தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
விஜய் டிவியில் ஒளிபரப்பாகி வரும் சீரியல் பாண்டியன் ஸ்டோர்ஸ்.
இந்த சீரியலில் முல்லை என்ற கேரக்டரில் நடித்து ரசிகர்களை கவர்ந்து வருபவர் சித்ரா. 1992ம் ஆண்டு மே 2ஆம் தேதி பிறந்தவர்.
இவர் நடிகையாவதற்கு முனபு நிகழ்ச்சி தொகுப்பாளினியாக இருந்தார்.
2013ம் ஆண்டு மக்கள் தொலைக்காட்சியில் சட்டம் சொல்வது என்ன நிகழ்ச்சியை தொகுத்து வழங்கி தன் சின்னத்திரை பயணத்தை தொடங்கியவர்.
நடனம், மாடலிங் என பல திறமைகளை கொண்டவர். மேலும் சன் டிவியில் ஒளிபரப்பான சின்ன பாப்பா, பெரிய பாப்பா என்ற தொடரில் நடிகை நிரோஷாவுடன் நடித்தும் வந்தார்.
சின்னத்திரையில் இவருக்கென்று தனி ரசிகர் பட்டாளமே உள்ளது.
கடந்த ஆகஸ்ட் மாதம் திருமண நிச்சயதார்த்தம் நடைபெற்றது. திருமணம் விரைவில் நடைபெறவுள்ளது. வருங்கால கணவரின் பெயர் ஹேமந்த் ரவி.
இந்த நிலையில் இன்று அதிகாலை திடீரென தற்கொலை செய்துகொண்டார் சித்ரா. நேற்று நள்ளிரவில் சூட்டிங் முடிந்து அறைக்கு திரும்பியுள்ளார்.
பாண்டியன் ஸ்டோர்ஸ் சித்ரா புகைப்பட ஆல்பம்
அப்போது ரூமில் வருங்கால கணவரும் இருந்துள்ளதாக கூறப்படுகிறது- அதிகாலை பாத்ரூம் சென்றுள்ளார்.
வெகுநேரமாகியும் சித்ரா கதவை திறக்கப்படவில்லை. இதனால் அதிர்ச்சியடைந்த ஹேமந்த் ஓட்டல் நிர்வாகிகளிடம் கூற அவர்கள் கதவை திறந்துள்ளனர்.
அப்போது சித்ரா தூக்கில் தொங்கியதை கண்டுள்ளனர். உடனே காவல்துறைக்கு தகவல் தெரிவிக்கப்பட்டுள்ளது-
தற்கொலைக்கான காரணம் என்ன? என போலீசார் குறித்து விசாரித்து வருகின்றனர்.
தன் சீரியல் துறையில் பிரச்சினையா? வருங்கால கணவருடன் பிரச்னையா, உள்ளிட்ட கோணங்களில் விசாரித்து வருகின்றனர்.
சித்ராவின் திடீர் மறைவுக்கு நடிகைகள், சின்னத்திரை கலைஞர்கள், ரசிகர்கள் இரங்கல் தெரிவித்து வருகின்றனர்.
Pandian Stores fame VJ Actress Chitra suicide