RRR 800 கோடி வசூல்.. மெகா ஹிட்… தங்க நாணயத்தை அள்ளி வழங்கிய ராம்சரண்

‘மஹாவீர்யார்’-காக 3வது முறையாக இணைந்த நிவின் பாலி & அப்ரித் ஷைனி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர் நிவின் பாலி நடிப்பில், பெரிதும் எதிர்பார்க்கப்பட்ட “மஹாவீர்யார்” படத்தின் டீசர் இன்று வெளியிடப்பட்டது.

அப்ரித் ஷைனி இயக்கியிருக்கும் இந்தப் படத்தை Pauly Jr Pictures மற்றும் Indian Movie Makers சார்பில் நிவின் பாலி, PS சம்னாஸ் தயாரித்துள்ளனர்.

இப்படத்தில் நிவின் பாலி, ஆசிப் அலி, லாலு அலெக்ஸ், சித்திக், ஷான்வி ஸ்ரீவஸ்தவா, விஜய் மேனன், மேஜர் ரவி, மல்லிகா சுகுமாரன், சுதிர் கரமனா, கிருஷ்ண பிரசாத், பத்மராஜ் ரதீஷ், சுதீர் பரவூர், கலாபவன் பிரஜோத், பிரமோத் வெளியநாட், ஷைலஜா P அம்பு முக்கிய வேடங்களில் நடித்துள்ளனர்.

இயக்குனர் அப்ரித் ஷைனி, விருது பெற்ற எழுத்தாளர் M முகுந்தனின் கதையை தழுவி இப்படத்தின் திரைக்கதையை அமைத்துள்ளார்.

1983 மற்றும் ஆக்‌ஷன் ஹீரோ பிஜு படங்களுக்குப் பிறகு மூன்றாவது முறையாக அப்ரித் ஷைனியும், நிவின் பாலியும் இணைந்து இப்படத்தில் பணியாற்றுகிறார்கள்.

மஹாவீர்யார் திரைப்படம் டைம் டிராவல், ஃபேண்டஸி மற்றும் நீதிமன்ற நடவடிக்கைகளை சுற்றி, உணர்வுப்பூர்வமான தருணங்களுடன், பொழுதுபோக்கு நிறைந்த படமாக உருவாக்கப்பட்டுள்ளது.

ரசிகர்களுக்கு சிறப்பான அனுபவத்தை தரும், முழுமையான பொழுதுபோக்கு திரைப்படமாக இப்படம் இருக்கும்.

இஷான் சாப்ரா இப்படத்திற்கு இசையமைக்க, விருது பெற்ற ஒளிப்பதிவாளர் சந்துரு செல்வராஜ் ஒளிப்பதிவு செய்துள்ளார்.

படக்குழுவில் மனோஜ் (எடிட்டர்), விஷ்ணு கோவிந்த் (ஒலிக்கலவை), அனீஸ் நாடோடி (கலை இயக்கம்), சந்திரகாந்த் & மெல்வி J (ஆடைகள்), லிபின் மோகனன் (ஒப்பனை), பேபி பணிகர் (இணை இயக்குனர்) பணிகளை செய்துள்ளனர்.

Mahaveeryar teaser: Nivin Pauly Asif Alis genre busting film

விஜயகாந்த் படத்தலைப்பில் நடிக்கும் வரலட்சுமி சரத்குமார்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அனில்காட்ஸ் என்பவர் இயக்கத்தில் வரலட்சுமி நடிப்பில் ‘சபரி’ என்ற பெயரில் ஒரு புதிய படம் உருவாகிறது. இதுவரை ரசிகர்கள் பார்த்திராத புதுமையான வேடத்தில் நடிக்கிறாராம் வரலட்சுமி.

இப்படத்தில் கணேஷ் வெங்கட்ராமன், சஷாங்க் சித்தம்ஷெட்டி, மைம் கோபி ஆகியோர் முக்கிய வேடங்களில் நடிக்க கோபி சுந்தரின் இசையமைக்கிறார்.

ஒளிப்பதிவாளராக நானி சமிடிசெட்டியும், கலை இயக்குநராக ஆசிஷ் தேஜா புலாலாவும், படத்தொகுப்பாளராக தர்மேந்திரா காக்கர்லால் ஆகியோர் பணியாற்றுகின்றனர்.

மகா மூவிஸ் நிறுவனத்தின் சார்பில் மகேந்திர நாத் கோண்ட்லா தயாரித்து வருகிறார்.

