சினிமாகாரனுக்கு பிரச்சினை இல்லைன்னு நினைக்கிறாங்க.. ஆர்.ஜே.பாலாஜி ஆதங்கம்

டெக்னீசியன்களை அறிமுகப்படுத்தும் முயற்சியில் லிப்ரா குறும்பட விழா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சினிமாவில் நாளுக்கு நாள் குறும்படங்களின் தாக்கம் அதிகமாகிக்கொண்டுதான் போகிறது. ஒரு காலத்தில் உதவி இயக்குனர் வாய்ப்புக்காக கால்கடுக்க சுற்றியலைந்தவர்கள், பத்து வருடம் உதவி இயக்குனர்களாகவே காலத்தை கழித்துவிட்டு பின் வாய்ப்பு தேடுபவர்கள் என வழக்கமான பாதையில் செல்லாமல் குறும்படம் மூலமாக தனது திறமை இதுதான் என வெளிச்சம்போட்டு காட்டி அதையே தனது விசிட்டிங் கார்டாக மாற்றி படம் பண்ணும் இளைஞர் கூட்டம் ஒன்று சினிமாவுக்குள் கொஞ்சம் கொஞ்சமாக நுழைந்துகொண்டு இருக்கிறது.

அப்படி நுழைபவர்களுக்கான வாசல் குறுகியதாகவே இருக்கிறது. அந்த வாசலை விரியத்திறந்து வைத்து படைப்பாளிகளுக்கு ஒரு அற்புதமான மேடை அமைத்து கொடுக்கும் வேலையை கையில் எடுத்துள்ளது லிப்ரா புரடக்சன்ஸ்.

தமிழ் சினிமாவில் வளர்ந்துவரும் தயாரிப்பு நிறுவனங்களில் குறிப்பிட்டு சொல்ல கூடியவற்றில் ஒன்றுதான் லிப்ரா புரடக்சன்ஸ்.

நளனும் நந்தினியும், சுட்ட கதை, விரைவில் வெளிவர இருக்கும் ‘நட்புன்னா என்னானு தெரியுமா’ உள்ளிட்ட படங்களை தயாரித்துள்ள இந்த நிறுவனம், தற்போது குறும்பட இயக்குனர்களின் திறமையை வெளிச்சம் போட்டு காட்டுவதற்காக குறும்பட போட்டி ஒன்றை மிக பிரமாண்டமாக நடத்த இருக்கிறது.

இந்த குறும்பட விருது விழா நடத்த வேண்டிய அவசியம் என்ன.?

ஒரு திரைப்பட தயாரிப்பாளராக இருந்துகொண்டு இந்த குறும்பட விழாவை நடத்த வேண்டிய அவசியம் என்ன என்கிற சந்தேகத்தை, லிப்ரா புரடக்சன்ஸ் ரவீந்தர் சந்திரசேகரிடமே கேட்டோம்..

பொதுவா குறும்படம் எடுக்கிறவங்க கொஞ்சம் செலவு செஞ்சு, யாரோ ஒரு சில சினிமா பிரபலங்களை கூப்பிட்டு, திரையிட்டு காட்டி அந்த பாராட்டோட சந்தோஷப்பட்டு நின்னுடறாங்க.. இன்னும் சிலர் அதை வைத்து யாரிடமாவது உதவி இயக்குனரா சேர்றாங்க.. அப்படி இல்லைன்னா அதையே படம் இயக்குறதுக்கு அனுபவமா நினைத்து வாய்ப்பு தேட ஆரம்பிச்சிடுறாங்க..

ஆனா சினிமாவுல இருக்குறவங்களுக்கு எப்படி விருதுகள் தான் பாராட்டா அமையுதோ அதேபோல சினிமாவுல நுழையணும் அப்படிங்கிற கனவோட ஒரு வெறியோட குறும்படங்களை இயக்குறவங்களுக்கு நிச்சயம் விருதுகள் தான் பாராட்டும் ஊக்கமுமா அமையும்.. அப்படிப்பட்ட ஒரு களத்தை அவர்களுக்கு அமைச்சு கொடுக்கிறதுக்காகத்தான் இந்த குறும்பட திருவிழாவை நடத்துறோம்” என்கிறார்.

