By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
சென்னை அண்ணா சாலையில் ஓமந்தூரார் தோட்டத்தில் புதிதாக நிறுவப்பட்டுள்ள கலைஞர் கருணாநிதியின் சிலையை குடியரசு துணைத் தலைவர் வெங்கையா நாயுடு திறந்து வைத்தார்.
தமிழ்நாடு முதலமைச்சராக ஐந்து முறையும், திராவிட முன்னேற்ற கழகத்தின் தலைவராக ஐம்பது வருடங்களாக பொறுப்பு வகித்தவர் கலைஞர்.
அரசியல் மட்டுமின்றி, திரைப்பட வசனகர்த்தா, கதை, கவிதை நாடகம் என கால் பதித்த அனைத்துத் துறைகளிலும் தனி முத்திரை பதித்தவர்.
70 ஆண்டுகளாக “உடன்பிறப்பே” எனும் தன் காந்தக் குரலால், தமிழக மக்களை கட்டிப்போட்டவர்.
எனவே மூத்த அரசியல் தலைவர் கலைஞர் கருணாநிதிக்கு தமிழ்நாடு அரசு சார்பில் சுமார் 16 அடி உயரத்திலான முழு உருவ வெண்கலச் சிலை, 12 அடி உயரத்திலான பீடத்தில் வைக்கப்பட்டுள்ளது.
அண்ணா அறிவாலயத்தில் வைக்கப்பட்டுள்ள கலைஞரின் சிலையை போன்றே தத்ரூபமாக சிலையை வடித்துள்ளார் மீஞ்சூர் சிற்பி தீனதயாளன்.
முழுவதும் வெண்கலத்தால் ஆன இந்த சிலை 2 டன் எடை கொண்டது. சிலை வைக்கும் இடத்தை சுற்றி சுமார் 5,250 சதுர அடியில் சுற்றுச்சுவர் அமைக்கப்பட்டிருக்கிறது.
மேலும் அழகிய பூங்கா, வண்ண விளக்குகள் போன்ற வேலைபாடுகளும் செய்யப்பட்டுள்ளன.
இந்த சிலை திறப்பு விழாவில் தமிழக முதல்வர் ஸ்டாலின், சினிமா உச்ச நட்சத்திரமான நடிகர் ரஜினிகாந்த் பங்கேற்றுள்ளார். கவிஞர் வைரமுத்துவும் பங்கேற்றார். இருவரும் மேடை கீழே முதல் வரிசையில் அருகருகே அமர்ந்து இருந்தனர். இவர்களுடன் அரசியல் கட்சி தலைவர் ப. சிதம்பரம், வைகோ உள்ளிட்டோரும் பங்கேற்றனர்.
திமுக பொருளாளர் துரைமுருகன், திமுக எம். பி கனிமொழி, உதயநிதி ஸ்டாலின், தயாநிதி மாறன் உள்ளிட்ட திமுகவினர் ஏராளமானோர் பங்கேற்றனர்.
ரஜினி பங்கேற்ற படத்தை அவரது ரசிகர்கள் சமூகவலைத்தளங்களில் பகிர்ந்து வைரலாக்கி வருகின்றனர்.
The statue of Karunanidhi was unveiled by the Vice President of India
