முதன்முறையாக தொண்டர்களுக்கான படம்..; ரைட்டரை அடுத்து சமுத்திரக்கனி-யின் பப்ளிக்

முதன்முறையாக தொண்டர்களுக்கான படம்..; ரைட்டரை அடுத்து சமுத்திரக்கனி-யின் பப்ளிக்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரஞ்சித் தயாரிப்பில் சமுத்திரக்கனி நடித்த ரைட்டர் திரைப்படம் கடந்தாண்டு 2021 டிசம்பரில் தியேட்டர்களில் வெளியாகி சூப்பர் ஹிட்டடித்தது.

தற்போது மீண்டும் ஆங்கில படத்தலைப்பில் சமுத்திரக்கனி மற்றொரு படத்தில் நடித்துள்ளார். அந்த படம் விவரம் வருமாறு…

சமுத்திரக்கனியின் நடிப்பில் தயாராகியிருக்கும் புதிய படத்திற்கு ‘சமுத்திரக்கனியின் பப்ளிக்’ என பெயரிடப்பட்டுள்ளது. இதனை ஃபர்ஸ்ட் லுக்கை விஜய் சேதுபதியும், இயக்குநர் வெங்கட் பிரபுவும் இணைந்து வெளியிட்டனர்.

அறிமுக இயக்குநர் ரா. பரமன் இயக்கத்தில் இந்த படம் உருவாகியுள்ளது-

சமுத்திரக்கனி மற்றும் காளி வெங்கட் இணைந்துள்ளனர். இவர்களுடன் நடிகை ரித்விகா இணைந்துள்ளார்.

ராஜேஷ் யாதவ் மற்றும் வெற்றி ஒளிப்பதிவு செய்திருக்கும் இந்த படத்திற்கு டி. இமான் இசையமைத்திருக்கிறார். பாடல்களை யுகபாரதி எழுத, படத்தை கே. எல். பிரவீன் தொகுத்திருக்கிறார்.

கே. கே. ஆர் சினிமாஸ் பட நிறுவனம் சார்பில் தயாரிப்பாளர் கே. கே. ரமேஷ் தயாரித்துள்ளார்.

இந்த படத்தைப் பற்றி இயக்குநர் பேசுகையில்,” தமிழ் திரை உலகில் அரசியலை மையப்படுத்தி திரைப்படங்கள் வெளியாகி இருக்கிறது. அரசியல் தலைவர்களை பற்றிய திரைப்படங்களும் வெளியாகி இருக்கிறது.

முதன்முறையாக அரசியல் கட்சியில் பணியாற்றும் தொண்டர்களை பற்றிய படமாக ‘சமுத்திரக்கனியின் பப்ளிக்’ உருவாகி இருக்கிறது.” என்றார்.

சமுத்திரக்கனி – காளி வெங்கட் கூட்டணியில் உருவாகியிருக்கும் ‘ சமுத்திரக்கனியின் பப்ளிக்’ படத்தின் ஃபர்ஸ்ட் லுக், பார்வையாளர்களை கவர்ந்திருப்பதால் பெரும் வரவேற்பு கிடைத்து வருகிறது.

Samuthirakani and Kaali Venkat in Public movie

இயக்குனராக அவதாரமெடுத்த இசையமைப்பாளரும் நடிகருமான தர்புகா சிவா

இயக்குனராக அவதாரமெடுத்த இசையமைப்பாளரும் நடிகருமான தர்புகா சிவா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இளைய சமூகத்தின் உணர்வுகளை மையமாக கொண்ட மென்மையான திரைப்படம் ‘முதல் நீ முடிவும் நீ”.

வாழ்வை நம்பிக்கையுடன் எதிர்கொண்டு, வாழ்வில் மன அமைதியை பெறுவது பற்றியான கதைக்கருவில் இப்படம் உருவாகியுள்ளது.

தமிழ்நாட்டின் சென்னையில் 90’s களின் பிற்பகுதியில் வளர்ந்து வரும் உயர்நிலைப் பள்ளிக் குழந்தைகளின் கண்ணோட்டத்தில் இந்தக்கதை விவரிக்கப்பட்டுள்ளது.

