தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
இயக்குனர் திரு.கே.பாக்யராஜ் இயக்கி நடித்த முந்தானை முடிச்சு படத்தில் தவக்களை என்ற கதாபாத்திரத்தை ஏற்று நடித்து காமெடி நடிகராக பிரபலமானவர் சிட்டிபாபு என்ற தவக்களை.
அதனைத் தொடர்ந்து இவர் 500க்கும் மேற்பட்ட படங்களில் நடித்துள்ளார்.
திருமணமான இவருக்கு தற்போது 42 வயதாகிறது. குழந்தை இல்லை.
இந்நிலையில் இன்று காலை சென்னை வடபழனியில் உள்ள தனது இல்லத்தில் காலமானார். அவரது மறைவுக்கு தென்னிந்திய நடிகர் சங்கம் ஆழ்ந்த இரங்கலை தெரிவித்துள்ளது.
அதில் கூறப்பட்டுள்ளதாவது..
தனது இயல்பான நடிப்பினால் ரசிகர்களை கவர்ந்து தனி முத்திரை பதித்தவர். திரு. சிட்டிபாபு என்ற தவக்களை அவர் எதிர்பாராதவிதமாக காலமானதை அறிந்து மிகவும் வேதனையடைகிறோம்.
அவரது மறைவு தமிழ் சினிமாவுக்கும், நடிகர் சமூகத்துக்கும் மிகபெரிய இழப்பாகும். அவரது பிரிவால் வாடும் குடும்பத்தாருக்கு தென்னிந்திய நடிகர் சங்கம் ஆழ்ந்த இரங்கல் தெரிவித்துக்கொள்வதோடு அவரது ஆத்மா சாந்தி பெற பிராத்திக்கிறோம்.
இவ்வாறு நடிகர் சங்கம் இரங்கல் செய்தியில் குறிப்பிட்டுள்ளது.
Munthanai Mudichu fame actor Thavakalai passed away