பிஆர்ஓ யூனியன் எலெக்ஷன் ரிசல்ட்… டைமண்ட் பாபு, ஜான் உள்ளிட்டோர் தேர்வு.!

விக்ரம், தனுஷ், ஜெயம் ரவி, நயன்தாரா படங்களுக்கு பிலிம்பேர் விருது..!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தென்னிந்திய சினிமாக்களை பாராட்டி கௌரவிக்கும் விழாவாக பிலிம்பேர் விருதுகள் வழங்கும் விழா நடைபெற்று வருகிறது.

கடந்த 2015ஆம் ஆண்டில் வெளியான சிறந்த படங்கள் மற்றும் கலைஞர்களை தேர்ந்தெடுக்கும் விழா ஹைதராபாத்தில் நடைபெற்றது.

இதில் தென்னிந்தியாவை சார்ந்த சினிமா பிரபலங்கள் பலர் கலந்து கொண்டனர்.

தமிழில் சிறந்த படமாக தனுஷ் தயாரித்த காக்கா முட்டை படம் தேர்ந்தெடுக்கப்பட்டது.

தெலுங்கில் சிறந்த படமாக ராஜமௌலி இயக்கத்தில் உருவான பாகுபலி தேர்ந்தெடுக்கப்பட்டது.

மேலும் இப்படம் மொத்தம் 4 விருதுகளை தட்டி சென்றது.

• சிறந்த இயக்குனர் – S.S.ராஜமௌலி
• சிறந்த ஒளிப்பதிவாளர் – கே.கே.செந்தில் குமார்
• சிறந்த பாடகி – கீதா மாதுரி (ஜீவநதி பாடல்)
• சிறந்த துணை நடிகை – ரம்யா கிருஷ்ணன்

மலையாளத்தில் சிறந்த திரைப்படமாக ”பதேமாரி” படமும், கன்னடத்தில் சிறந்த படமாக ”ரங்கிதா ரங்கா” ஆகியவையும் தேர்ந்தெடுக்கப்பட்டன.

மலையாளத்தில் ”என்னு நின்டே மொய்தீன்” திரைப்படத்திற்காக சிறந்த இயக்குனர் விருது ஆர்.எஸ். விமல் அவர்களுக்கு கிடைத்தது.

மேலும் பதேமாரி படத்தில் நடித்த மம்மூட்டிக்கும் விருது வழங்கப்பட்டது.

”ருத்ரம்மாதேவி” படத்திற்காக அனுஷ்காவுக்கு சிறந்த முன்னணி கதாபத்திரம் விருது வழங்கப்பட்டது.

மலையாளத்தில் சிறந்த முன்னணி கதாபாத்திர விருது மகேஷ் பாபுவுக்கும், கன்னடத்தில் சிறந்த முன்னணி கதாபாத்திர விருது புனீத் ராஜ்குமாருக்கும் வழங்கப்பட்டது.

மேலும் தமிழ் சினிமா விருதுகள் விவரம் இதோ…

• சிறந்த நடிகர் : விக்ரம் (ஐ)
• சிறந்த நடிகை: நயன்தாரா (நானும் ரௌடி தான்)
• சிறந்த இயக்குனர் : மோகன் ராஜா (தனி ஒருவன்)
• சிறந்த நடிகர் (Critics Jury Award): ஜெயம் ரவி (தனி ஒருவன்)
• சிறந்த நடிகை (Critics Jury Award): ஜோதிகா(36 வயதினிலே)
• சிறந்த துணை நடிகர்: அரவிந்த்சாமி (தனி ஒருவன்)
• சிறந்த துணை நடிகை : ராதிகா சரத்குமார் (தங்கமகன்)
• சிறந்த அறிமுக நடிகர்: ஜீ.வி.பிரகாஷ் (டார்லிங்)
• சிறந்த இசையமைப்பாளர்: ஏ.ஆர்.ரஹ்மான் (ஐ)
• சிறந்த பாடலாசிரியர்: மதன் கார்க்கி (பூக்களே சற்று ஓய்வெடுங்கள் – ஐ)
• சிறந்த பாடகர்: சித் ஸ்ரீராம் (என்னோடு நீ இருந்தால் – ஐ)
• சிறந்த பாடகி : ஸ்வேதா மோகன் (என்னச் சொல்ல – தங்கமகன்)

இதுவரை 7 பிலிம்பேர் விருதுகளை விக்ரம் அவர்களும் 14 விருதுகளை ஏ.ஆர். ரஹ்மான் அவர்களும் பெற்றுள்ளதும் இங்கே கவனிக்கத்தக்கது.

