தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
ஐஸ்வர்யா ரஜினி இயக்கத்தில் ரஜினிகாந்த் சிறப்பு தோற்றத்தில் நடித்துள்ள படம் ‘லால் சலாம்’.
இதில் விஷ்ணு விஷால் மற்றும் விக்ராந்த், தம்பி ராமையா உள்ளிட்ட பலரும் நடித்துள்ளனர்.
ஏ ஆர் ரகுமான் இசையமைத்துள்ள இந்த படத்தை லைக்கா நிறுவனம் தயாரித்துள்ளது. இந்த படத்தின் இசை வெளியீட்டு விழா ஜனவரி 26 ஆம் தேதி சென்னையில் நடைபெற்றது.
இந்த விழாவில் பங்கேற்ற ரஜினி பேசியதாவது…
‘ஜெயலர்’ விழாவில் நான் பேசிய காக்கா கழுகு பிரச்சனை தற்போது வரை பரபரப்பாக பேசப்பட்டு வருகிறது.. நான் விஜய் குறித்து பேசியதாக கருத்துக்கள் தவறாக புரிந்து கொள்ளப்பட்டு விட்டது.
நடிகர் விஜய் எனக்கு முன்னாள் வளர்ந்த பையன், நடிகர் விஜயை சின்ன வயதிலிருந்தே பார்த்து வருகிறேன்.
தர்மத்தின் தலைவன் படப்பிடிப்பின் போது விஜய்யின் தந்தை என்னிடம் வந்து, என்னுடைய பையன் படித்து வருகிறான், அவனுக்கு நடிப்பின் மீது ஆர்வம் அதிகமாக உள்ளது. நீங்கள் கூறுங்கள் அவன் படித்துவிட்டு வந்தவுடன் நடிக்க வேண்டுமென தெரிவித்தார். நானும் விஜய் அழைத்து அட்வைஸ் செய்தேன்.
அதன் பிறகு விஜய் நடிப்பிற்கு வந்து உழைப்பால் உயர்ந்து உள்ளார். தற்போது நன்றாக நடித்து வருகிறார். தற்போது சமூக சேவைகள் செய்து அரசியலுக்கு வரும் முயற்சியில் உள்ளார். அவருக்கு என்னுடைய வாழ்த்துக்கள்.
தற்போது விஜய்க்கும் எனக்கும் போட்டி என கூறுவது மிகவும் கவலை அளிக்கிறது. அவரும் மேடையில் எனக்கு போட்டி நான் தான் என கூறியுள்ளார். எனக்கு போட்டி என்னுடைய படங்கள்தான் என்பதை நான் ஏற்கனவே சொல்லிவிட்டேன்..
நடிகர் விஜய் எனக்கு போட்டியாக நினைத்தால் அது எனக்கு மரியாதை இல்லை.. நானும் விஜய்க்கு போட்டியா நினைத்தால் அவருக்கும் மரியாதை இல்லை.. தயவுசெய்து என்னுடைய மற்றும் அவருடைய ரசிகர்கள் காக்கா கழுகு கதையை இத்துடன் நிறுத்திக் கொள்ள வேண்டும்” என்று பேசினார்.
Superstar made conclusion for Rajini and Vijay fans war
