தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழகமே எதிர்ப்பார்த்த தனது கட்சி அறிவிப்பை டிசம்பர் 3ஆம் தேதி தெரிவித்தார் ரஜினிகாந்த்.
2021 ஜனவரி மாதம் கட்சி தொடங்குவதாக அறிவித்தார்.
டிசம்பர் 31ஆம் தேதி அதற்கான தேதியை அறிவிப்பதாக கூறியுள்ளார்.
கட்சியின் தலைமை ஒருங்கிணைப்பாளராக அர்ஜுன மூர்த்தியை மேற்பார்வையாளராக தமிழருவி மணியனை நியமித்துள்ளார்.
இதனையடுத்து கட்சிப் பணிகளில் தீவிர ஆர்வம் காட்டி வருகிறார் ரஜினிகாந்த்.
தனக்கு சொந்தமான ராகவேந்திரா மண்டபம் சென்னை நகரின் மைய பகுதியில் அமைந்துள்ளதால் கட்சி அலுவலகமாக மாற்ற உள்ளார்.
தற்போது அதற்கான பணிகள் நடைபெற்று வருகின்றன.
தனது திருமண மண்டபத்தை கட்சி அலுவலகமாக மாற்றினார் விஜயகாந்த் என்பது தங்களுக்கு நினைவிருக்கலாம்.
ரஜினியின் புதிய கட்சி அலுவலகத்தில் கட்சியின் தலைமை ஒருங்கிணைப்பாளராக அறிவிக்கப்பட்டிருக்கும் அர்ஜுன மூர்த்திக்கும், மேற்பார்வையாளராக நியமிக்கப்பட்டிருக்கும் தமிழருவி மணியனுக்கும் தனித் தனி அறைகள் வழங்கப்படவுள்ளதாம்.
இதனை தொடர்ந்து கட்சி கொடி வடிவமைக்கும் பணிகளும் ஒரு பக்கம் நடைபெற்று வருகின்றன.
தற்போது நீலம், வெள்ளை, சிவப்பு ஆகிய வண்ணங்களிலும் நடுவில் ஸ்டார் சின்னத்தில் ரஜினிகாந்த் படம் உள்ள கொடியை ரஜினி ரசிகர்கள் வைத்துள்ளனர்
ஆனால் ரஜினி கட்சிக் கொடி இதிலிருந்து முற்றிலும் வேறுபடவுள்ளது.
ரஜினி போட்டோ கொடியில் இடம்பெறாது. ரஜினி அடிக்கடி காட்டும் பாபா முத்திரையே இடம் பெறும்.
தற்போது தமிழகத்தில் உள்ள திமுக, அதிமுக, தேமுதிக, மதிமுக உள்ளிட்ட திராவிட கட்சிகளின் பெயர்களில் கழகம் என்ற சொல் இடம் பெற்றுள்ளது.
எனவே கழகம் என்ற வார்த்தை இல்லாமல் கட்சியின் பெயரில் ‘படை’ என்ற வார்த்தை இடம்பெறவுள்ளதாம்.
விரைவில் ‘கொடி பறக்கும்’..
Rajinis new political party Symbol flag Party office updates