றையும் எப்படி பகிர்ந்து கொள்கிறார்கள் என்ற விஷயம் இருக்கும்.

பொதுவா திருநங்கைகள் பற்றி பல திரைப்படங்களில் கேலி கதாபாத்திரமாக வைத்திருப்பார்கள்.

ஆனால் அருவி திரைப்படத்தில் படம் முழுவதும் வருவது போல் இருக்கிறது இதற்கு முன்பு எந்த திருநங்கையும் படம் முழுவதும் வந்தது இல்லை.

இந்த சமூகம் எங்களை புறம் தள்ளுகின்றது ஆனால் நாங்கள் இந்த சமூகத்துடன் ஒன்ற வேண்டும் என்று தான் நினைக்கின்றோம். சிலர் எங்களை கேலி, கிண்டல் செய்தாலும் ஒரு சிலர் எங்களை ஆதரிக்கின்றனர். திருநங்கைகளின் நடவடிக்கை அவர்கள் வாழும் சூழல் பொறுத்தது.

எனக்கு சொந்த ஊர் பாண்டிச்சேரி எனக்கு சகோதரியாகவும், தோழியாகவும் தூத்துக்குடியை சேர்ந்த திருநங்கை பொன்னி உள்ளார்.

அவர் தான் எனக்கு பரத நாட்டிய குரு. பரத நாட்டியம் கீழ் தட்டு மக்களுக்கு எட்டாத கனியாக இருப்பதினால் அணைத்து தரப்பினருக்கும் சென்று அடைய வேண்டும் என்பதற்காக வியாசர்பாடி பகுதியில் பரதம் கற்று கொடுத்து கொண்டு இருக்கின்றோம்.

வீணை கற்றுள்ளேன் அதையும் மற்றவர்களுக்கு கற்று கொடுக்கின்றேன். மேலும் கை வினை பொருளும் செய்து அதனை வியாபாரம் செய்வதன் மூலம் எங்களுக்கு வருமானம் வருகிறது. அருவி படம் தான் என் முதல் படம் அதனை தொடர்ந்து பட வாய்ப்பு வந்தால் கண்டிப்பாக நடிப்பேன்.

அருவியில் என்னை திருநங்கையாகவே நினைக்க வேண்டாம் கதாநாயகியின் தோழியாகவே வருவேன். நங்கள் இருவரும் சேர்ந்து எப்படி எங்களுடைய வாழ்கை சூழலை கொண்டு போறோம் என்பதையே காட்டியுள்ளார்களே தவிர என்னை திருநங்கையாக சுட்டிக்காட்டவே இல்லை.

ஆனால் நான் திருநங்கை என்பதனால் இதை சுட்டிக்காட்டுகின்றேன். திருநங்கை அஞ்சலி

Transgender Anjali talks about Aruvi movie and Aditi Balan

aruvi stills

 

விஜய்-சூர்யாவுக்கு அடுத்த இடத்தை பிடித்த பவர்ஸ்டார்

விஜய்-சூர்யாவுக்கு அடுத்த இடத்தை பிடித்த பவர்ஸ்டார்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

pawan kalyanஒரு படம் வெளியாகி என்ன வசூல் படைக்கிறது? அது மற்ற படங்களின் சாதனையை முறியடிக்குமா? என்பதை அறிந்துக் கொள்வதற்கு முன்பே அந்த படத்தின் டீசர், ட்ரைலர் படைத்த சாதனை என்ன? என்பதை அறிந்துக் கொள்ள ரசிகர்கள் அதிகம் ஆர்வம் கொள்கின்றனர்.

இந்நிலையில் இந்திய அளவில், மட்டுமல்லாது உலக அளவில் யு டியூபில் அதிக லைக்குகளைப் பெற்ற டீசர் என்ற பெருமையை ‘மெர்சல்’ படம் அண்மையில் பெற்றது.

இதனை வேறு பட டீசர்கள் முறியடிக்குமா? என ரசிகர்கள் காத்திருந்தனர்.

ஓரிரு தினங்களுக்கு முன் தெலுங்கு பவர்ஸ்டார் பவன் கல்யாண் நடித்த ‘அஞ்ஞாதவாசி’ பட டீசர் வெளியானது.

இந்த டீசராலும் மெர்சல் சாதனையை முறியடிக்க முடியவில்லை.