‘நியூயார்க் திரைப்பட விருது விழாவில், ‘முதல் நீ முடிவும் நீ’ திரைப்படம் சிறப்பு மிகு கௌரவ விருதை (Honourable Mention) வென்றுள்ளது மேலும், மாசிடோனியாவில் நடைபெற்ற ஆர்ட் ஃபிலிம் விருது விழாவினில் இத்திரைப்படம் ‘சிறந்த இயக்குனர்’ விருதினையும் வென்றுள்ளது குறிப்பிடத்தக்கது.

தவிர, உலகெங்கிலும் உள்ள பல்வேறு திரை விழாக்களில் இப்படம் அதிகாரப்பூர்வமாக தேர்வாகியுள்ளது குறிப்பிடத்தக்கது.
இதில் சித் ஸ்ரீராம் குரலில், பாடலாசிரியர் தாமரை எழுதிய இப்படத்தின் டைட்டில் பாடல், பல்வேறு வானொலி நிலையங்களின் தரவரிசையில் தொடர்ந்து முதலிடத்தில் இருந்து வருகிறது.

“முதல் நீ முடிவும் நீ” திரைப்படத்தில், அமிர்தா மாண்டரின், பூர்வா ரகுநாத், K.ஹரிஷ், சரண் குமார், ராகுல் கண்ணன், நரேன் விஜய், மஞ்சுநாத் நாகராஜன், மீத்தா ரகுநாத், வருண் ராஜன், சரஸ்வதி மேனன், சச்சின், கௌதம் ராஜ் CSV, ஹரினி ரமேஷ், கிஷன் தாஸ் உட்பட இளம் நட்சத்திர நடிகர்கள் இணைந்து நடித்துள்ளனர்.

இத்திரைப்படத்தை எழுதி இயக்குவதுடன், இயக்குநர் தர்புகா சிவா இப்படத்திற்கு இசையும் அமைத்துள்ளார்.

சுஜித் சாரங் (ஒளிப்பதிவு), ஸ்ரீஜித் சாரங் (எடிட்டிங்), தாமரை-கீர்த்தி-காபர் வாசுகி (பாடல் வரிகள்), ஆனந்த் (இணை இயக்குனர் மற்றும் கிரியேட்டிவ் புரடியூசர்), வாசுதேவன் (கலை), G வெங்கட் ராம் (விளம்பர புகைப்படம்), கண்ணதாசன் DKD (விளம்பர வடிவமைப்புகள்) , ராஜகிருஷ்ணன் M.R(ஒலி வடிவமைப்பு), மற்றும் நவீன் சபாபதி (கலரிஸ்ட்) ஆகியோர் தொழில்நுட்ப வல்லுநர்களாக பணியாற்றியுள்ளனர்.

இத்திரைப்படம் ஜீ5 தளத்தில் இந்த மாதம் 2022 ஜனவரி 21ல் வெளியாகிறது என்பது குறிப்பிடத்தக்கது.

தர்புகா சிவா பற்றி கூடுதல் தகவல்கள்…

‘ராஜதந்திரம்’ (2015) படத்தின் மூலம் நடிகராக அறிமுகமானவர் தர்புகா சிவா. இந்த படத்தில் இவர் செய்த காமெடி நல்ல வரவேற்பை பெற்றது.

அதே வருடத்தில் வெளியான சசிகுமாரின் ‘கிடாரி’ படத்தின் மூலம் இசையமைப்பாளராக அறிமுகமானார். இதன்பின்னர் தனுஷின் ‘எனை நோக்கிப் பாயும் தோட்டா’, ‘பலே வெள்ளையத்தேவா’, ‘நிமிர்’, ‘ராக்கி’ உள்ளிட்ட படங்களுக்கு இசையமைத்துள்ளார் என்பது குறிப்பிடத்தக்கது.

