பிக்பாஸ் வீட்டிலிருந்து திருநங்கை நமீதா வெளியேற்றம்.; வைல்டு கார்டு என்ட்ரீயாக சிவகார்த்திகேயன் பட நடிகை

மீண்டும் பிசாசு 2 கூட்டணி.; எஸ்ஜே. சூர்யாவை இயக்கும் மிஷ்கின்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழ் சினிமாவில் வித்தியாசமான படைப்புகள் மூலம் ரசிகர்களின் கவனம் ஈர்த்தவர் இயக்குனர் மிஷ்கின்.

அவ்வப்போது படங்களில் நடித்தும் சில படங்களை தயாரித்தும் உள்ளார்.

தற்போது ஆண்ட்ரியா, விஜய் சேதுபதி நடிப்பில் பிசாசு 2 படத்தை இயக்கி வருகிறார் மிஷ்கின்.

இப்பட இறுதிக்கட்ட பணிகளில் மிஷ்கின் கவனம் செலுத்தி வரும் நிலையில் அவரின் அடுத்த படம் குறித்த தகவல் கிடைத்துள்ளது.

இதில் எஸ்.ஜே.சூர்யா நாயகனாக நடிக்க நடிகர் விதார்த் முக்கிய கேரக்டரில் நடிக்கவுள்ளராம்.

பிசாசு 2 படத்தை தயாரித்து வரும் முருகானந்தமே இந்த படத்தையும் தயாரிக்கவுள்ளார் என கூறப்படுகிறது.

எனவே விரைவில் இப்படத்தின் அதிகாரப்பூர்வ அறிவிப்பு வெளியாகலாம்.

SJ Suryah’s next with Director Mysskin

JUST IN ஜெயலலிதாவின் முதல் ஹீரோ.. ரஜினியின் முதல் வில்லன்.. நடிகர் ஸ்ரீகாந்த் மரணம்.: ரஜினி இரங்கல்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தங்கப்பதக்கம், பைரவி உள்ளிட்ட படங்களில் நடித்த பழம்பெரும் நடிகர் ஸ்ரீகாந்த் காலமானார்.

1965-ல் இயக்குனர் ஸ்ரீதரின் வெண்ணிற ஆடை திரைப்படத்தில் அறிமுகமானார் ஸ்ரீகாந்த். இதில் தான் மறைந்த முன்னாள் தமிழக முதல்வர் ஜெயலலிதாவும் நாயகியாக அறிமுகமானார்.

தங்கப்பதக்கம், பைரவி உள்ளிட்ட படங்களில் நடித்த ஸ்ரீகாந்துக்கு தற்போது வயது 82.

ஆரம்பகாலங்களில் வில்லனாக நடித்த ரஜினிகாந்த் ‘பைரவி’ என்ற படத்தில் தான் நாயகனாக நடிக்க ஆரம்பித்தார். இந்த படத்தில் வில்லனாக நடித்திருந்தார் ஸ்ரீகாந்த்.

மேலும் ரஜினியுடன் சதுரங்கம் & தம்பிக்கு எந்த ஊரு படங்களிலும் நடித்துள்ளார்.

எம்ஜிஆர் உடன் இவர் நடிக்கவில்லை. சிவாஜி கணேசன், முத்துராமன், ஜெய்சங்கர், கமல்ஹாசன், ரஜினிகாந்த் உள்ளிட்ட நடிகர்களுடன் இணைந்து நடித்துள்ளார்.

200 படங்களில் நடித்த இவர் 50 படங்களில் நாயகனாக நடித்துள்ளார்.

ஸ்ரீகாந்த் மறைவுக்கு நடிகர் ரஜினிகாந்த் சற்றுமுன் தன் ட்விட்டர் பக்கத்தில் இரங்கல் தெரிவித்துள்ளார்.

அதில்…

“என்னுடைய அருமை நண்பர் திரு ஸ்ரீகாந்த் அவர்கள் மறைவு எனக்கு மிகவும் வருத்தமளிக்கிறது. அவருடைய ஆத்மா சாந்தியடையட்டும்…”

என பதிவிட்டுள்ளார்.

