தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கடந்த 2021ல் இங்கிலாந்து நாட்டில் இருந்து ரோல்ஸ் ராய்ஸ் சொகுசு காரை இறக்குமதி செய்திருந்தார் நடிகர் விஜய்.
அப்போது வாகன பதிவுக்காக, மண்டல போக்குவரத்து அதிகாரியை அணுகினார். நுழைவு வரி தொடர்பாக, ஆட்சேபனையில்லா சான்றிதழ் பெற உத்தரவிட்டார் போக்குவரத்து அதிகாரி.
அதன்படி இறக்குமதி காருக்கு நுழைவு வரி செலுத்தும் பட்சத்தில், சான்றிதழ் வழங்குவதாக உதவி கமிஷனர் தெரிவித்துள்ளார்.
இதனையடுத்து நுழைவுவரியில் இருந்து விலக்கு கேட்டு சென்னை ஐகோர்ட்டில் விஜய் மனு தாக்கல் செய்திருந்தார்.
இந்த வழக்கை விசாரித்த நீதிபதி எஸ்.எம்.சுப்ரமணியம், ‛‛நடிகர்கள் வரி விலக்கு கோருவை ஏற்க முடியாது. நடிகர்கள் வரி விலக்கு கேட்பது ஏன்.?
வரி என்பது நன்கொடையல்ல; கட்டாய பங்களிப்பு. நடிகர்கள் உண்மையான ஹீரோக்களாக இருக்க வேண்டும். ரீல் ஹீரோக்களாக இருக்கக் கூடாது. என கடுமையாக விமர்சித்து இருந்தார்.
மேலும் நடிகர் விஜய்க்கு ரூ.1 லட்சம் அபராதமும் விதித்து இருந்தார்.
நீதிபதியின் இந்த உத்தரவை எதிர்த்து நடிகர் விஜய் மேல் முறையீடு செய்தார்.
அப்போது தன்னை பற்றி தீர்ப்பில் குறிப்பிட்ட விமர்சனங்களையும், அபராதத்தையும் நீக்க வேண்டும் என கோரிக்கை வைத்தார்.
இதனால் தனி நீதிபதியின் உத்தரவுக்கு இடைக்கால தடை விதிக்கப்பட்டது.
இந்நிலையில் இந்த வழக்கு நேற்று மீண்டும் விசாரணைக்கு வந்தது.
அப்போது விஜய் தரப்பில் தெரிவிக்கப்பட்டதாவது, ‛‛ சட்டவிரோதமாக இந்த வழக்கை தொடரவில்லை, வரிவிலக்கு கோருவது சட்டப்பூர்வமான நடவடிக்கை என்பதாலேயே வழக்கு தொடர்ந்தோம்.
வரி ஏய்ப்பு செய்ய வேண்டிய அவசியமில்லை. நிலுவை வரித்தொகையான ரூ.32.30 லட்சம் ஆகஸ்ட் மாதம் ,7ஆம் தேதியே செலுத்தப்பட்டு விட்டது.
இதுபோன்ற வழக்கு விவரங்களில் சம்பந்தப்பட்டவர்கள் தொழிலை பற்றி குறிப்பிட வேண்டிய கட்டாயமில்லை.
சூர்யா, தனுஷ் உள்ளிட்டோரும் இதுபோன்று வழக்கு தாக்கல் செய்துள்ளனர்.
இந்த வழக்கில் தனி நீதிபதி தெரிவித்த கருத்துக்கள் என் மனதை புண்படுத்தி உள்ளன.
சினிமாவில் கஷ்டப்பட்டு உழைத்து கார் வாங்கிய நிலையில் நீதியின் விமர்சனம் தேவையற்றது. இதனால் எனக்கு மன உளைச்சல் ஏற்பட்டுள்ளது” என நடிகர் விஜய் தரப்பில் தெரிவிக்கப்பட்டுள்ளது.
இதையடுத்து இந்த வழக்கு தேதி குறிப்பிடாமல் ஒத்திவைக்கப்பட்டது.
Thalapathy Vijay Pays Tax For Rolls Royce, Insists On Expunging Judge’s Remarks