Darbuka Sivas directorial debut MUDHAL NEE MUDIVUM NEE release update

டூரிஸ்ட் கைடாக சிவகார்த்திகேயன்.; மீண்டும் சத்யராஜ் கூட்டணி

டூரிஸ்ட் கைடாக சிவகார்த்திகேயன்.; மீண்டும் சத்யராஜ் கூட்டணி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அனுதீப் இயக்கும் சிவகார்த்திகேயன் 20வது படத்தில் நடிக்கிறார் சிவகார்த்திகேயன்.

இதில் நாயகியாக ராஷ்மிகா நடிக்க, முக்கிய வேடத்தில் சத்யராஜ், பிரேம்ஜி நடிக்கின்றனர்.

வருத்தப்படாத வாலிபர் சங்கம், கனா உள்ளிட்ட படங்களில் சத்யராஜ் சிவகார்த்திகேயன் இணைந்து நடித்திருந்தனர்.

தமன் இசையமைக்க பிரவீன் எடிட்டிங் செய்கிறார். மனோஜ் ஒளிப்பதிவு பணிகளை மேற்கொள்கிறார்.

இதில் சிவகார்த்திகேயன் டூரிஸ்ட் கைடாக நடிக்கிறாராம்.

Sivakarthikeyan and Sathyaraj team up for 3rd time

சினிமாவில் நடிக்கும் இயக்குனர் ரஞ்சித் மனைவி அனிதா

சினிமாவில் நடிக்கும் இயக்குனர் ரஞ்சித் மனைவி அனிதா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அட்டகத்தி என்ற படத்தை இயக்கி தமிழ் சினிமாவுக்குள் இயக்குனராக நுழைந்தவர் ரஞ்சித்.

இதனையடுத்து கார்த்தி நடிப்பில் ரஞ்சித் இயக்கிய மெட்ராஸ் படம் தமிழகமெங்கும் இவரை கொண்டு சென்றது.

இதனையடுத்து எவரும் எதிர்பாராத வகையில் ரஜினியின் கபாலி படத்தை இயக்கும் வாய்ப்பை பெற்றார். அந்த படத்தின் மூலம் இந்தியா முழுவதும் பிரபலமானார்.

இதன் பின்னர் ரஞ்சித் இயக்கிய காலா, சார்பட்டா பரம்பரை ஆகிய படங்கள் மாபெரும் எதிர்பார்ப்பையும் வெற்றியை பெற்றது.

மற்றொரு பக்கம் தனது நீலம் புரடொக்சன்ஸ் சார்பில் பரியேறும் பெருமாள், இரண்டாம் உலகப் போரின் கடைசி குண்டு, ரைட்டர் போன்ற தரமான படங்களையும் கொடுத்து வருகிறார்.

தற்போது காளிதாஸ் நடிப்பில் நட்சத்திரம் நகர்கிறது என்ற படத்தை இயக்கி முடித்துள்ளார் ரஞ்சித்.

இந்த படத்தில் தனது மனைவி அனிதாவுக்கு நட்சத்திரம் நகர்கிறது படத்தில் நடிப்பதற்கு வாய்ப்பளித்திருக்கிறார் ரஞ்சித்.

‛நட்சத்திரம் நகர்கிறது படப்பிடிப்பு அண்மையில் நிறைவு பெற்றது என்பது குறிப்பிடத்தக்கது.

Director Pa Ranjith wife Anitha debut in Tamil Cinema

2022 பொங்கல் படங்கள் : விஷால் விதார்த் சசிகுமார் சதீஷ் உள்ளிட்டோர் மோதல்

2022 பொங்கல் படங்கள் : விஷால் விதார்த் சசிகுமார் சதீஷ் உள்ளிட்டோர் மோதல்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

வினோத் இயக்கத்தில் அஜித் நடித்த வலிமை படம் 2022 பொங்கலுக்கு ரிலீஸ் என அறிவிக்கப்பட்டது. ஆனால் தற்போது கொரோனா ஊரடங்கு (இரவு ஊரடங்கு மற்றும் ஞாயிறு ஊரடங்கு) அமலுக்கு வந்துள்ளதால் படத்தின் வெளியீடு தள்ளிப் போனது.