பிஆர்ஓ யூனியன் ரிசல்ட்… டைமண்ட் பாபு, ஜான் உள்ளிட்டோர் தேர்வு..!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சினிமாவுக்கும் பத்திரிக்கையாளர்களுக்கும் பாலமாக இருந்து செயல்படுபவர்கள் பி.ஆர்.ஓக்கள்.

இவர்களே தங்களின் பத்திரிக்கை மூலமாக சினிமா செய்திகளை மக்களிடம் கொண்டு சேர்க்கின்றனர்.

இந்நிலையில் திரைப்பட பத்திரிகை தொடர்பாளர்கள் யூனியனுக்கு இன்று தேர்தல் நடைபெற்றது.

இரண்டு ஆண்டுகளுக்கு ஒரு முறை இத்தேர்தல் நடப்பது வழக்கம்.

கடந்த சில ஆண்டுகளாக சில பதவிகளுக்கு மட்டுமே தேர்தல் நடைபெற்றது.

ஆனால் இம்முறை அனைத்துப் பதவிகளுக்கும் தேர்தல் நடைபெற்றது என்பது குறிப்பிடத்தக்கது.

கடந்த நான்காண்டுகளாக விஜயமுரளி தலைவராகவும், பெரு துளசி பழனிவேல் செயலாளராகவும், மௌனம் ரவி பொருளாளராகவும் பதவி வகித்தனர்.

64 உறுப்பினர்கள் கொண்ட இந்த யூனியனில் 58 பேர் வாக்களிக்கத் தகுதி பெற்று இருந்தனர்.

இத்தேர்தலில் வெற்றி பெற்றவர்கள் விவரம்…

தலைவர் பதவிக்கு டைமண்ட் பாபு மற்றும் ஆதம்பாக்கம் ராமதாஸ், நெல்லை சுந்தர்ராஜன் ஆகியோர் போட்டியிட்டனர்.

இதில் தலைவராக டைமண்ட் பாபு தேர்ந்தெடுக்கப்பட்டார். இவர் ஆறாவது முறையாக தலைவராகி இருக்கிறார்.

மற்றவர்கள் விவரம் இதோ…

• துணைத் தலைவர்கள் – பி.டி.செல்வகுமார், வி.கே.சுந்தர்
• பொதுச் செயலாளர் – திரு. A. ஜான்
• பொருளாளர் – விஜயமுரளி
• இணைச் செயலாளர் – நிகில் முருகன் மற்றும் யுவராஜ்

செயற்குழு உறுப்பினர்கள் :-

• வெட்டுவானம் சிவகுமார்
• மேஜர் தாசன்
• அந்தணன்
• பாலன்
• ஆறுமுகம்
• கிளாமர் சத்யா
• சக்திவேல்
• சரவணன்
• ரேகா

வெற்றி வாகை சூடிய அனைவரையும் வாழ்த்தி வரவேற்கிறோம்.

சிம்புவுடன் 5வது முறையாக இணைந்த மியூசிக் டைரக்டர்..!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘த்ரிஷா இல்லனா நயன்தாரா’ படத்தைத் தொடர்ந்து ஆதிக் ரவிச்சந்திரன் இயக்கும் படத்தில் நடிக்கிறார் சிம்பு.

மைக்கேல் ராயப்பன் இப்படத்தை தயாரிக்க இருக்கிறார்.

இதில் மூன்று விதமான கெட்டப்களில் சிம்பு நடிப்பதால், இப்படத்திற்கு ‘அன்பானவன் அசராதவன் அடங்காதவன்’ (AAA) என பெயரிட்டுள்ளனர்.

தற்போது இவருக்கு ஜோடியாக நடிக்க 3 நாயகிகள் மற்றும் மற்ற கலைஞர்கள் தேர்வு நடைபெற்று வருகிறது.

