தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
இதில் படத்தின் நாயகன் அஜய், நாயகி அபிநயா, பேபி சாதன்யா, பழனி, பாடகர் தாமஸ் ஆண்ட்ரூஸ் மற்றும் இயக்குநர் மைக்கேல் அருண் உள்ளிட்டோர் கலந்துகொண்டனர்.
இவர்களுடன் ‘டத்தோ’ ராதாரவி, ஒளிப்பதிவாளரும் நடிகருமான நட்ராஜ், இசையமைப்பாளர் சங்கர்கணேஷ், தயாரிப்பாளரும் நடிகருமான ஆர்.கே.சுரேஷ், இயக்குநர்கள் மீரா கதிரவன், மிஷ்கின், கிருத்திகா உதயநிதி, அறிவழகன் ஆகியோர் சிறப்பு விருந்தினகர்ளாக கலந்து கொண்டனர்.
விழாவில் ராதாரவி பேசியதாவது…
“இப்படத்தின் நாயகி அபிநயாவை நான் நேரில் சந்தித்திருக்கிறேன்.
அவரை நான் நடிகர் சங்கத்தில் ஆயுட்கால உறுப்பினாராக சேர்த்து இருக்கிறேன்.
அவர் மிகவும் திறமையான பெண்.
என் தந்தை எம். ஆர். ராதாவின் குரல் கரகரப்பாக இருக்கும். ஆனால் அதற்கே இசையமைத்தவர் சங்கர் கணேஷ்.
அவர் இங்கே வந்திருப்பது மகிழ்ச்சி.
அதுபோல் இங்கு வந்திருக்கும் நட்ராஜ் நல்ல உயரமான திறமையான நடிகர்.
அவர் இப்போ ஒல்லியாக இருக்கிறார். ஏன்? என்று கேட்டேன்.
அதற்கு அவர் அடுத்த படத்திற்காக இந்த முயற்சியில் இறங்கியிருப்பதாக சொன்னார்.
இவரைப் போல நிறைய நடிகர்கள் சிக்ஸ்பேக் வைக்கிறார்கள்.
ஆனால் எம்ஜிஆர் சிவாஜி எல்லாம் உடம்பை குறைக்கவும் இல்லை. ஏற்றவும் இல்லை. அவர்கள் நன்றாக நடிக்கவில்லையா?
உடம்பை ஏற்றி இறக்கிய சில ஹாலிவுட் நடிகர்கள் இன்றைய நிலையை பார்த்தால் பாவமாக இருக்கிறது.
சினிமாவுக்காக இப்படி செய்கிறீர்கள். ஆனால் உங்கள் உடலையும் ஆரோக்கியத்தையும் பார்த்துக் கொள்ளுங்கள்” என்று பேசினார்.
