தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
புகை பிடித்தல் பெருங்குற்றம். உடல் நலத்திற்கு தீங்கானது என நொடிக்கு ஒரு முறை சொன்னாலும் சிகரெட் பிடிப்பவர்களை திருத்தவே முடியாது.
அதுவும் இன்றைய இளைஞர்கள் 18 வயதிற்கு முன்பே இதற்கு அடிமையாகிவிடுகிறார்கள்.
அதற்கு ஒரு சிலர் கூறும் காரணம் சினிமாவில் எங்கள் ஹீரோ புகைப்பிடிக்கிறார் என்பதுதான்.
நடிகர் ரஜினியால் இந்த பழக்கம் அதிகம் பேரிடம் உள்ளது என்று ஒரு சர்வே ரிப்போர்ட் சொல்ல பாமக. கட்சியினர் இதற்கு எதிர்ப்பு தெரிவித்தனர்.
மேலும் ரஜினி புகைப்பிடிக்கும் காட்சிகளில் நடிப்பதை தவிர்க்க வேண்டும் என கேட்டுக் கொண்டனர்.
இதனால் ரஜினி அண்மைக்காலமாக புகைப்பிடிக்கும் காட்சிகளில் நடிப்பதில்லை.
ரஜினிக்கு அடுத்த இடத்தில் உள்ள நடிகர் விஜய்யோ புகைப்பிடிக்கும் காட்சிகளில் அதிகம் நடித்து வருகிறார். அண்மையில் வெளியான சர்கார் படத்தில் இதுபோன்ற நிறைய காட்சிகள் இருந்தன.
இந்நிலையில் பாமக நிறுவனர் ராமதாஸ் அவர்கள் நடிகர் சங்கத் தலைவர் நாசருக்கு ஒரு கடிதம் மூலம் கோரிக்கை வைத்துள்ளார்.
அதில்… பொதுநலன் கருதி திரைப்படங்களில் புகைப்பிடிக்கும் காட்சிகளுக்கு நடிகர் சங்கம் தடை விதிக்க வேண்டும் என வேண்டுகோள் விடுத்துள்ளார்.
PMK Ramadoss request Nadigar Sangam to ban Smoking scenes in movies