இதனையடுத்து வலிமை விட்ட இடத்தை பிடிக்க பல தயாரிப்பாளர்கள் முன் வந்துள்ளனர்.

அதன்படி தங்கள் படங்களில் ரிலீஸ் தேதியை அறிவித்து வருகின்றனர்.

2022 ஜனவரி 13ல் வெளியாகவுள்ள படங்கள் பற்றிய ஒரு பார்வை இதோ…

1. நாய் சேகர்
கிஷோர் ராஜ்குமாரின் இயக்கத்தில் ஏஜிஎஸ் என்டர்டெய்ன்மெண்ட் தயாரித்துள்ள படம் நாய் சேகர். சதீஷ், பவித்ரா லெட்சுமி ஜோடியாக நடித்துள்ளனர். அஜேஷ் இசையமைத்துள்ளார். வடிவேலு நடித்த ஒரு படத்தில் நாய்சேகர் என்பது அவரது கேரக்டர் பெயர் என்பது குறிப்பிடத்தக்கது.

ஏஜிஎஸ் குழுவினர் நாய் சேகர் பெயரை விட்டுக் கொடுக்காத காரணத்தினால் நாய் சேகர் ரிட்டர்ன்ஸ் என்ற பெயரில் சுராஜ் இயக்கத்தில் வடிவேலு நடித்து வருவது தனிக்கதை. இந்த படத்தை லைகா தயாரித்து வருகிறது.

2. வீரமே வாகை சூடும்
து.பா.சரவணன் இயக்கத்தில் விஷால் தயாரித்து நடித்துள்ள படம் வீரமே வாகை சூடும். இதில் விஷால் ஜோடியாக டிம்பிள் ஹயாத்தி நடித்துள்ளார். யுவன் சங்கர் ராஜா இசையமைத்துள்ளார். இந்த படத்தின் தெலுங்கு பதிப்பு ஜனவரி 14ல் வெளியாகவுள்ளதாக அறிவிக்கப்பட்டுள்ளது. தமிழ் பதிப்பு குறித்து தகவல் இல்லை.

3. கொம்பு வச்ச சிங்கம்டா

எஸ்.ஆர்.பிரபாகரன் இயக்கத்தில் சசிகுமார், மடோனா செபஸ்டின், சூரி, மறைந்த இயக்குநர் மகேந்திரன், ஹரிஷ் பெரடி உள்ளிட்டோர் நடித்துள்ள படம் ‘கொம்பு வச்ச சிங்கம்டா’. இந்தர் குமார் தயாரித்துள்ளார்.

4. ஐஸ்வர்யா முருகன்

ஜி.ஆர்.வெங்கடேஷ், கே.வினோத் ஆகியோர் தயாரிப்பில் உருவாகியுள்ள படம் ‘ஐஸ்வர்யா முருகன்’. இப்படத்தை கருப்பன் பட புகழ் ஆர்.பன்னீர் செல்வம் இயக்கியுள்ளார்.
ஒரு காதல் ஜோடியின் குடும்பத்தை ஒரு காதல் எப்படியெல்லாம் பிரிக்கும் என்பதை இந்த படம் சொல்கிறதாம்.
ஹீரோவாக அருண் பன்னீர்செல்வம் கேரளாவைச் சேர்ந்த வித்யாபிள்ளை ஹீரோயினாக அறிமுகமாகிறார். இவர்களுடன் தெய்வேந்திரன், ஹர்ஷ் லல்வானி, சாய்சங்கீத், குண்டுகார்த்திக், தீனா, ராஜா, சங்கீதா, நாகேந்திரன்னு புதுமுகங்கள் நடித்திருக்கிறார்கள்.
அர்ஜுன் ஜெனா ஒளிப்பதிவையும், கணேஷ் ராகவேந்திரா இசை பணியையும், ஜான் ஆபிரகாம் எடிட்டிங் பணியையும் செய்கிறார்கள்.