சரி இதை நடத்துவதால் உங்களுக்கு என்ன லாபம்.?

குறும்பட விழாக்கள் நடத்துறது ஒரு சேவை மட்டுமல்ல.. இதுக்கு வர்த்தக ரீதியா ஒரு ஓப்பனிங் இருக்குது.. ஆனா நாம் இன்னைக்கு விதை போடுறோம்.. அதோட பலன் கிடைக்க நமக்கு கொஞ்ச நாளாகும் இல்லையா.. அதேசமயம் பணம், லாபம் அப்படிங்கிறத தாண்டி இந்த குறும்பட விழா மூலமா திரையுலகுக்கு நிறைய டெக்னீசியன்களை அறிமுகப்படுத்துறோம் இல்லையா.. நாளைக்கு அவர்களுக்கு ஒரு வாய்ப்பு கிடைக்கும்போது அங்கே லிப்ரா விருது வாங்கிருக்கேன்னு அவங்க அதை ஒரு அங்கீகாரமா சொல்லுவாங்கள்ல.. அதுதான் நாங்க எதிர்பார்க்கிற பலன்.

ஒரு 20 நிமிட குறும்படம் மூலமா நம்மால பத்து லட்சம் ரூபாய் சம்பாதிக்க முடியுதுன்னா, இதே அர்ப்பணிப்பையும் உழைப்பையும் திரைப்படத்துல காட்டுனா அந்த தயாரிப்பாளருக்கு எவ்வளவு லாபத்தை நாம் கொடுக்க முடியும் அப்படிங்கிற உந்துதலை ஒவ்வொரு படைப்பாளிக்கும் இந்த விருது ஏற்படுத்தும்.

என்னால எல்லோருக்கும் படம் கொடுக்க முடியாது.. ஆனா அவங்களுக்கு படம் கிடைக்கிறதுக்கான வாய்ப்பையும் அவங்களுக்கான பாராட்டையும் ஏற்படுத்தி தரமுடியும்.. வருங்காலத்துல லிப்ரா அவார்ட்ஸ் அப்படின்னா திரையுலகத்துல மிக மரியாதையான ஒரு விஷயமா மாறனும். இதுதான் இந்த குறும்பட விருது விழா நடத்துறதோட நோக்கம்.” என்கிறார் ரவீந்தர் சந்திரசேகரன் தெள்ளத்தெளிவாக..

போட்டியை பற்றி ….

இந்த குறும்பட போட்டியில் கலந்துகொள்ள வரும் ஜூலை-15 தான் போட்டியாளர்கள் தங்களது படைப்பை அனுப்பவதற்கான கடைசி நாளாகும். ஒவ்வொரு குறும்படமும் 17 நிமிடங்களுக்கு அதிகமான கால அளவில் இருக்க கூடாது.. ஆங்கிலத்தில் சப் டைட்டில்கள் குறிப்பிடப்பட்டிருக்க வேண்டும்

மிகச்சிறந்த குறும்படம் என்கிற ஒரு பிரிவில் மட்டுமல்லாமல் மிகச்சிறந்த குறும்பட இயக்குனர், நடிகர், நடிகை, நகைச்சுவை நடிகர், இசையமைப்பாளர், ஒளிப்பதிவாளர், படத்தொகுப்பாளர், பாடலாசிரியர், பாடகர் என திரைப்படங்ளை போன்றே பல பிரிவுகளிலும் போட்டியாளர்கள் தேர்வுசெய்யப்பட உள்ளனர்.