ஆனால் தெலுங்கு சினிமாவில் முதன்முறையாக 24 மணி நேரத்தில் அதிகப் பார்வைகள், அதிக லைக்குகளை இந்த டீசர் பெற்றுள்ளது.

வெளியான சில மணி நேரங்களிலேயே 40 லட்சம் பார்வைகளையும், 3 லட்சத்திற்கும் அதிகமான லைக்குகளையும் பெற்றுள்ளது.

தற்போது 78 லட்சம் பார்வைகளையும், 4 லட்சத்திற்கும் அதிகமான லைக்குகளையும் பெற்று யு டியூப் டிரென்டிங்கில் முதலிடத்தில் உள்ளது.

இதற்கு முன் வெளியான சூர்யாவின் ‘தானா சேர்ந்த கூட்டம்’ படத்தின் தெலுங்கு டப்பிங்கான ‘கேங்’ தெலுங்கு படங்களில் அதிக லைக்கான 3 லட்சம் லைக்குகளைத் தாண்டி சாதனை புரிந்தது.

அந்த சாதனையை அன்றே ‘அஞ்ஞாதவாசி’ டீசர் முறியடித்துவிட்டது.

ஆனால் சூர்யாவின் தானா சேர்ந்த கூட்டம் (தமிழ் பதிப்பு) படத்தின் டீசர் சாதனையை முறிடியக்கவில்லை என்பது குறிப்பிடத்தக்கது.

மெர்சல்- 728K லைக்ஸ்
தானா சேர்ந்த கூட்டம்- 308K லைக்ஸ்
Agnyaathavaasi- 382K லைக்ஸ் (பவர் ஸ்டார் பவன்கல்யாண் தெலுங்கு படம்)

நேற்று தீரன்; இன்று அருவி; தயாரிப்பாளர் எஸ்ஆர். பிரபுக்கு ஷங்கர் பாராட்டு

நேற்று தீரன்; இன்று அருவி; தயாரிப்பாளர் எஸ்ஆர். பிரபுக்கு ஷங்கர் பாராட்டு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Director Shankar praises Aruvi is very good movieஜோக்கர், தீரன், அருவி உள்ளிட்ட தரமான படங்கள் தன் ட்ரீம் வாரியர் பிக்சர்ஸ் சார்பாக தயாரித்தவர் எஸ்ஆர். பிரபு.

இதில் ஜோக்கர் படம் 64வது ஆண்டு தேசிய விருதை பெற்றது குறிப்பிடத்தக்கது.

இவர் தயாரிக்கும் படங்கள் வசூல் ரீதியாகவும் விமர்சக ரீதியாகவும் நல்ல வரவேற்பை பெற்று வருகிறது.

கடந்த நவம்பர் மாதம் வினோத் இயக்கத்தில் கார்த்தி நடித்த தீரன் அதிகாரம் ஒன்று படம் வெளியானது.

இப்படத்தை பார்த்த டைரக்டர் ஷங்கர் இதன் மேக்கிங்கை பாராட்டி இருந்தார்.

தற்போது அதே பேனரில் அருவி படம் வெளியாகியுள்ளது.

இப்படத்தையும் வெகுவாக பாராட்டியுள்ளார்.

Director Shankar praises Aruvi movie

Shankar Shanmugham‏Verified account @shankarshanmugh
Aruvi – A very good movie. Unmasks everything and everyone. Excellent work by Director Arun Prabhu, Adithi Balan and everyone performed very well.

Shankar Shanmugham‏Verified account @shankarshanmugh Nov 25
Theeran adhigaram 1 – terrific cop movie.. nail biting..seat edge.. excellent efforts and details by director Vinod.. well done karthi Ghibran Dop and the whole team

பலூன் படத்தால் கபாலி-பைரவா பாடலாசிரியருக்கு கிடைத்த பெருமை

பலூன் படத்தால் கபாலி-பைரவா பாடலாசிரியருக்கு கிடைத்த பெருமை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Kabali Bairavaa fame lyricist Arunraja Kamaraj wrote all songs in Balloon movieபாடகர், நடிகர், பாடலாசிரியர் என பன்முக திறமை கொண்டவர் அருண்ராஜா காமராஜ்.