தெலுங்கு, தமிழ், மலையாளம், ஹிந்தி ஆகிய மொழிகளில் உருவாகவிருக்கும் இந்தப் படம், உகாதி தினத்தன்று வெகு சிறப்பாக துவங்கப்பட்டது.
இந்தப்படம் ஒரு உளவியல் த்ரில்லர் என கூறப்படுகிறது.

ஐதராபாத், விசாகப்பட்டினம் மற்றும் கொடைக்கானலில் உள்ள சில அழகான இடங்களில் இந்தப் படத்தின் படப்பிடிப்பு நடைபெறவுள்ளது.

இதே ‘சபரி’ என்ற படத்தலைப்பில் கடந்த 2007ல் சுரேஷ் இயக்கத்தில் கேப்டன் விஜயகாந்த், ஜோதிர்மயி ஜோடியாக நடித்த படம் வெளியானது என்பது குறிப்பிடத்தக்கது.

Varalakshmi Sarathkumar surprises as Sabari

விஷால் எடுத்த ‘லத்தி’-க்காக 12வது முறையாக இணைந்த யுவன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விஷால் நடித்து அண்மையில் வெளியான படம் ‘வீரமே வாகை சூடும்’. இந்தப் படத்தில் விஷாலுக்கு தங்கையாக ரவீணா ரவி நடித்திருத்தார்.

இப்படத்துக்குப் பிறகு ‘லத்தி’ திரைப்படத்தில் நடித்து வருகிறார் விஷால்.

இதில் விஷாலுக்கு ஜோடியாக சுனைனா நடித்து வருகிறார். இவர்கள் இருவரும் ஏற்கெனவே சமர் படத்தில் இணைந்து நடித்திருந்தனர்.

அறிமுக இயக்குநர் வினோத்குமார் இயக்கும் இப்படம் தமிழ், தெலுங்கு, மலையாளம், கன்னடம், ஹிந்தி உள்ளிட்ட ஆகிய 5 மொழிகளில் வெளியாக உள்ளது.

நடிகர்கள் ரமணா மற்றும் நந்தா இணைந்து தயாரித்து வருகின்றனர்.

ஏப்ரல் 6ல் இதன் ஃபர்ஸ்ட் லுக் போஸ்டர் வெளியாகவுள்ளது.

போலீஸ் த்ரில்லர் கதைக்களத்தில் இப்படம் உருவாகிறது. இதன் இறுதிக்கட்ட படப்பிடிப்பு ஹைதாராபாத்தில் நடைபெற்று வருகிறது.

இந்த நிலையில், ‘லத்தி’ படத்தின் இசையமைப்பாளராக யுவன் சங்கர் ராஜா இணைந்துள்ளார் என அதிகாரபூர்வமாக அறிவித்துள்ளனர்.
விஷால் படத்திற்கு யுவன் சங்கர் ராஜா இசையமைப்பது இது 12-வது முறையாகும் என்பது குறிப்பிடத்தக்கது.

Vishal collaborates with Yuvan Shankar Raja for the 12th time

சூர்யா இல்லாமல் விஜய்யின் ‘நேருக்கு நேர்’..; மினி திரையில் மீண்டும்.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நெல்சன் திலீப்குமார் இயக்கத்தில் உருவாகியுள்ள ‘பீஸ்ட்’ படத்தில் விஜய்க்கு ஜோடியாக நடிகை பூஜா ஹெக்டே நடித்துள்ளார்.

இவர்களுடன் யோகி பாபு, செல்வராகவன், கிங்ஸ்லி, சுனில் ரெட்டி, விடிவி கணேஷ் உள்ளிட்டோரும் நடித்துள்ளனர்.

அனிருத் இசையமைத்து சிவகார்த்திகேயன் எழுதிய ‘அரபிக்குத்து’ பாடல் வெளியாகி ரசிகர்களிடையே நல்ல வரவேற்பை பெற்றது. மேலும் யூடியூப்பில் பல சாதனைகளையும் படைத்தது .

இதன் பின்னர் அனிருத் இசையில் விஜய் பாடியிருக்கும் ‘ஜாலியோ ஜிம்கானா’ பாடல் வெளியானது. இந்த பாடலும் சாதனைகளை படைத்து வருகிறது.

தமிழ் புத்தாண்டு தினத்தை முன்னிட்டு ‘பீஸ்ட்’ திரைப்படம் ஏப்ரல் 13ம் தேதி (ஒரு நாள் முன்னதாக) திரையரங்கில் வெளியாகும் என தயாரிப்பு நிறுவனமான சன் பிக்சர்ஸ் அறிவித்துள்ளது.

