By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
சாம் ஆண்டன் இயக்கத்தில் ஜி.வி.பிரகாஷ், ஆனந்தி, மொட்டை ராஜேந்திரன், சரவணன், விடிவி கணேஷ் உள்ளிட்டோர் நடித்துள்ள படம் ‘எனக்கு இன்னொரு பேர் இருக்கு’.
படத்தின் நாயகன் ஜி.வி.பிரகாஷே இசையமைத்துள்ள இப்படத்தை லைக்கா நிறுவனம் தயாரித்துள்ளது.
இப்படத்தில் எம்ஜிஆரின் கண்ணை நம்பாதே பாடல் மற்றும் சந்திரபாபுவின் குங்குமப் பூவும் கொஞ்சும் புறாவே ஆகிய பாடல்களை ரீமிக்ஸ் செய்துள்ளனர்.
இதுகுறித்து பத்திரிகையாளர்கள் சந்திப்பில் ஜிவி. பிரகாஷ் கூறியதாவது…
நான் கடந்த 10 ஆண்டுகளில் இதுவரை 50 படங்களுக்கு இசையமைத்துவிட்டேன்.
ஆனால் இதுவரை எந்த ஒரு பழைய பாடலையும் ரீமிக்ஸ் செய்யவில்லை. ஆனால் அந்த ஆசை வெகுநாளாக இருந்தது.
எனவே மற்ற நடிகர்களின் படங்களில் பயன்படுத்துவதை விட, என்னுடைய படத்தில் பயன்படுத்த நினைத்தேன்.
கண்ணை நம்பாதே என்ற எம்ஜிஆரின் பாடல் எனக்கு மிகவும் பிடிக்கும். எனவே அதை கொஞ்சம் மாற்றி காலேஜ் கானா பாடலாக போல வைத்துள்ளோம். கானா பாலா இப்பாடலை பாடியிருக்கிறார்.
மற்றபடி யாரையும் அவமானப்படுத்தவும் அவமதிக்க வேண்டும் என்ற எண்ணம் இல்லை. யார் மனமாவது புண்பட்டு இருந்தால் மன்னிக்கவும்.” என்றார்.