5. கார்பன்
ஹிப் ஹாப் ஆதி நடித்த அன்பறிவு படத்தில் வில்லனாக நடித்திருந்தார் விதார்த். இந்த அன்பறிவு படம் மோசமான விமர்சனங்களை சந்தித்தாலும் விதார்த் நடிப்பை பாராட்டும்படியாக இருந்தது.

தற்போது விதார்த் நடிப்பில் 25வது படமாக உருவாகியுள்ள படம் “கார்பன். ஶ்ரீனிவாசன் என்பவர் இந்த படத்தை இயக்கியிருக்கிறார்.
கனவில் காண்பவை எல்லாம் நிஜத்தில் அப்படியே அசலாக நடப்பதால் இந்த படத்திற்கு கார்பன் என பெயர் வைத்திருக்கிறார்களாம்.
தன்யா பாலகிருஷ்ணன் நாயகியாக நடிக்க, விக்ரம் ஜெகதீஷ் (ஒண்டிகட்ட படப்புகழ்), பாவ்லின் ஜெஷிகா (வாய்தா படப்புகழ்) மாரிமுத்து, மூணார் ரமேஷ், நிதீஷ் அஜய், வினோத் சாகர், மூர்த்தி (பிச்சைக்காரன் படப்புகழ்) டபுட் செந்தில், சுபா வெங்கட், பேபி ஜனனி உள்ளிட்டோரும் நடித்துள்ளனர்.

Valimai postponed 5 movies clash in 2022 Pongal

சிம்புவின் ‘மாநாடு’ ரீமேக்..; அனைத்து மொழி உரிமைகளையும் வாங்கிய பிரபல நிறுவனம்.

சிம்புவின் ‘மாநாடு’ ரீமேக்..; அனைத்து மொழி உரிமைகளையும் வாங்கிய பிரபல நிறுவனம்.

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சுரேஷ் காமாட்சி தயாரிப்பில் வெங்கட் பிரபு இயக்கத்தில் சிலம்பரசன் நடித்த படம் ‘மாநாடு’.

இதில் எஸ்.ஜே.சூர்யா, மனோஜ், கல்யாணி ப்ரியதர்ஷன், பிரேம்ஜி, கருணாகரன், எஸ்ஏசி, ஒய்ஜி மகேந்திரன் உள்ளிட்ட பலர் நடித்து இருந்தனர்.

யுவன் இசையமைத்து இருந்தார்.

இப்படத்தின் பின்னணி இசை பெரியளவில் பேசப்பட்டது. தமிழ் & தெலுங்கில் இப்படம் கடந்த நவம்பர் 25-ஆம் தேதி வெளியானது.

வசூல் ரீதியாகவும், விமர்சன ரீதியாகவும் நல்ல வரவேற்பைப் பெற்றது.

எனவே ‘மாநாடு’ படத்தின் ரீமேக் உரிமையைக் கைப்பற்ற ஹிந்தி, தெலுங்கு தயாரிப்பாளர்கள் போட்டி போட்டு வந்தனர்.

இந்த நிலையில் ‘மாநாடு’ படத்தின் அனைத்து மொழிகளுக்கான ரீமேக் உரிமையை தெலுங்கின் பிரபல தயாரிப்பு நிறுவனமான சுரேஷ் புரொடக்‌ஷன்ஸ் கைப்பற்றியுள்ளது.

மேலும் ‘மாநாடு’ படத்தில் தெலுங்கு டப்பிங் உரிமையையும் அந்நிறுவனமே கைப்பற்றியுள்ளது என தன் ட்விட்டர் பக்கத்திலும் அந்நிறுவனம் உறுதி செய்துள்ளது.

கூடுதல் தகவல்..:

1960களிலேயே இந்த நிறுவனம் தொடங்கப்பட்டதாம். இதுவரை 100-க்கும் அதிகமான திரைப்படங்களை தயாரித்துள்ளது சுரேஷ் புரொடக்‌ஷன்ஸ் நிறுவனம்.

Silambarasan TR’s Maanaadu film remake details

More Articles
Follows