தமிழ் சினிமாவின் பிரபல இயக்குனர்கள், தொழிநுட்ப கலைஞர்கள் இந்த குறும்படங்களை பரிசீலித்து அதில் சிறந்த பத்து குறும்படங்களை தேர்ந்தெடுப்பார்கள்.. அந்த பத்து படங்களும் விழா நடைபெற இருக்கும் ஒரு குறிப்பிட்ட நாளில் மொத்தமாக திரையிடப்பட்டு அதில் அனைத்து பிரிவிலும் முதல் மூன்று இடங்களில் வெற்றிபெற்றவர்கள் தேர்வு செய்யப்படுவார்கள்.. அன்று மாலையே பரிசளிப்பு விழா மிகப்பெரிய அளவில் நடைபெற இருக்கிறது.

முதல் பரிசாக 10 லட்சம், 2ஆம் பரிசாக 7 லட்சம் மற்றும் 3ஆம் பரிசாக 5 லட்சம் ரூபாய் என பரிசு தொகைகள் வழங்கப்பட இருக்கின்றன. இதில் இன்னொரு சிறப்பு அம்சமாக மீதி உள்ள ஏழு குறும்படங்களுக்கும் சிறப்பு பரிசாக தலா 50 ஆயிரம் ரூபாய் வழங்கப்படும்.

உங்கள் குறும்பட சிடிகளை No.14, 1st Cross Street, Lambert Nagar, AlwarThirunagar, Chennai – 87 எனும் முகவரிக்கு அனுப்பலாம். விவரங்களுக்கு Mobile: 97899 16561, Office: 044 – 4208 9658 இந்த எண்களை தொடர்புகொள்ளலாம்.

இந்த போட்டி குறித்த அடுத்தகட்ட விபரங்களை லிப்ரா புரடக்சன்ஸ் பேஸ்புக் பக்கத்தின் மூலம் அவ்வப்போது போட்டியாளர்கள் தெரிந்துகொள்ளலாம்.

https://www.facebook.com/LIBRAShortFilmAwards/

Libra Short film festival coming soon

குடிச்சு சாவாதீங்கடா… குறும்படத்தால் கவர்ந்த இளசுகள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

“ஐயோ வவுத்துக்குள்ள போக வேண்டிய அம்புட்டு சரக்கும், இப்படி வேஸ்ட்டா பூமிக்குப் போகுதே. பின்னே ஏண்டா பூமி சுத்தாது…?” என்று குடிகாரர்கள் நாக்கில் ஜலம் வழிய அதிர்ச்சியோடு பார்த்துக் கொண்டிருப்பது ஒரே ஒரு காட்சியைதான்.

அது? நாடெங்கிலும் பெண்களே கிளர்ந்தெழுந்து மதுக்கடைகளை அடித்து நொறுக்கும் அற்புதமான காட்சி.

ஒவ்வொரு வீடுமே குடியின் விஷத்தன்மை பற்றி நன்கு அறிந்திருக்கிறது. காரணம்… அவரவர் வீட்டு செல்லங்கள்தான்! கணவன் குடித்தால் கூட கண்ணீருடன் மன்னித்துவிடலாம்.

ஸ்கூலுக்கு போற பசங்கள்லாம் குடிக்குதே என்கிற ஆத்திரம்தான் இந்த ஆவேச டாஸ்மாக் தாக்குதலுக்கு காரணம். மக்கள் விழித்துக் கொண்ட இந்த அருமையான நேரத்தில், குடியின் தீவிரத்தை இன்னும் அழுத்தமாக சொல்லியிருக்கிறது ஒரு ஷார்ட் பிலிம்.

சுமார் 30 நிமிடங்கள் ஓடும் இந்தப்படத்தின் பெயர் ‘இன்பம் என்ற போதையாலே’.