இந்நிலையில், இப்படத்தின் இசையமைப்பாளராக தான் ஒப்பந்தமாகியிருப்பதாக தன் ட்விட்டரில் தெரிவித்துள்ளார் யுவன் சங்கர் ராஜா.

இவர் சிம்பு படத்திற்கு இசையமைப்பது இது ஐந்தாவது முறையாகும்.

தந்தையர் தினம்… மகளுடன் போட்டோவை வெளியிட்ட கமல்..!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மாதா, பிதா, குரு, தெய்வம்… என்பதை சான்றோர்கள் சொல்ல கேட்டு இருப்போம்.

கடவுளே ஆனாலும் நம்மை பெற்ற அம்மா-அப்பா அவர்களுக்கு பிறகுதான் வருகிறார்.

எனவேதான் ஒவ்வொரு வருடமும் இவர்களைப் போற்றும் வகையில் அன்னையர் தினம் மற்றும் தந்தையர் தினம் கொண்டாடப்பட்டு வருகிறது.

இந்நிலையில் இன்று தந்தையர் தினத்தையொட்டி கமல்ஹாசன் ஒரு சில புகைப்படங்களை தனது சமூக வலைத்தளப் பக்கத்தில் வெளியிட்டுள்ளார்.

தன் மகள் ஸ்ருதியுடன் தான் எடுத்துக் கொண்ட சில படங்களை வெளியிட்டுள்ளார்.

லாஸ் ஏஞ்செல்ஸில் உள்ள எல்ஏ தியேட்டரில் எடுக்கப்பட்ட படங்கள் அவை.

இந்த தியேட்டரின் அருகில்தான் சபாஷ் நாயுடு சூட்டிங் நடைபெறுகிறது எனவும் அதில் குறிப்பிட்டுள்ளார்.

ஆகாயத்திலும் அசத்தும் ‘கபாலி’…. ரஜினி ரஜினிதான்..!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரஜினி படம் ரிலீசாகிதான் பல சாதனைகளை படைக்கும் என்பதில்லை.

அப்படம் வருவதற்கு முன்பே, பல வினோத நிகழ்வுகளையும் நிகழ்த்த தவறுவதில்லை.

தளபதி படம் வெளியான சமயத்தில் அப்படத்தின் பெயரில் சோப் முதல் பனியன், ஜட்டி என அனைத்தும் விற்பனைக்கு வந்தது.

இதனைத் தொடந்து பாட்ஷா, படையப்பா, பாபா ஆகிய படங்களில் பெயர்களிலும் வியாபார பொருட்கள் வந்தன.

இந்நிலையில் தற்போது உலக திரையுலக வரலாற்றில், எந்த ஒரு படத்திற்கும் கிடைக்காத புகழ் ரஜினியால் கபாலி படத்திற்கு கிடைத்துள்ளது.

இப்படத்தின் ஏர்லைன் பார்ட்னராக ஏர் ஆசிய விமான நிறுவனம் இணைந்துள்ளதை எமது தளத்தில் படித்திருப்பீர்கள்.

தற்போது ‘கபாலி’ ரிலீஸ் தினத்தில் சிறப்பு விமானங்களை இயக்க முடிவு செய்துள்ளதாம் இந்நிறுவனம்.

காலை 6.00க்கு பெங்களூரில் இருந்து புறப்படும் ‘கபாலி சிறப்பு விமானம்’ 7.00க்கு சென்னை வந்தடையும்.

அன்றைய தினமே மாலை 3 மணிக்கு சென்னையில் இருந்து கிளம்பும் அதே விமானம் 4 மணிக்கு பெங்களூர் சென்றடையும்.

இந்த டிக்கெட்டில் அனைத்தும் அடங்கும் எனவும் கூறப்பட்டுள்ளது.

அதாவது கபாலி படத்தின் டிக்கெட், ஆடியோ சிடி, காலை உணவு, மதிய உணவு, ஸ்நாக்ஸ், குளிர்பானங்கள் மற்றும் சென்னை விமான நிலையத்தில் இருந்து தியேட்டருக்கு சென்று வர வாகன வசதி என அனைத்தும் அடங்கும் என தெரிவித்துள்ளனர்.

இப்படத்திற்காக டிக்கெட்டின் விலை ரூ.7,860 மட்டுமே என அறிவிக்கப்பட்டுள்ளது.