ரஜினியின் கபாலி படத்தில் இவர் எழுதி பாடிய நெருப்புடா பாடல் இவரை புகழின் உச்சத்திற்கே கொண்டு சென்றது.

இதனையடுத்து விஜய்யின் பைரவா படத்தை வர்லாம் வா பைரவா என்ற பாடலை பாடியிருந்தார்.

இவர் பல படங்களில் பாடல்கள் எழுதியிருந்தாலும் முதன்முறையாக பலூன் படத்தில்தான் எல்லா பாடல்களையும் எழுதியிருக்கிறாராம்.

இதனை அவரே பலூன் பட ட்ரைலர் வெளியீட்டு விழாவில் தெரிவித்தார்.

’70 எம் எம் என்டர்டெயின்மென்ட்’ நிறுவனம் சார்பில் கந்தசாமி நந்தகுமார், அருண் பாலாஜி தயாரித்துள்ள இப்படத்திற்கு யுவன் இசையமைக்க, ஜெய், அஞ்சலி, ஜனனி நடித்துள்ளனர்.

Kabali Bairavaa fame lyricist Arunraja Kamaraj wrote all songs in Balloon movie

நாகார்ஜுனா மகன் அகில் ஜோடியாக பிரியதர்ஷன்-லிஸி மகள் கல்யாணி

நாகார்ஜுனா மகன் அகில் ஜோடியாக பிரியதர்ஷன்-லிஸி மகள் கல்யாணி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Akhil Akkineni romance with Kalyani Priyadarshan for Hello movie‘யாவரும் நலம்’, 24 உள்ளிட்ட படங்களை இயக்கியவர் விக்ரம் குமார்.

இவர் அடுத்து இயக்கியுள்ள படம் ‘ஹலோ’.

இப்படத்தில் நாகார்ஜுனாவின் மகன் அகில் அக்கினேனி ஹீரோவாக நடிக்கிறார்.

அகிலுக்கு ஜோடியாக கல்யாணி பிரியதர்ஷன் நடிக்கிறார். இவர் இயக்குநர் பிரியதர்ஷன் – லிஸியின் மகள் என்பது குறிப்பிடத்தக்கது.

இப்படத்தில் இடம் பெற்றுள்ள ‘மெரிஸ் மெரிஸ்..’ என்ற பாடலின் மேக்கிங் வீடியோ அண்மையில் இணையத்தில் வெளியாகி பெரும் வரவேற்பை பெற்றுள்ளது.

பிருந்தா மாஸ்டரின் நடன அமைப்பில் உருவாகியுள்ள இந்தப் பாடலில் கல்யாணி பிரியதர்ஷன், ரம்யா கிருஷ்ணன், ஜகபதி பாபு ஆகியோர் நடனம் ஆடியிருக்கிறார்கள்.

கலை இயக்குனர் ராஜீவன் நம்பியார் கைவண்ணத்தில் 2 கோடி செலவில் மிக ஆடம்பரமான அரங்கத்தை உருவாக்கியுள்ளனர்.

இந்த மெகா பட்ஜெட் படத்தின் ட்ரைலரை ஒரே வாரத்தில் 10 மில்லியன் பேர் பார்த்துள்ளனர்.

அன்னபூர்ணா ஸ்டுடியோஸ் சார்பில் நாகார்ஜூனா தயாரித்துள்ள இந்த படத்துக்கு இளைஞர்களின் ஃபேவரைட் ‘அனூப் ரூபன்’ இசையமைத்துள்ளார்.

படத்தில் வரும் அனல் பறக்கும் சண்டைக்காட்சிகளுக்காக ஹாலிவுட்டில் இருந்து ‘பாப் பிரவுன்’ ஒப்பந்தம் செய்யப்பட்டுள்ளார்.

விரைவில் இப்படம் வெளியாகவுள்ளது.

Akhil Akkineni romance with Kalyani Priyadarshan for Hello movie

‘மெரிஸ்… மெரிஸ்’ பாடலை யூடியூபில் காண பின்வரும் லிங்க்கைச் க்ளிக் செய்யுங்கள்..!

https://youtu.be/dNppXNV7s3A

25 வருட கேள்விக்கு 2018 புத்தாண்டில் பதில் சொல்லும் ரஜினி?

