தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
குளோபல் பிலிம்ஸ் சார்பில் தொழிலதிபர் டில்லி ஆர்.சிவா தயாரித்துள்ள படம் ‘இதுக்குத்தான் நான் அப்பவே சொன்னேன்’.
மகேந்திரன் ஹீரோவாக நடிக்கும் இப்படத்தில் புதுமுகம் திவ்யா ஹீரோயினாக நடிக்கிறார்.
இவர்களுடன் ‘நான் கடவுள்’ ராஜேந்திரன், இமான் அண்ணாச்சி, கிரேன் மனோகர், ‘லொள்ளு சபா’ மனோகர், மூர்த்தி, ஈ. ராமதாஸ், நெல்லை சிவா, ஆகியோரும் நடித்துள்ளனர்.
இப்படத்திற்கு கதை, திரைக்கதை, வசனம் எழுதி ஏ.ஆர். சிவா இயக்குனராக அறிமுகமாகிறார்.
படம் குறித்து இயக்குனர் ஏ.ஆர். சிவா கூறுகையில்…
”நண்பர்கள் மூவருடன் ஊரில் சுற்றிக்கொண்டு இருப்பவர் மகேந்திரன். இவர்கள் சீரியசாக செய்யும் வேலைகள் எல்லாம் காமெடியில் முடியும்.
இதனால் இவர்களின் அட்டூழியங்களை தாங்க முடியாமல் மக்கள் பரிதவிக்கின்றனர்.
மகேந்திரனுக்கு தனது மகளை திருமணம் செய்து வைத்து அவனது சேட்டைகளுக்கு முடிவு கட்ட நினைக்கிறார் அவரது தாய்மாமன்.
திருமணம் செய்து கொண்டால் தனது சுதந்திரமே பறிபோய் விடுமே என்று எண்ணி மாமாவிடம் கல்யாணம் வேண்டவே வேண்டாம் என்று கூறுகிறார்.
அதற்கு அவரது மாமாவோ, “நான் சொல்ற வேலைய வெற்றிகரமாக முடித்தால் கல்யாணத்தை நிறுத்தி விடுகிறேன், முடிக்கவில்லை என்றால் என் மகளை உனக்கு கட்டி வைத்து விடுவேன்” என்று கூற, அதன் பிறகு நடக்கும் சம்பவங்களை மிகுந்த நகைச்சுவையுடன் கூறியிருக்கிறோம்” என்றார்.
Mahendran starring Ithukkuthana Naan Appave Sonnen movie news updates