தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
இந்திய கிரிக்கெட் அணி வீரர்கள் பல விளம்பர படங்களில் நடித்து வருவதை நாம் பார்த்திருக்கிறோம்.
தற்போது இவர்கள் தமிழ் திரைப்படங்களில் நடிக்க ஆர்வம் காட்டி வருகின்றனர்.
‘ப்ரெண்ட்ஷிப்’ படத்தில் கதையின் நாயகனாக நடித்திருந்தார் ஹர்பஜன் சிங். இதில் நாயகியாக லொஸ்லியா நடித்து இருந்தார்.
அதுபோல் விக்ரமின் ‘கோப்ரா’ படத்தில் இர்பாஃன் பதான் முக்கிய வேடத்தில் நடித்து இருந்தார்.
இந்த நிலையில் மிகவும் பிரபலமான கிரிக்கெட் வீரர் மகேந்திர சிங் தோனி சினிமாவில் களமிறங்க உள்ளார்.
ஆனால் இவர் நடிகராக இல்லாமல் சினிமா படத்தை தயாரிக்க இருப்பதாக தகவல்கள் வந்துள்ளன.
தோனி பல விளம்பரப் படங்களில் நடித்து வருகிறார். சர்வதேச கிரிக்கெட்டில் இருந்து ஓய்வு பெற்று ஐபிஎல் தொடரில் மட்டும் விளையாடி வருகிறார்.
இந்த நிலையில் தற்போது முதற்கட்டமாக தமிழ், தெலுங்கு படங்களை தயாரிக்க உள்ளார் தோனி.
இவர் தோனி என்டெர்டெயின்மென்ட் நிறுவனத்தின் கிளையை சென்னையில் தொடங்கவுள்ளார்.
எனவே இந்த நிறுவனம் சார்பாக அவர் தயாரிக்க உள்ள படங்கள் பற்றிய அறிவிப்பு விரைவில் வெளியாகும் என எதிர்பார்க்கப்படுகிறது.
இதற்கு பின்னர் விஜய்யின் 70 வது படத்தை தோனி தயாரிக்க உள்ளதாகவும் தகவல்கள் வந்துள்ளன. தோனியின் ராசி எண் 7. அதன்படி விஜய்-70 படத்தை தோனி தயாரிப்பதாகவும் கூறப்படுகிறது.
Thala Dhoni to produce film with Thalapathy Vijay