25 வருட கேள்விக்கு 2018 புத்தாண்டில் பதில் சொல்லும் ரஜினி?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

rajini walkரஜினியையும் அரசியலையும் இணைத்து வரும் செய்திகள் இன்றல்ல நேற்றல்ல.. கிட்டதட்ட 25 வருடங்களுக்கு மேலாக வந்துக் கொண்டிருக்கிறது.

அப்படியென்றால் இதற்கான ஆரம்ப புள்ளி எங்கு தொடங்கியது தெரியுமா?

ரஜினிகாந்த் நடித்த அண்ணாமலை, மன்னன் ஆகிய படங்களிலேயே அரசியல் வசனங்கள் பேசத் தொடங்கிவிட்டார்.

அண்ணாமலை படத்தில்… பிழைக்க எவ்வளவோ நல்ல வழி இருக்கு. ஏன்யா அரசியலை கெடுக்கிறீங்க என்பார்.

இதனையடுத்து பாட்ஷா படத்தின் வெற்றி விழாவில் தமிழ்நாட்டில் வெடிகுண்டு கலாச்சாரம் பெருகிவிட்டது என ஜெயலலிதாவின் அதிமுக ஆட்சியை கடுமையாக விமர்சித்தார்.

அதன்பின் வந்த பொதுத் தேர்தலில் திமுக கட்சியை ஆதரித்தார். தமிழ் மாநில காங்கிரஸ் கட்சியை மூப்பனார் உருவாக்க உறுதுணையாக இருந்தார்.

இனிமேல் ஜெயலலிதா ஆட்சிக்கு வந்தால் ஆண்டவனாலும் தமிழகத்தை காப்பாற்ற முடியாது என பகிரங்கமாக பேசினார்.

அந்த தேர்தலில் அதிமுக படுதோல்வியை அடைந்தது.

இதனைத் தொடர்ந்து அடுத்தடுத்து வந்த தேர்தல்களில் ரஜினியின் ஆதரவு யாருக்கு? என்பதே பெரும் எதிர்பார்ப்பாக மாறியது.

ரஜினி வாய்ஸ் யாருக்கு? என்பது மாறி, அவர் அரசியலுக்கு வரவேண்டும் என ரசிகர்கள் எதிர்பார்க்கத் தொடங்கிவிட்டனர்.

அவரும் ஒவ்வொரு படத்தின் போது, அரசியல் பேச ஆரம்பித்தார். இதனால் அரசியல் ஆசைத் தீ ரசிகர்கள் மனதில் கொழுந்துவிட்டு எரிய தொடங்கியது.

இந்த அரசியல் ஆசை தற்போது 25 வருடங்களை கடந்துவிட்டது.

ஜெயலலிதா காலமாகிவிட்டார். அரசியல் மூத்த தலைவர் கருணாநிதி ஓய்வில் இருக்கிறார்.

எனவே இதுவே சரியான தருணம். எங்களை காக்க, தமிழகத்தை மீட்க தலைவர் வரவேண்டும் என ரசிகர்கள் வெளிப்படையாகவே பேச ஆரம்பித்துவிட்டனர்.

அண்மையில் 5 மாதத்திற்கு முன்பு ரசிகர்கள் சந்திப்பின்போதும் போர் வரும்போது சந்திப்போம் என்றார் ரஜினிகாந்த்.

இந்நிலையில் வருகிற டிசம்பர் 26 முதல் 31 வரை ரசிகர்களை சந்தித்து போட்டோ எடுக்கவிருக்கிறார் ரஜினி.

அப்போது ரசிகர்களின் 25 வருட கேள்விகளுக்கு விடையளிக்கும் விதமாக ரஜினியின் அரசியல் பிரவேச அறிப்பு இருக்கும் என கூறப்படுகிறது.

அன்றைய தினத்தில் ரஜினி தன் கட்சி, அரசியல் பற்றி பேசுவார் என சொல்லப்படுகிறது.

இது 2018 புத்தாண்டு பரிசாக இருக்கும் என நம்பலாம்.

கடந்த இரண்டு நாட்களாக RajinikanthPoliticalEntry என்ற வாக்கியங்கள் இணையங்களில் டிரெண்டாகி வருவது குறிப்பிடத்தக்கது.

Rajini may announce his political entry on 2018 New year day

rajini thadai udai

More Articles
Follows