நேற்று ‘பீஸ்ட்’ பட ட்ரைலர் வெளியாகி 25 மில்லியன் பார்வையாளர்களை யூடியூப்பில் பெற்று சாதனை படைத்து வருகிறது.

இந்த நிலையில் ஏப்ரல் 10 இரவு 9 மணிக்கு பீஸ்ட் புரோமோசன் நிகழ்ச்சி தொடர்பாக ‘நேருக்கு நேர்’ என்ற நிகழ்ச்சி சன் டிவியில் ஒளிப்பரப்பாகவுள்ளது.

இதில் நடிகர் விஜய்யை டைரக்டர் நெல்சன் நேர்காணல் காண்கிறார். 10 வருடத்திற்கு பிறகு விஜய் நேர்காணலில் கலந்து கொள்கிறார் என்பது குறிப்பிடத்தக்கது.

Vijay Nelson interview Beast Promotion on full swing.

கூடுதல் தகவல்…

1997 ஆண்டில் வசந்த் இயக்கத்தில் உருவான ‘நேருக்கு நேர்’ படத்தில் விஜய் சூர்யா இணைந்து நடித்திருந்தனர்.

தற்போது ‘நேருக்கு நேர்’ என்ற தன் பட டைட்டில் நிகழ்ச்சியில் விஜய் கலந்துக் கொள்கிறார் என்பது குறிப்பிடத்தக்கது.

எப்படி டைட்டில் கனெக்ட் பண்ணிட்டோம்னு பாத்தீங்களா.?

‘பீஸ்ட்’ டிரைலர் திரையிடல்.. தியேட்டரை அடித்து நொறுக்கிய ரசிகர்கள்..; ரஜினியை போல் விஜய் நஷ்ட ஈடு கொடுப்பாரா.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நெல்சன் இயக்கத்தில் விஜய் நடித்துள்ள ‘பீஸ்ட்’ டிரைலரை நேற்று மாலை 6 மணிக்கு யு டியூப்பில் வெளியிட்டது சன் பிக்சர்ஸ்.

தமிழகத்தில் சில தியேட்டர்களில் ரசிகர்களுக்காக பீஸ்ட் ட்ரைலரை இலவசமாக திரையிட்டனர்.

இது சமீபகாலமாக நடைபெற்று வருகிறது. திரைப்படங்களை திரையிட தான் தியேட்டர்களுக்கு அனுமதி வழங்கப்படுகிறது. ஆனால் அரசு அனுமதி இல்லாமல் ரசிகர்களை கவர்ந்திழுக்க ட்ரைலரை திரையிட்டு வருகின்றனர்.

திருநெல்வேலியில் உள்ள பிரபலமான ராம் தியேட்டரில் நேற்று மாலை டிரைலரை திரையிட்டனர். 500 பேர் மட்டுமே அமரக் கூடிய தியேட்டர்களில் 1000க்கும் மேற்ப்பட்ட நபர்களை ஒரே நேரத்தில் இலவசமாக அனுமதித்தன சில தியேட்டர்கள்.

எனவே பலரும் தியேட்டருக்குள் சென்று டிரைலரைப் பார்த்துள்ளனர்.

திரையீடு முடிந்த பின் பெரும்பாலான இருக்கைகளை நாசம் செய்துள்ளனர் விஜய் ரசிகர்கள். ஆர்வமிகுதியால் ரசிகர்கள் இப்படி செய்துள்ளதாக கூறப்படுகிறது.

இதனால் தியேட்டர் உரிமையாளருக்கு லட்சக்கணக்கில் செலவு ஏற்பட்டு இருக்கும் எனத் தெரிகிறது.

இதனால் விஜய் ரசிகர்களை பலரும் இணையத்தளங்களில் கண்டித்து வருகின்றனர்.

கூடுதல் தகவல்..

பல வருடங்களுக்கு முன் 1980களில் ரஜினி படத்தை திரையிட்ட போது சென்னை கமலா தியேட்டரில் இது போன்ற சம்பவத்தை ரஜினி ரசிகர்கள் செய்தார்களாம். அப்போது அதனை அறிந்த ரஜினி தன்னுடைய ரசிகர்களுக்காக நஷ்டஈட்டை கமலா தியேட்டர் உரிமையாளருக்கு கொடுத்ததாக சொல்லப்படுகிறது.

ஒருவேளை இது உண்மையானால் ரஜினியை போல் விஜய்யும் நஷ்டஈடு கொடுப்பாரா.? என பார்க்கலாம்.

Vijay fans damaged theatre in which Beast Trailer screened