Veteran Actor Srikanth passed away at 83.

தமிழக உள்ளாட்சி தேர்தல் ஹைலைட்ஸ்..; பாஜக வேட்பாளருக்கே ஒரே ஓட்டு.; விஜய் மக்கள் இயக்க வேட்பாளர் வெற்றி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கோவை மாவட்ட ஊரக உள்ளாட்சி தேர்தல் முடிவுகளில் திமுக பெரும்பாலான இடங்களை கைப்பற்றி வருகிறது.

பெரியநாயக்கன்பாளையம் ஊராட்சி ஒன்றியம், குருடம்பாளையம் ஊராட்சி 9-வது வார்டுக்கு நடைபெற்ற இடைத்தேர்தலில் திமுக சார்பில் அருள்ராஜ், அதிமுக சார்பில் வைத்தியலிங்கம், பாஜக சார்பில் கார்த்திக், தேமுதிக சார்பில் ரவிக்குமார் மற்றும் சுயேச்சை வேட்பாளர்கள் போட்டியிட்டனர்.

அங்கு மொத்தம் 1,551 வாக்குகள் உள்ள நிலையில், தேர்தலில் 913 வாக்குகள் மட்டுமே பதிவாகியது.

திமுக வேட்பாளர் அருள்ராஜ் வெற்றி பெற்றதாக அறிவிக்கப்பட்டது. பாஜக சார்பில் போட்டியிட்ட கார்த்திக் 1 வாக்கையும், தேமுதிக ரவிக்குமார் 2 வாக்குகளையும் பெற்றுள்ளனர்.

கார்த்திக் மாவட்ட பாஜக இளைஞரணி துணைத் தலைவராக பதவி வைக்கிறார்.

“கார்த்திக் வீட்டில் அவர் உள்பட அவர் குடும்பத்தில் 6 பேர் உள்ளனர். அவரது குடும்பத்தினர் வாக்களித்திருந்தாலே இதை விட அதிகம் வாக்கு வாங்கியிருக்க முடியும்.” என மக்கள் கருத்து தெரிவிக்கின்றனர்.

இந்த நிலையில் செங்கல்பட்டு மாவட்டம் மாமண்டூர் பகுதியில் இரண்டாம் வார்டு உறுப்பினர் விஜய் மக்கள் மன்றம் சார்பாக போட்டியிட்ட வேட்பாளர் வெற்றி பெற்றுள்ளார்.

மேலும் இதே மாமண்டூர் பகுதியில் நான்காம் வார்டு உறுப்பினர் பதவிக்காக போட்டியிட்டவரும் வெற்றி பெற்றுள்ளார்.

கடந்த பல வருடங்களாக விஜய் மக்கள் இயக்கம் என்ற பெயரில் தொடர்ந்து பல்வேறு நலத்திட்ட உதவிகளை விஜய் ரசிகர்கள் செய்து வருகின்றனர் என்பதும் இங்கே குறிப்பிடத்தக்கது.

9 மாவட்ட ஊரக உள்ளாட்சி தேர்தலில் விஜய் மக்கள் இயக்கம் சார்பாக சுயேட்சையாக போட்டியிட்டவர்களில் 49 பேர் ஊராட்சி வார்டு உறுப்பினர்களாக தேர்வாகியுள்ளதாக தகவல்.

TN rural Local body Election results 2021

லேட்டா வந்தாலும் லேட்டஸ்ட்ட்டா..; நியூ இயரில் அஜித் ரசிகர்களுக்கு செம ட்ரீட்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

2021 ஆம் ஆண்டில் மிகப்பெரும் எதிர்பார்ப்பை குவித்திருக்கும் படம் “வலிமை”.

அஜித் நடித்துள்ள இந்த படத்தினை தயாரிப்பாளர் போனி கபூர் (BayView Projects) மற்றும் Zee Studios இணைந்து தயாரித்துள்ளனர்.

