தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ் சினிமாவில் குழந்தை நட்சத்திரம் ஆக அறிமுகமானவர் மீனா.
1980களில் குழந்தை நட்சத்திரமாக ‘அன்புள்ள ரஜினிகாந்த்’ என்ற படத்தில் நடித்தவர் மீனா.
அதன் பின்னர் வளர்ந்து ரஜினிக்கே ஜோடியானார். எஜமான், வீரா, முத்து ஆகிய படங்களில் ரஜினிக்கு ஜோடியாக நடித்து ரசிகர்களின் பெரும்பான்மையான ஆதரவை பெற்றவர் மீனா.
மேலும் கமல், விஜயகாந்த், சத்யராஜ், பாக்யராஜ், கார்த்தி, முரளி, சரத்குமார், அஜித், விஜய், பிரசாந்த் ஆகியோருடனும் இணைந்து பணியாற்றியுள்ளார் மீனா.
தமிழ் சினிமாவை போல தெலுங்கிலும் மலையாளத்திலும் மீனாவுக்கு அதிக அளவில் ரசிகர்கள் உள்ளனர். மம்முட்டி, மோகன்லால், சிரஞ்சீவி, வெங்கடேஷ் ஆகியோருக்கும் ஜோடியாக நடித்திருக்கிறார் மீனா.
மீனாவின் மகள் நைனிகாவும் தற்போது குழந்தை நட்சத்திரமாக சினிமாவில் நடித்து வருகிறார்.
இந்த நிலையில் நடிகை மீனா தனது சினிமா பயணத்தில் 40 ஆண்டுகளை கடந்துள்ள நிலையில் அவரை கௌரவிக்க விழா எடுக்க திட்டமிட்டு இருக்கிறாரா நடன இயக்குனர் கலா.
இதற்கான (மீனா 40) அறிவிப்பு விரைவில் வெளியாகும் என எதிர்பார்க்கப்படுகிறது.
இந்த விழாவில் ரஜினி கமல் உள்ளிட்ட பல நட்சத்திரங்களையும் அழைத்து மீனாவுக்கு பாராட்டு விழா நடத்த திட்டமிட்டுள்ளாராம்.
கூடுதல் தகவல்..
சமீபத்தில் தன் கணவரை கொரோனா தொற்றால் இழந்த நடிகை மீனா அதிலிருந்து தற்போது மெல்ல மெல்லமாக மீண்டு சினிமாவில் நடிக்க ஆர்வம் காட்டி வருகிறார் என்பது குறிப்பிடத்தக்கது.
Meena completes 40 years in the film industry