அப்சல் ஹமீது குடிகார இளைஞனாக நடித்திருக்கிறார். ஒரு நல்ல பையன் எப்படி கூடா நட்பின் காரணமாக குடிப்பழக்கத்துக்கு ஆளாகிறான். அதன் விளைவாக என்னென்ன நடக்கிறது என்பதை அப்படியே நேரில் பார்ப்பது போல விவரிக்கிறது ‘இன்பம் என்ற போதையாலே’ குறும்படம்.

குறுகிய நேர படமாக இருந்தாலும் அதை பிரச்சார படம் போல எடுக்காமல், படு சுவாரஸ்யமாகவும், திடுக்கிடும் ட்விஸ்ட்டுகளுடனும் இயக்கியிருக்கிறார் அப்துல் கரீம். திரைக்கதை, வசனத்தில் அப்துல் கரீமுக்கு உதவியும் இருக்கிறார் இப்படத்தின் ஹீரோ அப்சல் ஹமீது.

ஷார்ட் பிலிம் மூலம் சினிமாவின் கதவுகளை துணிச்சலாக தட்டிப் பார்க்கும் இளைஞர்கள் கூட்டத்தில் தனியாக கவர்கிறார்கள் இப்படத்தில் பங்குபெற்ற ஒவ்வொருவரும். குறிப்பாக இசை. சாந்தன் என்ற இளைஞர் அமைத்திருக்கும் பின்னணி இசை, படத்தை மேலும் விறுவிறுப்பாக்கியிருக்கிறது.

Drinking awareness short film Inbam endra Bodhaiyaalae

Production banner
PSR FILMS, MAN MADE PICTURES

Starring
Afsal Hameed, Vekkey Simbu, Abdul Karim, Selwyn Tintoo, Ravi Shankar, Jenny Bharathi, Inbasagar, Julliyan, Sandy Senthil, Gopal, Maabu Baasha, Balaji, Pattu, Azar, Thameem, Veera.

Crew.

Producer – Pavithra
Co-producer Ravi Shankar and Varshini sekar.
Director – Abdul Karim.
Story Afsal Hameed.
Screenplay & Dialogues – Abdul Karim and Afsal Hameed. Cinematography – Ameen Associate Cinematographer – Vithagan Suryan
Music Santhan Anebajagane. Sound mixing – Sudharsan Lingam. Editing – Amuthan.
DI – Prakash.
Sfx – Iqbal.
Stills and designs – Gopal.
Subtitles – Sadhana Sruthikeerthi. Production supervisor – Ashik.

சூப்பர் ஸ்டார தெரியும்; பப்ளிக் ஸ்டார தெரியுமா? தப்பாட்டம் பாருங்க

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தப்பாட்டக் கலைஞரின் வாழ்க்கையை மையப்படுத்தி எடுக்கப்பட்டுள்ள படம் தப்பாட்டம்.

இத்திரைப்படத்தில் கதாநாயகனாக ‘பப்ளிக் ஸ்டார்’ துரை சுதாகரும், கதாநாயகியாக டோனாவும் நடித்திருக்கிறார்கள்.

இவர்களுடன் கோவை ஜெயக்குமார், பேனா மணி ஆகியோர் நடித்திருக்கிறார்கள்.

இது குறித்து பேசிய டைரக்டர் முஜிபூர் ரஹ்மான், “கணவன், மனைவி இடையே உள்ள அன்பையும், காதலையும் சொல்வதோடு, செய்யாத தவறுக்கு பலி ஆடாக சிக்கிக்கொள்ளும் நாயகியின் வாழ்க்கை என்ன ஆனது என்பதை இப்படத்தில் யதார்த்தமாக சொல்லியிருக்கிறோம்.” என்றார்.

இப்படத்திற்கு இசை – பழநி பாலு, ஒளிப்பதிவு – ராஜன், பாடலாசிரியர் – விக்டர் தாஸ், கார்த்திக் & பாலு, சண்டைப்பயிற்சி – ஆக்சன் பிரகாஷ், கதை, திரைக்கதை, வசனம், இயக்கம் – முஜிபூர் ரஹ்மான், தயாரிப்பு – ஆதம் பாவா.