இப்படத்தில் அஜித்துடன் ஹூமா குரேஷி, கார்த்திகேயா, பானி, சுமித்ரா, அச்சியுந்த் குமார், ராஜ் அய்யப்பா, புகழ் மற்றும் யோகி பாபு உடன் மற்றும் பலர் இணைந்து நடித்துள்ளனர்.

இயக்குநர் H. வினோத் எழுதி இயக்கியுள்ள இப்படத்தில் யுவன் சங்கர் ராஜா இசையமைப்பாளராக பணியாற்றியுள்ளார்.

நீரவ் ஷா ஒளிப்பதிவு செய்ய, விஜய் வேலுகுட்டி படத்தொகுப்பு செய்துள்ளார். அதிரடி சண்டை காட்சிகளை திலீப் சுப்பாராயன் அமைத்துள்ளார்.

கே.கதிர் கலை இயக்கம் செய்ய, அனு வர்தன் இந்த படத்தில் ஆடை வடிவமைப்பாளராகவும், பி.ஜெயராஜ் படத்தின் நிர்வாக தயாரிப்பாளராகவும் பணியாற்றியுள்ளனர்.

இப்படத்தை அடுத்தாண்டு 2022 பொங்கலுக்கு ரிலீஸ் செய்ய திட்டமிட்டு படக்குழு அறிவித்தனர்.

இந்த நிலையில் 2022 புத்தாண்டு பிறக்கும் தினத்தில் வலிமை டீசர்/ட்ரைலரை வெளியிட படக்குழு திட்டமிட்டுள்ளதாக தகவல்கள் வந்துள்ளன.

வலிமை படம் லேட்டா வந்தாலும் லேட்டஸ்ட்டா வரட்டும் என ரசிகர்களும் காத்திருக்க தொடங்கி விட்டனர்.

Special New year treat for Thala fans

தீபாவளி முதல் தியேட்டர்களில் 100% சீட் அனுமதி.; ‘அண்ணாத்த’ முதல் ‘எனிமி’ ரசிகர்கள் வரை ஹாஃப்பி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கொரோனா தொற்று முதல் அலையில் 8 மாதங்களாக சினிமா தியேட்டர்கள் மூடப்பட்டன.

அதன் பின்னர் படிப்படியாக 50% சீட்… 100% சீட் என உயர்த்தப்பட்டன.

தற்போது கொரோனா 2வது அலைக்கு பிறகு தமிழ்நாட்டில் திமுக ஆட்சிக்கு வந்த பின்னர் தியேட்டர்கள் ஆகஸ்ட்டில் மீண்டும் தியேட்டர்கள் திறக்கப்பட்டன.

அப்போது 50% இருக்கைகளுக்கு மட்டுமே அனுமதி அளிக்கப்பட்டது.

இந்த நிலையில் அடுத்த நவம்பர் மாதம் தீபாவளி முதல் 100% இருக்கைகளுக்கு அனுமதி வழங்கப்படும் என கூறப்படுகிறது.

தீபாவளியை முன்னிட்டு ரஜினியின் ‘அண்ணாத்த’ & சிம்புவின் ‘மாநாடு’ & அருண்விஜய்யின் ‘வா டீல்’ & ஆர்யா – விஷாலின் ‘எனிமி’ ஆகிய படங்கள் ரிலீஸ் ஆவது என அறிவிக்கப்பட்டுள்ளது.

தீபாவளி முதல் 100% இருக்கைகளுக்கு அனுமதி வழங்கப்படும் என்பது உறுதியாகும் பட்சத்தில் ரசிகர்கள் மிகுந்த உற்சாகம் அடைவார்கள் என எதிர்ப்பார்க்கலாம்.

மேலும் தயாரிப்பாளர்கள் உள்ளிட்ட திரையுலகினரும் மிகவும் மகிழ்வார்கள் என நம்பலாம்..

Will TN govt approve 100% occupancy in theatre?