தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ரஜினிகாந்த் நடிக்க சிவா இயக்கத்தில் சன் பிக்சர்ஸ் தயாரித்து வரும் திரைப்படம் ‘அண்ணாத்த’.
ரஜினிகாந்துடன் நயன்தாரா, குஷ்பு, மீனா, கீர்த்தி சுரேஷ், சூரி, சதீஷ் உள்ளிட்டோர் நடித்து வருகின்றனர்.
வெற்றி ஒளிப்பதிவு செய்ய இந்தப் படத்துக்கு டி.இமான் இசையமைத்து வருகிறார்.
ஹைதராபாத்தில் இப்பட சூட்டிங் நடைபெற்று வந்தது.
அப்போதே ரஜினிகாந்தின் 60% காட்சிகள் படமாக்கப்பட்டு விட்டதாம்.
இதன் பின்னர் கொரோனா அச்சுறுத்தல் காரணமாக நிறுத்தி வைக்கப்பட்டது.
இந்த நிலையில் சமீபத்தில் செய்தியாளர்களை சந்தித்த ரஜினி தன் அரசியல் கட்சி அறிவிப்பை வெளியிட்டார்.
அந்த சமயத்தில் ‘அண்ணாத்த’ பட 40% படப்பிடிப்பை முடித்துக் கொடுக்க வேண்டியது எனது கடமை எனவும் தெரிவித்திருந்தார்.
எனவே ‘அண்ணாத்த’ சூட்டிங்க்கு ரஜினி புறப்பட போகிறார் என்று கூறப்பட்ட நிலையில் இப்பட இயக்குநர் சிவாவின் தந்தை ஜெயக்குமார் உயிரிழந்தார்.
இதனாலும் சூட்டிங் தொடங்க தாமதம் ஆனது.
இன்னும் சில தினங்களில் (டிசம்பர் 12-ம் தேதி) தனது பிறந்தநாளைக் கொண்டாடவுள்ளார் ரஜினிகாந்த்.
அப்போது சென்னையில் இருக்கமாட்டாராம்.
ஏனென்றால் இன்றே பெங்களூருக்கு புறப்பட்டு சென்றுவிட்டார்.
அதன் பின்னர் டிசம்பர் 15-ம் தேதி ‘அண்ணாத்த’ படப்பிடிப்பில் கலந்து கொள்ள உள்ளார் என தகவல்கள் வந்துள்ளன.
Super Star Rajinikanth’s Annaatthe shooting to resume on December 15