விரைவில் இப்படம் திரைக்கு வரவிருக்கிறது.

Public Star Durai Sudhakar starring Thappattam

‘ஒவ்வொரு இந்துவுக்கும் அவமானம்’… புதிய படம் தயாராகிறது

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

காஞ்சிபுரம் வரதராஜ பெருமாள் கோயில் மானேஜராக இருந்தவர் சங்கர்ராமன்.

இவர் கடந்த 2004ஆம் ஆண்டில் செப்டம்பர் மாதம் கோயில் அலுவலகத்திலே வைத்து கொல்லப்பட்டார்.

இது தொடர்பாக, காஞ்சி சங்கராச்சாரியார் ஜெயேந்திர சரஸ்வதி உள்பட 25 பேர் கைது செய்யப்பட்டனர்.

ஆனால் அதன்பின்னர் அவர்கள் நிரபராதிகள் என விடுதலை ஆகிவிட்டார்கள்.

அப்படி என்றால் அந்த சங்கர்ராமனை யார் கொலை செய்தார்கள்? என்ற விடை யாருக்குமே தெரியாது. (இதுதான் இந்திய சட்டத்தின் நிலை..)

இந்த சம்பவத்தை அடிப்படையாக வைத்து, ’ஆச்சார்யா அரெஸ்ட்’ என்ற பெயரில் ஒரு புதிய படம் ஒன்று உருவாகவுள்ளது.

இத்ற்கு துணைத் தலைப்பாக அதாங்க டேக் லைனாக, ‘ஒவ்வொரு இந்துவுக்கும் அவமானம்’ என்று குறிப்பிட்டு இருக்கிறார்கள்.

தமிழ், தெலுங்கு, இந்தி, மலையாளம் ஆகிய மொழிகளில் இப்படம் உருவாகிறது.

கன்னட இயக்குனர் ஸ்ரீனிவாஸ் ராஜூ இயக்க, சங்கராச்சாரியராக அனுபம் கெர் நடிக்கிறாராம்.

மன்மோகன் சிங் வாழ்க்கை வரலாறு படத்திலும் மன்மோகன் சிங்காக அனுபம் கெர் நடிக்கிறார் என்பது குறிப்பிடத்தக்கது.

Sankararaman murder case movie news Anupam Kher in Shankaracharya character

தனி ஒருவன் இந்தி ரீமேக்; யாரெல்லாம் நடிக்கிறாங்க தெரியுமா?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மோகன் ராஜா இயக்கத்தில் ஜெயம் ரவி, நயன்தாரா, அர்விந்த் சாமி இணைந்து நடித்த ‘தனி ஒருவன்’ கடந்த 2015ஆம் ஆண்டு வெளியானது.

இப்படம் மாபெரும் சூப்பர் டூப்பர் ஹிட்டடிக்க, தெலுங்கில் துருவா என்ற பெயரில் ரீமேக் செய்யப்பட்டது. அதில் ராம் சரண், ராகுல் பிரீத், அர்விந்த்சாமி ஆகியோர் நடித்திருந்தனர்.

இந்நிலையில் விரைவில் இந்தியில் ரீமேக் செய்யப்படவுள்ளதாம்.

சித்தார்த் மல்ஹோத்ரா ஜெயம் ரவி வேடத்தில் நடிக்க, அர்ஜுன் கபூர்அரவிந்த் சாமி வேடத்தில் நடிக்கிறார்.
சபீர் கான் இயக்கவிருக்கிறார்.

இதெல்லாம் இருக்கட்டும். நயன்தாரா கேரக்டரில் யார் நடிக்கிறார்? என்றுதானே கேட்கிறீர்கள்.

கொஞ்ச நாள் பொறு தலைவா

Arjun Kapoor and Sidharth Malhotra to star in Thani Oruvan Hindi remake